ARYNews.tv | Urdu – Har Lamha Bakhabar

Tag: Bakhtawar bhutto

  • آصف زرداری کے پروڈکشن آرڈر ، بختاور بھٹو میدان میں آگئیں

    آصف زرداری کے پروڈکشن آرڈر ، بختاور بھٹو میدان میں آگئیں

    اسلام آباد : سابق وزیراعظم شہید بے نظیر بھٹو کی صاحبزادی بختاور بھٹو نے کہا رکن پارلیمنٹ کے پروڈکشن آرڈر لازمی ہیں،اختیاری نہیں،  آصف زرداری واحد صدررہےجنہوں نے صدارتی اختیار پارلیمنٹ کودیے ۔

    تفصیلات کے مطابق سابق وزیراعظم شہید بے نظیر بھٹو کی صاحبزادی بختاور بھٹو نے سماجی رابطے کی ویب سائٹ پر سابق صدر آصف زرداری کے پروڈکشن آرڈر جاری نہ کیے جانے پر کہا عمران خان کوآئین کے بارے میں کچھ معلومات نہیں، یہی وجہ ہے زیادہ تراسپورٹس مین کوچنگ کی طرف جاتےہیں، رکن پارلیمنٹ کے پروڈکشن آرڈر لازمی ہیں،اختیاری نہیں۔

    بختاوربھٹو نے ایک اور ٹوئٹ میں کہا آصف زرداری واحد صدررہےجنہوں نے صدارتی اختیار پارلیمنٹ کودیے، پی ٹی آئی کے وزیرکھیل جیسے کم فہموں کوتعلیم کی ضرورت ہے، پھرکہوں گی پروڈکشن آرڈر لازمی ہیں،اختیاری نہیں۔

    گذشتہ روز سابق صدر آصف زرداری کی صاحبزادی نے کہا تھا بغیرکسی جرم کےمیرےوالد7روزسےنیب کی تحویل میں ہیں، بطوررکن اسمبلی اجلاس میں شرکت کوئی مراعات نہیں حق ہے، پی ٹی آئی اسپیکرنےاب تک پروڈکشن آرڈرجاری نہیں کئے۔

    اس سے قبل بھی انھوں نے کہا تھا پی ٹی آئی حکومت احتساب کوبطورہتھیاراستعمال کررہی ہے، مشرف اورضیاالحق بھی فارمولے سے مطلوبہ نتائج حاصل نہ کر سکے، پی ٹی آئی کی کمزورحکومت کیسے کچھ حاصل کرسکتی ہے؟فیصل واوڈا کے بیرون ملک اثاثے ظاہرہوئے لیکن نیب نے ایکشن نہیں لیا، پرویزخٹک، وزیراعظم کی بہن کو بھی ایسے ہی الزامات کا سامنا ہے، جہانگیر ترین پر بھی یہی الزامات ہیں۔

  • پی ٹی آئی حکومت احتساب کوبطورہتھیاراستعمال کررہی ہے، بختاور بھٹو

    پی ٹی آئی حکومت احتساب کوبطورہتھیاراستعمال کررہی ہے، بختاور بھٹو

    اسلام آباد: سابق وزیراعظم شہید بے نظیر بھٹو کی صاحبزادی بختاور بھٹو نے کہا پی ٹی آئی حکومت احتساب کو بطور ہتھیار استعمال کر رہی ہے، سیاسی رہنماؤں کوایک کےبعد ایک جیل میں ڈال دیا گیا۔

    تفصیلات کے مطابق سابق وزیراعظم شہید بے نظیر بھٹو کی صاحبزادی بختاور بھٹو نے سماجی رابطے کی ویب سائٹ پر گرفتاریوں پر ردعمل دیتے ہوئے کہا پی ٹی آئی حکومت احتساب کوبطورہتھیاراستعمال کررہی ہے، مشرف اورضیاالحق بھی فارمولے سے مطلوبہ نتائج حاصل نہ کر سکے، پی ٹی آئی کی کمزورحکومت کیسے کچھ حاصل کرسکتی ہے؟

    بختاور بھٹو کا ایک اور ٹوئٹ میں کہنا تھا فیصل واوڈا کے بیرون ملک اثاثے ظاہرہوئے لیکن نیب نے ایکشن نہیں لیا، پرویزخٹک، وزیراعظم کی بہن کو بھی ایسے ہی الزامات کا سامنا ہے، جہانگیر ترین پر بھی یہی الزامات ہیں۔

