Tag: بلوچستان

کان میں پھنسے2چینی انجینئرز کی لاشیں برآمد

لسبیلہ : صوبہ بلوچستان کے ضلع لسبیلہ کی کان میں پھنسے دو چینی انجینئرز کی لاشیں نکال لی گئیں جبکہ ایک کان کن کی تلاش جاری ہے۔

تفصیلات کےمطابق بلوچستان کے ضلع لسبیلہ میں کنراج کی کان میں پھنسے دو انجینئرزکی لاشیں 27روز بعد نکال لی گئیں۔دونوں انجینئرز کی لاشوں کو ایف سی اور پولیس کی سیکورٹی میں ایمبولینس کے ذریعے کراچی منتقل کردیا گیا جبکہ محنت کش محمد انور جاموٹ کی تلاش کاکام جاری ہے۔

یاد رہے کہ گزشتہ ماہ 24 ستمبر کو کان میں لفٹ گرنے سے چار چینی انجینئرز اور ایک پاکستانی الیکٹریشن کان کے اندر کافی گہرائی میں جاگرے تھے۔

کان میں گرنے والےدو چینی انجینئرز شافٹ تک پہنچنے میں کامیاب رہے اور سیڑھیوں کے ذریعے اوپر آگئے تھےلیکن دو چینی انجینئرز اور ایک پاکستانی محمد انور کان کے اندر ہی پھنس گئے تھے۔

مزید پڑھیں: ہری پور : ٹی فور منصوبے کی شٹرنگ گرنے سے 3چینی انجینئرز ہلاک

یاد رہے کہ کہ رواں سال جولائی میں ٹی فور منصوبے پر کام کرنے والے افراد پر شٹرنگ گرنے سے تین چینی انجینئرز ہلاک اور بیس افراد زخمی ہو گئے تھے۔

واضح رہے کہ ڈائریکٹوریٹ آف مائنز کے حکام کاکہناہے کہ دو چینی انجینئرز پاکستانی مزدور کو بچانے کے لیے اندر گئے تھے لیکن وہ خود بھی پھنس گئے۔

اکتوبر 20, 2016
چمن: بوغرہ چوک کے قریب دھماکہ

چمن : صوبہ بلوچستان کے شہر چمن کے علاقے بوغرہ چوک میں دھماکہ ہوا جس میں لیویز اہلکار محفوظ رہے۔

تفصیلات کےمطابق بلوچستان میں بوغرہ چوک کے قریب زوردھماکہ ہوا جس میں لیویز کی گاڑی کو نشانہ بنایا گیا تاہم دھماکے میں کوئی جانی نقصان نہیں ہوا۔

دھماکہ خیز مواد سڑک کنارے نصب کیا گیا تھاواقعے کےبعد سیکورٹی اداروں نے علاقے میں سرچ آپریشن کے دوران 6مشتبہ افراد کوحراست میں لیا۔

دوسری جانب ایف سی بلوچستان نے سوئی کےقریب کٹھن کےعلاقے میں کارروائی کےدوران دھماکہ خیز مواد سمیت مختلف تخریبی مواد برآمد کرلیا۔

ترجمان ایف سی کے مطابق کارروائی کٹھن نالہ میں کی گئی،کاروائی میں نالے سے 5 کلو گرام دھماکہ خیز مواد،3 کلو گرام نٹ بولٹ،2 ڈیٹونیٹرز اورڈیٹونیٹنگ کارڈز برآمد کرلیےگئے ہیں،تاہم کوئی گرفتاری عمل میں نہیں آئی۔

مزیدپڑھیں: کوئٹہ میں ایف سی پر فائرنگ،3اہلکارشہید

یاد رہے کہ گزشتہ ہفتے صوبہ بلوچستان میں کوئٹہ کےنواحی علاقے میں ایف سی کی گاڑی پر نامعلوم افراد کی فائرنگ سے 3اہلکار جاں بحق ہوگئے تھے۔

مزیدپڑھیں:بلوچستان میں ایف سی کی کارروائی،بڑی تعداد میں اسلحہ برآمد

واضح رہےکہ رواں ماہ کے آغاز میں ژوب کے علاقےگوال اسماعیل زئی میں ایف سی اور حساس ادارے نے کارروائی کی جس کے نتیجے میں اسلحہ اور بارود بھاری مقدارمیں قبضے میں لے لیا تھا۔

