ARYNews.tv | Urdu – Har Lamha Bakhabar

Tag: baluchistan

  • جہانگیر ترین کا بلوچستان دورے کا فیصلہ، ارکان اسمبلی سے ملاقاتیں ہوں گی

    جہانگیر ترین کا بلوچستان دورے کا فیصلہ، ارکان اسمبلی سے ملاقاتیں ہوں گی

    کوئٹہ: پاکستان تحریک انصاف کے رہنما جہانگیر ترین بلوچستان کا دورہ کریں گے، اس دوران ان کی ارکان اسمبلی سے ملاقاتیں ہوں گی۔

    تفصیلات کے مطابق پاکستان تحریک انصاف کے نامزد صدارتی امیدوار عارف علوی کے حوالے سے جہانگیرترین بلوچستان کا دورہ کررہے ہیں۔

    ذرائع کا کہنا ہے کہ بلوچستان دورے میں جہانگیر ترین پارٹی کے صدارتی امیدوار عارف علوی کے لیے ووٹ مانگیں گے، جہانگیر ترین کے ہمراہ تحریک انصاف بلوچستان کی قیادت ہوگی۔

    دوسری جانب وفاقی وزیر برائے تعلیم و ادبی ورثہ شفقت محمود نے کہا ہے کہ تحریک انصاف کے نمبرز پورے ہیں، عارف علوی صدر مملکت بن جائیں گے۔

    صدراتی انتخاب میں جو تقدیر میں ہوگا قبول کروں گا: ڈاکٹر عارف علوی

    واضح رہے کہ اے آر وائی نیوز کے پروگرام آف دی ریکارڈ میں گفتگو کرتے ہوئے شفقت محمود نے کہا تھا کہ تحریکِ انصاف کے پاس سادہ اکثریت ہے۔

    علاوہ ازیں پاکستان تحریک انصاف کے صدارتی امیدوار ڈاکٹر عارف علوی کا کہنا تھا کہ 4 ستمبر کو صدر کا انتخاب ہوگا جو تقدیر میں ہوگا قبول کروں گا۔

    خیال رہے کہ گذشتہ روز مزار قائد پر حاضری کے بعد میڈیا سے گفتگو کرتے ہوئے انہوں نے کہا تھا کہ عمران خان اور قوم کا مشکور ہوں جو مجھے صدر کے لیے نامزد کیا، 4 ستمبر کو صدر کا انتخاب ہوگا جو تقدیر میں ہوگا قبول کروں گا۔

  • خدارا الیکشن ایک ماہ کے لیے ملتوی کردیں: وزیر اعلیٰ بلوچستان

    خدارا الیکشن ایک ماہ کے لیے ملتوی کردیں: وزیر اعلیٰ بلوچستان

    کوئٹہ: وزیر اعلیٰ بلوچستان عبد القدوس بزنجو نے کہا ہے کہ خدارا الیکشن ایک ماہ کے لیے ملتوی کردی، میں پوچھتا ہوں کہ اتنی گرمی میں لوگ ووٹ ڈالنے کیسے آسکتے ہیں؟

    ان خیالات کا اظہار انہوں نے بلوچستان اسمبلی میں خطاب کرتے ہوئے کیا، عبد القدوس بزنجو کا کہنا تھا کہ صوبے میں بہت گرمی ہوتی ہے ہم الیکشن کو ایک ماہ اس لیے ملتوی کرنے کی بات کر رہے ہیں تاکہ عوام کو اتنی گرمی میں مشکلات کا سامنا نہ کرنا پڑے۔

    بلوچستان اسمبلی میں ہونے والی بد نظمی سے متعلق تبصرہ کرتے ہوئے وزیر اعلیٰ بلوچستان کا کہنا تھا کہ ملک میں کہا جاتا تھا کہ بلوچستان کی اسمبلی بہت پُر امن اسمبلی ہے لیکن آج جو ہم نے اپنا رویہ دکھایا ہے جس کے باعث اب کس منہ سے ہم لوگوں میں جائیں گے؟