    انھوں نے مزید کہا گرفتاریوں میں دیگر عوامل بھی کار فرما ہیں، متحدہ اپوزیشن پی ٹی آئی کی نااہل حکومت کیخلاف تحریک کے لیے تیارتھی، سیاسی رہنماؤں کوایک کے بعد ایک جیل میں ڈال دیا گیا۔

    یاد رہے پاکستان پیپلزپارٹی کی رہنما فریال تالپور کو جعلی اکاؤنٹس کیس میں نیب نے گزشتہ روز گرفتار کیا تھا، ان کی رہائش گاہ کو سب جیل قرار دے دیا گیا تھا۔

    اس سے چار روز قبل اسلام آباد کی جانب سے ضمانت منسوخ ہونےجعلی اکاؤنٹ کیس  سابق صدر آصف علی زرداری کو گرفتار کیا تھا ، بعد ازاں  پر  احتساب عدالت  نے آصف  زرداری  کو 21 جون تک جسمانی ریمانڈ پر نیب کے حوالے کردیا تھا۔

    واضح رہے  آصف زرداری اور فریال تالپور پر جعلی اکاؤنٹس کے ذریعے غیر قانونی طریقے سے رقم منتقلی کا الزام ہے، اس ضمن میں منی لانڈرنگ کیس احتساب عدالت میں زیر التوا ہے۔

  • کل جوکچھ ہوا وہ پہلے سے طے شدہ ریاستی تشدد تھا، بختاور بھٹو

    کل جوکچھ ہوا وہ پہلے سے طے شدہ ریاستی تشدد تھا، بختاور بھٹو

    راولپنڈی : سابق وزیراعظم شہید بے نظیر بھٹو کی صاحبزادی بختاور بھٹو نے کہا کل جوکچھ ہوا وہ پہلے سے طے شدہ ریاستی تشدد تھا، سلیکٹڈ حکومت پر تمام شہریوں کی ذمہ داری عائد ہوتی ہے۔

    تفصیلات کے مطابق راولپنڈی : سابق وزیراعظم شہید بے نظیر بھٹو کی صاحبزادی بختاور بھٹو نے سماجی رابطے کی ویب سائٹ پر کہا کل ورکرزپرحملے کے بعد دکھاوے کی سہی مذمت کی توقع تھی، ہیومن رائٹس کی وزیر کو فوری استعفیٰ دینا چاہیے، سلیکٹڈحکومت پر تمام شہریوں کی ذمہ داری عائد ہوتی ہے، کل جوکچھ ہوا وہ پہلے سے طے شدہ ریاستی تشدد تھا۔

    گذشتہ روز بختاور بھٹو نے بلاول بھٹو کی پیشی پر کارکنان کو روکنے کی کوشش اور تشدد کی مذمت کرتے ہوئے کہا تھا پی پی پی ورکرزکومارا گیا،گھسیٹا اورگرفتارکیا گیا، ورکرزکےخلاف آنسوگیس اورواٹرکینن کا استعمال کیا گیا، ڈکٹیٹرشپ کے بعدمنصوبہ بندی کے تحت ریاستی تشدد نہیں دیکھا گیا۔

    مزید پڑھیں : کارکنوں پر تشدد شرمناک اور قطعی طور پر غیرقانونی ہے، بختاور بھٹو

    بختاوربھٹو کا کہنا تھا یہ سب اسلام آباد میں نہتے،پُرامن شہریوں کےخلاف ہوا، کارکنوں پرتشددشرمناک اورقطعی طورپرغیرقانونی ہے۔

    یاد بلاول کی پیشی کے دوران جیالے اور پولیس اہلکارآمنے سامنے آگئے تھے، ایوب چوک پرپولیس نے پیپلزپارٹی کارکنان کو روکا اور کارکنان کو منتشر کرنے کیلئے پولیس کا واٹر کینن کااستعمال کیا گیا۔

    ایوب چوک پر پیپلزپارٹی کارکنان نے نعرے بازی کی اور پولیس سےہاتھاپائی بھی ہوئی جبکہ حصارتوڑنےکی کوشش والےکارکنان پرپولیس نے لاٹھی چارج بھی کیا جبکہ پولیس نے پیپلزپارٹی کے40کارکنان کوگرفتارکر کےتھانے منتقل کردیا تھا۔

