ARYNews.tv | Urdu – Har Lamha Bakhabar

Tag: بلوچستان

  • سبی میں نامعلوم افراد کی فائرنگ،لیویز اہلکارجاں بحق

    سبی میں نامعلوم افراد کی فائرنگ،لیویز اہلکارجاں بحق

    سبی : سبی میں مل چوکی کے قریب نامعلوم افراد کی لیویز چوکی پرفائرنگ کے نتیجے میں ایک لیویز اہلکار جاں بحق ہوگیا۔

    تفصیلات کے مطابق بلوچستان کےعلاقے سبی میں مل چوکی کے قریب نامعلوم افراد کی لیویز چوکی پر فائرنگ سے لیویزاہلکار جاں بحق ہوگیا، ملزمان حملے کے بعد فرار ہوگئے۔

    سیکورٹی فورسز نے علاقے کو گھیرے میں لے کر تحقیقات شروع کردی ہیں اور حملہ آوروں کو گرفتار کرنے کے لیے سرچ آپریشن کیا جا رہا ہے جبکہ جاں بحق اہلکار کی لاش کو سول اسپتال منتقل کردیا گیا ہے۔

    کوئٹہ : پولیس اور سی ٹی ڈی کا سرچ آپریشن، 3 دہشت گرد ہلاک

    خیال رہے کہ تین روز قبل کوئٹہ کے نواحی علاقے سریاب میں پولیس ٹرک کے قریب دھماکے کے نتیجے میں7 پولیس اہلکار شہید جبکہ 22افراد زخمی ہو گئے تھے۔

    کوئٹہ میں پولیس ٹرک کے قریب دھماکہ ،7 پولیس اہلکار شہید ،22زخمی

    واضح رہے کہ گزشتہ روز ہفتے کوئٹہ میں مشرقی بائی پاس کے مختلف علاقوں میں پولیس اور سی ٹی ڈی کے سرچ آپریشن کے دوران فائرنگ کے تبادلے میں تین دہشت گرد ہلاک ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • علامہ اقبال اوپن یونیورسٹی کا فاٹا،بلوچستان کےطلبا کومفت تعلیم فراہم کرنےکا اعلان

    علامہ اقبال اوپن یونیورسٹی کا فاٹا،بلوچستان کےطلبا کومفت تعلیم فراہم کرنےکا اعلان

    اسلام آباد : علامہ اقبال اوپن یونیورسٹی فاٹا اور صوبہ بلوچستان کے طلبا کو مفت تعلیم فراہم کرے گی جس سے فاٹا اور بلوچستان کے علاقوں کے طلبا بھرپور فائدہ حاصل کریں گے۔

    تفصیلات کے مطابق علامہ اقبال اوپن یونیورسٹی کے وائس چانسلر پروفیسر ڈاکٹرشاہد صدیقی نے انگریزی زبان وادب میں عصرحاضر کے رجحانات کے موضوع پر منعقدہ دو روزہ کانفرنس کی اختتامی تقریب سے خطاب کرتے ہوئے فاٹا اور صوبہ بلوچستان کے طلبا کو مفت تعلیم فراہم کرنے کا اعلان کیا۔

    ڈاکٹر شاہد صدیقی نے کہا کہ یونیورسٹی نے اپنی تاریخ میں اس سے قبل کبھی کسی پورے علاقے کے رہنے والوں کے لیے مفت تعلیمی پالیسی متعارف نہیں کی۔

    علامہ اقبال اوپن یونیورسٹی کے وائس چانسلر نے کہا کہ یونیورسٹی کی اس پالیسی سے یقیناًً فاٹا اور بلوچستان کے علاقوں کے طلبا بھرپور فائدہ حاصل کریں گے۔

    انہوں نے کہا علامہ اقبال اوپن یونیورسٹی ملک کے مختلف علاقوں میں اس وقت 13 لاکھ سے زائد طلبا وطالبات کو تعلیم وترتبیت کی سہولتیں ان کی دہلیز پر فراہم کررہی ہے۔

    ڈاکٹرشاہد صدیقی نے کانفرنس سے خطاب کرتے ہوئے انگریزی زبان کو آسان اور فہم بنانے کے لیے زبان کے موضوعات کےحدود کو بڑھانے کی ضرورت پرزور دیا۔

