ARYNews.tv | Urdu – Har Lamha Bakhabar

Tag: بلوچستان

  • بلوچستان سیاسی بحران: ثنا اللہ زہری اور نوازشریف کا رابطہ

    بلوچستان سیاسی بحران: ثنا اللہ زہری اور نوازشریف کا رابطہ

    لاہور / کوئٹہ: سابق نااہل وزیر اعظم نوازشریف نے وزیراعلیٰ بلوچستان کو ہدایت کی ہے کہ آپ شاہد خاقان عباسی سے رابطے میں رہیں کیونکہ صوبے میں سیاسی دوست بحران پیدا کررہے ہیں، ثناء اللہ زہری نے شکوہ کیا کہ فضل الرحمان بھی سازش کا حصہ ہیں۔

    تفصیلات کے مطابق سابق نااہل وزیراعظم نوازشریف سے ثنا اللہ زہری کا ٹیلی فونک رابطہ ہوا جس میں بلوچستان کی سیاسی صورتحال اور بحران پر تبادلہ خیال کیا گیا۔

    وزیراعلیٰ بلوچستان نے اپنے خلاف متوقع پیش کی جانے والی تحریک عدم اعتماد کے خلاف نوازشریف سے مدد مانگی جس پر سابق نااہل وزیراعظم نے ثنا اللہ زہری کو شاہد خاقان عباسی سے رابطے میں رہنے کی ہدایت کی۔

    نوازشریف کا کہنا تھا کہ ’وزیراعظم کو معاملہ دیکھنے اور اسے حل کرنے کی ہدایت کردی ہے کیونکہ بعض قوتیں سینیٹ انتخابات رکوانے کے لیے سازشیں کررہی ہیں اور بلوچستان کا بحران بھی جمہوریت کے خلاف سازش کا حصہ ہے۔

    اسی سے متعلق : وزیراعلیٰ بلوچستان کے خلاف تحریک عدم اعتماد جمع

     وزیراعلیٰ بلوچستان نے نوازشریف سے شکوہ کیا کہ ’بلوچستان میں پیدا ہونے والے سیاسی بحران اور سازش میں فضل الرحمان بھی اپنا کردار ادا کررہے ہیں‘، یہ بات سُن کر نااہل وزیراعظم نے کہا کہ بدقسمتی سے سیاسی دوست بلوچستان میں بحران پیدا کررہے ہیں مگر وہ کامیاب نہیں ہوں گے۔

    دوسری جانب وزیر اعلیٰ بلوچستان کے خلاف تحریک عدم اعتماد کی حمایت کرنے والے اراکین کی تعداد 26 تک پہنچ گئی ، مسلم لیگ ن کا ناراض گروپ  نے ثنا اللہ زہری کو ہٹانے کے لیے مطلوبہ اراکین کی تعداد تقریبا حاصل کرلی ہے۔

    یہ بھی پڑھیں: وزیراعلیٰ بلوچستان کیخلاف تحریک عدم اعتماد پیش، سرفرازبگٹی کا مستعفی ہونیکا فیصلہ

    ثنا اللہ زہری کے خلاف تحریک عدم اعتماد کی کامیابی کے لیے 33 اراکین درکار ہیں، اپوزیشن جماعتوں نے بھی قرار داد کی حمایت کا دعویٰ کیا، مسلم لیگ ن کے 8، ق لیگ کے 4، نیشنل پارٹی کے 1 رکن اسمبلی تحریک کا حصہ ہیں۔

    واضح رہے کہ بلوچستان اسمبلی 65 ارکان پرمشتمل ہے جن میں سے 52 حکومتی اتحادی تھے۔

  • کوئٹہ : پولیس پرحملہ‘ جوابی کارروائی میں 2 دہشت گرد ہلاک

    کوئٹہ : پولیس پرحملہ‘ جوابی کارروائی میں 2 دہشت گرد ہلاک

    کوئٹہ: صوبہ بلوچستان کے دارالحکومت کوئٹہ میں پولیس موبائل پرمسلح افراد نےفائرنگ کردی، پولیس کی جوابی کارروائی میں 2 دہشت گرد ہلاک ہوگئے۔

    تفصیلات کے مطابق پولیس کالعدم تنظیم سے تعلق رکھنے والے زیرحراست دہشت گرد کو دیگر دہشت گردوں کی نشاندہی کے لیے نواکلی لے کر جارہی تھی کہ نامعلوم مسلح افراد نے ملزم کو چھڑانے کے لیے پولیس موبائل پرفائرنگ کردی۔

