ARYNews.tv | Urdu – Har Lamha Bakhabar

Tag: Bangladesh

  • بنگلا دیش اور پاکستان کے درمیان اہم معاہدے طے پا گئے، دفتر خارجہ پاکستان

    بنگلا دیش اور پاکستان کے درمیان اہم معاہدے طے پا گئے، دفتر خارجہ پاکستان

    اسلام آباد : پاکستان اور بنگلا دیش کے درمیان 6 معاہدوں اور مفاہمتی یاد داشتوں پر دستخط ہوگئے، پاکستان نے بنگلہ دیشی طلبہ کے وظائف کی تعداد 5 سے بڑھا کر 25 کردی۔

    تفصیلات کے مطابق نائب وزیراعظم اسحاق ڈار کے 13 برس بعد ڈھاکا کے پہلے سرکاری دورے کا اعلامیہ جاری کردیا گیا۔

    اس حوالے سے ترجمان دفتر خارجہ پاکستان کا کہنا ہے کہ نائب وزیراعظم اسحاق ڈار 23 سے 24اگست بنگلا دیش کے دورے پر ڈھاکا پہنچے ہیں۔

    اس موقع پر نائب وزیر اعظم و وزیر خارجہ کی بنگلادیشی مشیر خارجہ محمد توحید حسین سے ملاقات ہوئی، چیف ایڈوائزر پروفیسر محمد یونس سے بھی اسحاق ڈار نے اہم ملاقات کی۔

    ترجمان دفتر خارجہ کے مطابق ملاقات میں دونوں ممالک کے درمیان تجارت اور اقتصادی امور پر کمرشل ایڈوائزر شیخ بشیر الدین سے گفتگو کی گئی۔

    اسحاق ڈار سے بنگلادیشی نیشنلسٹ پارٹی، جماعت اسلامی اور نیشنل سٹیزن پارٹی کے وفود نے بھی ملاقاتیں کی۔

    ترجمان دفترخارجہ کے مطابق پاکستان اور بنگلادیش کے درمیان 6 معاہدوں اور مفاہمتی یاد داشتوں پردستخط کیے گئے۔

    معاہدوں اور مفاہمتی یاد داشتوں پر دستخط کی تقریب ڈھاکہ میں ہوئی جس میں نائب وزیراعظم و وزیر خارجہ اسحاق ڈار اور بنگلا دیش کے مشیر برائے خارجہ امور محمد توحید حسین بھی شریک ہوئے۔

    تقریب میں سفارتی وسرکاری پاسپورٹ ہولڈرز کے لیے ویزا ختم کرنے کا معاہدہ طے پا گیا اور تجارت کے لیے مشترکہ ورکنگ گروپ قائم کرنے کی مفاہمتی یاد داشت پر دستخط کیے گئے۔

    ترجمان کے مطابق پاکستان اوربنگلادیش کی اسٹریٹجک اسٹڈیزانسٹی ٹیوٹس کے درمیان تعاون کامعاہدہ کیا گیا، دونوں ممالک کی فارن سروس اکیڈمیوں کے درمیان تعاون کی یادداشت پر دستخط کیے گئے۔

    اس کے علاوہ اے پی پی اور بنگلادیش سانگباد سنگستھا کے درمیان تعاون کی مفاہمتی یاد داشت پر دستخط کیے گئے۔

    دفتر خارجہ کے ترجمان نے بتایا کہ پاکستان اور بنگلادیش کے درمیان ثقافتی تبادلوں کا پروگرام طے پا گیا۔

    پاکستان بنگلادیش نالج کوریڈور منصوبے کا آغاز کیا گیا، 5سال میں 500 بنگلادیشی طلبہ کو پاکستان میں وظائف دیے جائیں گے۔

    100بنگلادیشی سول سرونٹس کے لیے پاکستان میں تربیتی کورسز کا اعلان کیا گیا، پاکستان نے وظائف کی تعداد 5 سے بڑھا کر 25 کرنے کا اعلان کیا۔