اکتوبر 17, 2016
مستونگ : ٹریفک حادثہ، میونسپل کمیٹی قلات کے چیئرمین اور 3 کونسلز جاں بحق

مستونگ: بلوچستان کے ضلع مستونگ میں ٹریفک حادثے میں میونسپل کمیٹی قلات کے چیئرمین اور تین کونسلروں سمیت چھ افراد جاں بحق ہوگئے۔

تفصیلات کے مطابق میونسپل کمیٹی قلات کے چیئرمین میر احمد نواز اپنے دیگر ساتھی کونسلروں کے ہمراہ گاڑی میں کوئٹہ جارہے تھے کہ مستونگ کے علاقے دشت میں ان کی گاڑی مزدا ٹرک سے ٹکرا گئی۔

حادثے کے نتیجے میں احمد نواز کے علاوہ ،کونسلر سردار نجیب ترین ،کونسلرمنیر احمد ،کونسلر فیض محمد ایک محافظ اور دس سالہ بچہ موقع پر جاں بحق ہوگئے، جاں بحق افراد کی لاشیں سول اسپتال کوئٹہ پہنچادی گئیں۔

وزیراعلیٰ بلوچستان نواب ثناء اللہ زہری نے حادثے پر افسوس کا اظہار کرتے ہوئے متاثرہ خاندانوں سے بھرپور تعاون کی ہدایت کی ہے۔

اکتوبر 17, 2016
پنجاب کی طرح دیگر صوبوں کے وسائل اُن ہی پر خرچ کیے جائیں، فضل الرحمان

خضدار: جمعیت علماء اسلام ف کے سربراہ مولانا فضل الرحمان نے کہا ہے کہ جس طرح پنجاب کےحقوق،وسائل ان پر خرچ کئے جارہےہیں اُسی طرح دیگر صوبوں بلوچستان،خیبرپختونخوا اور سندھ کےوسائل بھی ان ہی پرخرچ کئے جائیں۔

خضدار میں جلسےسے خطاب کرتے ہوئے مولانافضل الرحمان نےکہا کہ آج چین اقتصادی راہداری کے منصوبے کے تحت گوادر بندرگاہ کو مکمل کرچکاہےجبکہ کچھ لوگوں کو ملک کی ترقی اچھی نہیں لگ رہی اس لیے وہ پاکستان کی اسے روکنے کے لیے دھرنے کی سیاست کررہے ہیں۔

پڑھیں: اورینج لائن کیس،چیف جسٹس کا پنجاب حکومت پربرہمی کا اظہار

انہوں نے کہا کہ ’’میں اس مفتی محمود کا فرزند ہوں کہ جس نے 1973 میں بلوچستان کی حکومت پر شب خون مارے جانے کے بعد احتجاجاً خیبرپختونخوا کی حکومت سے استعفے دے دیا تھا‘‘۔

مزید پڑھیں: پنجاب شریفستان بن چکا ہے، بلاول بھٹو زرداری

مولانا فضل الرحمان نےکہاکہ ’’آج میں بلوچستان کےحقوق کےلئے بھی اپنےآباؤاجداد کےنقش قدم پر چل رہا ہوں اور متاثرین کو حقوق دلوانے کے لیے ہر فورم پر آواز اٹھا رہا ہوں‘‘۔

سربراہ جے یو آئی ف نےکہاکہ ’’1999 میں امریکا نے اپنا بحری بیڑہ گوادر بھیجا تھا جس کے بعد میں وہاں پہنچا اور اس کی مخالفت کی تاہم بعد میں امریکا کو مجبوراً بیڑہ واپس لے جانا پڑا‘‘۔

یہ بھی پڑھیں: اسلام آباد کی بندش، عمران خان کل لائحہ عمل کا اعلان کریں گے

پاناما لیکس پر تبصرہ کرتے ہوئے مولانا فضل الرحمان نے کہا کہ ’’لوگ کرپشن کے نام پر صرف وزیر اعظم کا احتساب چاہتے ہیں جبکہ ہم اس بات پر یقین رکھتے ہیں کہ اس معاملے میں ہر شخص سے تحقیقات ہونی چاہیے‘‘۔

اکتوبر 16, 2016
وزیراعظم کا نہیں سب کا احتساب ہونا چاہیے،مولانافضل الرحمن

کوئٹہ: صوبہ بلوچستان کے دارالحکومت کوئٹہ میں مولانا فضل الرحمن نے کہا کہ اگر احتساب کرنا ہی ہے تو سب کا اور تمام صوبوں میں ہونا چاہیے۔

