ARYNews.tv | Urdu – Har Lamha Bakhabar

Tag: Bakhtawar bhutto

  • بختاور بھٹو نے سوشل میڈیا پر اپنے بیٹے کی نئی تصویر شیئر کردی

    بختاور بھٹو نے سوشل میڈیا پر اپنے بیٹے کی نئی تصویر شیئر کردی

    دبئی: بینظیر بھٹو اورسابق صدر آصف علی زرداری کی صاحبزادی بختاور بھٹو نے اپنے بیٹے میر حاکم محمود چوہدری کی پیدائش کو ایک ماہ مکمل ہونے پر نئی تصویر سوشل میڈیا پر شیئر کردی۔

    بینظیر بھٹو اورسابق صدر آصف علی زرداری کی صاحبزادی بختاور بھٹو نے اپنے بیٹے میر حاکم محمود چوہدری کی پیدائش کو ایک ماہ مکمل ہونے پر نئی تصویر سوشل میڈیا پر شیئر کردی۔

    تفصیلات کے مطابق بے نظیر بھٹو اور سابق صدر آصف علی زرداری کی صاحبزادی بختاور بھٹو زرداری نے سوشل میڈیا ویب سائٹ انسٹاگرام پر اپنے بیٹے میر حاکم محمود چوہدری کی نئی تصویر شیئر کردی۔

    بختاور بھٹو نے بیٹے کی تصویر شیئر کرتے ہوئے اپنے پیغام میں لکھا ’ماشاءاللّہ! میرا بیٹا ایک ماہ کا ہوگیا ہے۔

    اس سے قبل رواں ماہ کے آغاز میں بختاور بھٹو نے اپنے بیٹے میر حاکم محمود چوہدری کی پیدائش کے ایک ہفتے بعد کی تصویر شیئر کی تھی۔

    یاد رہے بینظیر بھٹو اور سابق صدر آصف علی زرداری کی بیٹی بختاور بھٹو زرداری نے اپنے بیٹے کے نام کا اعلان کرتے ہوئے پیغام میں کہا تھا کہ اپنے بیٹے کا نام “میر حاکم محمود چوہدری” رکھا ہے، بیٹے کا نام میرے مرحوم ماموں ‘میر’ اور میرے دادا ‘حاکم علی زرداری’ کے ناموں پر رکھا گیا ہے۔

    خیال رہے 10 اکتوبر کو بختاور بھٹو زرداری کے ہاں بیٹے کی پیدائش ہوئی تھی ، بختاور نے بیٹے کی پیدائش کا اعلان سماجی رابطے کی ویب سائٹ ٹوئٹر کرتے ہوئے بیٹے کی ولادت پر اللہ کا شکر ادا کیا تھا۔

  • بختاور بھٹو نے اپنے نومولود بیٹے کی تصویر سوشل میڈیا پر شیئر کردی

    بختاور بھٹو نے اپنے نومولود بیٹے کی تصویر سوشل میڈیا پر شیئر کردی

    کراچی: بے نظیر بھٹو اور سابق صدر آصف علی زرداری کی صاحبزادی بختاور بھٹو نے اپنے نومولود بیٹے میر حاکم محمود چوہدری کی تصویر سوشل میڈیا پر شیئر کردی۔

    تفصیلات کے مطابق بے نظیر بھٹو اور سابق صدر آصف علی زرداری کی صاحبزادی بختاور بھٹو زرداری نے سوشل میڈیا ویب سائٹ انسٹاگرام پر اپنے بیٹے میر حاکم محمود چوہدری کی پیدائش کے ایک ہفتے بعد کی تصویر شیئر کردی۔

    یاد رہے چند روز قبل بینظیر بھٹو اور سابق صدر آصف علی زرداری کی بیٹی بختاور بھٹو زرداری نے اپنے بیٹے کے نام کا اعلان کرتے ہوئے پیغام میں کہا تھا کہ اپنے بیٹے کا نام “میر حاکم محمود چوہدری” رکھا ہے، بیٹے کا نام میرے مرحوم ماموں ‘میر’ اور میرے دادا ‘حاکم علی زرداری’ کے ناموں پر رکھا گیا ہے۔