    غزہ اور روہنگیا مسئلے پر پاکستان اور بنگلادیش کی یکساں تشویش کا اظہار کیا گیا، سارک کو فعال بنانے اور علاقائی تعاون بڑھانے پر زور دیا گیا۔

    ترجمان دفتر خارجہ کا کہنا ہے کہ اسحاق ڈار نے بیگم خالدہ ضیا اور ڈاکٹر شفیق الرحمان کی عیادت کی، نائب وزیراعظم اسحاق ڈار نے دونوں رہنماؤں کی جلد صحت یابی کی دعا کی۔

    اس موقع پر پاکستان نے بنگلادیش کے ساتھ تعلقات کو عوامی فائدے کے لیے مزید مضبوط بنانے پر زور دیا۔

    https://urdu.arynews.tv/bangladesh-pakistan-strengthen-relations-bangladesh-foreign-ministry/

  • ’’پاکستان کے ساتھ تجارتی حجم جلد 1 ارب ڈالرز تک پہنچ جائے گا‘‘

    ’’پاکستان کے ساتھ تجارتی حجم جلد 1 ارب ڈالرز تک پہنچ جائے گا‘‘

    کراچی: شہر قائد میں تعینات بنگلا دیش کے ڈپٹی ہائی کمشنر محبوب العالم نے کہا ہے کہ جلد ہی پاکستان اور بنگلا دیش کے درمیان تجارتی حجم 1 ارب امریکی ڈالرز تک پہنچ جائے گا۔

    کراچی میں تعینات ڈپٹی ہائی کمشنر بنگلادیش محبوب العالم کا کہنا تھا کہ دونوں ممالک کے درمیان براہ راست پروازوں کا آغاز بھی جلد ہوگا، پاکستان میں بنگلا دیشی مصنوعات کے فروغ کے لیے بھی سنگل کنٹری نمائش کا انعقاد کیا جائے گا۔

    لاڑکانہ کے دورے کے موقع پر لاڑکانہ چیمبر آف کامرس اینڈ انڈسٹری، لاڑکانہ پریس کلب اور آرٹس کونسل آف لاڑکانہ میں تاجروں، صنعت کاروں، صحافیوں، فنکارو ں اور سرکاری افسران سے ملاقات میں بنگلا دیش کے ڈپٹی ہائی کمشنر کا کہنا تھا کہ تجارت، ثقافت اور صحافت کے ذریعے دونوں ممالک کے درمیان تعلقات کو مزید مضبوط بنایا جا سکتا ہے۔

    سونے سے 200 فی صد منافع، ہر کاروبار پر سبقت مل گئی

    انھوں نے پاکستان اور بنگلا دیش کے درمیان تجارت میں اضافے کی ضرورت پر زور دیتے ہوئے کہا کہ دونوں ممالک کو تجارتی نمائشوں اور تجارتی وفود کے تبادلوں میں تیزی لانا ہوگی، انھوں نے ستمبر 2025 میں ڈھاکا میں منعقد ہونے والی تیسری میڈ ان پاکستان نمائش، نومبر 2025 میں لیدر مصنوعات کی نمائش اور جنوری 2026 میں ڈھاکا میں ہونے والی بین الاقوامی تجارتی نمائش کا ذکر کرتے ہوئے لاڑکانہ کے تاجروں کو ان نمائشوں میں شرکت کی دعوت بھی دی۔

    پاکستانیوں کو بنگلا دیش کے ویزا کے اجرا میں حائل مشکلات کے حوالے سے ڈپٹی ہائی کمشنر نے یقین دلایا کہ کراچی میں بنگلہ دیشی مشن تمام پاکستانی تجارتی وفود کے لیے ترجیحی ویزا کو یقینی بنائے گا۔