    علامہ اقبال اوپن یونیورسٹی کے وائس چانسلر نے کہا کہ ریسرچ کلچر کے فروغ کے لیے اقدامات کے نتیجے میں یونیورسٹی نے ریسرچ جرنل کی اشاعت اور کانفرسز کے انعقاد کی ایک نئی تاریخ رقم کی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • درگاہ فتح پور پر خودکش حملہ، جاں بحق افراد کی تعداد 21 ہوگئی

    درگاہ فتح پور پر خودکش حملہ، جاں بحق افراد کی تعداد 21 ہوگئی

    جھل مگسی : بلوچستان کی معروف درگاہ فتح پور شریف میں عرس کے دوران خودکش حملے کے سبب کانسٹیبل سمیت 21 افراد شہید اور درجنوں زخمی ہوگئے، پانچ افراد کی حالت تشویش ناک ہے۔

    تفصیلات کے مطابق جیکب آباد سے 200 کلومیٹر دور بلوچستان کے علاقے جھل مگسی میں قائم درگاہ فتح پور شریف میں ماہانہ میلے میں ہونے والے دھماکے میں کانسٹیبل بہارخان سمیت 21 افراد شہید ہوگئے۔

    پولیس حکام کا کہنا ہے کہ کانسٹیبل بہارخان نے خودکش بمبارکوروکنے کی کوشش کی، بہارخان نے بھاگ کرخودکش بمبارکوقابوکرکے جام شہادت نوش کیا۔

    پولیس حکام کا کہنا ہے کہ شہید اہلکار نے 15روزپہلے ریٹائرمنٹ کی درخواست دی تھی۔

    بلوچستان حکومت کے ترجمان انوارالحق کاکڑ کے مطابق پولیس نے خودکش حملہ آور کو درگاہ کے اندر جانے سے روکا تو اس نے خودکو دھماکے سے اڑالیا جس کے نتیجے میں پولیس کانسٹیبل سمیت 20 افراد شہید ہوئے۔

    بلوچستان حکومت کے ترجمان انوار الحق کاکڑ کے مطابق پولیس نے خود کش حملہ آور کو درگاہ کے اندر جانے سے روکا تو اس نے خود کو دھماکے سے اڑالیا جس کے نتیجے میں ایک پولیس کانسٹیبل شہید ہوا۔

    Image result for dargah fatehpur sharif balochistan

    پہلے سے اطلاعات تھیں کہ ایسا حملہ ہوگا، بلوچستان حکومت

    ترجمان بلوچستان حکومت نے کہا ہے کہ دھماکہ خود کش تھا جس میں ایک اے ایس آئی بھی شامل ہے، دشمن نے اس بار پھر معصوم لوگوں کو نشانہ بنایا ہے، ہمیں پہلے سے اطلاعات تھیں کہ دشمن اس قسم کا حملہ کریں گے۔

    حملہ خودکش تھا، وزیر داخلہ بلوچستان

    وزیر داخلہ بلوچستان سرفراز بگٹی نے بھی حملہ خودکش ہونے کی تصدیق کی اور کہا کہ چیکنگ کے دوران بمبار نے خود کو اڑالیا۔

    بی بی سی نے صوبائی وزیرِ داخلہ کے حوالے سے بتایا ہے کہ درگاہ میں آج اہل تشیع مسلمانوں کی جانب سے ایک مجلس منعقد کی جانی تھی جس سے قبل ہی وہاں یہ دھماکہ ہوا ہے۔

    سرفراز بگٹی نے مزید بتایا کہ عام طور پر اس درگاہ کی سکیورٹی کے لیے تقریباً 7 پولیس اہلکار تعینات ہوتے ہیں لیکن آج یہاں 25 کے قریب سکیورٹی اہلکار تعینات کیے گیے تھے۔

    کمشنر نصیر آباد احمد عزیز تارڑ نے بتایا کہ دھماکے میں 18 افراد شہید اور 20 کے قریب زخمی ہوئے، ہلاکتوں میں اضافے کا خدشہ ہے۔

    رات تک واقعے کا ایک اور زخمی دم توڑ گیا جس کے بعد جاں بحق افراد کی تعداد 19 ہوگئی۔

    یاد رہے کہ اسی درگاہ میں سال 2005ء میں بھی ایک دھماکا ہوا تھا جس کے سبب 30 افراد جاں بحق اور درجنوں زخمی ہوگئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • کوئٹہ چمن شاہراہ پر2 آئل ٹینکر الٹ گئے