  • کارکنوں پر تشدد شرمناک اور قطعی طور پر غیرقانونی ہے، بختاور بھٹو

    کارکنوں پر تشدد شرمناک اور قطعی طور پر غیرقانونی ہے، بختاور بھٹو

    راولپنڈی : سابق وزیراعظم شہید بے نظیر بھٹو کی صاحبزادی بختاور بھٹو نے کہا پی پی پی ورکرزکومارا گیا،گھسیٹا اورگرفتارکیا گیا، کارکنوں پر تشدد شرمناک اور قطعی طورپرغیرقانونی ہے۔

    تفصیلات کے مطابق سابق وزیراعظم شہید بے نظیر بھٹو کی صاحبزادی بختاور بھٹو نے بلاول بھٹو کی پیشی پر کارکنان کو روکنے کی کوشش اور تشدد پر سماجی رابطے کی ویب سائٹ ٹوئٹر پر اپنے بیان میں کہا پی پی پی ورکرزکومارا گیا،گھسیٹا اورگرفتارکیا گیا، ورکرزکےخلاف آنسوگیس اورواٹرکینن کا استعمال کیا گیا، ڈکٹیٹرشپ کے بعدمنصوبہ بندی کے تحت ریاستی تشدد نہیں دیکھا گیا۔

    بختاوربھٹو کا کہنا تھا یہ سب اسلام آباد میں نہتے،پُرامن شہریوں کےخلاف ہوا، کارکنوں پرتشددشرمناک اورقطعی طورپرغیرقانونی ہے۔

    اس سے قبل آصفہ بھٹو زرداری نے یہ ہےتبدیلی ، معصوموں پرواٹرکینن کااستعمال کیاگیا، واٹرکینن کےاستعمال سےنیب کاکالاقانون دھویانہیں جاسکتا، جیالے پھانسی سے نہیں ڈرے توپانی سے کیا ڈریں گے۔

    یاد رہے آج بلاول کی پیشی کے دوران جیالے اور پولیس اہلکارآمنے سامنے آگئے تھے، ایوب چوک پرپولیس نے پیپلزپارٹی کارکنان کو روکا اور کارکنان کو منتشر کرنے کیلئے پولیس کا واٹر کینن کااستعمال کیا گیا۔

    ایوب چوک پر پیپلزپارٹی کارکنان نے نعرے بازی کی اور پولیس سےہاتھاپائی بھی ہوئی جبکہ حصارتوڑنےکی کوشش والےکارکنان پرپولیس نے لاٹھی چارج بھی کیا جبکہ پولیس نےپیپلزپارٹی کے40کارکنان کوگرفتارکر کےتھانے منتقل کردیا۔

    خیال رہے چیئرمین پیپلز پارٹی بلاول بھٹو نے نیب کی مشترکہ تحقیقاتی ٹیم کے سامنے پیش کر بیان ریکارڈ کرادیا ، بلاول بھٹو سے پارک لین کمپنی کیس سے متعلق پوچھ گچھ کی گئی اور 32 سوالات پرمشتمل سوال نامہ دے دیا ہے۔

  • ہمیں ہمارے ناناکےقتل میں انصاف نہیں ملا اور ان کے نواسے پرٹرائل کردیا، بختاوربھٹو

    ہمیں ہمارے ناناکےقتل میں انصاف نہیں ملا اور ان کے نواسے پرٹرائل کردیا، بختاوربھٹو

    کراچی : سابق وزیراعظم شہید بے نظیر بھٹو کی صاحبزادی بختاور بھٹو کا کہنا ہے کہ ہمیں ہمارے ناناکےقتل میں انصاف نہیں ملا، اور ان کے نواسے پرٹرائل کردیا،خاندان کی تیسری نسل ہے جس کاجھوٹےکیسز میں ٹرائل ہورہا ہے۔

    تفصیلات کے مطابق سابق وزیراعظم شہید بے نظیر بھٹو کی صاحبزادی بختاور بھٹو نے سماجی رابطے کی ویب سائٹ پر بھائی بلاول بھٹو اور والد کی نیب میں پیشی پر اپنے بیان میں کہا خاندان کی تیسری نسل ہے جس کاجھوٹےکیسز میں ٹرائل ہورہا ہے، ڈکٹیڑوں کے ڈھانچے بھی نہیں چھوئے جاتے، ہمیں ہمارے ناناکےقتل میں انصاف نہیں ملا، ہمارے ناقص نظام نے ان کے نواسے پرٹرائل کردیا۔

    یاد رہے چیئرمین پیپلزپارٹی بلاول بھٹو آج والد آصف علی زرداری کے ساتھ نیب میں پیش ہوں گے،اس موقع پر نیب کی درخواست پرسیکیورٹی کےسخت انتظامات کیےگئے ہیں۔