  • ٹی ٹوئنٹی سیریز کے لیے قومی کرکٹ ٹیم ڈھاکا روانہ

    ٹی ٹوئنٹی سیریز کے لیے قومی کرکٹ ٹیم ڈھاکا روانہ

    پاکستان اور بنگلہ دیش کے درمیان 3 ٹی ٹوئنٹی انٹرنیشنل میچز پر مشتمل سیریز کے لیے پاکستان کی قومی کرکٹ ٹیم کا دوسرا دستہ بھی کراچی سے ڈھاکا کے لیے براستہ دبئی روانہ ہوگیا۔

    کراچی سے ڈھاکا کے لیے روانہ ہونے والے دوسرے گروپ میں محمد حارث، عباس آفریدی، صاحبزادہ فرحان، حسن نواز، سفیان مقیم، حسین طلعت، احمد دانیال، سلمان مرزا اور سپورٹ اسٹاف شامل ہے۔

    اس سے قبل قومی کرکٹ ٹیم کا پہلا دستہ منگل کی رات کراچی سے ڈھاکا کے لیے روانہ ہوا تھا۔

    پہلے گروپ میں سلمان علی آغا، صائم ایوب، فخر زمان شامل، محمد نواز، ابرار احمد، خوشدل شاہ، فہیم اشرف شامل تھے۔

    پاکستان اور بنگلہ دیش کے درمیان 3 ٹی ٹوئنٹی انٹرنیشنل میچز پر مشتمل سیریز 20 جولائی کو شروع ہوگی، سیریز کے تینوں میچ شیر بنگلہ اسٹیڈیم ڈھاکا میں کھیلے جائیں گے۔

    واضح رہے کہ دورہ بنگلہ دیش پاکستان کے نئے ہیڈ کوچ مائیک ہیسن کا قومی ٹیم کے ساتھ پہلا اسائنمنٹ ہے۔

    این بشپ نے شاہین آفریدی کو ’بے بی اسٹارک‘ قرار دے دیا

    دوسری جانب سابق ٹیسٹ کرکٹر نے دورہ بنگلہ دیش کے اسکواڈ میں شاہین شاہ آفریدی کو شامل نہ کرنے پر ردعمل دیتے ہوئے کہا ہے کہ فاسٹ بولر کے ساتھ زیادتی ہو رہی ہے۔

  • سری لنکا نے بنگلادیش کو ون ڈے سیریز میں شکست دیدی

    سری لنکا نے بنگلادیش کو ون ڈے سیریز میں شکست دیدی

    سری لنکا نے بنگلادیش کو تیسرے ون ڈے انٹرنیشنل میں 99 رنز سے شکست دیکر تین میچوں کی ون ڈے سیریز میں 1-2 سے کامیابی حاصل کرلی۔

    سری لنکا نے بنگلادیش کو پالی کیلے میں کھیلے گئے تیسرے ون ڈے انٹرنیشنل میچ میں 99 رنز کے بھاری مارجن سے ہرادیا۔

    پہلے بیٹنگ کرتے ہوئے سری لنکا نے 7 وکٹوں کے نقصان پر 285 رنز بنائے۔ کشال مینڈس نے 124 رنز کی شاندار اننگز کھیلی جبکہ کپتان چارتھ اسالنکا نے 58 رنز بنائے۔

    بنگلا دیش کی طرف سے تسکین احمد اور مہدی حسن میراز نے دو، تنظیم حسن، تنویر اسلام اور شمیم حسین نے ایک، ایک کھلاڑی کو پویلین کی راہ دکھائی۔

    بنگلادیشی ٹیم ہدف کے تعاقب میں 39.4 اوورز میں 186 رنز بناکر چلتی بنی، توحید ہردوئے 51 رنز کے ساتھ نمایاں رہے۔

    سری لنکا کے اسیتھا فرنینڈو اور دشمنتھا چمیرا نے تین، تین کھلاڑیوں کو آؤٹ کیا، دونیتھ ویلالاگے اور ونندو ہاسارنگا نے دو، دو وکٹیں گرائیں۔