    کوئٹہ چمن شاہراہ پر2 آئل ٹینکر الٹ گئے

    کوئٹہ: صوبہ بلوچستان میں چمن شاہراہ پر 2 آئل ٹینکر الٹ گئے جس کے نتیجے میں 45 ہزار لیٹر تیل بہہ گیا۔

    تفصیلات کے مطابق کوئٹہ چمن شاہراہ پر تیزرفتاری کے باعث 2 آئل ٹینکر الٹ گئے، حادثے کے نتیجے میں 45 ہزار لیٹر تیل بہہ گیا،ایف سی نے علاقے کو گھیرے میں لے کرامدادی کارروائیاں شروع کر دیں۔

    لیویز ذرائع کا کہنا ہے کہ حادثے میں دوسرے آئل ٹینکر کا ڈرائیور زخمی ہوگئے۔

    کوٹ ادو: آئل ٹینکر میں آگ لگنےسے 4 افراد جاں بحق

    خیال رہے کہ گزشتہ ماہ 17 ستمبر کو صوبہ پنجاب کے شہر مظفرگڑھ کی تحصیل کوٹ ادو میں آئل ٹینکر میں لگنے والی آگ کے نتیجے میں 4 افراد جان کی بازی ہارگئے جبکہ متعدد زخمی ہوگئے تھے۔

    مظفر گڑھ : ڈی جی خان روڈ پرآئل ٹینکرالٹ گیا

    یاد رہے کہ رواں سال 8 اگست کو ڈی جی خان روڈ پر بصیرہ کے قریب آئل ٹینکر الٹ گیا تھا جس کے نتیجے میں آئل ٹینکر سے ہزاروں لیٹر تیل بہہ گیا تھا۔

    سانحہ بہاولپور: جاں بحق افراد کی تعداد 214 ہوگئی

    واضح رہے کہ رواں سال 29 رمضان کو احمد پورشرقیہ کے قریب ایک افسوسناک واقعہ میں تیز رفتار آئل ٹینکر اچانک بے قابو ہوکر الٹ گیا تھا، حادثے میں 214 افراد جاں بحق جبکہ 60 افراد زخمی ہوگئے تھے۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • پاکستان بلوچستان کے بغیر نامکمل ہے، جنرل باجوہ

    پاکستان بلوچستان کے بغیر نامکمل ہے، جنرل باجوہ

    راولپنڈی: آرمی چیف جنرل قمر جاوید باجوہ نے کہا ہے کہ پاکستان بلوچستان کے بغیر نامکمل ہے، ہماری پوری توجہ بلوچستان کی طرف ہے، پاکستان ہمارا ملک ہے ہمیں یہیں رہنا ہے اور یہیں مرنا ہے۔

    ان خیالات کااظہار انہوں نے بلوچستان کے نوجوانوں سے خطاب کرتے ہوئے کیا، پاک فوج کے شعبہ تعلقات عامہ ( آئی ایس پی آر ) کے مطابق آرمی چیف نے آئی ایس پی آر ڈائریکٹوریٹ راولپنڈی میں طلباء اور فیکلٹی ممبرز سے ملاقات کی۔

    آرمی چیف سے ملاقات کرنے والوں میں 173 طلباء اور فیکلٹی ممبرز کا تعلق بلوچستان کے مختلف تعلیمی اداروں سے تھا، جنرل قمرجاویدباجوہ نے نوجوانوں کو مخاطب کرتے ہوئے کہا کہ پاکستان کےنوجوان قیمتی سرمایہ ہیں، قومی دھارے میں شامل ہوکر ملکی ترقی کیلئے اپنا مثبت کردار ادا کریں۔

    ان کا کہنا تھا کہ وفاق کی تمام اکائیوں میں ہم آہنگی بے حد ضروری ہے، ہم آہنگی کے بغیر پاکستان آگے نہیں بڑھ سکتا

    مل کر چلیں گے تو آسمان کی بلندیوں کو بھی چھولیں گے۔

    جنرل قمر جاوید باجوہ نے کہا کہ میرا اوڑھنا بچھونا پاکستان میں ہے، پاکستان ہمارا ملک ہے، ہمیں یہیں رہنا ہے اور یہیں جان دینی ہے، مجھے بلوچستان سے بہت محبت ہے، ہماری پوری توجہ بلوچستان کی طرف ہے، فخر ہے میرا تعلق بھی بلوچ رجمنٹ سے ہے، پاکستان بلوچستان کے بغیر نامکمل ہے۔

