ARYNews.tv | Urdu – Har Lamha Bakhabar

Tag: بلوچستان

  • کوئٹہ میں سیکیورٹی فورسزکی گاڑی پرفائرنگ‘ 4 اہلکار شہید

    کوئٹہ میں سیکیورٹی فورسزکی گاڑی پرفائرنگ‘ 4 اہلکار شہید

    کوئٹہ : صوبہ بلوچستان کے دارالحکومت کوئٹہ میں نامعلوم مسلح افراد کی سیکیورٹی فورسز کی گاڑی پرفائرنگ کے نتیجے میں ایف سی کے 4 اہلکار شہید ہوگئے۔

    تفصیلات کے مطابق کوئٹہ کے علاقے لانگوآباد میں نامعلوم افراد کی سیکیورٹی فورسز کی گاڑی پرفائرنگ کے نتیجے میں ایف سی کے 4 اہلکار شہید ہوگئے۔

    واقعے کے فوری بعد پولیس اور امدادی ٹیمیں موقع پرپہنچ گئیں جبکہ علاقے کو گھیرے میں لے سرچ آپریشن شروع کردیا۔

    پولیس حکام کے مطابق سیکیورٹی اہلکاروں کی گاڑی گشت پر تھی کہ نامعلوم افراد نے فرنٹیئرر کور کی گاڑی پر فائرنگ کی۔

    آئی جی بلوچستان معظم جاں انصاری

    آئی بلوچستان معظم جاں انصاری نے میڈیا سے گفتگو کرتے ہوئے کہا کہ دہشت گردوں نے آج پھر ایف سی اہلکاروں کو نشانہ بنایا۔

    انہوں نے کہا کہ 3 سے 4 حملہ آوروں نے کلاشنکوف ، 9 ایم ایم پستول سے فائرنگ ایف سی اہلکاروں پر فائرنگ کی۔

    آئی جی بلوچستان نے کہا کہ دہشت گردوں کے خلاف سیکیورٹی فورسزکی کارروائیاں جاری ہے، دہشت گردوں کوانجام تک پہنچائے بغیرچین سے نہیں بیٹھیں گے۔

    معظم جاں انصاری نے کہا کہ عوام کے جان ومال کا تحفظ ہماری ذمہ داری ہے، کسی قربانی سے دریغ نہیں کریں گے۔

    بلاول بھٹو کی کوئٹہ میں سیکیورٹی فورسز پرحملے کی مذمت

    پیپلزپارٹی کے چیئرمین بلاول بھٹو زرداری نے کوئٹہ میں فورسزکی گاڑی پردہشت گرد حملےکی شدید مذمت کرتے ہوئے 4 سیکیورٹی اہلکاروں کی شہادت پرافسوس کا اظہارکیا۔

    بلاول بھٹو نے کہا کہ فورسزبہادری سے دہشت گردی کے خلاف لڑرہی ہیں، شہدا کی قربانی کبھی رائیگاں نہیں جائیں گی۔

    چیئرمین پیپلزپارٹی نے کہا کہ قوم اورمسلح افواج مل کردہشت گردی کوشکست دیں گے۔

    وزیراعلیٰ بلوچستان کی کوئٹہ میں سیکیورٹی فورسز پرحملے کی مذمت

    وزیراعلیٰ بلوچستان عبدالقدوس بزنجو نے کوئٹہ میں سیکیورٹی اہلکاروں کی شہادت پراظہار افسوس کرتے ہوئے کہا کہ دہشت گردی کے خاتمے کے لیے فورسزکی قربانیاں رائیگاں نہیں جائیں گی۔

    انہوں نے کہا کہ شہید اہلکاروں کے پسماندگان کے دکھ میں برابرکے شریک ہیں، شہید اہلکاروں نے عوام کے جان ومال کے تحفظ کے لیے جانیں قربان کیں۔

    وزیراعلیٰ بلوچستان نے کہا کہ دہشت گردوں کو کیفرکردارتک پہنچایا جائے گا، دہشت گردی کے خاتمےتک چین سے نہیں بیٹھیں گے۔

