ARYNews.tv | Urdu – Har Lamha Bakhabar

Tag: bakhar

  • پنجاب میں بچی سے مبینہ زیادتی، لیگی ایم پی اے پر ملزمان کی حمایت کا الزام

    پنجاب میں بچی سے مبینہ زیادتی، لیگی ایم پی اے پر ملزمان کی حمایت کا الزام

    لاہور: پنجاب میں حوا کی ایک اور بیٹی کو درندگی کا نشانہ بنا دیا گیا، بھکر میں اغوا کے بعد بچی سے نو دن تک مسلسل زیادتی کی گئی جس میں لیگی ایم پی اے کا مبینہ طور پر ملزمان کا ساتھ دینے کا انکشاف ہوا ہے۔

    تفصیلات کے مطابق بھکر کے علاقے وِگ میں ’پروین‘ نامی بچی کو ملزمان نے شادی کی تقریب سے اغوا کیا بعد ازاں ننھی کلی کے ساتھ نو دن تک مسلسل زیادتی کی گئی تاہم زیادتی ثابت ہونے کے باوجود پولیس ابتدائی طور پر کارروائی سے گریز کرتی رہی۔

    زیادتی کے بعد مقامی ایم پی اے کے دباؤ پر پہلےتو پولیس مقدمہ درج کرنے سے انکارکرتی ہی پھر ایف آئی آر کاٹ کر لڑکی کو ڈھونڈے سے انکار کر دیا تاہم بیٹی کی بازیابی کے لئے والدین ن لیگی ایم پی اے غضنفر عباس چھینہ کے پاس پہنچے تو ایم پی اے نے فیصلہ پنچائیت سے کرانے کی تجویزدی۔

    بورے والا میں 13 سالہ لڑکا زیادتی کے بعد قتل ، وزیراعلیٰ پنجاب کا نوٹس

    بعد ازاں پنچائیت نے بھی روایتی بےحسی کا مظاہرہ کیا اور مظلوم خاندان کے خلاف فیصلہ دے دیا جس میں کہا گیا کہ اگر متاثرہ خاندان نے عدالت سے رجوع کیا تو دس لاکھ روپے جرمانہ ادا کرنا ہوگا جس کے بعد پولیس نے بھی پنچائیتی فیصلےکو بنیاد بنا کر جعل سازی کے مقدمہ بھی خارج کردیا۔

    پنجاب میں دو بچوں سے مبینہ زیادتی، پولیس اہلکارسمیت چارگرفتار

    خیال رہے کہ فیصلے کے بعد بچی بازیاب ہوئی تو مجسٹریٹ کےحکم پر طبی معائنہ کرایا گیا جس میں زیادتی ثابت ہوگئی، مظلوم والدین رپورٹ لے کر تھانے پہنچےاور ملزمان کیخلاف کارروائی کی درخواست کی پولیس نے جواب دیامقدمہ تو خارج ہوچکا اب کارروائی نہیں ہوسکی البتہ متاثرہ خاندان نےچیف جسٹس اور وزیراعلیٰ پنجاب سے انصاف دلانے کی اپیل کی ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پرشیئر کریں۔

  • لعنت دینے والوں میں ہمت ہے تو اسمبلی توڑکردکھائیں، شاہد خاقان عباسی

    لعنت دینے والوں میں ہمت ہے تو اسمبلی توڑکردکھائیں، شاہد خاقان عباسی

    بھکر : وزیراعظم شاہد خاقان عباسی نے کہا ہے کہ مجھے صوبائی اسمبلیاں توڑنے کی دھمکیاں دی گئی ہیں اور لعنت دینے والوں میں ہمت ہے تو اس دھمکی پرعمل کر کے بھی دکھائیں پتہ لگ جائے گا سیاست کیا ہوتی ہے۔