    بلوچستان اسمبلی میں انتخابات مؤخر کرنے کی قرارداد جمع

    ان کا مزید کہنا تھا کہ ہمیں ان چیزوں سے باز رہنا چاہیے، جمہوریت کی بات کرتے ہیں تو جمہوریت والا کردار بھی ہونا چاہیے، علاوہ ازیں انہوں نے یہ بھی کہا کہ یہ حقیقت نہیں کہ ہمارے لوگ نقل مکانی کرکے سرد علاقے جاتے ہیں۔

    خیال رہے کہ آج بلوچستان میں انتخابات مؤخر کرنے کی قرارداد جمع کرادی گئی، جس میں کہا گیا ہے کہ جولائی میں لوگ فریضہ حج کی ادائیگی اور مون سون کے باعث لوگ نقل مکانی بھی کرتے ہیں لہذا انتخابات کا انعقاد اگست میں کیا جائے۔

    واضح رہے کہ قرارداد میں کہا گیا ہے کہ جولائی میں لوگ فریضہ حج کی ادائیگی کےلیےسعودی عرب میں ہوں گے اور جولائی میں مون سون کےباعث لوگ نقل مکانی بھی کرتے ہیں، جس کی وجہ سے لوگ اپنے حق رائے دہی سے محروم رہیں گے، لہذا انتخابات کا انعقاد اگست میں کیاجائے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • بلوچستان میں کارروائی کے دوران زخمی ہیڈ کانسٹیبل ثنااللہ شہید ہوگئے

    بلوچستان میں کارروائی کے دوران زخمی ہیڈ کانسٹیبل ثنااللہ شہید ہوگئے

    راولپنڈی: بلوچستان میں سیکیورٹی فورسز کی جانب سے کارروائی کے دوران زخمی ہونے والے کانسٹیبل ثنااللہ شہید ہوگئے۔

    تفصیلات کے مطابق گذشتہ روز بلوچستان کے علاقے کلی الماس میں سیکیورٹی فورسز نے بڑی کارروائی کی تھی جس میں سو سے زائد افراد کے قتل میں ملوث دہشت گرد اور دو خود کش بمباروں کو ہلاک کردیا تھا تاہم دہشت گردوں سے مقابلے میں ملٹری انٹیلی جنس کے کرنل سہیل عابد شہید ہوگئے تھے اور آج زخمی کانسٹیبل ثنا اللہ بھی شہید ہوگئے۔

    پاک فوج کے شعبہ تعلقات عامہ (آئی ایس پی آر) کے مطابق کلی الماس آپریشن میں زخمی ہونے والے ہیڈ کانسٹیبل ثنااللہ شہید ہوچکے ہیں، امن کے سفر میں تمام پاکستانی شہیدوں کے قرض دار ہیں، امن کی طرف جاری سفر ان شہیدوں کا مرہون منت ہے۔

    کرنل سہیل عابد کی فوجی اعزاز کے ساتھ تدفین، آرمی چیف کا اظہار رنجیدگی

    آئی ایس پی آر کا کہنا تھا کہ ہمارے امن کے پیچھے دراصل یہ شہید ہیں، شہیدوں کی قربانیوں کو سلام پیش کرتے ہیں، ہیڈ کانسٹیبل ثنااللہ گزشتہ روز دہشت گردوں سے مقابلے میں زخمی ہوئے تھے، شہید ہیڈ کانسٹیبل نے پسماندگان میں اہلیہ اور 2 بچے چھوڑے ہیں۔

    واضح رہے کہ گزشتہ روز سیکیورٹی فورسز نے بلوچستان کے علاقے کلی الماس میں خفیہ اطلاع پر خود کش بمباروں کی موجودگی پر چھاپہ مار کارروائی کی تو دہشت گردوں نے سیکیورٹی فورسز پر اندھا دھند فائرنگ شروع کردی تھی۔

    بلوچستان میں کالعدم لشکر جھنگوی کا بڑا دہشت گرد مارا گیا، آئی ایس پی آر

    سیکیورٹی فورسز کی جوابی فائرنگ میں 100 سے زائد افراد کے قتل میں ملوث لشکر جھنگوی کا انتہائی مطلوب دہشت گرد سلمان بادینی ہلاک ہوا تھا، مذکورہ شخص ہزارہ برداری کے کئی لوگوں اور متعدد پولیس اہلکاروں کے قتل میں ملوث تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔ 