تفصیلات کےمطابق جمعیت علمائے اسلام (ف) کے سربراہ مولانا فضل الرحمان کا کوئٹہ میں پریس کانفرنس کرتےہوئےکہناتھا کہ وزیراعظم نوازشریف نے خود کواحتساب کے لیے پیش کردیا ہے،معاملہ عدالت میں ہے۔

مولانا فضل الرحمن کا کہناتھا کہ احتساب کے ادارے بھی موجود ہیں تو ایسی صورت حال میں سڑکوں پر آنے کا کوئی فائدہ نہیں ہوگا۔

انہوں نے کہا کہ سب سے زیادہ کرپشن تو خیبرپختونخوا میں ہے جہاں نوکریاں بیچی جارہی ہیں۔ایک جماعت اپنی مرضی کے ٹی او آرز منوانا چاہتی ہے،یہ کیسا انصاف ہے۔

سی پیک کےحوالے سے بات کرتے ہوئے مولانافضل الرحمن کا کہناتھا کہ سی پیک پر کسی کو کوئی اعتراض نہیں تھا اور نا ہی آل پارٹیز کانفرنس میں کسی نے کوئی اعتراض اٹھایا،وزیر اعظم نے بھی سی پیک پر سب کے تحفظات دور کیے تھے۔

واضح رہے کہ جمعیت علمائے اسلام (ف) کے سربراہ کا کہنا تھا کہ بھارت کے علاوہ پوری دنیا کشمیر کو متنازع مسئلہ قرار دے رہی ہے۔

اکتوبر 16, 2016
کوئٹہ میں ایف سی پر فائرنگ،3اہلکارشہید

کوئٹہ: صوبہ بلوچستان میں کوئٹہ کےنواحی علاقے میں ایف سی کی گاڑی پر نامعلوم افراد کی فائرنگ سے 3اہلکار جاں بحق ہوگئے۔

تفصیلات کےمطابق بلوچستان کے دارالحکومت کوئٹہ میں اسپنی روڈ پر نامعلوم افراد کی ایف سی گاڑی پر فائرنگ کے نتیجے میں تین اہلکارشہید ہوگئے۔

واقعے کی اطلاع ملتے ہی پولیس اور ایف سی موقع پر پہنچ گئی اور سیکورٹی اداروں نے علاقے کو گھیرے میں لے کرسرچ آپریشن کے دوران 30افراد کو حراست میں لے لیا۔

وزیراعظم نوازشریف نے کوئٹہ میں ایف سی اہلکاروں پر حملے کی شدید الفاظ میں مذمت کی اور کہا کہ قیمتی جانوں کی ضیاع پر افسوس ہے۔

نوازشریف نے کہا کہ سیکورٹی اہلکاروں نے دہشت گردی سےجنگ میں بے شمار قربانیاں دی ہیں۔وطن سے دہشتگردی اور انتہاپسندی کا ہر صورت خاتمہ کریں گے۔

فائرنگ میں جاں بحق اہلکاروں کی لاشوں اور زخمیوں کو سی ایم ایچ منتقل کردیا گیا۔سیکورٹی اداروں نے واقعے کی تحقیقات کا آغاز کردیا۔

مزید پڑھیں: بلوچستان میں فائرنگ کےدو واقعات میں5افرادجاں بحق

یاد رہے کہ گزشتہ ماہ بلوچستان کے ضلع آواران کے علاقے جھاؤ میں نامعلوم مسلح افراد نے ایک گھر کے اندر گھس کر فائرنگ کی جس کےنتیجے میں ایک ہی خاندان کے تین افراد جان کی بازی ہارگئے،مرنے والوں میں ایک کمسن بچہ بھی شامل تھے۔

دوسری جانب آواران سے متصل ضلع کیچ کے علاقےزعمران میں اسی دن نامعلوم موٹر سائیکل سواروں کی فائرنگ سےلیویز فورس کاایک اہلکار جان کی بازی ہار گیاتھا۔

واضح رہے کہ بلوچستان کے مختلف علاقوں میں سیکورٹی اہلکاروں پر فائرنگ کے واقعات میں اضافہ ہوا ہے جس میں اب تک متعدد اہلکار جان کی بازی ہارچکے ہیں۔