    پولیس کی جوابی فائرنگ کے نتیجے میں زیرحراست ملزم اور ایک دہشت گرد ہلاک ہوگیا۔

    خیال رہے کہ گزشتہ روز کوئٹہ میں سریاب روڈ پر پولیس اہلکار معمول کے گشت پر تھے کہ نامعلوم افراد نے فائرنگ کردی، جس کے نتیجے میں ایک پولیس اہلکار شہید جبکہ دوسرا زخمی ہوگیا تھا۔

    یاد رہے کہ گزشتہ ماہ 17 دسمبرکو صوبہ بلوچستان کے دارالحکومت کوئٹہ میں زرغون روڈ پر چرچ میں خودکش دھماکے اور فائرنگ کے نتیجے میں 9 افراد جاں بحق جبکہ 35 افراد زخمی ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • ایف سی بلوچستان کی کارروائی، دہشت گردی کا بڑا منصوبہ ناکام : آئی ایس پی آر

    ایف سی بلوچستان کی کارروائی، دہشت گردی کا بڑا منصوبہ ناکام : آئی ایس پی آر

    اسلام آباد: آئی ایس پی آر کے مطابق ایف سی بلوچستان نے کارروائی کر کے دہشت گردی کا بڑا منصوبہ ناکام بنا دیا، کارروائی کےدوران بارودی مواد اور اسلحہ برآمد ہوا۔

    ڈی جی آئی ایس پی آر کے مطابق یہ کارروائی زیرحراست ملزمان سے حاصل ہونے والی معلومات کی بنیاد پر کی گئی۔

    واضح رہے کہ ملک بھرمیں آپریشن ردالفساد کامیابی سے جاری ہے، اسی کے تحت ایف سی بلوچستان نے مستونگ میں اہم کارروائی کی۔

    ایف سی بلوچستان نے انٹیلی جنس بنیادوں پر آپریشن کارروائی کے دوران بارود اور اسلحہ برآمد کیا، اسلحے میں اسنائپر، رائفلز، دستی بم، دیسی ساختہ تیار بارودی سرنگیں شامل ہیں۔

    تفصیلات کے مطابق برآمد اسلحہ غاروں میں چھپایا گیا تھا، کارروائی زیرحراست ملزمان سےحاصل ہونے والی معلومات پر کی گئی۔

    بلوچستان میں ایف سی کی کارروائی، افغان باشندوں سمیت متعدد گرفتار

    آپریشن رد الفساد کے تحت جاری کارروائیوں میں ایف سی بلوچستان نے دہشت گردی کا بڑا منصوبہ ناکام بنا دیا۔  بارود اور اسلحہ برآمد کیا، جسے دہشت گردی کے بڑے واقعے میں استعمال کیے جانے کا اندیشہ تھا۔

    واضح رہے کہ پاک فوج کے آپریشن خوش حال بلوچستان کے تحت بھی صوبے بھر میں کارروائیاں جاری ہیں، گذشتہ دنوں سیکیورٹی فورسز نے غیرقانونی طورپر مقیم افغان باشندوں سمیت متعدد مشتبہ افراد کو حراست میں لے لیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

  • کوئٹہ میں فائرنگ‘ پولیس اہلکار شہید

    کوئٹہ میں فائرنگ‘ پولیس اہلکار شہید

    کوئٹہ : صوبہ بلوچستان کے دارالحکومت کوئٹہ میں نامعلوم افراد کی فائرنگ سے ایک پولیس اہلکار شہید جبکہ دوسرا زخمی ہوگیا۔

    تفصیلات کے مطابق کوئٹہ میں سریاب روڈ پر پولیس اہلکار معمول کے گشت پر تھے کہ نامعلوم افراد نے فائرنگ کردی جس کے نتیجے میں ایک پولیس اہلکار شہید جبکہ دوسرا زخمی ہوگیا۔

    ریسکیو حکام کا کہنا ہے کہ فائرنگ میں زخمی ہونے والے اہلکار کو اسپتال منتقل کردیا گیا ہے جہاں اسے طبی امداد دی جارہی ہے۔

    فائرنگ کے بعد علاقے میں خوف وہراس پھیل گیا جبکہ سیکورٹی فورسز نے علاقے کو گھیرے میں لے کر سرچ آپریشن شروع کردیا۔

    خیال رہے کہ گزشتہ ماہ 17 دسمبرکو صوبہ بلوچستان کے دارالحکومت کوئٹہ میں زرغون روڈ پر چرچ میں خودکش دھماکے اور فائرنگ کے نتیجے میں 9 افراد جاں بحق جبکہ 35 افراد زخمی ہوگئے تھے۔