    خیال رہے 10 اکتوبر کو بختاور بھٹو زرداری کے ہاں بیٹے کی پیدائش ہوئی تھی ، بختاور نے بیٹے کی پیدائش کا اعلان سماجی رابطے کی ویب سائٹ ٹوئٹر کرتے ہوئے بیٹے کی ولادت پر اللہ کا شکر ادا کیا تھا

  • بختاور بھٹو کورونا وائرس میں مبتلا

    بختاور بھٹو کورونا وائرس میں مبتلا

    کراچی :سابق وزیر اعظم شہید بے نظیر بھٹو اور سابق صدر آصف علی زرداری کی بیٹی بختاور بھٹو کورونا کا شکار ہوگئیں ، جس کے بعد انھوں نے خود کو قرنطینہ کرلیا ہے۔

    تفصیلات کے مطابق سابق وزیر اعظم بے نظیر بھٹو اور سابق صدر آصف علی زرداری کی بیٹی بختاور بھٹو نے سماجی رابطے کی ویب سائٹ ٹوئٹر پر کورونا میں مبتلا ہونے کی تصدیق کرتے ہوئے کہا 2 اپریل کو کورونا ٹیسٹ مثبت آیا، جس کے بعد خودکوقرنطینہ کرلیا ہے۔

    بختاوربھٹو نے عوام سے گزارش کی کہ ایس اوپیز پر عمل کریں اور ماسک پہنیں اور جوویکسین کےاخراجات برداشت نہیں کرسکتے ان کی مدد کی جائے۔

    یاد رہے گذشتہ سال نومبر میں  پاکستان پیپلز پارٹی کے چیئرمین بلاول بھٹو زرداری نے سماجی رابطے کی ویب سائٹ ٹویٹر پر اپنے ٹویٹ میں تصدیق کی تھی کہ میرا کوویڈ 19 کا ٹیسٹ پازیٹو آگیا ہے، معمولی علامات ہیں ، جس پر خود کو قرنطینہ کرلیا ہے۔

    انہوں نے لکھا تھا کہ وہ گھر سے کام جاری رکھیں گے انہوں نے ہدایت کی کہ سب افراد ماسک ضرور پہنیں۔

  • بختاور بھٹو کی رخصتی کی تقریب آج ہوگی

    بختاور بھٹو کی رخصتی کی تقریب آج ہوگی

    کراچی : بے نظیر بھٹو اور آصف زرداری کی صاحبزادی بختاور بھٹو کی رخصتی کی تقریب آج ہوگی ، شادی کی تقریب میں ملک کی اہم شخصیات وپارٹی رہنما شریک ہوں گے۔

    تفصیلات کے مطابق بے نظیربھٹواور آصف زرداری کی صاحبزادی بختاوربھٹو کی رخصتی کی تقریب آج ہوگی ، اس سلسلے میں بلاول ہاؤس کے ہیلی پیڈ کو رنگ برنگی پنڈال میں سجا دیا گیا ہے۔

    بختاوربھٹوکی رخصتی کی تقریب آج شام 7 بجےشروع ہوگی، شادی کی تقریب میں ملک کی اہم شخصیات وپارٹی رہنما شریک ہوں گے ، تقریب میں شرکت کیلئے مہمانوں کی بڑی تعداد کراچی پہنچ گئی ہے۔

    سابق صدرآصف زرداری اور بلاول بھٹو مہمانوں کا استقبال کریں گے۔

    گذشتہ روز بلاول ہاؤس کراچی میں بختاور بھٹو محمود چوہدری کے ساتھ نکاح کے بندھن میں بندھ گئیں تھیں ، بختاور بھٹو کا نکاح مولانا غلام محمد بخش نے پڑھایا، ان کا تعلق ٹھٹھہ سے ہے۔

    نکاح کی تقریب میں آصف زرداری، بلاول بھٹو اور آصفہ بھٹو سمیت بھٹو خاندان، چوہدری خاندان، اور زرداری خاندان کے افراد نے شرکت کی۔