    خاتون سے زیادتی کے کیس میں بھارتی کرکٹر کیخلاف مقدمہ درج

    لنکا ٹائیگرز نے ون ڈے سیریز کے پہلے میچ میں 77 رنز جبکہ دوسرے میچ میں بنگلادیش نے 16 رنز سے کامیابی حاصل کی تھی۔

    اس سے قبل سری لنکا نے بنگلادیش کو دو ٹیسٹ میچوں کی سیریز میں 0-1 سے ہرایا تھا، دونوں ٹیموں کے درمیان تین ٹی 20 میچز پر مشتمل سیریز کا پہلا میچ جمعرات 10 جولائی کو پالی کیلے میں کھیلا جائے گا۔

  • بنگلہ دیش کے خلاف ٹیسٹ سیریز، سری لنکا کا اسکواڈ کا اعلان

    بنگلہ دیش کے خلاف ٹیسٹ سیریز، سری لنکا کا اسکواڈ کا اعلان

    کولمبو: بنگلہ دیش کے خلاف دو ٹیسٹ میچوں پر مشتمل سیریز کے پہلے میچ کے لیے سری لنکا نے 18 رکنی اسکواڈ کا اعلان کر دیا ہے۔

    سری لنکا کی ٹیم کی قیادت دھننجیا ڈی سلوا کریں گے، سیریز کی خاص بات یہ ہے کہ یہ سینئر آل راؤنڈر اینجلو میتھیوز کے کیریئر کا آخری ٹیسٹ ہوگا۔ 37 سالہ میتھیوز نے 2009 میں گال میں ٹیسٹ ڈیبیو کیا تھا اور اب وہ اپنا الوداعی میچ یادگار بنانے کی کوشش کریں گے۔

    میتھیوز سے قبل دیمتھ کرونارتنے بھی رواں سال فروری میں آسٹریلیا کے خلاف گال ٹیسٹ کے بعد ریٹائر ہو چکے ہیں۔

    سری لنکا کی قومی ٹیم میں تین نئے کھلاڑیوں پاسندو سوریابندارا، پوان رتھناایک اور ایسیٹھا وجے سندارا کو شامل کیا گیا ہے جو اس سیریز میں ٹیسٹ ڈیبیو کریں گے۔لاہیرو ادارا اور سونل دنوشا کو بھی اسکواڈ میں برقرار رکھا گیا ہے۔ جبکہ لاہیرو کمارا بھی ٹیم کا حصہ ہیں تاہم وہ انجری کے باعث پہلا ٹیسٹ نہیں کھیل سکیں گے۔

    یہ سیریز 2025-2027 ورلڈ ٹیسٹ چیمپئن شپ سائیکل کے آغاز کی حیثیت بھی رکھتی ہے۔پہلا ٹیسٹ 17 جون کو گال میں کھیلا جائے گا جبکہ دوسرا ٹیسٹ 25 جون کو کولمبو میں کھیلا جائے گا۔

    سری لنکن اسکواڈ:

    دھننجیا ڈی سلوا (کپتان)، پاتھم نسانکا، اوشادا فرنینڈو، اینجلو میتھیوز، کوسل مینڈس، کامندو مینڈس، لاہیرو ادارا، دنیش چندیمل، پاسندو سوریابندارا، سونل دنوشا، پوان رتھناایک، پرباتھ جیسوریا، تھارندو رتھناایک، اکیلا داننجیا، ملان رتھناایک، اسیتھا فرنینڈو، کسن راجیتھا، ایسیٹھا وجے سندارا۔

    دوسری جانب جنوبی افریقہ کے ورلڈ ٹیسٹ چیمپئن شپ جیتنے کے بعد سابق فاسٹ بولر ڈیل اسٹین جذبات پر قابو نہ رکھ سکے اور انکی آنکھیں خوشی سے چھلک پڑیں۔