اکتوبر 14, 2016
رحیم یارخان اورحب میں ٹریفک حادثہ،6افرادجاں بحق

حب : بلوچستان کے علاقے حب اور پنجاب کے شہر رحیم یار خان کی تحصیل خان پور میں ٹریفک حادثے کے تیجے میں 6افراد جاں بحق ہوگئے۔

تفصیلات کے مطابق بلوچستان میں حب کے علاقہ ویراب ندی کے قریب بس کو حادثہ پیش آیا ،حادثے کے نتیجے میں تین زائرین جاں بحق اور متعدد زخمی ہو گئے۔

ذرائع کا کہنا ہے کہ مسافر بس کراچی سے شاہ نورانی جا رہی تھی جس میں بیس سے زائد زائرین سوار تھے تاہم واقعے کے بعد زخمیوں کو قریبی اسپتال منتقل کر دیا گیا ہے۔

دوسری جانب رحیم یارخان کی تحصیل خان پور میں کوٹلہ پٹھان کےقریب کاردرخت سےٹکرا گئی،جس کے نتیجے میں 3افرادجاں بحق اور 2زخمی ہوگئے۔ریسکیو حکام کےمطابق حادثے میں جاں بحق ہونے والے تمام افراد کا تعلق گجرخان سے ہے۔

مزید پڑھیں:چونیاں میں ویگن کی موٹر سائیکل کو ٹکر،2بہنیں جاں بحق

واضح رہےکہ دو روزقبل صوبہ پنجاب میں چونیاں کے علاقے الہٰ آباد میں موٹرسائیکل سوار اپنی بیٹیوں کو اسکول چھوڑنے جارہاتھا کہ تیزرفتارویگن نے موٹرسائیکل کو ٹکردے ماری جس کے نتیجے میں 2 بہنیں جاں بحق ہوگئی تھیں۔

اکتوبر 11, 2016
کوئٹہ میں ایف سی کی کارروائی،1دہشتگردہلاک

کوئٹہ : صوبہ بلوچستان کے علاقےلہڑی ریلو گلاب میں ایف سی اور حساس ادارے کی کارروائی کے دوران فائرنگ کے تبادلے میں ایک دہشتگرد ہلاک ہو گیا۔

تفصیلات کےمطابق ترجمان ایف سی کےمطابق بلوچستان کے دارالحکومت کوئٹہ میں ایف سی اور حساس ادارے کی کارروائی میں دہشت گرد مارا گیا۔

ترجمان ایف سی کا کہنا ہے کہ ہلاک دہشت گرد سے1سب مشین گن،دوکلوبارود اور پراما کارڈ برآمد کرلیاگیا۔دوسری جانب سریاب اور چاندنی چوک کے علاقوں میں کارروائی کے دوران آٹھ افغان باشندوں کو گرفتار کر لیا گیا۔

ادھرمچھ میں حساس اداروں اور ایف سی کی مشترکہ کارروائی میں کالعدم تنظیموں سے تعلق کے شبہ میں دو مشتبہ افراد کو گرفتار کر لیا گیا۔

مزید پڑھیں:بلوچستان میں ایف سی کی کارروائی،بڑی تعداد میں اسلحہ برآمد

واضح رہےکہ گزشتہ ہفتے بلوچستان میں ژوب کے علاقےگوال اسماعیل زئی میں ایف سی اور حساس ادارے نے کارروائی کی جس کے نتیجے میں اسلحہ اور بارود بھاری مقدارمیں قبضے میں لے لیا گیا تھا۔

اکتوبر 10, 2016
ملکی وسائل پر صوبوں کا حق ہے وہ دیا جائے، اخترمینگل

کراچی : بلوچستان نیشنل پارٹی کے مرکزی صدر اور سابق وزیر اعلیٰ سردار اخترمینگل نے کہا ہے کہ وسائل پر صوبوں کا حق ہے اورصوبوں کو ان کا حق دیا جائے۔ نریندر مودی بلوچوں کی لاشوں پر اور نواز شریف کشمیریوں کی لاشوں پر رقص کررہا ہے۔

