ARYNews.tv | Urdu – Har Lamha Bakhabar

Tag: bakhtawar

  • بختاور بھٹو نے اپنے بیٹے کی تصویر بینظیر بھٹو کے ساتھ شیئر کردی

    بختاور بھٹو نے اپنے بیٹے کی تصویر بینظیر بھٹو کے ساتھ شیئر کردی

    دبئی : سابق صدر آصف علی زرداری کی صاحبزادی بختار بھٹو نے اپنے ننھے بیٹے کی اپنی والدہ بینظیر بھٹو کیساتھ تصویر شیئر کردی۔

    تفصیلات کے مطابق سابق صدر آصف علی زرداری اور سابق وزیراعظم بینظیر بھٹو کی صاحبزادی بختاور بھٹو نے سماجی رابطے کی ویب سائٹ ٹوئٹر پر اپنے بیٹے میر حاکم کی اپنی نانی محترمہ بینظیر بھٹو کے ساتھ تصویر شئیر کی۔

    شیئر کی گئی تصویر میں ننھے منےمیر حاکم محبت بھری نظروں سے اپنی نانی شہید محترمہ بینظیر بھٹو کی تصویرکو دیکھ رہے ہیں، تصویر میں میر حاکم شاید اپنی والدہ کی گود میں موجود ہیں۔

    یاد رہے بختار بھٹو اکثر اپنے بیٹے کی تصاویر سوشل میڈیا پر شیئرکرتی رہی ہیں ، اس سے قبل بختار بھٹو نے انسٹاگرام اسٹوری میں بیٹے کی نئی تصویر شیئر کی تھی ، جس میں وہ ننھے بیٹے حاکم محمود چوہدری کو گود میں اٹھائی ہوئی تھیں۔

  • بختاور بھٹو کی شادی کا لباس کس طرح تیار کیا گیا؟

    بختاور بھٹو کی شادی کا لباس کس طرح تیار کیا گیا؟

    سابق وزیر اعظم بے نظیر بھٹو اور سابق صدر آصف علی زرداری کی صاحبزادی بختاور بھٹو کی شادی کا لباس تیار کرنے والی ڈیزائنر وردہ سلیم کا کہنا ہے کہ لباس کی تیاری میں مقامی مارکیٹ میں موجود سب سے عمدہ اور نفیس معیار کا سامان استعمال کیا گیا۔

    بختاور بھٹو 29 جنوری کو صنعت کار محمود چوہدری سے رشتہ ازدواج میں منسلک ہوئی تھیں، ان کی شادی کا سنہری لباس پاکستانی ڈیزائنر وردہ سلیم نے تیار کیا تھا۔

    برطانوی نشریاتی ادارے بی بی سی اردو سے بات کرتے ہوئے وردہ سلیم نے اس لباس کے بارے میں بتایا۔

    انہوں نے بتایا کہ بختاور بھٹو کے لباس کی تیاری میں بھی مقامی مارکیٹ میں موجود سب سے عمدہ اور نفیس معیار کا سامان استعمال کیا گیا۔

    وردہ کا کہنا تھا کہ نکاح کے لباس کی تیاری میں پرلز، ریشم کی تار، سلور اور گولڈ زری کی تار، فرنچ ناٹس، زردوزی کا کام اور سلور اور گولڈ لیدر کا کام کیا گیا، جوڑے کا کپڑا بھی ہاتھ سے تیار کردہ شیفون ہے جو کہ مقامی سطح پر تیار کیا جاتا ہے۔

    بختاور کے نکاح کی تقریب کی تصاویر جاری ہونے کے بعد سے سوشل میڈیا پر کہا جارہا تھا کہ بختاور بھٹو کے لباس پر سونے کی تاروں سے کام ہوا تھا اور اس میں ہیرے جڑے ہوئے تھے۔