    پروٹیز نے 1998 میں آخری بار آئی سی سی ناک آؤٹ ٹرافی جیتی تھی، بالآخر جنوبی افریقہ نے مسلسل 27 سال کے انتظار اور ناک آؤٹ مقابلوں میں ایک درجن سے زائد شکستوں کے بعد آئی سی سی ٹیسٹ چیمپئن شپ کا گرز (ٹرافی) اٹھانے کا اعزاز حاصل کیا ہے۔

    جنوبی افریقہ کے قائد ٹمبا باووما بغیر کوئی میچ ہارے ٹیسٹ چیمپئن شپ جیتنے والے تاریخ کے پہلے کپتان بن گئے ہیں جس کے بعد ملک کے سابق کرکٹر اور فینز سب ہی بہت زیادہ خوش ہیں۔

    لیجنڈ بولر ڈیل اسٹین نے ایک آن لائن پوڈکاسٹ کے دوران اپنی ٹیم کے چیمپئن بننے کے حوالے سے کافی جذبات ہوگئے اس دوران کی آنکھوں میں آنسو تھے اور وہ کئی لمحوں تک کچھ بول ہی نہیں پائے۔

    پیٹ کمنز الیون ڈبلیو ٹی سی فائنل میں ‘چوکرز’ کی آوازیں لگاتے رہے، ٹیمبا باووما

    ڈیل اسٹین نے اپنی ٹیسٹ کیپ دکھاتے ہوئے کہا کہ میں اس وقت گھر پر بیٹھا ہوں اس وقت میرے پاس جنوبی افریقہ کی ٹیسٹ کیپ بھی موجود ہے اور میں بہت فخر محسوس کررہا ہوں۔

  • بنگلادیش نے جماعت اسلامی پر پابندی ختم کر دی

    بنگلادیش نے جماعت اسلامی پر پابندی ختم کر دی

    ڈھاکا: بنگلادیش نے ملک کی سب سے بڑی اسلامی پارٹی جماعت اسلامی پر سے پابندی ہٹا دی۔

    اے ایف پی کے مطابق بنگلادیش کی سپریم کورٹ نے اتوار کو سب سے بڑی اسلامی جماعت کی رجسٹریشن بحال کر دی، اور اسے انتخابات میں حصہ لینے کی اجازت دے دی۔

    سابقہ معزول حکومت کی جانب سے لگائی گئی ایک دہائی سے زیادہ عرصہ رہنے والی پابندی کو سپریم کورٹ نے کالعدم قرار دیا، اور جماعت اسلامی کو باضابطہ طور پر الیکشن کمیشن میں سیاسی جماعت کے طور پر درج ہونے کی اجازت دے دی۔

    کمیشن کے وکیل توحید الاسلام نے بتایا کہ الیکشن کمیشن کو ہدایت کی گئی ہے کہ وہ اس پارٹی کی رجسٹریشن کو قانون کے مطابق بحال کرے، جماعت اسلامی کے وکیل ششیر منیر نے کہا کہ سپریم کورٹ کے فیصلے سے 170 ملین آبادی والے مسلم اکثریتی ملک میں جمہوری، جامع اور کثیر الجماعتی نظام بحال ہو گیا۔

    وکیل منیر نے میڈیا سے گفتگو کرتے ہوئے کہا ’’ہمیں امید ہے کہ بنگلادیشی، اپنی نسلی یا مذہبی شناخت سے قطع نظر، جماعت اسلامی کو ووٹ دیں گے، اور پارلیمان تعمیری مباحثوں سے روشن ہوگی۔‘‘

    یاد رہے کہ گزشتہ سال اگست میں شیخ حسینہ کو وزیر اعظم کے عہدے سے ہٹائے جانے کے بعد جماعت اسلامی نے 2013 کے ہائی کورٹ کے حکم پر نظر ثانی کی اپیل کی تھی۔ 27 مئی کو جماعت کو بھی سپریم کورٹ نے جماعت کے ایک اہم رہنما اے ٹی ایم اظہر الاسلام کی سزا کو کالعدم قرار دیا تھا۔