  • وزیراعلیٰ بلوچستان کا کوئٹہ کے متعدد علاقوں کا دورہ، مختلف امور کا جائزہ

    وزیراعلیٰ بلوچستان کا کوئٹہ کے متعدد علاقوں کا دورہ، مختلف امور کا جائزہ

    کوئٹہ: وزیر اعلیٰ بلوچستان عبد القدوس بزنجو نے صوبائی دار الحکومت کے مختلف علاقوں کا دورہ کیا اس دوران انہوں نے صفائی ستھرائی کی صورت حال سمیت مختلف امور کا جائزہ لیا۔

    تفصیلات کے مطابق وزیر اعلیٰ بلوچستان نے کوئٹہ کے جن علاقوں کا دورہ کیا ان میں کواری روڈ، شاہرہ اقبال، فقیر محمد روڈ اور میکانگی روڈ شامل ہیں جہاں انہوں نے صفائی ستھرائی کی صورت حال کا جائزہ لیتے ہوئے اطمینان کا اظہار کیا۔

    عبد القدوس بزنجو نے دورے میں کواری روڈ پر فائر اسٹیشن کا معائنہ کیا جبکہ گوالمنڈی چوک پر گوشت کی دکانوں کا بھی جائزہ لیا، اس دوران انہوں نے انتظامیہ کو نجی قصاب خانے بند کرنے اور اس کے خلاف سخت ایکشن لینے کی ہدایت بھی کی۔

    پرویز الہٰی کی عبد القدوس بزنجو سے ملاقات، سیاسی سفر ساتھ جاری رکھنے کا عزم

    اس موقع پر وزیر اعلیٰ بلوچستان عبد القدوس بزنجو نے کہا کہ عوام کی خدمت میری اولین ترجیح ہے، میں خود کو عوامی نمائندہ سمجھتا ہوں اور لوگوں کے درمیان رہ کر مسائل حل کرنے کا قائل ہوں۔

    ان کا مزید کہنا تھا کہ مجھے اپنے پروٹو کول اور سکیورٹی کی کوئی فکر نہیں، عوامی لوگ عوام کے درمیان رہ کر کام کرنا پسند کرتے ہیں، دن رات ایک کر کے صوبے کے مسائل حل کریں گے۔

    حاصل خان بزنجو جمہوریت کے چیمپئن بننے کی کوشش کررہے ہیں، عبدالقدوس بزنجو

    خیال ہے کہ گذشتہ دنوں وزیر اعلیٰ بلوچستان نے میڈیا سے گفتگو کرتے ہوئے کہا تھا کہ امید ہے چیئرمین سینیٹ صادق سنجرانی بلوچستان کے مسائل پر توجہ دیں گے، صوبے کے عوام محرومی کا شکار تھے، بلوچستان کو اس کا حق دلانے کے لیے لڑیں گے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • پرویز الہٰی کی عبد القدوس بزنجو سے ملاقات، سیاسی سفر ساتھ جاری رکھنے کا عزم

    پرویز الہٰی کی عبد القدوس بزنجو سے ملاقات، سیاسی سفر ساتھ جاری رکھنے کا عزم

    کوئٹہ: مسلم لیگ (ق) کے مرکزی رہنما پروز الہٰی نے وزیر اعلیٰ بلوچستان عبد القدوس بزنجو سے ملاقات کی جس میں دونوں رہنماؤں نے سیاسی سفر ساتھ جاری رکھنے کے عزم کا اظہار کیا۔

    تفصیلات کے مطابق ملاقات میں ملک کی سیاسی صورت حال سمیت 2018 کے عام انتخابات سے متعلق تبادلہ خیال ہوا جبکہ بلوچستان کی موجودہ حالات کا بھی جائزہ لیا گیا۔

    ملاقات کے بعد پرویز الہٰی کے ہمراہ میڈیا سے گفتگو کرتے ہوئے عبد القدوس بزنجو کا کہنا تھا کہ جب نواز شریف وزیر اعظم تھے تو کبھی بلوچستان کابینہ کمیٹی کااجلاس نہیں بلایا، تاہم شاہد خاقان عباسی جس منصب پر بیٹھے ہیں انہیں اس کی عزت کرنی چاہیے۔

