Tag: بلوچستان

  • بلوچستان میں دہشت گردی کیخلاف خواتین کی جانب سے ریلی

    بلوچستان میں دہشت گردی کیخلاف خواتین کی جانب سے ریلی

    کراچی: بلوچستان میں دہشت گردی کیخلاف خواتین کی جانب سے ریلی نکالی گئی، مختلف شعبہ ہائے زندگی سے تعلق رکھنے والی خواتین نے شرکت کی۔

    اے آر وائی نیوز کے مطابق بلوچستان میں شہید مسافروں کے حق میں نمائش چورنگی سے ریلی نکالی گئی، مزار قائد سے نکالی جانے والی ریلی کراچی پریس کلب پر اختتام پذیر ہوئی، خواتین اور دیگر شعبہ ہائے زندگی سے تعلق رکھنے والے افراد نے اس ریلی میں شرکت کی۔

    ریلی میں شامل خواتین کی بڑی تعداد کراچی پریس کلب پہنچی، ریلی میں شریک خواتین کی جانب سے پاکستان اور پاک فوج کے حق میں نعرے بھی لگائے گئے۔

    دریں اثنا بلوچستان میں قتل کیے گئے افراد کے اہلخانہ نے میڈیا سے گفتگو کی، حجام انصر کی بیوہ نے کہا کہ لوگوں کے گھروں میں کام کرتی ہوں۔

    رہنما ہندو کونسل کاشی رام کا کہنا تھا کہ 22 سالہ طوطا رام کو بھی بلوچستان میں قتل کیا گیا، طوطا رام بھی خضدار قلات میں کام کےلیے گیا تھا، بلوچستان اور چولستان میں بھی محرومیاں ہیں مگر دہشتگردی حل نہیں۔

  • دکی : سی ٹی ڈی کی کارروائی، 5 دہشت گرد ہلاک

    دکی : سی ٹی ڈی کی کارروائی، 5 دہشت گرد ہلاک

    کوئٹہ : بلوچستان کے ضلع دکی میں سی ٹی ڈی اور سیکورٹی فورسز  نے مشترکہ کارروائی میں 5 دہشت گرد ہلاک کردیے۔

    تفصیلات کے مطابق بلوچستان کے ضلع دکی میں سیکورٹی فورسز اور سی ٹی ڈی نے انٹیلی جنس بیسڈ مشترکہ کاروائی کی۔

    کارروائی کالعدم تنظیم سے تعلق رکھنے والے عسکریت پسندوں کی موجودگی کے حوالے سے خفیہ اطلاع پر کی گئی، قانون نافذ کرنے والے اہلکاروں کو دیکھ کر مشتبہ افراد نے فائرنگ شروع کر دی۔

    حکام کا کہنا تھا کہ دکی ڈبر پہاڑ کے مقام پر آپریشن میں فائرنگ کے تبادلے میں 5 دہشت گرد مارے گئے، ہلاک دہشت گردوں کا تعلق کالعدم تنظیم سے تھا۔

    حکام نے مزید بتایا کہ دہشت گرد کوئلہ کانوں، فورسز اور شہریوں پرحملوں میں ملوث تھے تاہم دہشتگردوں کی لاشیں دکی اسپتال میں ضروری کاروائی کے بعد کوئٹہ روانہ کردی گئی ہیں۔

    سی ٹی ڈی کا کہنا تھا کہ کارروائی کی جگہ سے اسلحہ اور دھماکہ خیز مواد بھی برآمد ہوا ہے تاہم گروپ کے بقیہ نیٹ ورک اور ساتھیوں کا سراغ لگانے کے لیے مزید تفتیش جاری ہے۔

    خیال رہے بلوچستان میں حالیہ مہینوں میں مزدوروں کو نشانہ بنانے کے واقعات میں اضافہ دیکھنے میں آیا ہے۔

    صوبے کے دور دراز علاقوں میں متعدد واقعات رپورٹ ہوئے ہیں، جن کے نتیجے میں درجنوں افراد ہلاک اور متعدد افراد کو اغوا کیا گیا ہے۔