    ان خیالات کا اظہار انہوں نے بھکر میں عوامی اجتماع سے خطاب کرتے ہوئے کیا، وزیر اعظم کا کہنا تھا کہ ہم کسی پر لعنت بھیجنے کی سیاست نہیں کرتے۔

    میں لعنت بھیجنے والوں کو چیلنج کرتا ہوں کہ وہ قومی اسمبلی میں تحریک عدم اعتماد لا کر دکھائیں، ن لیگ کا پیغام محبت ہے جبکہ مخالفین کا پیغام لعنت ہے، اب فیصلہ عوام نے کرنا ہے کہ انہیں کس کا پیغام چاہئے۔

    انہوں نے کہا کہ مخالفین صوبائی اسمبلیاں توڑ کرعوام کے پاس جائیں، پتہ لگ جائے گا کہ سیاست کیا ہوتی ہے، ن لیگ نے ہمیشہ صوبوں کو ملانے کی بات کی ہے اور کبھی تفریق کی بات نہیں کی، عوام کو ملک کے تمام صوبوں میں ن لیگ کے منصوبے نظر آئیں گے۔

    وزیر اعظم نے لاہور میں متحدہ اپوزیشن کے احتجاجی جلسے پرکڑی تنقید کرتے ہوئے کہا کہ لاہور مال روڈ کا جلسہ سب نے دیکھا جہاں تقریر کرنے والے زیادہ اور سننے والے بہت کم تھے۔

    مزید پڑھیں: پارلیمنٹ پر لعنت بھیجنے کا بیان، شیخ رشید اورعمران خان کیخلاف مذمتی قرارداد منظور

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔ 

  • غریب کسانوں کا قطری شہزادوں کے خلاف احتجاج

    غریب کسانوں کا قطری شہزادوں کے خلاف احتجاج

    بھکر: تلور کا شکار کرنے پر کسانوں نے قطری شہزادے جاسم کی خیمہ بستی کے باہر پرامن احتجاج شروع کیا تو انتظامیہ نے مظاہرین کو منتشر کرنے کے لیے پولیس کو طلب کرلیا جس کے بعد پولیس نے کسانوں پر شیلنگ کی اور لاٹھی چارج کیا اور انہیں منتشر کیا۔

    تفصیلات کے مطابق بھکر میں تلور کا شکار کرنے پر لوگ شہزادہ جاسم کی خیمہ بستی  پہنچے توپولیس مشتعل مظاہرین پر ٹوٹ پڑی اور ڈنڈے برسائے اور مظاہرین کو منتشر کرنے کی کوشش کی۔

    پولیس کی جانب سے کسانوں کو منتشر کرنے کے لیے لاٹھی چارج اور شیلنگ کی گئی،مقامی کسان جو  تلور کے شکار کے باعث فصلوں کی تباہی کا حساب لینے آئے تھے  وہ قطری شہزادے کے خیمے کے پاس سے ہٹ گیے۔

    یہ بھی پڑھیں: قطری شہزادے سو تلورشکارکرسکیں گے

    مظاہرین کا کہنا تھا کہ قطری شاہی خاندان کے بارہ افراد تلور کے شکار کے لیے اُن کی زمینوں پر موجود ہیں جس کے باعث ان کی فصلیں تباہ ہورہی ہیں‘ حکومت فوری طور پر شکار کا یہ عمل روکے۔

     قطری شہزادوں کے شکار کے خلاف آنے والے کسانوں کو منتشر کرنے کے لیے پولیس نے لاٹھیاں برسائیں اور شیلنگ کی جس کے باعث کئی کسان زخمی ہوگئے۔

  • گھریلو جھگڑے میں شوہرنے بیوی کو زندہ جلا کرمارڈالا

    گھریلو جھگڑے میں شوہرنے بیوی کو زندہ جلا کرمارڈالا

    بھکر: نواحی علاقہ کمال تھیہم میں خاوند نے مبینہ طور پر بیوی کوآگ لگا کر زندہ جلا دیا لاش پوسٹ مارٹم کیلے ڈی ایچ کیو منتقل کر دی گئی، پولیس وقوعہ کی تفتیش میں مصروف ہے۔

