Tag: بلوچستان

کوئٹہ : بلوچستان میں طوفانی بارش نے تباہی مچادی ، مختلف واقعات میں 29 افراد جاں بحق اور 15 افراد زخمی ہوئے۔

تفصیلات کے مطابق بلوچستان کے مختلف شہروں میں بارش سے نشیبی علاقےزیرآب آگئے ، پی ڈی ایم اے کی جاری رپورٹ میں بتایا گیا ہے کہ بارشوں کےدوران مختلف واقعات میں29افرادجاں بحق ہوئے، جاں بحق افرادمیں17بچےاور ایک خاتون شامل ہیں جبکہ 15 افراد زخمی بھی ہوئے۔

رپورٹ میں کہا گہا کہ صوبے یکم جولائی سےاب تک109603افرادمتاثرہوئے جبکہ طوفانی بارشوں سے 858 مکانات مکمل منہدم ، 13896 مکانات کوجزوی نقصان پہنچا۔

پی ڈی ایم اے کا کہنا تھا کہ سیلابی صورتحال سے 58799 ایکڑ پر فصلیں اور 41 کلومیٹر سڑکیں متاثرہوئیں جبکہ طوفانی بارشوں کے باعث 7 پلوں کونقصان پہنچا۔

رپورٹ کے مطابق صوبے میں بارشوں کے دوران 373 مویشی ہلاک ہوئے جبکہ جعفر آباد 3 اور لورالائی کا1 ہیلتھ یونٹ متاثرہوا۔

جھل مگسی کےمختلف دیہات میں کچے مکانات منہدم اور رابطہ سڑکیں منقطع ہوگئیں جبکہ بولان میں سیلابی ریلہ گھروں میں داخل ہوگیا ، جس سے شہریوں کا سامان بہہ گیا۔

لورالائی میں 3 گھنٹے سے جاری بارشوں سے متعدد مکانات منہدم ہوگئے ، ڈپٹی کمشنرلورالائی نے کہا کہ تمام شہریوں کو محفوظ مقامات پر منتقل کردیا ہے۔

کوئٹہ : بلوچستان کے علاقے مچ میں سیلابی ریلا گیس کی پائپ لائن کو بہا لے گیا، جس کے باعث کوئٹہ سمیت کئی علاقوں میں گیس کی فراہمی معطل ہوگئی۔

تفصیلات کے مطابق ترجمان سوئی سدرن گیس کمپنی کی جانب سے بیان میں کہا گیا ہے کہ گزشتہ شب مچ میں سیلابی ریلے سے 18 انچ قطر کی گیس لائن کونقصان پہنچا، جس سے کوئٹہ سمیت بلوچستان کےبیشترعلاقوں میں گیس کی فراہمی معطل ہوگئی۔

سوئی سدرن گیس کمپنی کا کہنا تھا کہ مستونگ،قلات،کولپور،مچھ، پشین اور ملحقہ علاقوں میں بھی گیس کی فراہمی معطل ہے۔

ترجمان نے کہا کہ سیکیورٹی کلیئرنس کےبعدمتاثرہ پائپ لائن پرکام شروع کیا جائے گا۔

خیال رہے بلوچستان کےمختلف شہروں میں بارش سے نشیبی علاقےزیرآب آگئے ہیں، جھل مگسی کےمختلف دیہات میں کچےمکانات منہدم ہوگئے اور رابطہ سڑکیں منقطع ہوگئیں۔

بولان میں سیلابی ریلہ گھروں میں داخل،شہریوں کاسامان بہہ گیا جبکہ لورالائی میں 3گھنٹےسے جاری بارشوں سےمتعددمکانات منہدم ہوگئے۔

کوئٹہ : بولان میں کوئٹہ سبی قومی شاہراہ پر ریلوے پل کو دھماکے سےاڑادیاگیا، جس کے نتیجے میں ایک شخص جاں بحق اور متعدد زخمی ہوگئے۔

تفصیلات کے مطابق بولان کے علاقے دوزان میں ریلوے پُل کو دھماکے اُڑا دیا گیا، جس سے ٹرین سروس معطل ہوگئی۔

بولان ریلوے پُل کو گزشتہ رات دھماکے سے اڑایا گیا، دھماکے میں ایک شخص جاں بحق اورمتعدد زخمی ہوئے۔

کراچی اور راولپنڈی سے کوئٹہ اور کوئٹہ سےاندرون ملک جانے والی ٹرینوں کوروک دیا گیا۔

گزشتہ رات سندھ بلوچستان قومی شاہراہ کو بھی مسلح افراد نے بلاک کردیا تھا، ایس ایس پی کچھی دوست محمد بگٹی کا کہنا ہے ریلوےپل کے تباہ شدہ ملبے سے دو لاشیں ملی ہیں جبکہ چار لاشیں کچھ فاصلے پرقومی شاہراہ سے ملی ہیں تاہم تمام لاشوں کو اسپتال منتقل کردیا گیا ہے۔