  • پی آئی اے کے 3 سنیئر افسران کو قید اور جرمانے کی سزائیں

    پی آئی اے کے 3 سنیئر افسران کو قید اور جرمانے کی سزائیں

    اسلام آباد: این آئی آر سی بلوچستان نے پی آئی اے کے 3 سنیئر افسران کو سزا سنا دی۔

    تفصیلات کے مطابق نیشنل انڈسٹریل ریلیشنز کمیشن کوئٹہ بینچ کے ممبر عبدالغنی مینگل نے پاکستان انٹرنیشنل ایئر لائنز کوئٹہ کے ملازمین کی مستقلی سے متعلق کیس کی سماعت کرتے ہوئے تفصیلی فیصلہ سنا دیا۔

    پی آئی اے افسران کو یومیہ اجرت والے 17 ملازمین کو مستقل نہ کرنے کے عدالتی فیصلے کی حکم عدولی پر سزا سنائی گئی ہے۔ پی آئی اے کے ڈپٹی سی ای او، ہیومن ریسورس ڈپارٹمنٹ کے سربراہ اور جی ایم پی آئی اے بلوچستان کو 6,6 ماہ قید 50،50 ہزار جرمانے کی سزائیں سنائی گئی ہیں۔

    عدالت نے تمام افسران کو سرکاری عہدوں کے لیے نااہل بھی قرار دے دیا ہے، عدالت کی جانب سے افسران کی تنخواہیں اور مراعات فی الفور روکنے کے احکامات بھی جاری کیے گئے ہیں، اور آئی جی اسلام آباد، آئی جی بلوچستان کو فیصلے پر عمل درآمد کا حکم دے دیا۔

    فیصلے میں ہدایت کی گئی کہ آئی جی اسلام آباد اور آئی جی بلوچستان تینوں افسران کو جیل منتقل کریں۔

    ترجمان پی آئی اے نے کہا ہے کہ وہ عدالتی فیصلوں کا احترام کرتے ہیں، تاہم فیصلے سے کئی اہم قانونی نکات سماعت میں شامل ہونے سے رہ گئے ہیں، موجودہ نجکاری عمل اور اس ضمن میں انتظامی پیچیدگیوں سے متعلق عدالت کو آگاہ کرنا پی آئی اے کے دفاع کے لیے ضروری تھا۔

    ترجمان پی آئی اے کا کہنا تھا کہ قومی ایئرلائن نے فیصلے کے خلاف متعلقہ فورم پر نظر ثانی اپیل دائر کر دی ہے۔

  • ریکو ڈک سے سونے اور تانبے کی پیداوار کب شروع ہوگی؟ مارک برسٹو کا اہم انٹرویو

    ریکو ڈک سے سونے اور تانبے کی پیداوار کب شروع ہوگی؟ مارک برسٹو کا اہم انٹرویو

    اسلام آباد: بیرک گولڈ کے صدر اور چیف ایگزیکٹیو مارک برسٹو نے کہا ہے کہ ریکو ڈک میں کام رواں سال شروع ہونے کا امکان ہے۔

    تفصیلات کے مطابق مارک برسٹو نے بلوم برگ کو انٹرویو میں کہا ہے کہ ریکوڈک میں کام رواں سال شروع ہونے کا امکان ہے، اور 2028 سے پیداوار شروع ہو جائے گی۔

    انھوں نے بتایا کہ بیرک گولڈ نے ریکوڈک سے سونا اور تانبہ نکالنے کے منصوبے کی ابتدائی منظوری دے دی ہے، ریکوڈک منصوبہ پاکستان کو کان کنی کے عالمی نقشے پر اہم ملکوں میں شامل کر دے گا، یہ پاکستان کی معیشت میں اہم کردار ادا کرے گا اور بلوچستان پر بھی مثبت اثرات مرتب ہوں گے۔ریکو ڈک بلوچستان سونا تانبہ