    علاوہ ازیں یہ بھی کہا جارہا تھا کہ بختاور بھٹو کے نکاح کا لباس مہنگا ترین تھا اور اس کی قیمت کروڑوں میں تھی۔

    تاہم اب وردہ سلیم کا کہنا تھا کہ بختاور بھٹو کے لباس میں نہ سونے کی تار استعمال ہوئی اور نہ ہیرے جڑے ہیں، تاہم یہ جان کر خوشی ہوئی کہ کام ہی اتنا نفیس تھا کہ لوگوں کو یہ گمان ہوا اور یہ ایک طرح سے ہماری تعریف ہے۔

    انہوں نے بتایا کہ اس لباس کی تیاری میں 45 کاریگروں نے حصہ لیا اور 7 ہزار گھنٹوں سے زائد وقت یعنی لگ بھگ 6 سے 7 ماہ لگے اور اس دوران 2 سے 3 ماہ ڈبل شفٹس میں 24 گھنٹے بھی کام کیا گیا۔

  • بختاوربھٹو کی مہندی کے دوپٹے پر کیا لکھا تھا؟

    بختاوربھٹو کی مہندی کے دوپٹے پر کیا لکھا تھا؟

    سابق وزیر اعظم بے نظیر بھٹو اور سابق صدر آصف علی زرداری کی بیٹی بختاور زرداری رشتہ ازدواج میں منسلک ہوگئیں اور اپنی زندگی کے اس اہم موقع پر وہ اپنی والدہ کو نہ بھول سکیں۔

    بختاور زرداری صوبہ پنجاب کے ایک صنعت کار محمود چوہدری سے 29 جنوری کو شادی کے بندھن میں بندھیں اور تب سے ان کی شادی کی مختلف تصاویر سوشل میڈیا پر وائرل ہورہی ہیں۔

    بختاور کی شادی کے ملبوسات بھی اس وقت زیر بحث ہیں۔

    نکاح کے موقع پر بختاور نے فیشن ڈیزائنر وردہ سلیم کا تیار کردہ لباس پہنا تھا، جو گولڈن اور پنک رنگوں کے امتزاج سے تیار کیا گیا تھا، نکاح کی تصاویر ان کے بھائی بلاول بھٹو نے اپنے ٹویٹر پر جاری کیں۔

    اب بختاور نے خود بھی اپنے انسٹاگرام پر نکاح اور مہندی کی تقریب اور اس میں پہنے جانے والے ملبوسات کی تصاویر شیئر کی ہیں اور ان میں دیکھا جاسکتا ہے کہ اس موقع پر بختاور نے اپنی والدہ کو بے حد یاد کیا۔

    بختاور کی مہندی کا لباس ڈیزائنر زارا شاہجہاں نے تیار کیا تھا، ان کے دوپٹے پر ایک اردو نظم وہ لڑکی لال قلندر تھی کے اشعار سنہری دھاگوں سے کڑھے ہوئے تھے، یہ نظم ان کی والدہ نے نظیر بھٹو کے لیے پڑھی جاتی ہے۔

     

    View this post on Instagram

     

    A post shared by Zara Shahjahan (@zarashahjahan)

  • بختاور کا نکاح، بلاول بھٹو نے تصاویر شیئر کر دیں

    بختاور کا نکاح، بلاول بھٹو نے تصاویر شیئر کر دیں

    کراچی: پاکستان پیپلز پارٹی کے چیئرمین بلاول بھٹو زرداری نے اپنی بہن بختاور کے نکاح کی تصاویر شیئر کر دیں۔

    اے آر وائی نیوز کے مطابق بلاول بھٹو نے ٹویٹر پر ایک پوسٹ میں بہن بختاور کے نکاح کی تصاویر شیئر کی ہیں، بلاول نے شادی کو طویل عرصے بعد آنے والا خوشیوں کا لمحہ قرار دیا۔

