Tag: بلوچستان

کوئٹہ : سپریم کورٹ کوئٹہ رجسٹر ی نے سانحہ سول اسپتال کی تحقیقات کے لیے ایک رکنی جوڈیشل کمیشن تشکیل دے دیا۔

تفصیلات کےمطابق صوبہ بلوچستان کے دارالحکومت کوئٹہ میں سپریم کورٹ رجسٹر ی میں سانحہ سول اسپتال کوئٹہ از خود نوٹس کیس کی سماعت ہوئی۔

سماعت کے دوران وکلا نے استدعا کی کہ ایک ایسا آزادانہ تحقیاتی کمیشن تشکیل دیا جائے جو سپریم کور ٹ کے جج پر مشتمل ہوکمیشن واقعہ کے محرکات تفتیش کے عمل میں تاخیراور غیرذمہ داروں کی تحقیقات کرے۔

سپر یم کورٹ نے وکلا کی استدعاپرایک رکنی جوڈیشل کمیشن تشکیل دے دیا۔جوڈیشل کمیشن سپر یم کورٹ کے جج جسٹس قاضی فائز عیسیٰ پر مشتمل ہوگاجو تیس دن میں رپورٹ عدالت میں پیش کرےگا۔

مزید پڑھیں: سانحہ کوئٹہ کا ایک اور زخمی دم توڑ گیا، شہداء کی تعداد 74 ہوگئی

سپریم کورٹ کوئٹہ رجسٹری میں چیف جسٹس نے چیف سیکر یٹر ی بلوچستان سے استفسار کیا کہ سانحہ سول اسپتال کے زخمیوں اور شہدا کے ورثا کو مالی معاونت کی فراہمی سے متعلق آگاہ کریں۔

چیف سیکر یٹر ی بلوچستان نے بتایا کہ فنڈ زمختص ہے جو آج یاکل تک ٹرانسفر ہوجائیں گے۔چیف جسٹس انور ظہیر جمالی نے حکم دیا کہ تمام زخمی و جاں بحق افراد کے لواحقین کی مالی معاو نت کی جائے۔

واضح رہے کہ سانحہ کوئٹہ ازخود نوٹس کیس کی سماعت کمیشن کی رپورٹ آنے تک ملتوی کردی گئی۔

کوئٹہ : صوبہ بلوچستان کے علاقے ژوب میں ایف اور حساس ادارے نے کارروائی کرکے بھاری تعداد میں اسلحہ اور بارود برآمد کرلیا۔

تفصیلات کےمطابق بلوچستان میں ژوب کے علاقےگوال اسماعیل زئی میں آج صبح ایف سی اور حساس ادارے نے کارروائی کی جس کے نتیجے میں اسلحہ اور بارود بھاری مقدارمیں قبضے میں لے لیا گیا۔

ایف سی کے ترجمان کے مطابق کارروئی کے دوران 8کلو و زنی خودکش جیکٹ،60ایم ایم کے 48بم ،25آئی ڈی سرکٹ،ایک آر پی جی سیون بمعہ بم سمیت ڈبل اے مشین گن کے علاوہ گن سلائنسر ٹیلی اسکوپ، تین بارودی سرنگیں ایک 60ایم ایم مارٹر برآمد کیے گئے۔

مزید پڑھیں: بلوچستان میں تخریب کاری کا بڑامنصوبہ ناکام

یاد رہے کہ اس سے قبل بلوچستان میں کےپاک افغان سرحدی علاقے پنجپائی میں ایف سی نے بھاری مقدار میں دھماکہ خیز مواد اور اسلحہ برآمد کرکے دہشت گردی کا بڑا منصوبہ ناکام بنادیا تھا۔

ترجمان فرنٹئیر کور کا کہنا تھا کہ دہشت گرد اسلحہ اور دھماکا خیز مواد بلوچستان میں دہشت گردی کی کارروائیوں میں استعمال کرنا چاہتے تھے۔

پنجگور: صوبہ بلوچستان کے ضلع پنجگور میں پاک ایران سرحد کے قریب علاقے پروم سے لیویز اہلکاروں کو چھ افراد کی گولیوں سے چھلنی لاشیں ملی ہیں۔

تفصیلات کےمطابق لیویز تمام لاشیں پروم علاقے کے ایک گھر سے ملیں،جبکہ تمام افراد کو قریب سے گولیاں مار کر قتل کیا گیا۔

ذرائع کا کہنا تھا کہ مقتولین میں قبائلی رہنما عبدالمالک،ان کے 3 بیٹے اور 2 مہمان شامل ہیں۔تمام لاشوں کو شناخت کے بعد پوسٹ مارٹم کے لیے ڈسٹرک ہیڈکوارٹر اسپتال منتقل کردیا گیا۔

مزید پڑھیں:بلوچستان کے علاقے حب میں فائرنگ،3افراد جاں بحق

لیویز نے واقعے کی تحقیقات شروع کردی ہیں تاہم اب تک قتل کے محرکات معلوم نہیں ہوسکے اور نہ ہی کسی نے واقعے کی ذمہ داری قبول کی ہے۔

یاد رہے کہ گزشتہ ماہ ضلع قلات کے علاقے نیمرغ سے گولیوں سے چھلنی 4 افراد کی لاشیں برآمد ہوئی تھیں۔

مزید پڑھیں:بلوچستان میں فائرنگ،3سیکورٹی اہلکار جاں بحق

واضح رہے کہ گزشتہ ماہ صوبہ بلوچستان کے ضلع مستونگ میں فائرنگ کے دو مختلف واقعات میں تین سکیورٹی اہلکار جان کی بازی ہار گئے تھے۔