    آرمی چیف نے مزید کہا کہ پاکستان کےنام میں جو”ستان”ہےوہ بلوچستان سےہے، بلوچستان میں امن واستحکام کے بغیر ہم ترقی نہیں کرسکتے، تعلیم ہماری قومی تر جیح ہے، بلوچستان میں کئی اے پی ایس اسکول کھولے جارہے ہیں، اس کے علاوہ کوئٹہ میں نسٹ کا کیمپس کھولا جارہا ہے، ہمیں استعداد بڑھانی ہے تاکہ لوگ بلوچستان آکر کام کرسکیں۔

    مزید پڑھیں: آرمی چیف نے سوات میں آرمی پبلک،اسکول اینڈ کالج اور مہمندایجنسی میں سڑک کا افتتاح کردیا

    انہوں نے کہا کہ ملک دشمن عناصر اور ایجنسیاں باہر سے پروپیگنڈا کررہی ہیں، ہمیں ملک مخالف پروپیگنڈے سے گمراہ ہونے کی ضرورت نہیں ہے۔

    مزید پڑھیں: شہدا ہمارا فخر ہیں،آرمی چیف جنرل قمرجاوید باجوہ

    انہوں نے بتایا کہ پاک فوج محفوظ اور مستحکم پاکستان کیلئے پر عزم ہے، ہم اندرونی و بیرونی چیلنجز سے نمٹنے کیلئے ہمہ وقت تیار ہیں، کسی کو اتنی جرات نہیں کہ وہ پاکستان کی طرف میلی آنکھ سے بھی دیکھ سکے۔

    مزید پڑھیں: ہماری جانیں پاکستان کے لیے ہر وقت حاضر ہیں‘ آرمی چیف

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • کوئٹہ:مسافرکوچ اورٹریکٹرٹرالی میں تصادم‘4 افراد جاں بحق

    کوئٹہ:مسافرکوچ اورٹریکٹرٹرالی میں تصادم‘4 افراد جاں بحق

    کوئٹہ: صوبہ بلوچستان میں مسافر کوچ اورٹریکٹر ٹرالی کے درمیان تصادم کے نتیجے میں 4 افراد جاں بحق جبکہ 8 افراد زخمی ہوگئے۔

    تفصیلات کے مطابق کوئٹہ کے نواحی علاقے اخترآباد کے قریب مسافرکوچ اور ٹریکٹرٹرالی میں تصادم کے باعث حادثے میں 3 خواتین سمیت 4 افراد جان کی بازی ہارگئے جبکہ 8 افراد زخمی ہوگئے۔

    پولیس حکام کا کہنا ہے کہ افسوس ناک حادثے میں زخمی ہونے والے افراد کو طبی امداد کے لیے بولان میڈیکل کمپلیکس اسپتال منتقل کردیا گیا ہے۔

    بلوچستان میں مسافر کوچ الٹ گئی‘ 8افراد جاں بحق

    خیال رہے کہ رواں سال 7 اپریل کو بلوچستان کے ضلع مستونگ میں لک پاس کے قریب مسافر کوچ تیزرفتاری کے باعث الٹ گئی تھی حادثے میں 8 افراد جاں بحق جبکہ 20 افراد زخمی ہوگئے تھے۔

    بہاولپور میں مسافر بس پل سےگرگئی‘ 7افراد جاں بحق

    یاد رہے کہ 16 جون2017 کو صوبہ پنجاب کے شہر بہاولپور میں چنی گوٹھ کے قریب مسافر بس پل سےکھائی میں جاگری تھی جس کے نتیجے میں 7 افراد جان کی بازی ہار گئے تھے۔

    اوکاڑہ میں ٹریکٹرٹرالی اورایمبولینس میں تصادم ‘ 4 افراد جاں بحق

    واضح رہے کہ گزشتہ ماہ اوکاڑہ میں میں دیپالپورقصورروڈ پرمظہر آباد کے قریب ٹریکٹر ٹرالی اور ایمبولینس کے درمیان تصادم کے نتیجے میں ایمبولینس ڈرائیور اور دو خواتین سمیت چار افراد جاں بحق اور دو زخمی ہو گئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • خیبرپختونخواہ اور بلوچستان میں سیکورٹی فورسز کی کارروائیاں‘اسلحہ وگولہ بارود برآمد

    خیبرپختونخواہ اور بلوچستان میں سیکورٹی فورسز کی کارروائیاں‘اسلحہ وگولہ بارود برآمد