    ٹویٹ میں بلاول نے لکھا میری بہن بختاور بھٹو زرداری کی شادی ایک طویل عرصے بعد آنے والا خوشیوں کا لمحہ ہے، مجھے ایسا لگا کہ مسرت کے اس لمحے میں میری والدہ ہمیں دیکھ رہی ہیں۔

    بلاول نے نئے جوڑے کو مبارک باد بھی دی، لکھا ’میری جانب سے دونوں کو ایک ساتھ نئی زندگی کی ابتدا مبارک ہو۔‘

    واضح رہے کہ آج شام بلاول ہاؤس کراچی میں بختاور بھٹو محمود چوہدری کے ساتھ نکاح کے بندھن میں بندھ گئیں، بختاور بھٹو کا نکاح مولانا غلام محمد بخش نے پڑھایا، ان کا تعلق ٹھٹھہ سے ہے۔

    نکاح کی تقریب میں آصف زرداری، بلاول بھٹو اور آصفہ بھٹو سمیت بھٹو خاندان، چوہدری خاندان، اور زرداری خاندان کے افراد نے شرکت کی۔

    طویل عرصے بعد بلاول ہاؤس شہنائیوں کی آوازوں سے گونج اٹھا، دلہا محمود چوہدری اپنے اہل خانہ کے ساتھ سفید لینڈ کروزر میں بلاول ہاؤس پہنچے تھے، ایک گاڑی میں پھولوں کے ہار اور گلدستوں کا ڈھیر تھا جب کہ دوسری میں بینڈ باجے کا انتظام کیا گیا تھا۔

  • آصف زرداری کی بیٹی بختاور کی منگی طے

    آصف زرداری کی بیٹی بختاور کی منگی طے

    کراچی: پاکستان پیپلز پارٹی کے شریک چیئرمین آصف علی زرداری اور شہید بے نظیر بھٹو کی صاحب زادی بختاور کی منگنی رواں ماہ کی 27 تاریخ کو طے ہو گئی۔

    اے آر وائی نیوز کے مطابق بے نظیر بھٹو شہید کی بڑی صاحب زادی بختاور بھٹو کی منگنی 27 نومبر کو چوہدری یونس کے صاحب زادے محمود سے ہوگی۔

    منگنی کی تقریب بلاول ہاؤس کراچی میں ہوگی، مہمانوں کو منگنی کے دعوت نامے بھی بھجوا دیےگئے، بختاور کے منگیتر محمود، یونس چوہدری کے صاحب زادے ہیں۔

    دعوت نامے میں مہمانوں کو خصوصی ہدایت کی گئی ہے کہ تقریب میں شرکت سے قبل کرونا ٹیسٹ لازمی کروائیں گے، اور اس کی رپورٹ 24 گھنٹے قبل بلاول ہاؤس کراچی کو بھجوائی جائے گی۔

    مہمانوں کو یہ ہدایت بھی کی گئی ہے کہ وہ تقریب کے دوران اپنا موبائل فون استعمال نہیں کریں گے، سیل فون تقریب میں لے جانے کی اجازت نہیں ہوگی۔ تقریب میں آفیشل فوٹو گرافر ہی کو منگنی کی تصاویر لینے کی اجازت ہوگی، مہمانوں کو بھی وہی تصاویر دی جائیں گی۔

    تقریب میں محدود تعداد میں مہمانوں کو شرکت کی دعوت دی گئی ہے۔

    بلاول ہاؤس کراچی سے بھی اس سلسلے میں اعلامیہ جاری ہو گیا ہے، جس میں بختاور بھٹو کی منگنی کی تصدیق کی گئی ہے، آصف زداری کا کہنا ہے کہ بختاور بھٹو کا رشتہ محمود چوہدری سے طے پایا ہے۔