    تفصیلات کے مطابق بھکر تھانہ صدر کی حدود کے علاقہ کمال تھیہم میں یوسف نامی شخص نے گھریلو جھگڑے کے دوران طیش میں آکر آگ لگا کر اپنی بیوی صدف مسکان کو مبینہ طور پر قتل کر دیا۔

    واقعہ کی اطلاع ملتے ہی پولیس موقع پر پہنچ گئی اورلاش کو قبضہ میں لے کر پوسٹ مارٹم کیلے ڈی ایچ کیو منتقل کر دیا گیا ہے۔

    پولیس ذرائع کے مطابق مبینہ ملزم یوسف کی یہ پانچویں بیوی ہے اورملزم نے اس سے قبل چار شادیاں پہلے بھی کی ہوئی تھیں۔

    پولیس کا کہنا ہے کہ مقتولہ صدف مسکان کے لواحقین کا ابھی تک کوئی پتہ نہیں چل سکا، مذکورہ ملزم چارماہ قبل خاتون کو صوبہ خیبر پختونخوا سے بیاہ کرلایا تھا ،پولیس کے مطابق خاتون کو دو دن قبل آگ لگا ئی گئی تھی۔

     

  • جائیداد کا تنازعہ: ملزم کا بہن اور بہنوئی پر قاتلانہ حملہ

    جائیداد کا تنازعہ: ملزم کا بہن اور بہنوئی پر قاتلانہ حملہ

    بکھر: جائیداد کے تنازعہ پر سفاک ملزم کا چچازاد بہن اور بہنوئی پر قاتلانہ حملہ، بہنوئی موقع پر جاں بحق جبکہ چچازاد بہن شدید زخمی، پولیس نے ملزم کو آلہ قتل سمیت گرفتار کرکے تحقیقات شروع کردی۔

    تفصیلات کے مطابق بکھر کے علاقے محلہ ڈھانڈلہ کے رہائشی عبدالغفار نامی شخص کی اپنی چچازاد بہن خورشید بیگم اور اس کے شوہر شیخ عظمت اللہ پر جائیداد کے تنازعہ پر قاتلانہ حملہ کردیا۔ کلہاڑی کے پے درپے وار سے عظمت اللہ موقع پرجاں بحق ہو گیا، جبکہ خورشید بیگم شدید زخمی ہو گئی۔

    عبدالغفار آج دوپہر کے وقت اپنے ہی پڑوس میں واقع اپنی چچا زاد بہن کے گھر میں داخل ہوا اور ان کو قتل کرنے کے بعد گھر کو باہر سے تالا لگا دیا، بعد ازاں کچھ دیر بعد عبدالغفاردونوں کو مردہ سمجھ کر کلہاڑی سمیت تھانہ سٹی پہنچ گیا اور اعتراف قتل کیا کہ اس نے دو افراد کو قتل کردیا ہے۔

    جس پر ایس ایچ اوتھانہ سٹی فوری طور پر بھاری نفری کے ساتھ جائے وقوعہ پہنچے تو خورشید بیگم کو شدید زخمی حالت میں پایا جسے ریسکیو 1122 کے ذریعے فوری طور پر ڈسٹرکٹ ہیڈ کوارٹر اسپتال روانہ کردیا ۔

    جبکہ عظمت اللہ کی ڈیڈ باڈی کو بھی پوسٹ مارٹم کیلئے ڈسٹرکٹ ہیڈ کوارٹر اسپتال منتقل کردیا گیا ہے ۔ پولیس کے مطابق ملزم کافی عرصہ سے بے روزگار تھااور وہ اکثر خورشید بیگم سے جائیداد کا حصہ طلب کرتا رہتا تھا۔