    راولپنڈی : صوبہ خیبر پختونخواہ اور بلوچستان میں سیکورٹی فورسز نے کارروائیوں کے دوران بھاری مقدار میں اسلحہ وگولہ بارود برآمد کرلیا۔

    پاک فوج کے شعبہ تعلقات عامہ آئی ایس پی آر کے مطابق آپریشن ردالفساد کے دوران آتوخیل مہمند ایجنسی اور اپردیر میں کارروائیوں کے دوران بھاری مقدار میں اسلحہ، راکٹ لانچر، دستی بم برآمد کرلیے گئے۔

    آئی ایس پی آر کا کہنا ہے کہ ایف سی بلوچستان کی خفیہ اطلاع پر کوہلومیں کارروائی کے دوران مارٹرگولے، راکٹ اوردیگراسلحہ برآمد کرلیا گیا۔

    بلوچستان : سیکیورٹی فورسزکے قافلے پرحملہ، کرنل سمیت تین اہلکارشہید

    خیال رہے کہ تین روز قبل دہشت گردوں نے سیکیورٹی فورسز کے قافلے پر حملہ کر کے ایف سی کے کرنل سمیت تین اہلکارشہید تین کو زخمی کردیا تھا۔

    بلوچستان میں سیکورٹی فورسز کی کارروائی‘ 10 دہشت گرد ہلاک

    یاد رہے کہ رواں ماہ 1 ستمبر کو سیکورٹی فورسز نے بلوچستان کے ضلع ہرنائی کے قریب زندہ پیر کےعلاقے میں کارروائی کے دوران 10 دہشت گردوں کو ہلاک کردیا تھا۔

    بلوچستان، کالعدم تنظیم کے دوکمانڈرز سمیت 12 دہشت گرد گرفتار

    واضح رہے کہ گزشتہ ماہ بلوچستان میں سیکیورٹی فورسز نے کامیاب آپریشن کے دوران کالعدم تنظیموں کے دو اہم کمانڈرز سمیت 12 دہشت گردوں کو حراست میں لے کر بھاری مقدا میں اسلحہ برآمد کرلیا تھا۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • آرمی چیف کی عید کے دوسرے روز بلوچستان آمد

    آرمی چیف کی عید کے دوسرے روز بلوچستان آمد

    کوئٹہ : پاک فوج کے سپہ سالار بڑی عید پر بھی متحرک ہیں، آرمی چیف جنرل قمر جاوید باجوہ عید کا دوسرا دن بلوچستان میں گزاریں گے۔

    پاک فوج کے شعبہ تعلقات عامہ آئی ایس پی آر کے مطابق آرمی چیف جنرل قمر باجوہ نے عید الاضحیٰ کے دوسرے روز بلوچستان پہنچ گئے ، جہاں وہ تر بت ، گوادر میں جوانوں اور مقامی عمائد ین سے ملاقاتیں کرینگے۔

    گذشتہ روز پاک فوج کے سربراہ جنرل قمر جاوید باجوہ نے پاک افغان بارڈر پر وادی راجگال کا دورہ کیا اور جوانوں کے ساتھ عید کا پہلا دن گزارا۔

    مزید پڑھیں : ہماری جانیں پاکستان کے لیے ہر وقت حاضر ہیں‘ آرمی چیف قمر باجوہ

    اس موقع پر آرمی چیف کا کہنا تھا کہ پاکستان اور عوام کی سیکیورٹی کے لیے ڈیوٹی ہماری اولین ذمہ داری ہے، ہماری جانیں پاکستان کےلیےہروقت حاضرہیں، پاکستان کے دفاع کے لیے عید پر ڈیوٹی دینا تہوار منانے کا بہترین طریقہ ہے، انشااللہ مل کر پاکستان کو بہترین ملک بنائیں گے۔

    اس سے قبل آرمی چیف نے پوری قوم کو عیدالاضحیٰ کی مبارکباد دیتے ہوئے کہا تھا کہ عید الاضحیٰ ہمیں امن،خوشیوں اور قربانی کا درس دیتی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • بلوچستان میں کچھی کینال منصوبےکا پہلا تعمیراتی مرحلہ مکمل

    بلوچستان میں کچھی کینال منصوبےکا پہلا تعمیراتی مرحلہ مکمل

    کوئٹہ : صوبہ بلوچستان میں واپڈا نے کچھی کینال منصوبے کا پہلا تعمیراتی مرحلہ 80 ارب روپے کی لاگت سے مکمل کرلیا ہے۔