    بعد ازاں بلاول بھٹو نے شادی کو طویل عرصے بعد آنے والا خوشیوں کا لمحہ قرار دیا اور کہا مجھے ایسا لگا کہ مسرت کے اس لمحے میں میری والدہ ہمیں دیکھ رہی ہیں۔

  • مہندی والے دن بختاور بھٹو نے مہندی آرٹسٹ کو کیا کہا؟

    مہندی والے دن بختاور بھٹو نے مہندی آرٹسٹ کو کیا کہا؟

    کراچی : بختاور بھٹو کی اجرک کے ڈیزائن والی مہندی کے خوب چرچے ہورہے ہیں، مہندی آرٹسٹ ام کلثوم کا کہنا ہے کہ ان کو مہندی کا ڈیزائن بے حد پسند آیا، بختاور نے پہلے ٹپ دی اور بعد میں بل دیا۔

    بختاور بھٹو کو اپنی مہندی کا اجرک والا خوبصورت ڈیزائن بے حد پسند آیا ہے، انہوں نے سوشل میڈیا پر اپنی تصاویر شیئر کیں اور مہندی آرٹسٹ کی تعریف کی جس پر صارفین نے بھی بہت سراہا۔

    اے آر وائی نیوز کے پروگرام باخبر سویرا میں بختاور بھٹو کو مہندی لگانے والی مہندی آرٹسٹ ام کلثوم حذیفہ لاٹھی کو مدعو کیا اور ان سے اس حوالے سے گفتگو کی۔

    ام کلثوم نے بتایا کہ میں مہندی لگانے کا کام گزشتہ چودہ سال سے کررہی ہوں۔ میں نے یہ کام باقاعدہ سیکھا نہیں ہے یہ بس اللہ کی دین ہے، میں کسی کے سے توسط سے مہندی لگانے بلاول ہاؤس گئی تھی مجھے نہیں معلوم تھا کہ وہ اتنی بڑی شخصیت ہوں گی۔

    انہوں نے بتایا کہ مجھے ڈر سا بھی لگ رہا تھا کہ اتنے بڑے لوگ ہیں اس لیے مجھے اپنا سب سے بہترین کام کرنا چاہیے جو پہلے کبھی نہ کیا ہو لیکن میرا ڈراس وقت بالکل ختم ہوگیا جب ان لوگوں نے میرے ساتھ بہت اپنائیت اور دوستانہ لہجے میں بات کی۔

    ام کلثوم نے بتایا کہ بختاور بھٹو کے ہاتھ اور پیروں کی مہندی لگانے میں 6گھنٹے لگے اور باقی خواتین کی میری ٹیم کی لڑکیوں نے مہندی لگائی۔ میں نے بختاور کے دولہا کا نام بھی ڈیزائن میں چھپا کر لکھا تھا جو انہوں نے غور کرنے کے بعد پڑھا اور بہت پسند بھی کیا۔

    انہوں نے کہا کہ یہ میرے لیے اعزاز کی بات ہے کہ دوسرے دن پھر مجھے شکریہ کرنے کیلیے کال آئی ان کی کزن نے کہا کہ ہم آپ کا ٹھیک سے شکریہ ادا نہیں کرپائے تھے۔ اس بات کی مجھے بے حد خوشی ہے۔

    ام کلثوم کا مزید کہنا تھا کہ بختاور بھٹو نے مجھے رات ہی بتادیا تھا کہ سوشل میڈیا پر تصاویر پوسٹ کرکے آپ کو بھی ٹیگ کروں گی، کیونکہ سیکیورٹی کے پیش نظر ہمارے موبائل فونز پہلے ہی لے لیے گئے تھے۔

  • بختاور بھٹو کی شادی کی تاریخ کا باضابطہ اعلان، شیڈول جاری

    بختاور بھٹو کی شادی کی تاریخ کا باضابطہ اعلان، شیڈول جاری

    کراچی : سابق صدر آصف زرداری اور شہید بینظیر بھٹو کی صاحبزادی بختاوربھٹو کی شادی کی تاریخ کا باضابطہ اعلان کردیا گیا ، بلاول بھٹونے بہن کی شادی پرایک ہفتے کے لیے سیاسی سرگرمیاں معطل کردیں۔