    کوئٹہ فائرنگ: ایس پی محمد الیاس، اہلیہ ، بیٹے اور بھائی کی شہادت

    یاد رہے کہ 17 نومبر 2017 کو کوئٹہ میں نامعلوم مسلح افراد کی گاڑی پر فائرنگ کے نتیجے میں ایس پی محمد الیاس اہلیہ، بیٹا اور بھائی سمیت شہید جبکہ پوتی زخمی ہوگئی تھی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • بلوچستان میں سیاسی بحران، مزید دو اراکین اسمبلی مستعفی

    بلوچستان میں سیاسی بحران، مزید دو اراکین اسمبلی مستعفی

    کوئٹہ : بلوچستان میں سیاسی ہلچل میں شدت آگئی، صوبائی وزیر سمیت مزید دو اراکین اسمبلی رکنیت سے مستعفی ہوگئے، وزیر لیبرراحت جمالی، مشیر ایکسائز ماجد ابڑو نے استعفیٰ دے دیا۔

    تفصیلات کے مطابق بلوچستان میں نواز لیگی حکومت کی کشتی ہچکولے کھانے لگی، ایک ایک کرکے سب پارٹی کا ساتھ چھوڑنے لگے۔

    وزیر اعلیٰ ثناءاللہ زہری کیخلاف تحریک عدم اعتماد کے بعد کابینہ کےمزید دو ارکان اسمبلی مستعفی ہوگئے، وزیر لیبر راحت جمالی اور محض دو دن قبل ہی مشیر ایکسائز کا عہدہ سنبھالنے والے ماجد ابڑو نے ناراض گروپ کی حمایت کرتے ہوئے استعفیٰ دے دیا۔

    دوسری جانب ڈیرہ بگٹی اور سوئی میں صوبائی وزیر داخلہ سرفرازبگٹی کی حمایت میں ریلی بھی نکالی گئی ہے۔

    علاوہ ازیں وزیراعلیٰ بلوچستان نواب ثناءاللہ زہری سے صوبائی وزیر نواب محمد خان شاہوانی نے ملاقات کی اور موجودہ سیاسی صورتحال پر گفتگو کی۔

    بعد ازاں میڈیا سے بات چیت کرتے ہوئے نواب محمدخان نے کہا کہ وزیراعلیٰ کیخلاف تحریک عدم اعتماد کامیاب نہیں ہونےدیں گے۔

    مزید پڑھیں: وزیراعلیٰ بلوچستان کیخلاف تحریک عدم اعتماد پیش، سرفرازبگٹی کا مستعفی ہونیکا فیصلہ

    واضح رہے کہ دو جنوری کو حکومتی اتحاد میں شامل جماعتوں اور اپوزیشن اراکین بلوچستان اسمبلی نے وزیراعلیٰ ثناءاللہ زہری کے خلاف تحریک عدم اعتماد جمع کرائی تھی۔

    اراکین کا کہنا تھا کہ وزیراعلیٰ بلوچستان اپنوں کو نوازتے ہیں اور باقی منہ دیکھتے رہ جاتے ہیں لیکن اب اور نہیں چلے گا۔

    بلوچستان کے 65 رکنی ایوان میں مسلم لیگ ق کی 5، پشتونخواء میپ کی چودہ، نیشنل پارٹی کی 10اور مسلم لیگ نون کی 23 نشتیں ہیں۔

  • بلوچستان میں ایف سی کی کارروائی، افغان باشندوں سمیت متعدد گرفتار

    بلوچستان میں ایف سی کی کارروائی، افغان باشندوں سمیت متعدد گرفتار

    راولپنڈی : پاک فوج کے آپریشن خوشحال بلوچستان کے تحت صوبے بھر میں کارروائیاں جاری ہیں، سیکیورٹی فورسز نے غیرقانونی طورپر مقیم افغان باشندوں سمیت متعدد مشتبہ افراد کو حراست میں لے لیا۔

    پاک فوج کے شعبہ تعلقات عامہ آئی ایس پی آر کی جانب سے موصولہ تفصیلات کے مطابق خوشحال پاکستان پروگرام کے تحت ایف سی اہلکاروں کے بلوچستان میں جاری آپریشنز میں تیزی آگئی ہے۔

    چھاپہ مار کارروائیاں سوئی، مسلم باغ، بارکھان، لورا لائی اور مستونگ میں کی گئیں، جس کے دوران ان علاقوں میں غیرقانونی طور پر مقیم افغان باشندوں سمیت متعدد مشتبہ افراد کو حراست میں لے کر نامعلوم مقام پر منتقل کردیا گیا۔

