Tag: بلوچستان

ژوب : محکمہ انسداد دہشت گردی (سی ٹی ڈی) بلوچستان کی کارروائی میں کالعدم تنظیم کے 3 کارندے مارے گئے جبکہ 2 سی ٹی ڈی اہلکار بھی زخمی ہوئے۔

تفصیلات کے مطابق صوبہ بلوچستان کے ضلع ژوب کے علاقے مرغہ کِبزئی میں محکمہ انسداد دہشت گردی (سی ٹی ڈی) نے کارروائی کی۔

کارروائی کے دوران فائرنگ کے تبادلے میں تین حملہ آور ہلاک ہوگئے، ترجمان سی ٹی ڈی نے بتایا کہ حملہ آوروں کی فائرنگ سے دو اہلکار زخمی ہوئے۔

ترجمان کا کہنا تھا کہ مارے گئے حملہ آوروں کا تعلق کالعدم تنظیم سے بتایا جاتا ہے۔

کوئٹہ: ریکوڈک منصوبے کی دوبارہ سے فعالی سےبلوچستان کی عوام میں خوشی کی لہر دوڑ گئی، منصوبے سے بلوچستان اور ضلع چاغی کے مقامی افراد کی زندگی پر مثبت اثرات مرتب ہوں گے۔

تفصیلات کے مطابق ریکوڈک منصوبہ چاغی کی عوام کے تابناک مستقبل کی جانب احسن قدم ہے، ریکوڈک منصوبے کی دوبارہ سے فعالی سےبلوچستان کی عوام میں خوشی کی لہر دوڑ گئی۔

منصوبہ کوک کندی اور ضلع چاغی کے مقام پر شروع کیا گیا ، ریکوڈک منصوبے سے بلوچستان اور ضلع چاغی کے مقامی افراد کی زندگی پر مثبت اثرات مرتب ہوں گے۔

دالبندین کے شہری کہتے ہیں کہ ریکوڈک کا کام ضرور ہونا چاہیے، یہ ہمارے علاقے کے لیے بہت اہم ہے، اچھا ہے لوگوں کو ریکوڈک کے ذریعے روزگار ملے گا، سب خوش ہوں گے۔

شہری کا کہنا تھا کہ ریکوڈک پروجیکٹ پورے بلوچستان اور خاص کر چاغی کے لیے بہت اہم ہے، یہ پراجیکٹ جب چلے گا تو سب لوگوں کو اس سے فائدہ ہو گا، بہت خوشی ہوئی یہ پراجیکٹ جب شروع ہوگا تو ہمارا علاقہ بھی ترقی کرے گا ، یہ پراجیکٹ بہت خوش آئند ہے۔

نوکنڈی کے شہری نے کہا کہ ریکوڈک پراجیکٹ کمیٹی بیٹھی ہے، ان کے منصوبے کے مطابق کام جاری ہے، ریکوڈک پراجیکٹ شروع ہو رہا ہے بہت اچھی بات ہے ہمارے لوگوں کو روزگار ملے گا، اس پراجیکٹ کے بارے میں لوگ کافی تعریفیں کر رہے ہیں۔

شہری کا کہنا تھا کہ فائدے کی بات ہے، باہر کے لوگ آئیں گے اور ہمارے تعلیم یافتہ لوگوں کو روزگار ملے گا، بہت خوش ہیں ریکوڈک پراجیکٹ دوبارہ شروع ہو چکا اس سے ہمارے علاقے میں ترقی ہو گی اور روزگار آئے گا۔

انھوں نے بتایا کہ سرکاری افسران نےیقین دلایا ہے جتنی بھی خرید و فروخت ہوگی، ہمارے علاقے سے ہوگی اور ہمارے تاجروں کو ترجیح دی جائے گی۔

ایس ایس جی سی نے کہا ہے کہ بلوچستان کے مختلف اضلاع میں آج گیس بند رہے گی۔

کوئٹہ سمیت بلوچستان کے مختلف علاقوں میں آج صبح 10 سے رات 10 بجے تک سوئی گیس بند رہے گی، ایس ایس جی سی کی اعلامیہ کے مطابق بلوچستان کے علاقے کوئٹہ، مستونگ، کھڈکوچہ، منگچر، قلات،کانک و دیگر علاقوں میں گیس بند رہےگی۔

اس کے علاوہ کچلاک، یارو، پشین، زیارت سمیت ملحقہ علاقوں میں بھی آج گیس بند رہے گی، اعلامیے کے مطابق مرمتی کام کے باعث گیس بند کی گئی، رات 10 بجے بحال کی جائیگی۔