    خیال رہے کہ گزشتہ ماہ 21 جنوری کو کوئٹہ میں نامعلوم افراد کی فائرنگ سے کوئٹہ پولیس کے سابق ایس ایچ او فضل الرحمن جاں بحق ہوگئے تھے۔

    اس سے قبل 16 جنوری 2018 کو کوئٹہ میں رئیسانی روڈ پرنامعلوم موٹرسائیکل سوار مسلح افراد کی فائرنگ سے ٹریفک پولیس اہلکار جاں بحق ہوگیا تھا۔

    کوئٹہ فائرنگ، ایس پی قائدآباد سمیت 4 پولیس اہلکارشہید

    یاد رہے کہ گزشتہ سال 13 جولائی کو کوئٹہ میں کلی دیبہ کے قریب مسلح افراد کی فائرنگ سے ایس پی قائدآباد سمیت 4 پولیس اہلکارشہید اور ایک زخمی ہوگیا تھا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • بلوچستان کےمختلف علاقوں میں ایف سی کا آپریشن‘ 20 دہشت گرد گرفتار

    بلوچستان کےمختلف علاقوں میں ایف سی کا آپریشن‘ 20 دہشت گرد گرفتار

    کوئٹہ : آئی ایس پی آر کا کہنا ہے کہ صوبہ بلوچستان کے مختلف علاقوں میں ایف سی نے آپریشن کے دوران 20 دہشت گردوں کو گرفتار کرلیا۔

    پاک فوج کے شعبہ تعلقات عامہ آئی ایس پی آر کے مطابق آپریشن ردالفساد کے تحت بلوچستان کے مختلف علاقوں میں ایف سی نے آپریشن کے دوران 20 مشتبہ دہشت گردوں کو گرفتار کرلیا۔

    آئی ایس پی آر کا کہنا ہے کہ آپریشن بلوچستان کےعلاقوں بلیدہ، گشکور، تراٹھا اورپشین میں کیا گیا۔

    پاک فوج کے شعبہ تعلقات عامہ کے مطابق آپریشن میں بڑی تعداد میں اسلحہ اورگولیاں، آرپی جی راکٹ، سب مشین گن اور اسنائپر رائفل برآمد ہوئی ہے۔

    آئی ایس پی آر کا کہنا ہے کہ دہشت گردوں کے قبضے سے لیپ ٹاپ، جی پی ایس سسٹم اوردیگرمواصلاتی آلات بھی برآمد ہوئے ہیں۔

    خیال رہے کہ 21 جنوری 2018 کو صوبہ پنجاب کے شہرڈیرہ غازی خان میں پنجاب رینجرز نے آپریشن کے دوران کالعدم تنظیم کے دو دہشت گردوں کو ہلاک کردیا تھا۔

    ایف سی بلوچستان کا آپریشن: مشتبہ افراد گرفتار، اسلحے کی کھیپ برآمد

    یاد رہے کہ گزشتہ ماہ 8 جنوری کو ایف سی بلوچستان نے مستونگ اور ڈھاڈر میں آپریشن کرتے ہوئے مشتبہ افراد کو گرفتار کرتے ہوئے اسلحے کی بڑی کھیپ برآمد کی تھی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔

  • بلوچستان کے علاقے بولان میں کارروائی،11ملزمان گرفتار،آئی ایس پی آر

    بلوچستان کے علاقے بولان میں کارروائی،11ملزمان گرفتار،آئی ایس پی آر

    کوئٹہ : بلوچستان کے علاقے بولان میں ایف سی بلوچستان اور حساس ادارے نے کارروائی کرتے ہوئے گیارہ ملزمان کو گرفتار کرلیا جبکہ ملزمان سے اسلحہ ، بارودی مواد، ڈیٹو نیٹرز، موبائل سمز اور مواصلاتی سامان برآمد ہوا۔

    آئی ایس پی آر کے مطابق ایف سی بلوچستان اورحساس ادارے نے بولان میں مشترکہ کارروائی کی، خفیہ اطلاع پر کارروائی کے دوران گیارہ ملزمان کو گرفتارکیا گیا، گرفتار ملزمان سےاسلحہ، بارود، ڈیٹونیٹرز، بارودی سرنگیں،موبائل سمز اور مواصلاتی سامان برآمد ہوا۔