  • بختاوراورآصفہ بھٹو زرداری کی عرفان اللہ مروت پرکڑی تنقید

    بختاوراورآصفہ بھٹو زرداری کی عرفان اللہ مروت پرکڑی تنقید

    کراچی : پیپلزپارٹی نے لیگی رہنما عرفان اللہ مروت کی پیپلز پارٹی میں شمولیت کی تردید کردی۔ سوشل میڈیا پر لیگی رہنما پرالزامات کا انکشاف ہونے کے بعد بختاور بھٹو اورآصفہ بھٹو زرداری نے شدید رد عمل ظاہرکیا ہے۔

    سماجی رابطےکی ویب سائٹ ٹوئیٹر پر اپنے پیغام میں ان کا کہنا تھا کہ ایسے بیمار ذہن شخص کو جیل میں ہونا چاہئیے اس پارٹی میں نہیں کہ جس کی سربراہ ایک خاتون رہی ہو۔

    بختاور بھٹو زرداری کا یہ ٹوئیٹ لیگی رہنما عرفان اللہ مروت کیلیے تھا جن سے متعلق خبریں گرم تھیں کہ وہ پی پی میں شامل ہوگئے ہیں۔

    بختاوربھٹو نے جس ٹوئیٹ پرردعمل ظاہر کیا اس میں لکھا تھا کہ عرفان اللہ مروت زیادتی کیس میں ملوث ہیں، ان پر ذوالفقار بھٹو کے سپورٹر کی بیٹی سے بد سلوکی کرانے کا الزام ہے۔

    آصفہ بھٹو زرداری نے بھی ٹوئیٹ میں کہا کہ عرفان اللہ مروت کو پیپلز پارٹی میں نہیں ہونا چاہیے، پارٹی کا بنیادی اقدار خواتین کی عزت کرنا ہے غیر قانونی اقدامات قابل مذمت ہیں۔

    دوسری جانب پیپلزپارٹی ذرائع نے بھی عرفان اللہ مروت کی پارٹی میں شمولیت کی واضح الفاظ میں تردید کردی ہے، ذرائع کے مطابق عرفان اللہ مروت کو پیپلز پارٹی میں شامل کرنے کا کوئی فیصلہ نہیں کیا گیا۔

    یاد رہے کہ آج کے بعض اخبارات میں شائع ہونے والی خبر میں عرفان االہ مروت نے شریک چیئرمین پی پی آصف زرداری سے ملاقات کرکے پیپلز پارٹی میں شمولیت کا اعلان کیا تھا۔

  • پیپلز پارٹی متحد ہے، بلاول بھٹو کا ٹوئیٹ

    پیپلز پارٹی متحد ہے، بلاول بھٹو کا ٹوئیٹ

    کراچی: چیئرمین پیپلزپارٹی بلاول بھٹو زرداری نے کہا ہے کہ پیپلز پارٹی متحد ہے۔

    سماجی رابطے کی ویب سائٹس ٹویئٹر پر اپنے تازہ ٹویئٹ میں پاکستان پیپلز پارٹی کے چیئرمین  بلاول بھٹو زرداری کا کہنا تھا کہ پاکستان پیپلزپارٹی پارٹی قیادت کے خلاف بولنے والے پارٹی کے دوست نہیں ہوسکتے۔

    بلاول بھٹو نے کہا کہ پیپلز پارٹی متحد ہے، قیادت کے خلاف بولنے والے پیپلز پارٹی کے خیر خواہ نہیں ہوسکتے۔

    واضح رہے کہ چند روز قبل ایک بیان میں ذوالفقار مرزا نے کہا ہے کہ وہ صرف بلاول بھٹو کو لیڈر مانتے ہیں ، بلاول بھٹو کو سیاست میں آنے سے کوئی نہیں روک سکتا۔

    ان کا کہنا تھا کہ بلاول بھٹو سندھ حکومت کی کارکردگی سے خوش نہیں ہیں۔ بلاول بھٹو سابق آصف زرداری سے ناراض ہیں۔