    ذرائع کا کہنا ہے ڈی جی نیب راولپنڈی عرفان منگی کی سربراہی میں جے آئی ٹی آصف زرداری اور بلاول بھٹوکے بیانات ریکارڈ کرے گی ،جے آئی ٹی ارکان کی جانب سے زبانی سوالات کے ساتھ ساتھ سوالنامےبھی تیار کئے گئے ہیں، جن کے تحریری جوابات طلب کئے جائیں گے۔

    مزید پڑھیں : آصف زرداری اور بلاول بھٹو کی آج نیب میں پیشی، نیب کا سوالنامہ تیار

    نیب ذرائع کے مطابق آصف زرداری اور بلاول بھٹو کو پارک لین کمپنی کیس میں طلب کیا گیا ہے، پارک لین کیس میں اربوں روپےکی ترسیلات جعلی بینک اکاؤنٹس سے کی گئیں، آصف زرداری پرپارک لین کمپنی میں 1989 میں فرنٹ مین کے ذریعے خریداری کاالزام ہے۔

    ذرائع کا کہنا ہے 2009 میں آصف زرداری اور بلاول بھٹو کمپنی کے شیئرہولڈر بنے،دونوں 25،25فیصد کےشیئر ہولڈر ہیں، آصف زرداری بطور کمپنی ڈائریکٹر اکاؤنٹس استعمال کرنےکااختیار رکھتے تھے جبکہ 2008 میں کمپنی کے دستاویز پر آصف زرداری کےبطور ڈائریکٹر دستخط موجود ہیں، پارک لین کمپنی نے قرضوں کی مد بھی بینکوں سے اربوں روپے لیے۔

  • بختاوربھٹو اور آصفہ بھٹو کی چینی قونصلیٹ پرحملے کی مذمت

    بختاوربھٹو اور آصفہ بھٹو کی چینی قونصلیٹ پرحملے کی مذمت

    کراچی : سابق وزیراعظم شہید بے نظیر بھٹو کی صاحبزادی بختاور بھٹو اور آصفہ بھٹو نے چینی قونصلیٹ اوراورکزئی میں حملےکی مذمت کی اور حملے کو المناک قرار دیا۔

    تفصیلات کے مطابق سابق وزیراعظم شہید بے نظیر بھٹو کی صاحبزادی بختاوربھٹو نے سماجی رابطے کی ویب سائٹ ٹوئٹر پر چینی قونصلیٹ اوراورکزئی میں حملے کی مذمت کرتے ہوئے کہا اورکزئی میں 20سے زیادہ افراد کی موت اور چینی قونصلیٹ پرحملہ المناک ہے۔

    آصفہ بھٹو زرداری نے بھی سماجی رابطے کی ویب سائٹ ٹویٹر پر چینی قونصلیٹ پرحملے کی مذمت کرتے ہوئے کہا جانوں کانذرانہ پیش کرنےوالے بہادرآفیسرزکوسلام پیش کرتی ہوں۔

    دوسری جانب چئیرمین پیپلز پارٹی بلاول بھٹو نے اورکزئی میں دھماکے کی مذمت کرتے ہوئے کہا بےگناہ شہریوں کو نشانہ بنانا بزدلانہ عمل ہے، ہنگو واقعہ پوری قوم کے لیئے سانحہ ہے، امتحان کی گھڑی میں پوری قوم متحد ہے۔

    یاد رہے دہشت گردوں نے آج صبح سوا نو بجے کے قریب کراچی میں چینی قونصل خانے پر حملہ کیا، جسے پولیس اور رینجرز نے ناکام بنادیا تھا، کارروائی کے دوران 3 دہشت گرد ہلاک جبکہ 2 اہلکار شہید ہوئے تھے۔

    جس کے بعد صوبہ خیبر پختونخواہ کے ضلع اورکزئیکے علاقے کلایا بازار میں بم دھماکے ہوا، جس کے نتیجے میں 30 افراد کے جاں بحق ہوگئے تھے۔

  • ہم جیل اورعدالت جاتےہوئے بڑے ہوئے، بختاور بھٹو

    ہم جیل اورعدالت جاتےہوئے بڑے ہوئے، بختاور بھٹو

    کراچی : سابق وزیراعظم شہید بے نظیر بھٹو کی صاحبزادی بختاوربھٹو کا کہنا ہے کہ ہم جیل اورعدالت جاتے ہوئے بڑے ہوئے، بچے تھے تب نہیں چھپے اور اب بھی نہیں چھپیں گے۔