    تفصیلات کے مطابق شہید بینظیر بھٹو کی صاحبزادی بختاوربھٹو کی شادی کی تاریخ کا باضابطہ اعلان کردیا گیا ، ترجمان بلاول ہاؤس نے تقریبات کا شیڈول جاری کردیا ہے۔

    شیڈول کے مطابق بلاول ہاؤس کراچی میں24جنوری کومحفل میلادہوگی، بختاوربھٹو کی مہندی کی سادہ تقریب27 جنوری کوہوگی جبکہ 29جنوری کونکاح کی تقریب کا انعقاد کیا جائے گا۔

    ترجمان بلاول ہاؤس کا کہنا تھا کہ بختاوربھٹوکی بارات کی تقریب 30 جنوری کوہوگی، بختاورکی شادی میں ایک ہزار مہمانوں کومدعو کیا گیا ہے اور اہم سیاسی رہنما، فوجی،سول اورجوڈیشل سربراہان کودعوت نامےبھیجے گئے ہیں۔

    ترجمان کے مطابق بلاول بھٹونے بہن کی شادی پرایک ہفتےکےلیےسیاسی سرگرمیاں معطل کردیں۔

    یاد رہے بختاور زرداری کی منگنی 27 نومبر کو بلاول ہاؤس کراچی میں منعقد ہوئی تھی، ان کے منگیتر محمود چوہدری پنجاب کے ایک کاروباری خاندان سے تعلق رکھتے ہیں۔

    منگنی کی تقریب میں پیپلز پارٹی کے چیئرمین بلاول بھٹو زرداری کوویڈ 19 کا شکار ہونے اور قرنطینہ میں ہونے کے باعث شریک نہ ہوسکے تاہم وہ ویڈیو کال کے ذریعے تقریب میں موجود رہے۔

  • بختاوربھٹو نے اپنی مہندی، نکاح اور ولیمے کی تقاریب کے لئے ڈریس ڈیزائن کرالئے

    بختاوربھٹو نے اپنی مہندی، نکاح اور ولیمے کی تقاریب کے لئے ڈریس ڈیزائن کرالئے

    کراچی: بے نظیربھٹو شہیدکی بڑی صاحبزادی بختاوربھٹو نے اپنی مہندی، نکاح اور ولیمے کی تقاریب کے لئے ڈریس ڈیزائن کرالئے، شادی کے سلسلے میں تقاریب کا آغاز 24 جنوری سے ہوگا۔

    تفصیلات کے مطابق بےنظیربھٹو شہیدکی بڑی صاحبزادی بختاوربھٹو کی شادی کی تیاریاں جاری ہے ، بختاوربھٹونے مہندی، نکاح اور ولیمے کی تقاریب کے لئے ڈریس ڈیزائن کرالئے ہیں۔

    بختاوربھٹوکی شادی کےسلسلےمیں تقاریب کا آغاز24جنوری سےہوگا،بلاول ہاؤس میں 24جنوری کو میلادمنعقدکی جائے گی اور آئندہ ہفتےسےبلاول ہاؤس میں سیاسی سرگرمیاں روک دی جائیں گی۔

    سابق صدر مملکت آصف علی زرداری اور سابق وزیراعظم بے نظیر بھٹو کی صاحبزادی بختاور بھٹو کی مہندی کی تقریب 27جنوری کوہوگی جبکہ نکاح 29 جنوری کو ہوگا، کوروناکےباعث شادی کی تقاریب میں محدود تعداد میں مہمانوں کو مدعو کیا جارہا ہے۔

    یاد رہے بختاور زرداری کی منگنی 27 نومبر کو بلاول ہاؤس کراچی میں منعقد ہوئی تھی، ان کے منگیتر محمود چوہدری پنجاب کے ایک کاروباری خاندان سے تعلق رکھتے ہیں۔

