Tag: بلوچستان

ڈی آئی خان: ڈی آئی خان بلوچستان روڈ پر نیم قبائلی علاقہ سے ملحقہ دانا سر کے مقام پر کار گہری کھائی میں جاگری جس کے باعث دو خواتین اور ایک بچے سمیت 6افراد جاں بحق جب کہ ایک بچہ زخمی ہو گیا ہے۔

ڈیرہ اسماعیل خان سے اے ۤآر وائی نیوز کے رپورٹر محمد عرفان مغل کے مطابق بدقسمت خاندان صوبہ بلوچستان کے ضلع ژوب سے ڈیرہ اسماعیل خان آرہا تھا کہ گاڑی دانا سر کے علاقے میں واقع ایک کھائی میں جا گری جس کے باعث گاڑی میں سوار سراج الدین خروٹی’خدائے داد خروٹی’خیر محمد اور انکے خاندان کی دو خواتین سمیت ایک بچہ جاں بحق ہوگئے ہیں۔

ریسکیو اداروں نے جائے وقوعہ پر پہنچ کرامدادی کاموں کا آغاز کرتے ہوئے حادثے میں جاں بحق اور زخمی ہونے والے مسافروں کو قریبی اسپتال منتقل کیا جہاں زخمی بچے کو طبی امداد دی جا رہی ہے۔

اسپتال انتظامیہ کا کہنا ہے کہ جاں بحق و زخمی ہونے والے افراد کا تعلق ایک ہی خاندان سے تھا، زخمی بچے کو طبی امداد دے دی گئی ہے جب کہ جاں بحق افراد کی میتوں کو ضروری کارروائی کے بعد لواحقین کے حوالے کردیا جائے گا۔

کوئٹہ: کالعدم تنظیم بی ایل اے کے کمانڈر بلخ شیر بادینی ہتھیار ڈال کر قومی دھارے میں شامل ہوگئے۔ وزیر داخلہ بلوچستان نے بلخ شیر بادینی کو خوش آمدید کرتے ہوئے کہا کہ بلوچوں نے دشمن کا ایجنڈا مسترد کردیا ہے۔

تفصیلات کے مطابق کالعدم تنظیم کے رہنما بلخ شیر بادینی نے ہتھیار ڈال کر قومی پرچم اٹھا لیا۔

وزیر داخلہ بلوچستان سرفراز بگٹی نے بلخ شیر بادینی کو خوش آمدید کہا۔

وزیر داخلہ کا کہنا تھا کہ باغی رہنما نے دشمن کے ایجنڈے کو مسترد کردیا۔

قومی دھارے میں شامل بلخ شیر بادینی کا اعتراف کرتے ہوئے کہنا تھا کہ دشمنوں کے ہاتھوں میں چلا گیا تھا۔ انہوں نے بلوچ بھائیوں سے بھارت کی باتوں میں نہ آنے کی درخواست کی۔

اس موقع پر وزیر داخلہ نے بلخ شیر کے سینے پر قومی پرچم کا بیج سجا کر دشمن کو کرارا جواب دیا۔

اس سے قبل گزشتہ برس نومبر میں بھی 202 فراری تائب ہو کر قومی دھارے میں شامل ہوگئے تھے۔ تائب ہونے والوں میں کالعدم تنظیم کے اہم کمانڈر بھی شامل تھے۔

خضدار : آرمی چیف جنرل قمر جاوید باجوہ نے کہا ہے کہ بلوچستان پاکستان کا دل ہے اور خضدار سمیت پورے بلوچستان میں ہر قیمت پر امن برقرار رکھیں گے جس کے لیے 30 ہزارفوجی جوان خدمات سرا نجام دے رہے ہیں۔

آرمی چیف قمر جاوید باجوہ خضدار میں پاک چین اقتصادی راہداری منصوبے پر سمینار سے خطاب کررہے تھے انہوں نے کہا کہ سی پیک عظیم منصوبہ ہے، پاکستان کے دل بلوچستان میں ہر قیمت پر امن قائم کریں گے۔

انہوں نے کہا کہ 30 ہزار فوجی جوان بلوچستان کی تعمیر و ترقی کی مخالف قوتوں کے خلاف سیسہ پلائی ہوئی دیوار ثابت ہوں گے اور پاک فوج یہاں امن قائم کرنے کے لیے اپنا کردار ادا کرنے میں کوئی کسر نہیں چھوڑے گی۔

آرمی چیف نے اپنے خطاب میں مزید کہا کہ پاک فضائیہ میں بلوچستان کو بھی نمائندگی دی گئی ہے جب کہ بلوچستان میں 25 ہزار سے زائد بچے ایف سی اور آرمی پبلک اسکول میں تعلیم حاصل کر رہے ہیں اس کے علاوہ کوئٹہ میں بھی ایک انجینئرنگ یونیورسٹی کا کیمپس بنایا جا رہا ہے ۔

انہوں نے کہا کہ بلوچستان محب الوطن لوگوں کی سرزمین ہے اور اس زمین کے فرزندوں نے ملک دشمنوں کے خلاف پاک فوج کے شانہ بشانہ جنگ لڑی ہے اور عظیم بھی قربانیاں دی ہیں اقتصادری راہداری منصوبہ بلوچستان سمیت ملک کی تقدیر بدلنے میں اہم کردار ادا کرے گا۔

تقریب میں وزیراعلٰی بلوچستان نواب ثناء اللہ زہری، کمانڈر سدرن کمانڈ لیفٹننٹ جنرل عامر ریاض، وفاقی وزراء، آئی جی ایف سی میجر جنرل ندیم انجم اور دیگر حکام کے علاوہ مختلف یونیورسٹیوں کے طلباء و طالبات نے بھی شرکت کی۔