    بلوچستان سے چیئرمین سینیٹ لانے کی ذمہ داری آصف زرداری کی ہے، عبدالقدوس بزنجو

    انہوں نے کہا کہ سینیٹ الیکشن میں (ن) لیگ نے سب سے زیادہ پیسےچلانے کی کوشش کی تھی، بلوچستان ممبران نےکہا ہمیں پیسے نہیں عزت چاہیے، وزیر اعظم موجودہ سینیٹ چیئرمین سے متعلق جو بیانات دے رہے ہیں ایسے بیانات نا مناسب ہیں۔

    وزیر اعلیٰ بلوچستان کا کہنا تھا کہ جب سے سیاست میں آیا ہوں چوہدری برادران کے ساتھ ہوں، 2013 میں بھی بلوچ عوام نے ثابت کیا کہ وہ چوہدری شجاعت کے ساتھ ہیں، بلوچستان کے عوام ان سے پیار کرتے ہیں، آئندہ بھی ساتھ رہیں گے اور عزت ومحبت کا رشتہ ہمیشہ قائم رہے گا۔

    تمام ججز نے نواز شریف کو کرپٹ اور جھوٹا قراردیا ہے، پرویز الٰہی

    اس موقع پر رہنما مسلم لیگ (ق) کا کہنا تھا کہ بلوچ عوام کے ساتھ خاص محبت ہے، ہم نے پاکستان کے لیے ایک ساتھ کام کرنا ہے، ملک سےمحبت کرنے والے ہر جماعت میں موجود ہیں، پاکستان سے محبت کی سوچ رکھنے والوں کو ایک پلیٹ فارم پر لانا ہوگا سب کو ساتھ لے کر چلنے کا ہنر بلوچستان کی لیڈر شپ میں موجود ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • آئندہ انتخابات کے بعد بلوچستان کا وزیراعلیٰ جیالا ہوگا، بلاول

    آئندہ انتخابات کے بعد بلوچستان کا وزیراعلیٰ جیالا ہوگا، بلاول

    کراچی: پیپلزپارٹی کے چیئرمین بلاول بھٹو زرداری نے کہا ہے کہ مسلم لیگ ن نے بلوچستان کی سیاست اور عوام کو نقصان پہنچایا، آئندہ عام انتخابات کے بعد بلوچستان کا وزیراعلیٰ جیالا ہوگا۔

    وزیراعلیٰ بلوچستان کے مستعفیٰ ہونے کی صورتحال کے بعد کراچی میں بلاول بھٹو کی زیر صدارت بلوچستان کے سیاسی بحران سے متعلق اجلاس ہوا جس میں پی پی ایگزیکٹو کمیٹی کے اراکین اور سینیٹرز نے شرکت کی۔

    اجلاس کے اراکین سے خطاب کرتے ہوئے بلاول بھٹو کا کہنا تھا کہ ’مسلم لیگ ن کے خلاف عوام کے عدم اعتماد کی شروعات ہوچکی ہے، اب بھی وقت ہے تختِ رائے ونڈ کے بجائے عوام سے وفادار حکومت بنائی جائے۔

    مزید پڑھیں: وزیر اعلیٰ‌ بلوچستان ثنا اللہ زہری نے استعفیٰ دے دیا

    چیئرمین پیپلزپارٹی کا کہنا تھا کہ ’مسلم لیگ ن نے بلوچستان کی سیاست اور عوام کو نقصان پہنچایا۔ بلاول بھٹو نے دعویٰ کیا کہ آئندہ عام انتخابات کے بعد بلوچستان کا وزیراعلیٰ جیالا ہوگا۔

    واضح رہے کہ اپوزیشن جماعتوں کی جانب وزیراعلیٰ بلوچستان کے خلاف تحریک عدم اعتماد پیش کی جانی تھی تاہم ثنا اللہ زہری نے اُس سے قبل ہی اسپیکر اسمبلی کو اپنا استعفیٰ پیش کردیا جسے گورنر بلوچستان نے منظور کرلیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

  • بلوچستان :بحریہ کے تحت ساحلی علاقوں میں یوم آزادی کی تقاریب

    بلوچستان :بحریہ کے تحت ساحلی علاقوں میں یوم آزادی کی تقاریب

    کراچی: پاک بحریہ کے زیر انتظام بلوچستان کے ساحلی علاقوں میں جشن آزادی کی تقریبات کا انعقاد کیا گیا، اورماڑہ کے میونسپل کمیٹی آفس میں پاک بحریہ کے زیر اہتمام پرچم کشائی کی خصوصی تقریب منعقد کی گئی۔