    منگنی کی تقریب میں پیپلز پارٹی کے چیئرمین بلاول بھٹو زرداری کوویڈ 19 کا شکار ہونے اور قرنطینہ میں ہونے کے باعث شریک نہ ہوسکے تاہم وہ ویڈیو کال کے ذریعے تقریب میں موجود رہے۔

  • بختاوربھٹو اپنی ڈھولکی پر بینظیر بھٹو کے نکاح کا جوڑا پہنیں گی

    بختاوربھٹو اپنی ڈھولکی پر بینظیر بھٹو کے نکاح کا جوڑا پہنیں گی

    کراچی : بختاوربھٹوزرداری ڈھولکی کے خاص موقع پر اپنی والدہ کے نکاح کا جوڑا پہننیں گی جبکہ نکاح کی تقریب میں سبز اور گلابی رنگ کا روایتی لباس زیب تن کریں گی۔

    تفصیلات کے مطابق سابق صدر آصف علی زرداری کی بیٹی بختاوربھٹوزرداری نے ڈھولکی کے خاص موقع پر اپنی والدہ شہید بینظیر بھٹو کے نکاح کا جوڑا پہنے کا فیصلہ کیا۔

    بختاور نے اسی فیشن ڈیزائنر کا انتخاب جس نے محترمہ بے نظیر بھٹو کی شادی کا لباس تیار کیا تھا۔

    فیشن برانڈ نے بھی انسٹاگرام پر ایک فوٹو کولاج شیئر کیا ، جس میں ایک تصویر شہید محترمہ بے نظیر بھٹو کے نکاح کے دن کی ہے، جبکہ دوسری تصویر اُس خوبصورت عروسی لباس کی ہے جو بختاور بھٹو اپنی ڈھولکی میں زیب تن کریں گی۔

    دوسری جانب بختاور بھٹو اپنی نکاح کی تقریب میں سبز اور گلابی رنگ کا روایتی لباس پہنیں گی۔

    خیال رہےمحترمہ بینظیر بھٹو شہید اور سابق صدر آصف علی زرداری کی بیٹی بختاور بھٹو زرداری کی منگنی کی تقریب کی تیاریاں جاری ہے، بختاور بھٹو زرداری کی منگنی کی تقریب کل کرا چی میں ہوگی ، تقریب میں آصفہ ،بختاوربھٹو کی سہیلیاں اور خاندان کے قریبی افرادشریک ہوں گے تاہم بلاول بھٹو ہمشیرہ کی منگنی تقریب میں شرکت کا امکان نہیں۔

    ذرائع بلاول ہاوس کے مطابق بختاور بھٹو نے منگنی کی تقریب کے لئے خصوصی لباس ڈیزائن کرایاہے جبکہ منگنی کے لئے یونس چوہدری اور محمود چوہدری فیملی کراچی پہنچ گئی ہے، محمود چوہدری فیملی کے 13سے زائد افراد کراچی پہنچے ہیں ۔

  • بختاور بھٹو کی منگنی کی تقریب کی تیاریاں جاری ، خصوصی لباس تیار

    بختاور بھٹو کی منگنی کی تقریب کی تیاریاں جاری ، خصوصی لباس تیار

    کراچی : محترمہ بینظیر بھٹو شہید اور سابق صدر آصف علی زرداری کی بیٹی بختاور بھٹو زرداری کی منگنی کی تقریب کل کرا چی میں ہوگی ، بختاور بھٹو نے منگنی کی تقریب کے لئے خصوصی لباس ڈیزائن کرایا ہے۔

    تفصیلات کے مطابق محترمہ بینظیر بھٹو شہید اور سابق صدر آصف علی زرداری کی بیٹی بختاور بھٹو زرداری کی منگنی کی تقریب کی تیاریاں جاری ہے۔

    بختاور بھٹو زرداری کی منگنی کی تقریب کل کرا چی میں ہوگی ، تقریب میں آصفہ ،بختاوربھٹو کی سہیلیاں اور خاندان کے قریبی افرادشریک ہوں گے تاہم بلاول بھٹو ہمشیرہ کی منگنی تقریب میں شرکت کا امکان نہیں۔

