کراچی: سندھ رینجرز نے شہر قائد کے مختلف علاقوں میں کارروائیاں کرتے ہوئے کالعدم تنظیم کے کارندوں اور بھتہ خوروں سمیت 17 ملزمان کو گرفتار کر کے اسلحہ برآمد کرلیا۔
ترجمان رینجرز کی جانب سے جاری کردہ اعلامیے میں گیا ہے کہ ’’سندھ رینجرز نے کراچی کے مختلف علاقوں گلشن اقبال، گڈاپ ٹاؤن، بن قاسم ٹاؤن، اورنگی ٹاؤن اور بلدیہ میں کارروائیاں کرتے ہوئے 15 ملزمان کو گرفتار کر کے تفتیش کے لیے نامعلوم مقام پر منتقل کیا‘‘۔
کراچی : حساس اداروں نے ایس ایس پی ملیر راؤ انوار پر حملے کا خدشہ ظاہر کرتے ہوئے تھریٹ الرٹ جاری کردیا۔
تفصیلات کے مطابق حساس اداروں کی جانب سے جاری کیے گئے الرٹ میں کہا گیا ہے کہ کالعدم تنظیم کے کارندوں نے ایس ایس پی ملیر راؤ انوار پر حملے کا منصوبہ تیار کیا گیا ہے۔
الرٹ میں مزید کہا گیا ہے کہ ’’کالعدم تنظیم کے کارندے 10 سے 14 اگست کے درمیان ایس ایس پی ملیر پر حملہ کرسکتے ہیں، حساس اداروں کے مطابق کالعدم تنظیم کی مرکزی قیادت کی جانب سے راؤ انوار کے دفتر پر حملے کا منصوبہ تیار کیا گیا ہے ۔
حساس اداروں نے راؤ انوار کو دفتر اور اپنی سیکورٹی بڑھانے کے لیے اقدامات کرنے کی ہدایت کی ہے۔
یاد رہے گزشتہ روز شہر قائد میں مختلف فرقوں اور اقلیتی عبادت گاہوں پر حملوں کا خطرہ ہے جس کے سبب حساس اداروں نے سیکیورٹی الرٹ جاری کرکیا گیا تھا۔
جاری کئے گئے تھریٹ الرٹ میں کہا گیا تھا کہ ’’افغانستان کے بیسڈ کالعدم تنظیم نے کراچی کے علاقے نارتھ کراچی سیکٹر الیون بی یوپی موڑ کے قریب ایک عبادت گاہ پر حملے کی منصوبہ بندی کی ہے۔
کراچی: سندھ رینجرز کی مختلف علاقوں میں کارروائیاں سیاسی جماعت کے 3 کارکنان سمیت 8 افراد گرفتار تفتیش کے لیے نامعلوم مقام پر منتقل کردیے گئے۔
ترجمان رینجرز کی جانب سے جاری کردہ اعلامیہ میں کہا گیا ہے کہ گزشتہ روز کراچی کے مختلف علاقوں شاہ فیصل، کالونی، لانڈھی، بلدیہ ٹاؤن اور لیاقت آباد میں ٹارگٹڈ کارروائیاں کی گئیں، کارروائیوں کے دوران ایم کیو ایم کے عسکری ونگ سے تعلق رکھنے والے 3 کارکنان جب کے 3 کالعدم جماعت کے کارندوں اور 2 بھتہ خوروں کو گرفتار کیا ہے۔
ترجمان رینجرز کے اعلامیے میں مزید کہا گیا ہے کہ ’’گرفتار ملزمان کے قبضے سے غیر قانونی اسلحہ اور بڑی تعداد گولیاں برآمد کی گئی ہیں جبکہ سیاسی جماعت کے کارکنان کو غیر قانونی اسلحہ رکھنے اور ٹارگٹ کلنگ کے مینہ الزام میں گرفتار کیاگیا ہے۔
یاد رہے ایم کیو ایم کی جانب سے کارکنان کی گرفتاریوں اور جبری گمشدگیوں کے خلاف کراچی پریس کلب پر دو روزہ علامتی بھوک ہڑتال کی گئی تھی جب کہ ایم کیو ایم کی جانب سے آج منعقد کردہ ریلی بارشوں کی پیش نظر مؤخر کرنے کا اعلان کیا گیا ہے۔