    پاک بحریہ کی جانب سے یوم پاکستان کے موقع پر اورماڑہ کی مقامی ٹیموں اور پاک بحریہ کی ٹیم کے مابین دوستانہ فٹ بال میچ کا بھی اہتمام کیا گیا۔ ترجمان پاک بحریہ کے مطابق پاک بحریہ کی مکران بیس میں مقامی طلبا کے لیے خصوصی تقریب کا انعقاد کیا گیا۔

    تقریب میں شریک مقامی طلبا کے لیے پاک بحریہ کی جانب سے ائیر ڈسپلے اور تحائف تقسیم کیے گئے۔گوادر،جیونی،پسنی اور تربت کے اسکولوں میں بھی پاک بحریہ کی جانب سے یوم آزادی کی خصوصی تقریبات کا انعقاد کیاگیا۔

    گوادر اور اورماڑہ کے ماہی گیروں کے لیے پاک بحریہ کے زیر اہتمام سبز ہلالی پرچموں سے سجی بوٹ ریلیوں کا انعقاد بھی کیا گیا۔

     

  • بلوچستان: کالعدم تنظیم کے ٹھکانے پر چھاپہ، بھاری تعداد میں اسلحہ برآمد

    بلوچستان: کالعدم تنظیم کے ٹھکانے پر چھاپہ، بھاری تعداد میں اسلحہ برآمد

    راولپنڈی: آئی ایس پی آر نے کہا ہے کہ ملک بھر میں آپریشن ردالفساد جاری ہے، ژوب میں کالعدم تنظیم کے ٹھکانے سے بھاری تعداد میں اسلحہ برآمد کرلیا گیا ہے۔

    پاک فوج کے شعبہ تعلقات عامہ (آئی ایس پی آر) کے مطابق ملک بھر میں آپریشن رد الفساد کے تحت سیکیورٹی فورسز کی جانب سے دہشت گردوں کے خلاف کارروائیاں جاری ہیں، حالیہ کارروائی میں ایف سی نے خفیہ اطلاع پر ژوب کے علاقے سمبازہ میں کالعدم تنظیم کے ٹھکانے پر چھاپہ مار کر بڑی تعداد میں اسلحہ اور گولہ بارود برآمد کرلیا۔

    جاری بیان کے مطابق برآمد اسلحے میں 49 آر پی جی سیون راکٹ،6 مائنز ، 5 آئی ای ڈیز، اینٹی ایئر کرافٹ گن،49 فیوز،95 بکس اینٹی ایئر کرافٹ گن راؤنڈز شامل ہیں۔


    آئی ایس پی آر برآمد شدہ اسلحے میں مختلف ساخت کے دیگر ہزاروں راؤنڈز بھی برآمد کیے گئے ہیں۔

  • بلوچستان: 328 ارب روپے کا بجٹ پیش، کم از کم اجرت 15 ہزار مقرر

    کوئٹہ: بلوچستان حکومت نے 3 کھرب 20 ارب روپے سے زائد مالیت کا خسارے کا بجٹ پیش کردیا، تنخواہوں میں 10 فیصد اضافہ کردیا گیا جبکہ کم از کم اجرت 15 ہزار روپے مقرر کردی گئی ہے۔

    تفصیلات کے مطابق بلوچستان اسمبلی کا بجٹ اجلاس اسپیکر اسمبلی راحیلہ حمید درانی کی زیر صدارت شروع ہوا۔

    اجلاس میں مشیر خزانہ سردار اسلم بزنجو نے صوبہ بلوچستان کا مالی سال 2017-18ء کے لیے 328 ارب 50 کروڑ روپے سے زائد مالیت کا بجٹ پیش کیا۔

    بجٹ میں غیر ترقیاتی منصوبوں کے لیے 242 ارب 4 کروڑ روپے رکھے گئے ہیں جبکہ 86 ارب روپے سے زائد کے ترقیاتی منصوبے بھی بجٹ میں شامل ہیں۔

