کراچی: سانحہ بلدیہ کیس کی سماعت کے دوران جے آئی ٹی پیش نہ کرنے پر عدالت نے برہمی کا اظہار کیا ہے۔
عدالت نے پولیس کارکردگی پر سخت ریمارکس دیتے ہوئے ملزم منصور کے ناقابل ضمانت وارنٹ جاری کر دیئے۔
تفتیشی افسر نے عذز پیش کیا کہ وہ بیماری کی وجہ سے سانحہ بلدیہ کے ملزم منصور کو گرفتار نہ کر سکا۔ جبکہ وکیل صفائی کا کہنا تھا کہ ملزم منصور رینجرز کی تحویل میں ہے۔
عدالت نےسانحہ بلدیہ کیس کی سماعت2مئی تک ملتوی کردی۔
کراچی: سانحہ بلدیہ کیس میں ایڈیشنل ڈسٹرکٹ اینڈ سیشن خاتون جج ملزمان کی عدم پیشی پرتفتیشی افسر پر برس پڑیں، مقدمے کی سماعت اکیس مارچ تک ملتوی کر دی گئی۔
ایڈیشنل ڈسٹرکٹ اینڈسیشن جج نوشابہ قاضی نے ملزمان کی عدم پیشی پر تفتیشی افسر کے بیان میں تضاد پر سخت برہمی کا اظہار کیا، عدالت نے حکم دیا کہ آئندہ سماعت پر ملزمان کو ہرحال میں پیش کیا جائے۔
جج نے ملزمان کومیڈیکل رپورٹ کیساتھ عدالت پیشی کا حکم دیا۔
دوران سماعت تفتیشی افسر جہانزیب نےایک ہزارتئیس بیانات کی لسٹ عدالت میں جمع کرائی، جس پرعدالت نے کہا کہ لسٹ کہاں سے لائی گئی ہے،اگلی تاریخ کوکوئی نئی لسٹ نہ آجائے۔
سیشن جج نوشابہ قاضی نے آئی او کو ہدایت کی کہ وہ قانون پڑھ کرآئیں۔
آئی او کے بیانات میں تضاد پر وکلاء نے بھی اعتراض کیا، اس سے پہلے سانحہ بلدیہ کیس میں تفتیشی افسر نےعدالت میں معافی نامہ جمع کرایا۔
سماعت اکیس مارچ تک ملتوی کر دی گئی۔