Tag: بلوچستان

کوئٹہ: محکمہ اینٹی کرپشن بلوچستان کی جانب سے سرکاری محکموں میں بدعنوانی کی روک تھام کے لیے کی گئی کارروائیوں کی تفصیلات پر مشتمل سرکاری دستاویز اے آر وائی نیوز کو موصول ہوئی ہے۔

ڈائریکٹر جنرل اینٹی کرپشن عبدالواحد کاکڑ کی سربراہی میں سب سے زیادہ 2024 میں بدعنوانی کی شکایات پر انکوائریاں کی گئیں اور مقدمات بنائے گئے۔

محکمہ اینٹی کرپشن بلوچستان کے دستاویز کے مطابق محکمے نے 2024 میں بدعنوانی کی شکایات پر 36 انکوائریاں کیں، 2019 میں 14، جب کہ 2020 میں 17، 2021 میں سب سے کم صرف 5، 2022 میں 14، سال 2023 میں 23 انکوائریاں کی گئیں، جب کہ 2024 میں سب سے زیادہ بدعنوانی کے 19 مقدمات درج کر کے کیس فائل کیے گئے۔

نمایاں مقدمات میں سابق چیئرمین ٹیکسٹ بک بورڈ بلوچستان عارف شاہ کے خلاف بدعنوانی کا مقدمہ شامل ہے، سابق وزیر کھیل عبدالخالق ہزارہ اور محسن پراچہ کے خلاف بھی بدعنوانی کا مقدمہ درج کیا گیا، محکمہ پولیس کے عبدالحئ و دیگر افسران کے خلاف بھی بدعنوانی کا مقدمہ درج کیا گیا۔

پاکستان کے تنخواہ دار طبقے نے 6 ماہ میں کتنا ٹیکس ادا کیا؟ اہم انکشاف

بولان میڈیکل کالج کے اہلکار طارق جاوید اور محکمہ بہبود آبادی کے اسسٹنٹ عبداللہ جان کے خلاف مقدمہ درج کیا گیا، میٹروپولیٹن کارپوریشن کے چیف آرٹیٹک و دیگر کے خلاف بھی بدعنوانی کا مقدمہ درج کیا گیا۔

ڈی جی عبدالواحد کاکڑ کے مطابق بدعنوانی کے تدارک کے لیے محکمہ اینٹی کرپشن حکومت بلوچستان بھرپور اقدامات اٹھا رہی ہے۔

چمن : لیویز نے قلعہ عبداللہ سے دہشت گرد سرگرمیوں میں ملوث 7 سابق افغان فورسز کے اہلکاروں کو گرفتار کرلیا۔

تفصیلات کے مطابق بلوچستان کے ضلع قلعہ عبداللہ مین لیویز نے خفیہ اطلاع پر گھر پر چھاپہ مارا۔

ڈپٹی کمشنر قلعہ عبداللہ محمد ریاض خان نے بتایا کہ دہشت گردسرگرمیوں میں ملوث 7 افغان باشندوں کو گرفتار کرلیا، گرفتار دہشت گرد سابق افغان فورسز کے اہلکار ہیں۔

@arynews.official قلعہ سیف اللہ میں لیویز کا خفیہ اطلاع پر گھر پر چھاپہ #ARYNews ♬ original sound – ARY NEWS

ڈپٹی کمشنر محمد ریاض خان کا کہنا تھا کہ گرفتاردہشت گردچوری،رہزنی کی وارداتوں میں بھی ملوث ہیں۔

انھوں نے بتایا کہ گرفتار دہشت گردوں سے اسلحہ اور مسروقہ سامان برآمد کیا گیا ہے۔

یاد رہے گزشتہ سال دسمبر میں پاکستان کی سیکیورٹی فورسز نے خیبر پختونخوا کے کرم اور شمالی وزیرستان کے اضلاع میں افغان طالبان اور خوارج کے سرحد پار سے ہونے والے دو حملوں کو پسپا کر دیا تھا۔

25 کے قریب عسکریت پسندوں نے افغان طالبان کی سرحدی چوکیوں کو استعمال کرتے ہوئے افغانستان کی طرف سے پاکستان میں داخل ہونے کی کوشش کی۔ تاہم، پاکستانی سیکورٹی فورسز نے تیزی سے جوابی کارروائی کرتے ہوئے دراندازی کی کوششوں کو ناکام بنا دیا تھا۔