    واضح رہے کہ ریکو ڈک کا شمار دنیا کے تانبے اور سونے کے بڑے ذخائر میں ہوتا ہے، جس کی کان کنی کے پراجیکٹ کا 50 فی صد بیرک، 25 فی صد وفاقی حکومتِ پاکستان کی تین سرکاری کمپنیوں (آئل اینڈ گیس ڈیویلپمنٹ کمپنی لمیٹڈ، پاکستان پیٹرولیم لمیٹڈ اور گورنمنٹ ہولڈنگ پرائیویٹ لمیٹڈ)، 15 فی صد بغیر کسی سرمایہ کاری کے حکومتِ بلوچستان کا حصہ ہے، جس میں وفاقی حکومت سرمایہ کاری کرے گی ور 10 فی صد فری کیری بنیاد پر بلوچستان کی ملکیت ہے، یعنی اس حصے میں سرمایہ کاری پراجیکٹ کرے گا۔


    امریکی ٹیرف کے ایشیائی ممالک پر کیا اثرات ہوں گے؟ رپورٹ جاری


    بیرک کے صدر اور چیف ایگزیکٹیو مارک برسٹو کا کہنا ہے کہ تمام قانونی تقاضے پورے ہونا (یعنی سپریم کورٹ آف پاکستان کی جانب سے موافق رائے ملنا اور ضروری قانون سازی) ریکوڈک منصوبے کو ایک بین الاقوامی معیار کا طویل المدتی منصوبہ بنانے کی طرف پہلا قدم ہے، جس سے بیرک کے تانبہ نکالنے کے پورٹ فولیو میں نمایاں اضافہ ہوگا اور پاکستان کے تمام اسٹیک ہولڈرز کو کئی نسلوں تک خاطر خواہ فوائد حاصل ہوں گے۔

    پاکستان منرل انویسٹمنٹ فورم


    پاکستان میں منرل انویسٹمنٹ فورم کا کامیاب انعقاد کیا گیا ہے، جس میں غیر ملکی سرمایہ کار پاکستان میں پیسہ لگانے کے لیے پرجوش نظر آئے، ان کا کہنا تھا کہ ریکوڈک کے لیے تعمیراتی خدمات دینے کو تیار ہیں، ان کی جانب سے مزید معدنیات کی تلاش کے لیے پارٹنرشپ کی پیش کش کا اظہار بھی کیا گیا۔

    امریکی کمپنی کی ترجمان نے کہا فورم کا انعقاد پاک امریکا تعلقات کے لیے بھی غیر معمولی ثابت ہوا ہے، ریکو ڈک مائننگ کمپنی کے نمائندے رسل ہاورڈ نے کہا ریکوڈک میں سونے اور تانبے کے وسیع ذخائر ہیں، جو 286 کلومیٹر علاقے پر محیط ہیں، 29 کلومیٹر رقبے پر جیو تکنیکی ڈرلنگ ہو چکی ہے، اور دوہزار اٹھائیس میں سونا اور تانبہ نکالنا شروع کر دیں گے۔

    امریکی تاجروں کو پاکستانی معدنیات میں سرمایہ کاری کی پیش کش کرتے ہوئے وزیر اعظم شہباز شریف نے کہا کہ پاکستان میں معدنیات کے شعبے میں وسیع مواقع ہیں، امریکی سرمایہ کاروں کو فائدہ اٹھانا چاہیے، امریکی وفد سے گفتگو میں وزیر اعظم نے کہا ٹرمپ انتظامیہ سے مل کر کام کرنا چاہتے ہیں۔ امریکی محکمہ خارجہ کے سینئرعہدیدار ایرک مائیر نے کہا امریکی انتظامیہ منرل ڈیولپمنٹ پر پاکستان سے تعاون کی خواہاں ہے۔