  • بھکر:ضمنی الیکشن میں انعام اللہ خان نیازی کامیاب

    بھکر:ضمنی الیکشن میں انعام اللہ خان نیازی کامیاب

    بھکر: ضمنی انتخابات میں آزاد امیدوارانعام اللہ نیازی کامیاب رہے،پی پی اڑتالیس میں غیر حتمی اور غیر سرکاری نتائج کے مطابق انعام اللہ نیازی سے معمولی فرق سے سبقت لے گئے۔

    ان کامدمقابل امیدوار احمد نوازخان سے کانٹے کامقابلہ رہا۔ جبکہ طاہرالقادری کے امیدوار نظرعباس زیادہ اچھی کارکردگی نہ دکھاسکے۔ ووٹوں کی گنتی کے دوران امیدواروں کے حامیوں میں سخت کشیدگی رہی۔

    کم فرق کی وجہ سے الیکشن کمیشن سے دوبارہ گنتی کرائی گئی لیکن نتیجہ پھر بھی وہی رہا، جیتنے والے امیدوار کےحامیوں نے خوشی میں بھنگڑے ڈالے اور آتش بازی کی ۔

  • بکھرضمنی الیکشن: بد نظمی کے سائے میں ووٹنگ جاری

    بکھرضمنی الیکشن: بد نظمی کے سائے میں ووٹنگ جاری

    بھکر: ضمنی انتخاب کے دوران قانون کی دھجیاں اڑا دی گئیں اوربدنظمی بھی عروج پرہے۔ تفصیلات کے مطابق بھکرکے حلقہ پی پی اڑتالیس میں ووٹنگ صبح نوبجے سے جاری ہے۔

    کسی پولنگ اسٹیشن سے بدنظمی کی شکایات  مل رہی ہیں توکہیں بوگس ووٹ کاسٹ ہورہے ہیں ، اس کے علاوہ دھاندلی کے الزامات بھی منظرِعام پرآرہے ہیں۔

    الیکشن کےلئے انتخابی عملے کوکوئی تربیت ہی نہیں دی گئی۔ عملے کی تعیناتی کا عمل بھی صرف دوروز پہلے سرانجام دیا گیا۔پولنگ اسٹیشنزپرآنے والی خواتین ووٹرزکا کہنا ہے کہ ایک ووٹردودوبارووٹ کاسٹ کررہا ہے جبکہ بوتھ ہونے کے باوجودخلافِ قانون کھلےعام ووٹ ڈالے جارہے ہیں۔

    یہ نشست مسلم لیگ ن کےایم پی اےنجیب اللہ خان کی وفات کےبعد خالی ہوئی تھی۔

  • دھرنوں اورشہادتوں نے سوئی قوم کو جگا دیا، ڈاکٹرطاہرالقادری

    دھرنوں اورشہادتوں نے سوئی قوم کو جگا دیا، ڈاکٹرطاہرالقادری

    بکھر: ڈاکٹرطاہرالقادری نے کہا ہے کہ نوے دنوں کے دھرنوں اور شہادتوں نے سوئی قوم کو جگا دیا،اور کمزور لوگوں کو طاقتوروں کے سامنے لا کھڑا کیا ۔

    ان خیالات کا اظہارانہوں نے بھکرمیں ایک بہت بڑے جلسہ عام سے خطاب کرتے ہوئے کیا، انہوں نے کارکنوں کو ہدایت کی کہ دریا خان کے ضمنی الیکشن کی تیاری کریں،

    طاہرالقادری نے کہا کہ سترہ جون کو شروع ہونے والی اس تحریک میں تیس شہداء کا لہو بھی شامل ہے اور ان شہداء میں بکھر کے دو شہداء رفیع اللہ اورعبدالحمید کا خون بھی شامل ہےاور ان شہداء کا لہو رائیگاں نہیں جائے گا،انہوں نے کہا کہ 29 نومبر کو دریا خان میں پہلا معرکہ ہوگا۔