پاکستانی جانب سے موثر جوابی کارروائی اور توپ خانے سے گولہ باری کے بعد طالبان چھ پوسٹیں چھوڑ کر فرار ہوگئے تھے۔

کوئٹہ: بلوچستان کے محکمہ مواصلات و تعمیرات میں 13 ارب سے زائد کی بے قاعدگی کا انکشاف ہوا ہے۔

ذرائع محکمہ خزانہ کے مطابق مالی سال 23-2021 کے دوران محکمہ مواصلات و تعمیرات میں 13 ارب 34 کروڑ کے غیر مجاز اخراجات کی نشان دہی کی گئی ہے۔

ذرائع کا کہنا ہے کہ آڈٹ میں معلوم ہوا کہ 12 ارب 11 کروڑ روپے کی بے ضابطگیاں ہوئی ہیں، اور حکومتی ٹیکسوں کی مد میں 52 کروڑ روپے کی کم وصولی کی گئی۔

ذرائع محکمہ خزانہ کے مطابق سرکاری خزانے سے 61 کروڑ 92 لاکھ روپے کی اضافی ادائیگیاں کی گئیں، جب کہ محکمے نے مجموعی طور پر 9 کروڑ 50 لاکھ روپے کی وصولی نہیں کی۔

آڈٹ آبزرویشنز کا محکمے کی جانب سے تسلی بخش جواب نہیں دیا گیا، آڈٹ رپورٹ میں ذمہ دار افراد کی نشان دہی اور کارروائی کی سفارش کی گئی ہے۔

گزشتہ ہفتے بلوچستان میں کوئٹہ کے سول اسپتال میں دوائیوں کی خریداری کی مد میں ایک ارب سے زائد کی بے قاعدگیوں کا بھی انکشاف ہوا تھا۔ 22-2017 تک کے آڈٹ میں زبردست بے قاعدگیاں سامنے آئیں، آڈٹ رپورٹ میں کہا گیا کہ گزشتہ 5 سال میں اسپتال کے مین اسٹور سے 2 کروڑ 28 لاکھ کی دوائیاں غائب ہوئیں۔

رپورٹ کے مطابق اسٹنٹس کی 3 کروڑ 17 لاکھ کی مشکوک خریداری بھی سامنے آئی ہے، اسٹنٹس کی مقامی خریداری میں 4 کروڑ خرچ کیے گئے تھے۔ آکسیجن پلانٹ کے ٹینڈرز میں ڈیڑھ کروڑ سے زائد کی بے قاعدگیاں ہوئیں، سول اسپتال کو آکسیجن سلنڈر کی غیر ضروری کھپت سے 6 کروڑ کا نقصان ہوا۔ آڈٹ رپورٹ کے مطابق وردی، فرنیچر اور مشینری کی خریداری کی مد میں 6 کروڑ 18 لاکھ کی بے قاعدگیاں کی گئیں۔

کوئٹہ: سال بدل گیا لیکن بلوچستان میں ٹریفک حادثات میں کمی نہ آ سکی، نئے سال کے پہلے ہی ہفتے ٹریفک حادثات میں 10 افراد جان سے گئے۔

قومی شاہراہوں پر قائم میڈیکل ایمرجنسی رسپانس سینٹرز کے اعداد و شمار کے مطابق بلوچستان میں 2025 کے پہلے ہفتے میں 438 ٹریفک حادثات رونما ہوئے، جن میں دس افراد جاں بحق ہوئے۔

اعداد و شمار میں بتایا گیا ہے کہ ساڑھے چار سو کے قریب ٹریفک حادثات 6 قومی شاہراہوں پر یکم سے 7 جنوری تک پیش آئے، جن میں 615 افراد زخمی ہوئے ہیں۔

ایم ای آر سی کے مطابق سب سے زیادہ 163 ٹریفک حادثات این 50 پر رونما ہوئے ہیں، جب کہ کوئٹہ کراچی قومی شاہراہ این 25 پر 115 حادثات پیش آئے ہیں۔

واضح رہے کہ 2024 میں کراچی میں ٹریفک حادثات کی شرح کافی زیادہ رہی ہے، مختلف ٹریفک حادثات میں 775 افراد جاں بحق ہوئے، جن میں 602 مرد، 88 خواتین، 62 بچے اور 21 بچیاں شامل تھیں، ٹریفک حادثات میں 8 ہزار 111 افراد زخمی بھی ہوئے، 6 ہزار695 مرد،1 ہزار 58 خواتین، 280 بچے، اور 78 بچیاں زخمیوں میں شامل تھیں۔