    ،ذرائع بلاول ہاوس کے مطابق بختاور بھٹو نے منگنی کی تقریب کے لئے خصوصی لباس ڈیزائن کرایاہے جبکہ منگنی کے لئے یونس چوہدری اور محمود چوہدری فیملی کراچی پہنچ گئی ہے، محمود چوہدری فیملی کے 13سے زائد افراد کراچی پہنچے ہیں جبکہ محمود چوہدری کے خاندان کی مہمان داری کیلئے بلاول ہاؤس کا عملہ مقرر کردیا گیاہے۔

    تقریب سے قبل بلاول ہاوس کو ڈس انفیکٹ کرایاگیا ہے، تقریب میں شرکت کیلئےکورونامنفی رپورٹ ہونالازمی قرار دیا گیا ہے جبکہ مہمانوں کو کورونا صورتحال کے پیش نظر مکمل ایس او پیز پر عمل کرنا ہو گا۔

    منگنی کی تقریب بلاول ہاؤس کے اوپن ایریا میں ہو گی اور سجاوٹ کرنے والا عملہ تمام کام آج رات تک مکمل کرلے گا۔

    کیٹرنگ کمیٹی کے تعینات اسٹاف کا بھی کورونا ٹیسٹ ہو گا جبکہ بلاول ہاؤس کے تمام عملے کے کورونا ٹیسٹ بھی لے لئے گئے اور تقریب کے انتظامات سے آصف زرداری کو مکمل آگاہ کردیا گیا ہے۔

  • وفاقی حکومت کوسندھ حکومت سےسیکھنےکی ضرورت ہے، بختاور بھٹو

    وفاقی حکومت کوسندھ حکومت سےسیکھنےکی ضرورت ہے، بختاور بھٹو

    اسلام آباد : سابق وزیراعظم شہید بے نظیر بھٹو کی صاحبزادی بختاور بھٹو نے کہا وفاقی حکومت کوسندھ حکومت سےسیکھنےکی ضرورت ہے، سندھ میں عوام جن کوووٹ دیتے ہیں ان پراعتماد کرتے ہیں۔

    تفصیلات کے مطابق سابق وزیراعظم شہید بے نظیر بھٹو کی صاحبزادی بختاور بھٹو نے سماجی رابطے کی ویب سائٹ پر اپنے بیان میں کہا وفاقی حکومت کوسندھ حکومت سےسیکھنےکی ضرورت ہے، اشتہارات پرپیسہ خرچ کیےبغیرہماری ٹیکس وصولی میں اضافہ ہوا، سندھ میں عوام جن کوووٹ دیتے ہیں ان پراعتماد کرتے ہیں، اعداد و شمارخود بول رہے ہیں۔

    گذشتہ روز بختاور بھٹو نے سابق صدر آصف زرداری کے پروڈکشن آرڈر جاری نہ کیے جانے پر کہا تھا عمران خان کو آئین کے بارے میں کچھ معلومات نہیں، یہی وجہ ہے زیادہ تراسپورٹس مین کوچنگ کی طرف جاتے ہیں، رکن پارلیمنٹ کے پروڈکشن آرڈر لازمی ہیں،اختیاری نہیں۔

    اس سے قبل ان کا کہنا تھا پی ٹی آئی حکومت احتساب کوبطورہتھیاراستعمال کررہی ہے، مشرف اورضیاالحق بھی فارمولے سے مطلوبہ نتائج حاصل نہ کر سکے، پی ٹی آئی کی کمزورحکومت کیسے کچھ حاصل کرسکتی ہے؟

    بختاور بھٹو نے کہا تھا فیصل واوڈا کے بیرون ملک اثاثے ظاہرہوئے لیکن نیب نے ایکشن نہیں لیا، پرویزخٹک، وزیراعظم کی بہن کو بھی ایسے ہی الزامات کا سامنا ہے، جہانگیر ترین پر بھی یہی الزامات ہیں۔