  • ریکو ڈِک سیشن آج ہوگا، اہم نکات کیا ہوں گے؟

    ریکو ڈِک سیشن آج ہوگا، اہم نکات کیا ہوں گے؟

    اسلام آباد: ایس آئی ایف سی کی معاونت سے معدنی شعبے میں سرمایہ کاری کے فروغ کے لیے پاکستان منرلز انویسٹمنٹ فورم 2025 کا دو روزہ انعقاد ہو رہا ہے، جس میں 8 اپریل کے افتتاحی روز معدنی وسائل کے مؤثر استعمال کے لیے متعدد یادداشتوں پر دستخط کیے گئے۔

    ریکو ڈک پر جامع سیشن آج 9 اپریل کو ہوگا، عالمی ماہرین اور منصوبے کے رہنما اس کی پیش رفت اور امکانات پر روشنی ڈالیں گے، ریکو ڈِک کی فزیبلٹی رپورٹ پر بریفنگ رسل ہاورڈ اوون (منرل ریسورسز منیجر، ریکوڈک مائننگ کمپنی) پیش کریں گے۔

    ریکوڈک کانفرنس میں معدنی صنعت اور تعلیمی اداروں میں روابط مضبوط بنانے پر پینل ڈسکشن، ماہرین مستقبل کی مائننگ ورک فورس کی تیاری پر قیمتی آرا سے آگاہ کریں گے، پینل میں بیرک گولڈ کی جانب سے رچرڈ بارلے، اور مختلف مقامی جامعات کے نمائندگان موجود ہوں گے۔


    پاکستان منرلز انویسٹمنٹ فورم کے پہلے دن درجنوں ایم او یوز اور معاہدوں پر دستخط


    اس دوران معدنی شعبے میں ’’مستقبل کی مالی معاونت‘‘ پر مکالمہ، عالمی تقاضوں کی تکمیل کے لیے پاکستان کے معدنی ذخائر میں سرمایہ کاری زیر بحث لائی جائے گی، فورم میں پائیدار، ذمہ دارانہ مائننگ اور ماحولیاتی قیادت کے فروغ پر ماہرین اظہارِ خیال کریں گے۔

    فورم کے اختتام پر او جی ڈی سی ایل کے سی ای او احمد حیات اختتامی خطاب کریں گے۔

  • کارڈ ہولڈر مہاجرین کو وقت مل گیا، بلوچستان ہائیکورٹ کا حکم

    کارڈ ہولڈر مہاجرین کو وقت مل گیا، بلوچستان ہائیکورٹ کا حکم

    کوئٹہ: بلوچستان ہائیکورٹ نے پی او آر کارڈ ہولڈر افغان مہاجرین کو واپسی کے لیے وقت دینے کا حکم دے دیا ہے۔

    تفصیلات کے مطابق بلوچستان ہائیکورٹ نے نصرت افغانی ایڈووکیٹ کی پٹیشن پر فیصلہ جاری کر دیا، فیصلے کے تحت پروف آف رجسٹریشن کارڈ ہولڈر مہاجرین کو مزید 3 ماہ کا وقت مل گیا ہے۔

    نصرت افغانی ایڈووکیٹ نے عدالت کو بتایا کہ نادرا کے پی او آر کارڈز کی مدت 30 جون 2025 تک ہے، سہ فریقی معاہدے کے بعد وفاق کا پریس ریلیز جاری کرنا غیر قانونی ہے۔

    سینئر قانون دان نے کہا یو این ایچ سی آر کے ساتھ معاہدے کے بعد مہاجرین کے انخلا کے لیے پریس ریلیز کی حیثیت نہیں ہے، افغان مہاجرین کے انخلا سے متعلق کوئی حکومتی حکم نامہ جاری نہیں ہوا ہے۔


    افغانستان میں چھوڑے گئے ہتھیار پاکستان کے شہریوں کے خلاف استعمال ہو رہے ہیں، پاکستان مشن قونصلر


    ادھر خیبر پختونخوا کی پولیس نے کہا ہے کہ کے پی میں غیر قانونی طور پر مقیم افغان باشندوں کی میپنگ شروع کر دی گئی ہے، جس سے پتا لگایا جائے گا کہ کس جگہ کتنےغیر قانونی افغان باشندے رہائش پذیر ہیں، پولیس کا کہنا ہے کہ افغان باشندوں کی میپنگ کے لیے 90 سے زیادہ ٹیمیں تشکیل دے دی گئی ہیں۔