    تفصیلات کے مطابق سابق وزیراعظم شہید بے نظیر بھٹو اور سابق صدر آصف زرداری کی صاحبزادی بختاور بھٹو نے سماجی رابطے کی ویب سائٹ ٹوئٹر پر اپنے بیان میں کہا ہم بچپن سے جواب دےرہے ہیں، ہم جیل اور عدالت جاتے ہوئے بڑے ہوئے، 11 سال مذاق نہیں ہوتے،کیسز نئے نہیں، بچے تھے تب نہیں چھپے اور اب بھی نہیں چھپیں گے۔

    گزشتہ روز میگا منی لانڈرنگ کیس میں بینکنگ کورٹ نے سابق صدر اور شریک چیئرمین پیپلز پارٹی آصف علی زرداری کے ناقابل ضمانت وارنٹ گرفتاری جاری کئے تھے۔

    جس کے بعد جعلی اکاؤنٹس کیس میں آصف زرداری حفاظتی ضمانت کے لئے بیٹی آصفہ اور پارٹی رہنماؤں کے ہمراہ اسلام آباد ہائی کورٹ پہنچے۔

    مزید پڑھیں : سابق صدرآصف زرداری نے حفاظتی ضمانت حاصل کرلی

    جہاں جسٹس میاں گل حسن اورنگزیب نے سماعت کی اور دلائل کے بعد سابق صدر کی درخواست منظور کرلی۔

    صحافیوں نے آصف زرداری سے سوال کیا کہ وزیراعظم حلف اٹھا رہے ہیں اور آپ عدالت کے چکر لگا رہے ہیں، جس سابق صدر نے جواب دیا اس طرح تو ہوتا ہے، اس طرح کے کاموں میں۔

  • بختاور بھٹو کا کثیرالمنزلہ عمارت سے چھلانگ لگانے کا مظاہرہ، ویڈیو وائرل

    بختاور بھٹو کا کثیرالمنزلہ عمارت سے چھلانگ لگانے کا مظاہرہ، ویڈیو وائرل

    دبئی: سابق وزیراعظم بے نظیر بھٹو کی صاحبزادی بختاور بھٹو زرداری نے اپنی 28ویں سالگرہ کے موقع پر متحدہ عرب امارات کی اونچی عمارت سے چھلانگ لگا کر سالگرہ کا انوکھا جشن منایا۔

    تفصیلات کے مطابق دبئی میں مقیم سابق صدر آصف علی زرداری کی صاحبزادی نے 25 جنوری کو اپنی 28ویں سالگرہ منائی اور اگلے روز وہ ایڈونچر کے لیے دبئی کی کثیرالمنزلہ عمارت پر پہنچی۔

    دبئی میں مقیم بختاور بھٹو زرداری نے دبئی کی دو بلند ترین عمارتوں سے بندھے تار کے سہارے فضاء میں اڑان بھری اور اپنے جنم دن کا بھرپور جشن منایا۔

    سالگرہ کے موقع پر اُن کے بھائی بلاول، بہن آصفہ سمیت کئی لوگوں نے بختاور کو مبارک باد پیش کی اور نیک تمناؤں کا اظہار بھی کیا۔

    ویڈیوز دیکھیں

    واضح رہے کہ بختاور بھٹو زرداری اپنے بہن بھائیوں میں دوسرے نمبر پر ہیں، وہ اپنے بھائی بلاول اور والد کے ساتھ سیاسی میدان میں بھی کافی متحرک نظر آتی ہیں۔

    یہ بھی دیکھیں: بی بی شہید کی بیٹی آصفہ بھٹو باکسر بن گئیں، ویڈیو منظرعام پر

    گزشتہ برس سابق صدر آصف علی زرداری نے آصفہ اور بلاول کو سیاسی میدان میں باقاعدہ اتارنے کا اعلان  کرتے ہوئے کہا تھا کہ ’دونوں آئندہ انتخابات میں قومی اسمبلی کی نشست کے لیے انتخابات لڑیں گے‘۔

    بے نظیر کی دونوں صاحبزادیاں کھیلوں اور ایڈونچرز میں کافی دلچسپی رکھتی ہیں انہوں نے گزشتہ برس پاکستانی نژاد برطانوی باکسر عامر خان سے باکسنگ کی تربیت بھی حاصل کی تھی۔

