کراچی: اداکارہ میرا ایک بارپھرمشکلات کا شکارہوگئیں ہیں ان کی چیک بک ختم ہوگئی ہے لہذا وہ قربانی کا جانور خریدنے سے قاصرہیں۔
اداکارہ میرا نے اے آروائی نیوز سے خصوصی گفتگو کرتے ہوئے بتایا کہ انکی چیک بک میں صفحات ختم ہونے کے سبب وہ رواں سال قربانی کا جانورنہیں خرید پائیں۔
ان کا کہنا تھا کہ انہوں نے نئی چیک بک کے لئے بنک میں درخواست دے رکھی ہے تاہم انہیں نئی چیک بک تاحال مہیا نہیں کی گئی۔
اب دیکھنا یہ ہے کہ آیا اس عید الاضحیٰ پر اداکارہ میرا قربانی کے لئے جانور خرید سکیں گی یا نہیں کیونکہ عیدالاضحیٰ کی سرکاری تعطیلات کل 24 ستمبر سے شروع ہورہی ہیں جوکہ عید کے تیسرے دن تک جاری رہیں گی۔