    ٹیموں میں پولیس، ضلعی انتظامیہ اور دیگر متعلقہ محکموں کے اہلکار شامل ہیں، افغان باشندوں کی میپنگ کے لیے 200 سے زیادہ پولیس اہلکار تعینات ہیں، پولیس نے پشاور اور خیبر میں افغان باشندوں کی واپسی کے لیے قائم ہولڈنگ سینٹرز کو سیکیورٹی فراہم کی ہے۔

    دوسری طرف محکمہ داخلہ نے کہا ہے کہ پنجاب سے 260 افغان باشندوں کو آج طورخم بارڈر سے ڈی پورٹ کیا جائے گا، یہ غیر قانونی افغان باشندے آج خیبر پختونخوا پہنچائے جائیں گے، اور کاغذی کارروائی مکمل کر کے آج ہی افغانستان واپس بھیج دیا جائے گا۔

    محکمہ داخلہ کے مطابق 41 افغان باشندے اوکاڑہ اور 46 ساہیوال سے لائے جا رہے ہیں، 47 بہاولپور، 54 رحیم یار خان اور 18 ننکانہ سے منتقل کیے جائیں گے، جب کہ 17 افغانوں کو مظفرگڑھ، 37 کو حافظ آباد سے ہولڈنگ کیمپس منتقل کیا جائے گا۔

  • بلوچستان کے قیدیوں کیلیے خوشخبری، بڑا اعلان ہو گیا

    بلوچستان کے قیدیوں کیلیے خوشخبری، بڑا اعلان ہو گیا

    وزیر اعلیٰ بلوچستان سرفراز بگٹی نے صوبے کی جیلوں میں اسیر قیدیوں کی سزاؤں میں خصوصی معافی کا اعلان کر دیا ہے۔

    وزیر اعلیٰ سیکریٹریٹ سے جاری اعلامیہ کے مطابق سی ایم بلوچستان سرفراز بگٹی نے جیلوں میں اسیر قیدیوں کے لیے دو ماہ کی خصوصی معافی کا اعلان کیا ہے۔

    اعلامیہ میں کہاگیا ہے کہ وزیراعلیٰ بلوچستان نے عیدالفطر کی مناسبت سے قیدیوں کی سزا میں تخفیف کی منظوری دی ہے تاہم اس معافیکا اطلاق صرف غیر سنگین جرائم میں قید قیدیوں پر ہوگا۔

    وزیراعلیٰ سرفراز بگٹی کی قیدیوں کی سزا میں تخفیف کی منظوری دیتے ہوئے متعلقہ حکام کو ہدایت کی ہے کہ وہ فوری طور پر اس فیصلے پر عملدرآمد کو یقینی بنائیں۔

  • بلوچستان کے مسئلے کا حل صرف ترقیاتی پیکج میں نہیں ہے: ترجمان بلوچستان حکومت

    بلوچستان کے مسئلے کا حل صرف ترقیاتی پیکج میں نہیں ہے: ترجمان بلوچستان حکومت

    ترجمان بلوچستان حکومت شاہد رند کا کہنا ہے اختر مینگل سے مذاکرات جاری ہیں جلد معاملات حل کریں گے۔

    تفصیلات کے مطابق ترجمان بلوچستان حکومت شاہد رند نے ایک بیان میں کہا کہ بلوچستان حکومت نے دھرنے کے معاملے پر اقدامات کئے ہیں، حکومت کے سردار اختر مینگل سے مذاکرات جاری ہیں۔

    شاہد رند نے کہا کہ وزیراعظم سے وزیراعلیٰ بلوچستان کی ملاقات ہوئی ہے، بلاول بھٹو سے بھی ایک دو روز میں وزیراعلیٰ کی ملاقات ہوگی، وفاق اور بلوچستان حکومت ملکر معاملات کو حل کرےگی۔

