Tag: بلوچستان

کوئٹہ : بلوچستان کے کئی شہر زلزلے سے لرز اٹھے، جس سے شہریوں میں خوف و ہراس پھیل گیا۔

تفصیلات کے مطابق بلوچستان زلزلہ کے جھٹکوں سے لرز اٹھا، بلوچستان کے جنوبی اورشمالی علاقوں میں زلزلے کے جھٹکے محسوس کئے گئے، جس کے بعد لوگ کلمہ طیبہ کا ورد کرتے ہوئے گھروں سے باہر نکل آئے۔

زلزلہ کے جھٹکوں سے کوئٹہ، نوشکی،چاغی ،چمن، قلعہ عبداللہ ، پشین اور مستونگ لرزتے رہے ، زلزلہ پیما مارکز کے مطابق ریکٹراسکیل پر زلزلہ کی شدت 5.4ریکارڈ کی گئی۔

زلزلہ کا مرکز کوئٹہ سے 150 کلو میٹر جنوب مغرب میں سطح زمین سے پینتیس کلو میٹر گہرائی میں تھا، زلزلہ سے فوری طور پر کسی جانی یا مالی نقصان کی اطلاع نہیں ملی۔

یاد رہے مارچ میں بھی اسلام آباد، راولپنڈی، سوات سمیت مختلف کے مختلف شہروں میں زلزلے کے شدید جھٹکے محسوس کیے گئے تھے،جس کے بعد لوگ کلمہ طیبہ کا ورد کرتے ہوئے گھروں سے باہر نکل آئے تھے۔

کوئٹہ : بلوچستان سےرواں برس پولیو کا دوسرا کیس سامنے آگیا ، چمن کے علاقے میرعلی زئی کے رہائشی 4 سالہ بچے میں پولیو کی تصدیق ہوئی۔

تفصیلات کے مطابق بلوچستان میں پولیو وائرس پھر سے سر اٹھانے لگا، دو روز میں پولیو کے دو کیس سامنے آگئے، ضلع چمن کے رہائشی چار سال کے بچے میں پولیو وائرس کی تصدیق ہوگئی۔

محکمہ صحت بلوچستان کے حکام نے بتایا چمن میرعلیزئی سے تعلق رکھنے والے چار سال کے بچے میں پولیو وائرس کی تصدیق ہوئی۔

گزشتہ روزبلوچستان کے ضلع ڈیرہ بگٹی سے رواں سال کا پہلا کیس سامنے آیا تھا ، بلوچستان میں تین سال بعد پولیو کے کیس سامنے آرہے ہیں، اس سے پہلے بلوچستان میں پولیو کا آخری کیس تین سال قبل فروری دوہزاراکیس میں قلعہ عبداللہ سے رپورٹ ہوا تھا۔

بلوچستان کے نو اضلاع میں خصوصی پولیو مہم چوبیس مارچ سے شروع ہوگی۔

کراچی : بلوچستان کے مختلف اضلاع میں بارشوں اور پہاڑی علاقوں میں برفباری کا سلسلہ جاری ہے،این ڈی ایم اے نے ندی نالوں میں طغیانی اور لینڈ سلائیڈنگ سے متعلق الرٹ جاری کردیا ہے۔

تفصیلات کے مطابق بلوچستان میں بارشوں اوربرفباری کانیا سسٹم داخل ہوگیا ، بلوچستان کے مختلف اضلاع میں بارشوں،پہاڑی علاقوں میں برفباری کا سلسلہ جاری ہے۔

وادی کوئٹہ اورگردونواح میں بارش کا سلسلہ وقفے وقفے سےجاری ہے ، محکمہ موسمیات نے بلوچستان میں تیرہ مارچ تک بارش اوربرفباری کی پیشگوئی کی ہے۔

محکمہ موسمیات کا کہنا ہے کہ 24گھنٹےکے دوران بلوچستان کے بیشتر اضلاع میں مزید بارشوں کاامکان ہے، بارشوں سے متاثرہ اضلاع کےڈی سیز نے ہنگامی صورتحال سےنمٹنے کیلئےالرٹ جاری کردیا ہے۔

پشین کے علاقےشادیزئی سیدان میں آسمانی بجلی گرنے سےدوافراد جاں بحق ہوگئے جبکہ جھل مگسی،تربت،لسبیلہ،اورماڑہ ،پنجگور،جیوانی اورپسنی میں بھی کہیں ہلکی کہیں تیزبارش ہوئی جبکہ گوادراورگرونواح میں موسلادھار بارش سے نشیبی علاقے زیرآب آگئے ہیں۔

محکمہ موسمیات کے مطابق سندھ ،پنجاب خیبرپختونخوا،گلگت بلتستان اورکشمیر میں بھی بارش اورپہاڑوں پربرفباری متوقع ہے جبکہ کراچی میں آج بھی مطلع جزوی آبرآلود رہے گا۔

دوسری جانب مغربی ہواؤں کے نئے اسپیل کے زیر اثر آنے والے علاقوں آزاد کشمیر، گلگت بلتستان اورخیبرپختونخوا میں شدید برف باری بھی متوقع ہے، این ڈی ایم اے نے ندی نالوں میں طغیانی اور لینڈ سلائیڈنگ سے متعلق الرٹ کرتے ہوئے متعلقہ ادارے کو کسی بھی ہنگامی صورتحال سے نمٹنے کےلیے تیار رہنے کی ہدایت کی ہے۔

گوادر: کیچ میں طوفانی بارش سے تربت تا مند کا راستہ بند ہوگیا جبکہ گوادر میں دریائے نہنگ میں اونچے درجے کے سیلاب سے پُل بہہ گیا۔

تفصیلات کے مطابق بلوچستان کے مختلف علاقوں میں طوفانی بارش نے تباہی مچا دی، گوادراورگردونواح میں موسلادھاربارش ہوئی، جس سے دریائے نہنگ میں سیلابی کیفیت ہے، دریا کا ریلا پُل بہا لے گیا۔

گوادر میں شدید بارش کے بعد نشیبی علاقے زیر آب آ گئے، جس کے بعد اسکولوں کو بند کر دیا گیا ہے۔

کیچ میں طوفانی بارش سے تربت تا مند کا راستہ بند ہوگیا ہے جبکہ نصیرآباد، ڈیرہ مرادجمالی اور گردونواح میں بھی تیز بارش ہوئی، جس کے باعث نشیبی علاقے زیرآب آگئے اور بجلی کے آٹھ فیڈر ٹرپ کرگئے، جس سے کئی علاقوں میں بجلی کی فراہمی معطل ہوگئی۔۔

بلوچستان کے شہروں پنجگور ، گوادر، اواران، خضدار، قلات ، تربت ،کیچ،کوئٹہ میں بارش جبکہ زیارت،چمن،قلعہ عبداللہ،قلعہ سیف اللہ میں بارش اور پہاڑوں پر برفباری کاامکان ہے۔