    تفصیلات کے مطابق بلوچستان میں کچھی کینال منصوبے کے پہلے مرحلے کی تعمیر مکمل کرلی گئی ہے۔ تونسہ بیراج پر واقع پراجیکٹ کے ہیڈ ریگولیٹر سے363 کلومیٹر طویل کینال میں پانی بھرنے کا اہم مرحلہ شروع کردیا گیا۔

    چیئرمین واپڈا لیفٹیننٹ جنرل ریٹائرد مزمل حسین نے کینال میں پانی بھرنے کے آغاز کے موقع پر تونسہ بیراج پر واقع پراجیکٹ کے ہیڈ ریگولیٹر کا دورہ کیا۔

    چیئرمین واپڈا نے ہیڈ ریگولیٹر پرنصب بٹن دبا کر مین کینال میں پانی بھرنے کا آغاز کیا۔

    اس موقع پر چیئرمین واپڈا نے کہا کہ کچھی کینال منصوبہ 2002 میں شروع کیا گیا تھا لیکن منصوبے کی تکمیل میں تاخیر اور لاگت میں اضافے کی وجہ سے یہ منصوبہ ترک کیا جارہا تھا۔

    انہوں نے کہا وفاقی حکومت کی مدد اور واپڈا انجینئرز کی محنت کی بدولت اب اس کی تعمیر مکمل کرلی گئی ہے۔

    چیئرمین واپڈا کا کہنا تھا کہ کچھی کینال منصوبے کا پہلا مرحلہ 80 ارب روپے کی لاگت سے مکمل کیا گیا ہے اور 363 کلومیٹر طویل کینال میں سے 351 کلو میٹر کینال پختہ ہے۔

    خیال رہے کہ یہ کینال پنجاب کے ضلع مظفرگڑھ میں واقع تونسہ بیراج سے نکلتی ہے اور صوبہ بلوچستان کے ضلع ڈیرہ بگٹی میں ختم ہوتی ہے۔

    واضح رہے کہ وزیراعظم شاہد خاقان عباسی رواں ماہ کے دوسرے ہفتے میں کچھی کینال منصوبے کا باقاعدہ افتتاح کریں گے۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • بلوچستان میں سیکورٹی فورسز کی کارروائی‘ 10 دہشت گرد ہلاک

    بلوچستان میں سیکورٹی فورسز کی کارروائی‘ 10 دہشت گرد ہلاک

    کوئٹہ : صوبہ بلوچستان کے ضلع ہرنائی میں سیکورٹی فورسز نے کارروائی کے دوران 10 دہشت گردوں کو ہلاک کردیا۔

    تفصیلات کے مطابق سیکورٹی فورسز نے بلوچستان کے ضلع ہرنائی کے قریب زندہ پیر کے علاقے میں کارروائی کے دوران 10 دہشت گردوں کو ہلاک کردیا۔

    لیویز ذرائع کے مطابق سیکورٹی فورسز نے کارروائی کے دوران دہشت گردوں کے متعدد ٹھکانے بھی تباہ کردیے۔

    بلوچستان، کالعدم تنظیم کے دوکمانڈرز سمیت 12 دہشت گرد گرفتار

    خیال رہے کہ دو روز قبل بلوچستان میں سیکیورٹی فورسز نے کامیاب آپریشن کے دوران کالعدم تنظیموں کے دو اہم کمانڈرز سمیت 12 دہشت گردوں کو حراست میں لے کر بھاری مقدا میں اسلحہ اور گولیاں قبضے میں لے لی تھیں۔

    پاک فوج کے تعلقات عامہ کے شعبے (آئی ایس پی آر) کا کہنا تھا کہ بلوچستان کے علاقوں کوہلو اور سوئی سے کالعدم تنظیموں کے 12 دہشت گرد گرفتار کیا گیا گرفتار ہونے والوں میں اہم کمانڈر ولی خان اور کرغنی بھی شامل ہیں جو ملک دشمن سرگرمیوں میں ملوث تھے۔

    واضح رہے کہ 30 اگست کو پنجاب رینجرز نے حساس اداروں کے ساتھ مل کر مشترکہ آپریشن میں مختلف علاقوں میں کارروائیاں کرتے ہوئے 39 مشتبہ افراد کو حراست میں لیا تھا جن میں 8 غیر قانونی مقیم افغان شہری بھی شامل تھے۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