    ترجمان کے مطابق کارروائی سرخاب کے علاقے میں افغان مہاجرین کے کیمپ میں کی گئی۔

    مزید پڑھیں : بلوچستان میں 200 فراری کمانڈرز نے ہتھیار چھوڑ کر لیپ ٹاپ اٹھا لیے

    یاد رہے گذشتہ ماہ 25 جنوری کو بلوچستان میں مختلف کالعدم تنظیموں سے تعلق رکھنے والے 200 فراری کمانڈرز نے ہتھیار ڈال دیے تھے۔

    تربت کے ایف سی ہیڈ کوراٹر میں منعقدہ تقریب میں سرینڈر کرنے والے فراریوں میں کالعدم بی ایل ایف اور بی آر اے کے 15 کمانڈر بھی شامل تھے جبکہ تقریب کے مہمان خصوصی وزیر اعلیٰ بلوچستان میر عبد القدوس بزنجو اور کمانڈر سدرن کمانڈ لیفٹیننٹ جنرل عاصم سلیم باجوہ تھے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔

  • پنجگورمیں دھماکا، ایک شخص جاں بحق، بچوں سمیت سات زخمی

    پنجگورمیں دھماکا، ایک شخص جاں بحق، بچوں سمیت سات زخمی

    پنجگور : بازارمیں ریموٹ کنٹرول بم دھماکے کے نتیجے میں ایک شخص جاں بحق اور سات افراد زخمی ہوگئے، ریموٹ کنٹرول بم موٹرسائیکل میں نصب تھا۔

    تفصیلات کے مطابق بلوچستان کے ضلع پنجگور میں چتکان بازار بسم اللہ چوک پر ہونے والے دھماکے میں ایک شخص جاں بحق اور سات افراد زخمی ہوگئے،جن میں بچے بھی شامل ہیں۔

    واقعے کے بعد پولیس نے جائے وقوعہ کو گھیرے میں لے لیا، امدادی ٹیموں نے زخمیوں کو سول اسپتال پنجگور منتقل کیا۔

    ابتدائی اطلاعات کے مطابق پولیس کا کہنا ہے کہ دھماکہ ریمورٹ کنٹرول ڈیوائس سے کیا گیا، جو ایک موٹر سائیکل پر نصب تھا، مزید تحقیقات جاری ہیں۔

  • پنجگور میں دھماکہ‘ ماں بیٹی جاں بحق

    پنجگور میں دھماکہ‘ ماں بیٹی جاں بحق

    پنجگور: صوبہ بلوچستان کے ضلع پنجگور میں گھر میں دھماکے کے نتیجے میں ماں بیٹی جاں بحق جبکہ بیٹا زخمی ہوگیا۔

    تفصیلات کے مطابق بلوچستان کے ضلع پنجگورکے علاقے تسپ میں گھر میں دھماکے کے نتیجے میں ماں اور بیٹی جان کی بازی ہار گئیں جبکہ بیٹا زخمی ہوگیا۔

    دھماکے کے بعد امدادی ٹیموں نے زخمی ہونے والے شخص کو اسپتال منتقل کردیا جہاں اسے طبی امداد دی جا رہی ہے۔

    پولیس اور سیکیورٹی فورسز نے جائے وقوعہ کو گھیرے میں لےکر تفتیش کا آغاز کردیا تاہم ابھی تک دھماکے کی وجہ معلوم نہیں ہوسکی۔

    پولیس حکام کے مطابق دھماکے میں جاں بحق ہونے والی ماں بیٹی کی لاشوں کو ضابطے کی کارروائی کے بعد ورثا کے حوالے کیا جائے گا۔

    سوات: آرمی یونٹ پر خودکش حملہ، افسرسمیت 11 اہل کار شہید

    خیال رہے کہ گزشتہ روز سوات کےعلاقے کبل میں ہونے والے خودکش حملے میں‌ ایک افسر سمیت گیارہ سیکیورٹی اہل کار شہید اور تیرہ زخمی ہوگئے تھے۔