کوئٹہ:صوبہ بلوچستان میں کےپاک افغان سرحدی علاقے پنجپائی میں ایف سی نے بھاری مقدار میں دھماکہ خیز مواد اور اسلحہ برآمد کرکے دہشت گردی کا بڑا منصوبہ ناکام بنادیا۔

تفصیلات کےمطابق ایف سی ترجمان نے بتایا کہ سیکیورٹی فورسز نے نولہ کے علاقے میں آپریشن کیا جہاں سے 1800 کلو گرام دھماکا خیز مواد، 150 دیسی ساختہ بم (آئی ڈی ای) اور بڑی مقدار میں دیگر اسلحہ برآمد ہوا۔

ترجمان فرنٹئیر کور کا کہنا تھا کہ دہشت گرد اسلحہ اور دھماکا خیز مواد بلوچستان میں دہشت گردی کی کارروائیوں میں استعمال کرنا چاہتے تھے۔

ان کا کہنا تھا کہ سیکیورٹی فورسز نے یہ کارروائی خفیہ اطلاع پر کی تھی تاہم کوئی گرفتاری عمل میں نہیں آئی۔بعد ازاں دھماکہ خیز مواد کو ناکارہ بنانے کےلیے بم ڈسپوزل اسکورڈ کو طلب کیا گیا۔

یاد رہے کہ رواں سال اگست میں انسداد دہشت گردی ڈپارٹمنٹ نے دعویٰ کیا تھا کہ انہوں نے ایک بڑی دہشت گردی کی کارروائی کو ناکام بناتے ہوئے افغان خفیہ ادارے کے ایک اہلکار کو گرفتار کرلیا۔

مزید پڑھیں:اسلام آباد:2افغان انٹیلی جنس اہلکار گرفتار

واضح رہے کہ گزشتہ سال دارالحکومت اسلام آباد کے سیکٹر جی نائن میں سرچ آپریشن کرکے سیکورٹی اداروں نےدو افغان انٹیلی جنس اہلکاروں کو گرفتار کیا تھا۔

کوئٹہ: جمہوری وطن پارٹی کے رہنما کا کہنا ہے کہ ملک کے دفاع کے لیے ہم اور ہمارے قبائل حاضر ہیں اگر جنگ ہوئی تو پاک فوج سے پہلے ہم بھارت سے لڑیں گے۔

تفصیلات کےمطابق کوئٹہ میں پارٹی اجلاس کے بعد پریس کانفرنس کرتے ہوئے شاہ زین بگٹی کا کہنا تھا کہ قبائلی عوام اپنی سرزمین کی حفاظت کیلئے ہر قسم کی قربانیاں دینے کےلیے تیار ہیں۔

بلوچ رہنما کا کہنا تھا کہ نواب اکبر بگٹی نے بلوچستان کے الحاق کے سلسلے میں پاکستان کے حق میں فیصلہ دیا تھا،ان کے نظریے کے مطابق ہم مکمل طور پر پاکستان کے ساتھ ہیں اور ضرورت پڑی تو ملک کے دفاع کے لیے ہم اور ہمارے قبائل حاضر ہیں۔

انہوں نے کہا کہ ماضی میں ملک کا دفاع افواج کے ساتھ قبائلیوں نے بھی کیا تھا لہذا اگر جنگ ہوئی تو پاک فوج سے پہلے ہم بھارت سے لڑیں گے جبکہ اس وقت بیان بازی کی نہیں یکجہتی کی ضرورت ہے۔

مزیدپڑھیں: پاکستان کی مغربی سرحدوں کا تحفظ ہم خود کریں گے،قبائلی رہنما

واضح رہے کہ دو روز قبل چمن میں بلوچستان کے قبائلی رہنماؤں نے بھارت کے خلاف پاک فوج کے شانہ بشانہ لڑنے کا اعلان کرتے ہوئے کہا تھا کہ پاکستان کی مغربی سرحدوں کا تحفظ ہم خود کریں گے۔

کوئٹہ : وزیراعلیٰ بلوچستان نواب ثناء اللہ زہری کا کہنا ہے کہ چند ٹکوں کی خاطر بھارت کی غلامی کرنے والوں کو بلوچستان کی تقدیر کا فیصلہ کرنے کا حق حاصل نہیں ہے۔

تفصیلات کےمطابق کوئٹہ کے بگٹی کرکٹ اسٹیڈیم میں آل پاکستان بلوچستان ٹی ٹوئنٹی کپ کرکٹ ٹورنامنٹ کی افتتاحی تقریب سے خطاب کرتے ہوئے وزیراعلیٰ بلوچستان کا کہنا تھا کہ وطن سے غداری کرنے والے ہم میں سے نہیں، ڈیرہ بگٹی کے عوام نےبراہمداغ کی منفی ذہنیت مسترد کردی۔

نواب ثنا ء اللہ زہری نے کہا کہ بھارت کے خلاف پورے بلوچستان میں لوگ باہر نکلےجو براہمداغ کی آنکھیں کھولنے کے لیے کافی ہے۔انہوں نےبھارتی وزیراعظم نریندر مودی کو خبردارکیاکہ اگر انہوں نے جارحیت کی کوشش کی تو دندان شکن جواب دیں گے۔

تقریب میں کمانڈرسدرن کمانڈ لیفٹیننٹ جنرل عامر ریاض،آئی جی ایف سی میجر جنرل شیر افگن،صوبائی وزرا،اراکین اسمبلی سمیت سول وفوجی حکام نے شرکت کی۔

اس موقع پر بلوچستان کی وومن کرکٹ ٹیم کی کھلاڑی موجود تھیں،ملک کے مختلف علاقوں اوربلوچستان کے فنکاروں نے علاقائی موسیقی اور آتش بازی کا شاندار مظاہرہ کیاگیا۔