    بلاول اور بختاور کی بچپن کی یادگار تصویر

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • شہید بینظیر بھٹو کی برسی، بلاول بھٹو، بختاور اور آصفہ بھٹو کا خراج عقیدت پیش

    شہید بینظیر بھٹو کی برسی، بلاول بھٹو، بختاور اور آصفہ بھٹو کا خراج عقیدت پیش

    کراچی : شہید بینظیر بھٹو کی برسی کے موقع پر بلاول بھٹو، بختاور بھٹو اور آصفہ بھٹونے ٹوئیٹرپر انہیں خراج عقیدت پیش کیا۔

    تفصیلات کے مطابق شہید بینظیر بھٹو کی دسویں برسی پر سوشل میڈیا پر بی بی کو خراج عقیدت پیش کیا جارہا ہے، ریمیبرنگ ایس ایم بی بی کا ہیش ٹیگ ٹوئیٹر پر ٹاپ ٹرینڈ بنارہا۔

    پیپلز پارٹی کا بلاول بھٹو زرداری نے ٹوئٹر پر ماں کی تصویر شیئر کرتے ہوئے اپنے پیغام میں لکھا کہ تم زندہ ہوکرمردہ ہووہ مردہ ہوکرزندہ ہے۔

    آصفہ بھٹو زرداری اور بختاور بھٹو زرداری نے بھی تصویریں اور ویڈیوز شیئر کرکے ماں کو یاد کیا۔


    دوسری جانب نوڈیرو میں شہید بے نظیر بھٹو کی دسویں برسی کے موقع پر جلسہ گاہ میں تمام تیاریاں مکمل کر لی گئی ہیں اور کارکنوں کی آمد کا سلسلہ جاری ہے۔

    نوڈیرو میں شہید بینظیر بھٹو کی برسی پر پیپلزپارٹی کی سینٹرل ایگزیکٹو کمیٹی کا اجلاس ہوا، جس میں چیئرمین بلاول بھٹو زرداری کا کہنا تھا کہ ان کی سیاست کسی کے خلاف نہیں، عوام کے حقوق کے لیے ہے، بی بی نےجان کی قربانی دی،مقصد سے دستبردار نہ ہوئیں، شہید محترمہ کے مقصدکےحصول کی جدوجہد جاری رہےگی۔

    اجلاس میں شہید بینظیر بھٹو کے ایصال ثواب کے لیے فاتحہ خوانی کی گئی۔۔ سی ای سی ممبران نے بلاول بھٹو اور آصف زرداری کی قیادت پر مکمل اعتماد کا اظہار کیا اور شہید بی بی کے مشن کو منزل مقصود تک پہنچانے کا عزم دہرایا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بختاور بھٹو نے نوازلیگ کو ناکام لیگ قرار دے دیا

    بختاور بھٹو نے نوازلیگ کو ناکام لیگ قرار دے دیا

    کراچی : سابق وزیراعظم شہید بے نظیر بھٹو کی صاحبزادی بختاوربھٹو نے کہا ہے کہ نوازلیگ کوناکام لیگ قراردےدیا۔

    تفصیلات کے مطابق سابق وزیراعظم شہید بے نظیر بھٹو کی صاحبزادی بختاوربھٹو نے سماجی رابطے کی ویب سائٹ ٹویٹر پراپنے پیغام میں حکومت پر تنقید کرتے ہوئے کہا کہ پاکستان کو قرضوں تلے دبا دیا گیا، معیشت مذاق بن گئی ہے۔

    بختاور بھٹو نے اپنے ٹوئٹ میں نوازلیگ کو ناکام لیگ قرار دے دیا۔

    یاد رہے کہ وزیر داخلہ احسن اقبال نےملکی معیشت پرسب اوکےکی رپورٹ دے دی اور سماجی رابطے کی وہب سائٹ ٹوئٹر پر اپنے بیان میں کہا کہ ملکی معاشی شرح نمودس سال کی بلند ترین سطح پر ہے، مہنگائی میں کمی اور غیر ملکی سرمایہ کاری بڑھ رہی ہے۔

    اس سے قبل بھی احسن اقبال نے معیشت پر ڈی جی آئی ایس پی آر کا بیان غیرذمہ دارانہ قرار دیا تھا اور کہا تھا کہ پاکستان کی معیشت 2013کےمقابلےمیں بہترہے،توانائی کے منصوبوں سےدرآمدات پر دباؤ پڑا ہے،  ٹیکسوں کی وصولی میں دوگناُ سے زائداضافہ ہوا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