    یاد رہے کہ گزشتہ برس 21 دسمبرکو صوبہ بلوچستان کے علاقے ڈیرہ بگٹی میں گھر پرفائرنگ اور بارودی سرنگ کے دھماکے کے نتیجے میں 7 افراد جاں بحق جبکہ 4 زخمی ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • کوئٹہ، موٹر سائیکل کی ڈبل سواری پر پابندی عائد

    کوئٹہ، موٹر سائیکل کی ڈبل سواری پر پابندی عائد

    کوئٹہ : صوبائی حکومت کی جانب سے شہر بھر میں 10 دن کے لئے موٹر سائیکل کی ڈبل سواری پر پابندی عائد کردی گئی ہے تاہم خواتین، بزرگ اور سیکیورٹی اہلکار پابندی سے مستثنیٰ ہوں گے۔

    تفصیلات کے مطابق بلوچستان حکومت نے دارالحکومت کوئٹہ میں 10 دن کے لیے موٹر سائیکل کی ڈبل سواری اور اسلحے کی نمائش اور اسلحہ ساتھ لے کر چلنے پر بھی پابندی عائد کردی گئی ہے۔

    محکمہ داخلہ بلوچستان کی جانب سے اس حوالے سے اعلامیہ جاری کردیا گیا ہے جس میں کہا گیا ہے کہ ڈبل سواری پر پابندی امن و امان کے پیش نظرلگائی گئی ہے۔

    محکمہ داخلہ بلوچستان کے مطابق پابندی انٹیلی جنس بنیادوں پر حاصل ہونے والی رپورٹس کی روشنی میں لگائی گئی ہیں جس کا مقصد صوبے میں قائم امن و عامہ کی صورت حال کو برقرار رکھنا ہے۔

    محکمہ داخلہ بلوچستان نے وضاحت کی ہے کہ ڈبل سواری کی پابندی سے خواتین، بچوں کے علاوہ سیکیورٹی اہلکاروں اور صحافیوں کو فرائض کی انجام دہی کے لیے استثنیٰ حاصل ہوگی۔

    خیال رہے بلوچستان کے دارالحکومت کو دہشت گردی کی کارروائیوں کا سامنا رہا ہے تاہم پاکستان کی سیکیورٹی اداروں نے دہشت گردی کے واقعات پر قابو پاکر دہشت گردوں کی کمر توڑ دی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

  • کوئٹہ، مسافر بس اور کار میں تصادم، 4 مسافر جاں بحق، 10 زخمی

    کوئٹہ، مسافر بس اور کار میں تصادم، 4 مسافر جاں بحق، 10 زخمی

    کوئٹہ : بلوچستان کے علاقے لک پاس میں کوچ اور کار کے درمیان تصادم کے نتیجے میں 4 مسافرجاں بحق اور 10 زخمی ہو گئے ہیں، حادثہ تیز رفتاری کے باعث پیش آیا.

    تفصیلات کے مطابق لک پاس کے علاقے غنجہ ڈھوری میں مسافر کوچ سامنے سے آنے والی کار سے جا ٹکرائی جس کے نتیجے میں کار مکمل طور پر تباہ ہو گئی اور اس میں سوار چاروں افراد موقع پرہی ہلاک ہوگئے جب کہ 10 مسافروں کے زخمی ہونے کی اطلاعات ہیں.

    ریسکیو ادارے نے جائے وقوعہ پر پہنچ کر امدادی کاموں کا آغاز کیا اور ہلاک و زخمی ہونے والوں کو نواب غوث بخش اسپتال مستونگ منتقل کیا گیا جہاں 10 زخمیوں کو ابتدائی طبی امداد فراہم کی جا رہی ہے جن میں سے چار زخمیوں کی حالت نازک بتائی جارہی ہے.

    پولیس کا کہنا ہے کہ ابتدائی شواہد جمع کر لیے ہیں تاہم کچھ بھی کہنا قبل از وقت ہوگا لیکن عینی شاہدین کے بیانات سے پتہ چلتا ہے کہ حادثہ مسافر بس کے ڈرائیور کی غفلت اور لاپرواہی کے باعث پیش آیا ہے جب کہ ڈرائیور فرار ہو چکا ہے جس کی تلاش میں چھاپے مارے جا رہے ہیں.

