کوئٹہ: قانون نافذ کرنے والے اداروں نے تربت میں آپریشن کےدوران کالعدم تنظیم کےتین دہشتگرد گرفتار کرلئے۔
تفصیلات کے مطباق تربت کےعلاقے ناصر آبادمیں قانون نافذ کرنےوالےاداروں نےخفیہ اطلاع پرشرپسندوں کی تلاش کے لئے سرچ آپریشن کیا۔
سرچ آپریشن کے دوران کالعدم تنظیم کےسے تعلق رکھنے والے تین ملزمان پکڑے گئے ہیں جنہیں تفتیش کے لئے نامعلوم مقام منتقل کردیاہے۔
ترجمان ایف سی کے مطابق گرفتار ملزمان سنگین وارداتوں میں ملوث ہیں جن کی قبضے سےبھاری مقدارمیں اسلحہ بھی برآمد ہوا ہے۔
پشاور: حساس اداروں نے کاروائی کرتے ہوئے کالعدم تنظیم کے اہم کمانڈر کوگرفتارکرلیا۔
تفصیلات کے مطابق حساس اداروں نے پشاور میں خفیہ اطلاع پرکاروائی کرتے ہوئے ڈاکٹرایران شاہ نامی کالعدم تنظیم کے کمانڈر کوگرفتارکیا۔
کاروائی محکمۂ انسدادِ دہشت گردی نے وفاقی اداروں کے تعاون سے کی۔
ذرائع کا کہنا ہے کہ ڈاکٹر ایران شاہ نا صرف یہ کہ زخمی ہونے والے طالبان کو طبی امداد فراہم کرتا تھا بلکہ خودکش جیکٹ بنانے کا بھی ماہرتھا۔
خفیہ اداروں نے ڈاکٹر ایران کوگرفتاری کے بعد تفتیش کےلئے نامعلوم مقام پرمنتقل کردیا ہے۔