    ترجمان کا کہنا ہے کہ صوبے میں پیپلزپارٹی کیساتھ ن لیگ اور دیگر جماعتیں اتحادی ہیں، وزیراعلیٰ بلوچستان تمام جماعتوں کی مشاورت سے فیصلے کررہے ہیں، امن وامان کا چیلنج گزشتہ دو دہائیوں سے چل رہا ہے۔

    شاہد رند نے کہا کہ بلوچستان کے مسئلے کا حل صرف ترقیاتی پیکج میں نہیں ہے، بلوچستان میں ترقیاتی کاموں کیساتھ امن وامان کا حل بھی ضروری ہے، بلوچستان حکومت کی کوشش ہے تمام مسائل کا حل نکال کر آگے بڑھا جائے۔

  • بلوچستان میں عید پر دفعہ 144 نافذ

    بلوچستان میں عید پر دفعہ 144 نافذ

    محکمہ داخلہ بلوچستان نے امن وامان کی صورتحال کے باعث عیدالفطر کے موقع پر صوبے بھر میں دفعہ 144 نافذ کر دی ہے۔

    اے آر وائی نیوز کے مطابق محکمہ داخلہ بلوچستان نے امن ومان کی صورتحال کے باعث صوبے بھر میں دفعہ 144 نافذ کرتے ہوئے سیر وتفریح کے مقامات پر جانے پر پابندی عائد کر دی ہے۔

    اس حوالے سے اعلامیہ جاری کیا گیا ہے جس کے مطابق کوئٹہ کی ضلع انتظامیہ نے عید کے موقع پر دفعہ 144 کے تحت تفریحی مقامات پر جانے پر پابندی عائد کر دی ہے۔

    اس کے علاوہ ہنہ اوڑک، کرخسہ اور شابان کے علاقوں م یں بھی تفریح کے لیے جانے پر پابندی عائد کر دی گئی ہے۔

    اعلامیہ میں شہریوں سے اپیل کی گئی ہے کہ وہ عید کے ایام میں متعلقہ تفریحی مقامات کا رخ نہ کریں۔

    واضح رہے کہ صوبہ بلوچستان میں گزشتہ دنوں تواتر سے دہشتگردی کے کئی واقعات رونما ہوئے جن میں متعدد معصوم شہری اور قانون نافذ کرنے والے اداروں کے اہلکار شہید ہوئے جب کہ درجنوں دہشتگردوں اور خارجیوں کو واصل جہنم کیا گیا۔

    https://urdu.arynews.tv/balochistan-assembly-terrorism-amended-draft-approved/

  • بلوچستان : سیکیورٹی فورسز سے مقابلہ: 6 دہشت گرد ہلاک

    بلوچستان : سیکیورٹی فورسز سے مقابلہ: 6 دہشت گرد ہلاک

    راولپنڈی : بلوچستان کے ضلع قلات میں سکیورٹی فورسز  نے کامیاب کارروائی کرتے ہوئے 6 دہشت گردوں کو ہلاک کردیا۔

    پاک فوج کے شعبہ تعلقات عامہ (آئی ایس پی آر) کے مطابق سکیورٹی فورسز نے قلات میں دہشت گردوں کی موجودگی کی اطلاع پر کامیاب آپریشن کیا۔

    آئی ایس پی آر کا کہنا ہے کہ آپریشن کے دوران دہشت گردوں اور سکیورٹی فورسز میں فائرنگ کا تبادلہ ہوا جس کے نتیجے میں 6 دہشت گرد موقع پر مارے گئے۔

    آئی ایس پی آر کے مطابق ہلاک ہونے والے دہشت گرد اداروں سمیت معصوم اور بے گناہ شہریوں کیخلاف پرتشدد کارروائیوں میں ملوث تھے۔

    علاقے میں کسی بھی ممکنہ دہشت گردی کو ختم کرنے کے لیے سینیٹائزیشن آپریشن جاری ہے، فورسز بلوچستان کے امن اور ترقی کو سبوتاژ کرنے کی کوششوں کو ناکام بنانے کیلئے پرعزم ہیں۔