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ملک کے مختلف حصوں میں زلزلے کے شدید جھٹکے

    ملک کے مختلف حصوں میں زلزلے کے شدید جھٹکے

    اسلام آباد: صوبہ پنجاب، بلوچستان، گلگت بلتستان اور خیبر پختونخواہ کے مختلف علاقوں میں زلزلے کے شدید جھٹکے محسوس کیے گئے۔ بلوچستان کے علاقے بیلہ میں زلزلے کے باعث متعدد مکانات کی چھتیں گر گئیں۔

    تفصیلات کے مطابق زلزلے کے جھٹکے سب سے پہلے صبح 10 بجے بلوچستان کے سرحدی ضلعے لسبیلہ کے علاقے بیلہ میں محسوس کیے گئے۔ زلزلے کے باعث متعدد مکانات کی چھتیں گر گئیں۔

    پولیس کا کہنا ہے کہ زلزلے کے جھٹکوں کے باعث متعدد مکانات کی چھتیں گر گئی ہیں۔ زلزلے کی شدت 4.7 جبکہ مرکز لسبیلہ کا علاقہ بیلہ بتایا جارہا ہے۔

    اسپتال ذرائع کے مطابق زلزلے کے باعث حادثات میں ڈیڑھ ماہ کی بچی جاں بحق جبکہ 9 افراد زخمی بھی ہوگئے ہیں۔

    زلزلے کے بعد سول اسپتال بیلہ میں ایمر جنسی نافذ کردی گئی ہے۔

    دوسری جانب تھوڑی ہی دیر بعد ملک کے دیگر شہروں میں بھی زلزلے کے مزید جھٹکے محسوس کیے گئے۔

    وفاقی دارالحکومت اسلام آباد، پشاور، ایبٹ آباد، مانسہرہ، گلگت، سوات، لوئر اور اپر دیر، چترال، ہنزہ، اسکردو، لاہور، چلاس، بھلوال، پنڈ دادن خان میں بھی زلزلے کے شدید جھٹکے محسوس کیے گئے ہیں۔

    علاوہ ازیں مری، پسرور، کالا باغ، چنیوٹ، میانوالی، جھنگ، بٹگرام، بنوں، شانگلہ، تاندلیا نوالہ، قائد آباد، ڈیرہ اسمٰعیل خان، چارسدہ اور اوکاڑہ میں بھی زلزلے کے جھٹکے محسوس کیے گئے۔

    زلزلے کے بعد لوگ اپنے گھروں اور دفاتر سے باہر نکل آئے۔

    زلزلہ پیما مرکز کے مطابق زلزلے کی شدت 6.1 ریکارڈ کی گئی جبکہ زلزلے کا مرکز کوہ ہندوکش اور گہرائی 169 کلو میٹر تھی۔ زلزلے کے بعد ملک بھر کے متاثرہ علاقوں کے اسپتالوں میں ایمرجنسی نافذ کردی گئی ہے۔

    افغانستان میں تباہی

    پاکستان کے علاوہ بھارت کے شہر نئی دہلی، مقبوضہ کشمیر کے علاقے سرینگر اور افغان دارالحکومت کابل اور افغانستان کے دیگر شہروں میں بھی زلزلے کے جھٹکے محسوس کیے گئے۔

    افغان میڈیا کے مطابق زلزلے کے باعث افغان علاقے بدخشاں کے کچھ علاقوں میں شدید تباہی پیش آئی ہے۔ زلزلے کے بعد امدادی کارکنان اور ریسکیو ٹیمیں پہنچنا شروع ہوگئی ہیں۔

    یاد رہے کہ ماہرین کے مطابق جب بھی سپر مون ہوتا ہے تو زمین پر چاند کی کشش بے پناہ بڑھ جاتی ہے جس کے سبب اس قسم کے واقعات پیش آنے کا امکان ہمیشہ موجود رہتا ہے۔

    ماضی میں بھی سپر مون کے موقع پر ایسے کئی واقعات پیش آچکے ہیں اور آج رات سپر بلیو بلڈ مون ہے جس کے سبب ماہرین نے اس قسم کے حادثات کی پیشن گوئی کر رکھی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ 