    بجٹ پیش کرتے ہوئے مشیر خزانہ سردار اسلم بزنجو کا کہنا تھا کہ صوبے کے اپنے وسائل سے آمدن کا تخمینہ 12 ارب 40 کروڑ روپے لگایا گیا ہے۔

    اجلاس میں بجٹ کا کل خسارہ 52 ارب روپے سے زائد بتایا گیا،عام اجلاسوں کی طرح بجٹ اجلاس میں بھی بلوچستان اسمبلی کے اراکین ایک دوسرے کے ساتھ چہ مگوئیوں میں مصروف رہے۔

    بجٹ میں سرکاری ملازمین کی تنخواہوں اور ریٹائرڈ افراد کی پنشن میں اضافہ وفاقی حکومت کے اعلان کے تحت 10 فیصد کیا گیا ہے جبکہ مزدوروں کی کم از کم ماہانہ اجرت 14 ہزار روپے سے بڑھاکر 15 ہزار روپے کردی گئی ہے۔

  • بلوچستان: دہشت گردی کی وارداتوں میں ملوث ماسٹر مائنڈ گرفتار

    بلوچستان: دہشت گردی کی وارداتوں میں ملوث ماسٹر مائنڈ گرفتار

    کوئٹہ: وزیرداخلہ بلوچستان سرفراز بگٹی نے کہا ہے کہ قانون نافذ کرنے والے اداروں نے بڑی کامیابی حاصل کرتے ہوئے دہشت گردی کی متعدد وارداتوں میں ملوث ٹارگٹ کلرز کا بڑا نیٹ ورک پکڑ لیا۔

    میڈیا سے گفتگو کرتے ہوئے وزیر اعلیٰ بلوچستان نے کہا کہ قانون نافذ کرنے والے اداروں نے کارروائی کرتے ہوئے دہشت گردی کے بڑے واقعات میں ملوث ماسٹر مائنڈ سمیت اُس کے دو ساتھیوں کو گرفتار کرلیا۔

    انہوں نے کہا کہ کارروائی کے نتیجے میں کالعدم تنظیم کا اہم کمانڈر دو ساتھیوں سمیت گرفتار کیا گیا ہے جو 24 سے زائد دہشت گردی کی مختلف وارداتوں میں ملوث ہے اور کوئٹہ میں ہونے والے بم دھماکوں کا سہولت کار بھی ہے۔

    سرفراز بگٹی نے کہا کہ آخری دہشت گردی کے خاتمے تک ہماری جنگ جاری رہے گی، پوری قوم دہشت گردی کے خلاف جنگ لڑ رہی ہے۔ وزراعلیٰ بلوچستان نے کہا کہ دہشت گردی کے ممکنہ خطرات کے پیش نظر پورے صوبے میں ہائی الرٹ کیا ہواہے۔

    دہشت گرد 24 بم دھماکوں اور اہم شخصیات کی ٹارگٹ کلنگ میں بھی ملوث تھا، وزیر داخلہ بلوچستان ۔ فوٹو : پی پی آئی

    سرفراز بگٹی نے کہا کہ دہشت گرد سول اسپتال، پولیس ٹریننگ سینٹراور شاہ نورانی مزارسمیت 24 بم دھماکوں اور اہم شخصیات کی ٹارگٹ کلنگ میں ملوث تھا، انہوں نے کہا کہ دہشت گرد نے بیرسٹر امان اللہ کوبھی ٹارگٹ کلنگ کا نشانہ بنایا۔

    ویڈیو دیکھیں


    اس موقع پر گرفتار ملزمان کے اعترافی بیان کی ویڈیو بھی جاری کی گئی جس میں ملزم سعید عرف تقویٰ نے اعتراف کیا کہ اُس نے لا کالج کے پرنسپل بیرسٹر امان اللہ اچکزئی اور بلوچستان بار کونسل کے صدر بلال انور کانسی ایڈوکیٹ سمیت دیگر افراد کو قتل کیا۔

    اپنے اعترافی بیان میں ملزم نے کہا کہ اُسے بھارتی خفیہ ایجنسی را اور افغان ایجنسی این ڈی ایس کی جانب سے پاکستان میں دہشت گردی کرنے کا ٹاسک دیا گیا تھا، گرفتار دہشت گرد نے سول اسپتال کے باہر ہونے والے دھماکے میں سہولت کاری کا بھی اعتراف کیا۔