کویت : کویت نے پاکستانیوں پر لگائی گئی ویزا پابندی ختم کردی ہے،کویت نے پاکستان پر چھ سال قبل ویزا پابندی عائد کی تھی۔
تفصیلات کے مطابق وزیراعظم نواز شریف نے دورہ کویت کے دوران امیر کویت شیخ صباح الاحمد الجابر الصباح سے ملاقات کی ، دونوں رہنماؤں کی ملاقات میں باہمی دلچسپی کے امور پر تبادلہ خیال ملاقات میں کویت میں پاکستانیوں کے ویزے سے متعلق امور زیرغور آئے۔
ملاقات میں فیصلہ کیا گیا کہ کویت کی جانب سے پاکستانیوں پر لگائی گئی ویزا پابندی ختم کی جائے۔
ذرائع کے مطابق بیان پیلس میں دونوں سربراہان کی ملاقات میں پانچ مختلف شعبوں میں تعاون پر اتفاق کیا گیا جبکہ پاکستان اور کویت نے جوائنٹ بزنس کونسل بنانے پر بھی اتفاق کیا ہے۔
Prime Minister Muhammad Nawaz Sharif called on Amir of Kuwait Sheikh Sabah Al-Ahmad Al-Jaber Al-Sabah at the Amiri Diwan in Kuwait City pic.twitter.com/etF3PaJKBs
— PML(N) (@pmln_org) March 7, 2017
ملاقات میں وزیر اعظم نے کہا کہ کویت کے ساتھ دو طرفہ تعلقات کا فروغ چاہتے ہیں، پاکستان کویت کے ساتھ مختلف شعبوں میں تعاون بڑھانے کا خواہاں ہے ‘پاکستان کے انفرااسٹرکچر اور توانائی کے بڑے منصوبوں میں کویت سے مزید سرمایہ کاری کا خیرمقدم کریں گے۔
قبل ازیں وزیراعظم نے کویت پارلیمنٹ کے اسپیکر مرذوق علی الغانم سے ملاقات کی جب کہ پارلیمنٹ آمد پر ان کااستقبال کیا گیااور انہیں کویتی پارلیمنٹ کی ساخت اور کام کے بارے میں بریفنگ دی۔
واضح رہے کہ کویت نے پاکستان پر چھ سال قبل ویزا پابندی عائد کی تھی اور اس دوران متعدد بار کی پابندی کو ختم کرانے کی کوشش کی گئی جو ناکام رہی۔