  • آصف علی زرداری ہمشیرہ کو چیئرمین سینیٹ بنوانا چاہتے ہیں: سعد رفیق

    آصف علی زرداری ہمشیرہ کو چیئرمین سینیٹ بنوانا چاہتے ہیں: سعد رفیق

    لاہور: وزیر ریلوے سعد رفیق پیپلزپارٹی کی قیادت پر برس پڑے، الزام عائد کر دیا کہ آصف زرداری ارکان اسمبلی کو خریدنےکی سازش کر رہے ہیں.

    تفصیلات کے مطابق ن لیگ کے مرکزی رہنما خواجہ سعد رفیق نے پیپلزپارٹی کے شریک چیئرمین کو آڑے ہاتھوں‌ لیتے ہوئے کہا کہ وہ اپنی ہمشیرہ فریال تالپور کو چیئرمین سینیٹ بنوانا چاہتے ہیں.

    خواجہ سعد رفیق نے سماجی رابطے کی ویب سائٹ ٹویٹر پر بلوچستان اسمبلی میں‌ ہونے والی تبدیلیوں‌ پر کڑی تنقید کرتے ہوئے کہا کہ کرپٹ سوچ نے میثاق جمہوریت کی دھجیاں اڑا دیں، آصف زرادی بلوچستان سے سینیٹ کی چند نشستیں خریدنے کے لئے جوائنٹ وینچر پارٹنر بنے۔

    انھوں نے مزید کہا کہ گالیاں دو الزام لگاؤ یا سازش کرو، تمھیں شرمناک جمہوریت کا دور واپس نہیں لانے دیں گے۔ خواجہ سعد رفیق نے عمران خان کو مخاطب کرتےہوئے کہا کہ پی ٹی آئی والے خبردار رہیں، ان کے ممبر بھی زرداری کی سودے بازی کے نشانے پر ہیں۔

    نوازشریف سیاسی امام و پیر ہیں، کوئی اور قبول نہیں، خواجہ سعد رفیق

    انھوں نے الزام عائد کیا کہ بلاول اور ان کے ساتھی نہ ھوتے تو زرداری صاحب رھی سہی پیپلز پارٹی کا سودا بھی کر لیتے. آصف زرداری کو جمہوریت کے لبادے میں اراکین کی خرید و فروخت کا گھناؤنا کھیل نہیں کھیلنے دیں گے.

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بلوچستان میں 200 فراری کمانڈرز نے ہتھیار چھوڑ کر لیپ ٹاپ اٹھا لیے

    بلوچستان میں 200 فراری کمانڈرز نے ہتھیار چھوڑ کر لیپ ٹاپ اٹھا لیے

    کوئٹہ: بلوچستان میں 200 فراری کمانڈرز ہتھیار ڈال کر قومی دھارے میں شامل ہوگئے۔ سرینڈر کرنے والوں میں لیپ ٹاپ بھی تقسیم کیے گئے۔

    تفصیلات کے مطابق بلوچستان میں مختلف کالعدم تنظیموں سے تعلق رکھنے والے 200 فراری کمانڈرز نے ہتھیار ڈال دیے۔

    تقریب کے مہمان خصوصی وزیر اعلیٰ بلوچستان میر عبد القدوس بزنجو اور کمانڈر سدرن کمانڈ لیفٹیننٹ جنرل عاصم سلیم باجوہ تھے۔

    تربت کے ایف سی ہیڈ کوراٹر میں منعقدہ تقریب میں سرینڈر کرنے والے فراریوں میں کالعدم بی ایل ایف اور بی آر اے کے 15 کمانڈر بھی شامل ہیں۔

    ہتھیار ڈالنے والوں نے آئندہ ریاست مخالف سرگرمیوں کا حصہ نہ بننے کا اعلان کیا اور پاکستان کی ترقی و استحکام کے لیے کام کرنے کے عزم کا اظہار کیا۔

    ہتھیار ڈالنے والے کمانڈرز کو لیپ ٹاپ بھی دیے گئے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