    آئی ایس پی آر کا کہنا ہے کہ گرفتار ملزمان سے بڑی تعداد میں اسلحہ گولیاں، دھماکا خیز مواد برآمد ہوا ہے، آپریشنز کے دوران دیسی ساختہ بارودی سرنگیں بھی برآمد ہوئی ہیں۔

    مزید پڑھیں: ایف سی بلوچستان کی کارروائیاں ، 4 دہشت گرد ہلاک

    یاد رہے کہ اس سے قبل بلوچستان کے شمال میں سبی کے پہاڑی علاقوں میں ایف سی نے کارروائی کر کے مقابلے کے دوران چاردہشت گروں کو ہلاک کردیا تھا۔

    ہلاک دہشت گرد مقامی افراد کو ڈراتےاوردھمکیاں دیتے تھے۔ جبکہ دہشتگردوں کے قبضے سے اسلحہ اور گولیاں بھی برآمد ہوئیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

     

  • دکی : کوئلے کی کان میں آگ بھڑک اٹھی

    دکی : کوئلے کی کان میں آگ بھڑک اٹھی

    لورالائی: تحصیل دکی میں کوئلے کی ایک کان میں آگ بھڑک اٹھی، جس سے 11 کان کن کان میں پھنس گئے۔

    یہ واقعہ بلوچستان کے ضلع لورالائی کی تحصیل دکی میں پیش آیا۔

    اطلاعات کے مطابق مقامی لوگوں نے چھ کان کنوں کونکال کر اسپتال منتقل کر دیا گیا ہے، جن میں سے دو کی حالات اب بھی تشویش ناک ہے، جب کہ پانچ کان کن اب بھی کان میں پھنسےہوئے ہیں۔

    لیویز ذرایع نے بھی اس واقعے کی تصدیق کی ہے، جس کی وجہ سے 11 کان کن پھنس گئے۔

    یہ بھی پڑھیں: پتوکی: فیکٹری میں ہولناک آتشزدگی، کروڑوں روپے مالیت کی روئی جل کر خاک

    لیویز ذرایع کے مطابق یہ واقعہ ضلع لورالائی کی تحصیل دکی کی ایک کان میں پیش آیا، جہاں کوئلے کی کان میں آگ بھڑکی اٹھی اور کان کن پھنس گئے۔ چھ کان کنوں کو اسپتال پہنچا دیا گیا ہے، جب کہ پانچ کان کن اب بھی پھنسے ہوئے ہیں۔

    آگ بھڑک اٹھنے کے اسباب ابھی واضح نہیں ہوسکے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بلوچستان میں پہلے ایگزیکٹو پاسپورٹ آفس کا افتتاح

    بلوچستان میں پہلے ایگزیکٹو پاسپورٹ آفس کا افتتاح

    کوئٹہ: بلوچستان میں پہلے ایگزیکٹو پاسپورٹ آفس کا افتتاح کردیا گیا۔ اس موقع پر وزیر داخلہ احسن اقبال کا کہنا تھا کہ ماضی میں بلوچستان کی ترقی میں رہ جانے والی کمی دور کریں گے۔

    تفصیلات کے مطابق بلوچستان میں پہلے ایگزیکٹو پاسپورٹ آفس کا افتتاح کردیا گیا۔ وزیر داخلہ احسن اقبال نے ایگزیکٹو پاسپورٹ آفس کا افتتاح کیا۔

    مذکورہ ایگزیکٹو پاسپورٹ آفس 4 ماہ کی ریکارڈ مدت میں ایک کروڑ 60 لاکھ روپے کی لاگت سے تیار کیا گیا ہے۔ آفس میں ایک پاسپورٹ کی تیاری میں 20 سے 25 منٹ لگیں گے۔

    افتتاح کے بعد وزیر داخلہ احسن اقبال نے میڈیا سے گفتگو کرتے ہوئے کہا کہ ماضی میں بلوچستان میں رہ جانے والی ترقی میں کمی دور کریں گے۔ عوام کو ایگزیکٹو پاسپورٹ آفس کی سہولت سے فائدہ ہوگا۔

    وزیر داخلہ کا مزید کہنا تھا کہ مضبوط معیشت اور مضبوط پاکستان مسلم لیگ ن لیگ کا ایجنڈا ہے۔ بھارت سمیت دیگر ممالک سے ہمارا مقابلہ معیشت کے میدان میں ہے۔