ان خیالات کا اظہار انہوں نےکراچی پریس کلب میں صحافیوں سے گفتگو کرتے ہوئے کیا۔ سردار اختر مینگل نے کہا کہ بھارت کے وزیر اعظم نریندر مودی کو بلوچستان سے کوئی دلچسپی ہے اور نہ پاکستان کے وزیر اعظم نواز شریف کو کشمیریوں سے کوئی دلچسپی ہے، نریندر مودی بلوچوں کی لاشوں پر رقص کرتا ہے اور نواز شریف کشمیریوں کی لاشوں پر رقص کرتا ہے۔

کراچی پریس کلب کے پروگرام میٹ دی پریس سے خطاب کرتے ہوئے اختر مینگل نے کہا کہ بلوچستان کے عسکریت پسندوں کے طریقہ کار سے اختلاف ہوسکتا ہے لیکن ہم بلوچستان کی حق خودارادیت سے دستبردار نہیں ہوں گے۔

انہوں نے کہا کہ ہمیں ایک بار پھر دو ہزار چھ کی طرف دھکیلا جارہا ہے، جب نواب اکبر بگٹی کی شہادت کے بعد ہم اسمبلیوں سے باہر آئے تھے اور دو ہزار آٹھ کے الیکشن کا بائیکاٹ کیا تھا ہم نے سمجھا تھا کہ ڈکیٹیٹر سے نام نہاد جمہوریت پسند اور لولی لنگڑی جمہوریت بہتر ہے لیکن بلوچوں کیلئے آمریت اور لولی لنگڑی جمہوریت میں کوئی فرق نہیں پڑا ہمیں مجبور کیا جارہا ہے ہم پھر سے اسمبلیوں سے باہر آئیں۔

انہوں نے کہا کہ سی پیک سمیت ایسا کوئی میگا پروجیکٹ منظور نہیں جس کی وجہ سے بلوچستان میں بلوچ اقلیت میں تبدیل ہوں بوچستان کا مسئلہ حل کرنا ہے تو بلوچوں کو بااختیار کرنا ہوگا۔

انہوں نے کہا کہ برہمداغ بگٹی سے میرا کوئی تعلق نہیں وہ بھارت میں رہتے ہیں یا کسی اور ملک میں رہتے ہیں اس کا جواب وہ خود ہی دے سکتے ہیں لیکن وہ سمجھتے ہیں کہ اس وقت بلوچستان کے لوگ پارلیمنٹ عدالتوں اور سیاستدانوں سے سخت مایوس ہوچکے ہیں۔

اکتوبر 9, 2016
بلوچستان میں ریلوے ٹریک پر 2 دھماکے، 6 افراد جاں بحق

کوئٹہ: بلوچستان کے علاقہ مچھ میں ریلوے ٹریک پر یکے بعد دیگرے 2 دھماکوں سے 6 افراد جاں بحق اور 28 افراد زخمی ہوگئے۔ دھماکے میں جعفر ایکسپریس کی دو بوگیوں کو نقصان بھی پہنچا۔

تفصیلات کے مطابق بلوچستان کے علاقے مچھ میں ریلوے ٹریک پر پے در پے دو دھماکے ہوئے۔ پہلے دھماکے کے وقت جعفر ایکسپریس ٹریک سے گزر رہی تھی جس کی دو بوگیاں دھماکے کے بعد پٹڑی سے اتر گئیں۔

واقعہ کے بعد ابھی امدادی کام جاری تھا اور زخمیوں کو تباہ حال بوگیوں سے نکالا جا رہا تھا کہ 20 منٹ بعد دوسرا دھماکہ ہوگیا۔

جعفر ایکسپریس کی بوگیاں الٹ گئیں، 13 افراد جاں بحق *

واقعہ کے بعد ریسکیو اہلکاروں کے ساتھ سیکورٹی فورسز کی بھاری نفری بھی جائے وقوعہ پر پہنچ گئی۔ ٹریک پر ٹرینوں کی آمد و رفت روک دی گئی۔

دھماکے میں زخمی ہونے والوں کو فوری طبی امداد کے لیے کوئٹہ منتقل کردیا گیا۔ سیکیورٹی اہلکاروں نے شواہد اکھٹے کر کے تفتیش شروع کردی ہے۔

اس سے قبل گذشتہ برس بھی بلوچستان میں سبی کے مقام پر جعفر ایکسپریس کو ہی ریموٹ کنٹرول دھماکے کا نشانہ بنایا گیا تھا جس میں ایک شخص جاں بحق اور 3 افراد زخمی ہوگئے تھے۔

اکتوبر 7, 2016