  • پارلیمنٹ نے اپنی ناک کٹوالی ہے، بلاول بھٹو کا ٹوئٹ

    پارلیمنٹ نے اپنی ناک کٹوالی ہے، بلاول بھٹو کا ٹوئٹ

    کراچی: پاکستان پیپلز پارٹی کے چیئرمین بلاول بھٹو زرداری نے کہا ہے کہ پارلیمنٹ نے 21 ویں آئینی ترمیم منظور کر کے اپنی ناک کٹوا لی ہے۔

    سماجی رابطوں کی ویب سائٹ ٹویٹر پر جاری پیغام میں ان کا کہنا تھا کہ پارلیمنٹ نے اپنے چہرہ بچانے کیلئے یہ ترمیم منظور کی ہے۔

    واضح رہے کہ سینیٹ اور قومی اسمبلی میں پیپلز پارٹی کی اکثریت ارکان سمیت خود پیپلز پارٹی کے شریک چیئرمین اور سابق صدر آصف علی زرداری نے بھی بغیر کسی اعتراز کے اکیسویں آئینی ترمیم کی حمایت کی ہے۔

    جبکہ پیپلز پارٹی کے سینیٹر رضاربانی اور اعتزاز احسن نے اکیسویں آئینی ترمیم کو غیر جمہوری قرار دیا تھا، گزشتہ روز سینیٹ کےاجلاس سے خطاب میں سینیٹر رضا ربانی آبدیدہ ہوگئے تھے ،ان کا کہنا تھا بارہ سال میں اتنا شرمندہ نہیں ہوا جتنا آج ہوں کیونکہ آج 21 ویں آئینی ترمیم میں ضمیر کے خلاف ووٹ دیا ہے۔

  • نابینا افراد پر تشدد شرمناک ہے، بلاول بھٹو زرداری کا ٹوئٹ

    نابینا افراد پر تشدد شرمناک ہے، بلاول بھٹو زرداری کا ٹوئٹ

    کراچی: پاکستان پیپلز پارٹی کے چئیرمین بلاول بھٹو زرداری نے لاہور میں نابینا افراد پر تشدد کو شرمناک قرار دیتے ہوئے واقعے کی انکوائری کا مطالبہ کیا ہے۔

    سماجی ویب سائٹ ٹوئٹر پر اپنے ٹویٹ میں پاکستان پیپلز پارٹی کے چئیرمین بلاول بھٹو زرداری کا کہنا تھا کہ پنجاب پولیس کی جانب سے لاہور میں نابیناافرادپرتشددشرمناک عمل ہے جس کی وہ مذمت کرتے ہیں۔ انہوں نے واقعےکی فوری انکوائری کا مطالبہ کرتے ہوئے کہا کہ انصاف سب کیلئے یکساں ہونا چاہئے، انصاف کی فراہمی میں تفریق سے مسائل پیدا ہوں گے۔

  • بلاول بھٹو زرداری پیپلزپارٹی کے یوم تاسیس میں شرکت نہیں کرینگے

    بلاول بھٹو زرداری پیپلزپارٹی کے یوم تاسیس میں شرکت نہیں کرینگے

    کراچی: بلاول بھٹو زرداری پیپلزپارٹی کے یوم تاسیس میں شرکت نہیں کرینگے، جلسے اور کنونشن میں شریک چیئرمین آصف زرداری شریک ہونگے۔

    ذرائع کے مطابق پیپلزپارٹی کے چئیرمین بلاول بھٹو زرداری پیپلزپارٹی کے یوم تاسیس میں شرکت نہیں کرینگے، تیس نومبر کو بلاول ہاؤس لاہور میں بھی ایک جلسہ ہوگا، جبکہ سندھ، بلوچستان اور خیبرپختونخوا کا کنونشن دو دسمبر کوہوگا، سابق صدر اور پیپلزپارٹی کے شریک چیئرمین آصف علی زرداری جلسے اور کنونشن میں شرکت کرینگے۔