    انہوں نے مخالفین پر تنقید کرتے ہوئے کہا کہ آج کل دھرنوں اور احتجاج کا دور نہیں۔ داخلی انتشار اور ایک دوسرے کی ٹانگ کھینچنے سے ملک آگے نہیں بڑھے گا۔ ’طاہر القادری آل پارٹیز کانفرنس منفی سیاست کے بجائے ملکی مفاد میں کروائیں۔ ہم نے کبھی وہ این آر او نہیں کیا جو پیپلز پارٹی نے کیا تھا‘۔

    وزیر داخلہ نے مزید کہا کہ بھارت افغان سرزمین استعمال کر کے سی پیک ناکام بنانا چاہتا ہے۔ ’بھارت پاکستان میں انتشار پھیلانے کے لیے اربوں روپے خرچ کر رہا ہے‘۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ڈیرہ بگٹی میں گھرپرفائرنگ اوربارودی سرنگ کا دھماکہ‘ 7 افراد جاں بحق

    ڈیرہ بگٹی میں گھرپرفائرنگ اوربارودی سرنگ کا دھماکہ‘ 7 افراد جاں بحق

    ڈیرہ بگٹی: صوبہ بلوچستان کے علاقے ڈیرہ بگٹی میں گھر پرفائرنگ اور بارودی سرنگ کے دھماکے کے نتیجے میں 7 افراد جاں بحق جبکہ 4 زخمی ہوگئے۔

    تفصیلات کے مطابق بلوچستان میں ڈیرہ بگٹی کے علاقے ٹوبہ نوحکانی میں گھر پر فائرنگ اور بارودی سرنگ کے دھماکے میں 7 افراد جاں بحق جبکہ 4 زخمی ہوگئے۔

    لیویز ذرائع کا کہنا ہے کہ زخمیوں اور لاشوں کو اسپتال لے جانے والی گاڑی بارودی سرنگ سے ٹکرا گئی جس کے نتیجے میں ڈرائیور جاں بحق ہوگیا۔

    سیکورٹی فورسز نے علاقے کو گھیر میں لے کر واقعے کی تحقیقات کا آغاز کردیا ہے۔

    لیویز ذرائع کا کہنا ہے کہ نامعلوم افراد نے گجرنامی شخص کے گھر میں فائرنگ کی جس کے نتیجے میں گجر، اس کی دونوں اہلیہ، 3 بچے جاں بحق جبکہ 4 افراد زخمی ہوگئے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بلوچستان اور کراچی میں امن نواز شریف کی بدولت آیا، ثناء اللہ زہری

    بلوچستان اور کراچی میں امن نواز شریف کی بدولت آیا، ثناء اللہ زہری

    گوادر : وزیراعلیٰ بلوچستان ثناء اللہ زہری نے کہا ہے کہ کراچی کی طرح بلوچستان میں بھی بھتے کی پرچیاں ملتی تھیں لیکن سابق وزیراعظم نوازشریف کی کوششوں سے بلوچستان اور کراچی میں امن آیا اور لوگوں نے تحفظ کے احساس کے ساتھ سُکھ کا سانس لیا.

    ان خیالات کا اظہارانہوں نے ایک تقریب سے خطاب کرتے ہوئے کیا، وزیراعلیٰ ثناء اللہ زہری کا کہنا تھا کہ اللہ کا شکر ہے کہ بلوچستان اب وہ پُرانا والا بلوچستان اورکراچی وہ کراچی نہیں رہا اور یہ سب نوازشریف کی مرہون منت ہوا ہے.

    وزیراعلیٰ بلوچستان ثناء اللہ زہری کا کہنا تھا کہ کراچی کے امن کو منصوبہ بندی کے تحت خراب کیا گیا ہے جہاں مسلم لیگ (ن) کی وفاقی حکومت نے قانون نافذ کرنے والے اداروں کی مدد سے دہشت گردوں کی کمر توڑی اسی طرح بلوچستان میں بھی دہشت گردوں کو کہیں پناہ نہیں مل رہی ہے.

    وزیراعلیٰ بلوچستان نے مزید کہا کہ جب سیاست دانوں کا احتساب ہوسکتا ہے تو ملک میں حکمرانی کرنے والے ڈکٹیٹرز کا بھی احتساب کیا جانا چاہیے تاکہ انصاف کے تقاضوں کو پورا کیا جا سکے.

    انہوں نے کہا کہ بلوچستان پاکستان کا مستقبل ہے اور پاک چین اقتصادی راہداری کی تکمیل کے بعد خوشحال اور تعلیم یافتہ بلوچستان پاکستان کی معاشی سرگرمیوں میں سب سے اہم کردار ادا کرے گا.

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