    اظہر الاسلام کو 2014 میں بنگلادیش کی 1971 کی پاکستان سے آزادی کی جنگ کے دوران عصمت دری، قتل اور نسل کشی کے جرم میں موت کی سزا سنائی گئی تھی۔

  • بنگلادیش سیریز میں کم بیک کرے گا، مشتاق احمد

    بنگلادیش سیریز میں کم بیک کرے گا، مشتاق احمد

    لاہور: بنگلادیش کے بولنگ کوچ مشتاق احمد نے کہا ہے کہ پاکستان کے خلاف سیریز میں ان کی ٹیم کم بیک کرے گی۔

    بنگلادیش کے بولنگ کوچ مشتاق احمد نے پہلے ٹی 20 میچ میں پاکستان کے ہاتھوں شکست کے بعد پریس کانفرنس میں کہا کہ بنگلادیش سیریز میں کم بیک کرے گا، جیت کے لیے پاکستان ٹیم کو کریڈٹ دیتا ہوں۔

    مشتاق احمد نے کہا پاکستان ٹیم نے جس طرح کی کرکٹ کھیلی اسے کریڈٹ جاتا ہے، شاداب خان نے لمبے عرصے بعد شان دار پرفارمنس دی ہے، آغا سلمان نے بھی بہت اچھا کھیلا، ان کی بیٹنگ پر فخر ہے۔

    بولنگ کوچ کا کہنا تھا کہ 200 رنز کا تعاقب ہو تو 13 یا 14 رن ریٹ برقرار رکھنا مشکل ہوتا ہے، میچ شروع ہوتے ہی پچ سے بولرز کو مدد مل رہی تھی، دو تین چھکوں کے بعد وکٹ ملے تو مورال بلند ہوتا ہے۔

    انھوں نے بنگلادیش کی مستقبل کی تیاریوں کے حوالے سے بتایا کہ ورلڈ کپ کے لیے بہترین کمبی نیشن بنانے پر غور ہو رہا ہے، نجم الحسن شانٹو کو آئندہ میچز میں چانس ملے گا۔

    انھوں نے کہا ’’میں ایک سال سے بنگلادیش ٹیم کے ساتھ کام کر رہا ہوں، بنگلادیشی عوام پاکستان سے بہت محبت کرتے ہیں، پاکستان ٹیم کہیں بھی ہو، بنگلادیشی عوام سپورٹ کرتے ہیں۔‘‘

    پاکستان نے بنگلا دیش کو پہلے ٹی 20 میں شکست دے دی

    واضح رہے کہ گزشتہ روز بنگلادیش ہدف کے تعاقب میں ناکام رہا اور سیریز کا پہلا ٹی ٹوئنٹی پاکستان کے نام رہا، قذافی اسٹیڈیم میں پاکستان نے ٹاس جیت کر باری لی، اوپنر صائم اور فخر ابتدائی دو اوور میں آؤٹ ہوئے، تاہم کپتان سلمان اور حارث نے ٹیم کو مشکل سے نکالا۔ پاور پلے ختم ہوتے ہی حارث 31 پر وکٹ گنوا گئے، سلمان آغا نے کیریئر بیسٹ 56 رنز بنائے، حسن نواز نے 44 اور شاداب خان نے برق رفتار 48 رنز بنا کر ٹوٹل 200 کے پار پہنچا دیا۔

    جواب میں بنگلادیشی بیٹرز نے اٹیک کی کوشش کی، تاہم حسن علی نے بیک ٹو بیک اوورز میں دونوں اوپنر آؤٹ کر دیے، بنگلادیشی کپتان لٹن داس اور توحید اسکور 100 تک لے گئے، کپتان کے آؤٹ ہوتے ہی بنگلادیشی بیٹنگ تاش کے پتوں کی طرح بکھر گئی، آخر میں جا کر علی نے کچھ مزاحمت کی مگر کام نہ آئی، بنگلادیشی ٹیم 164 پر آؤٹ ہو گئی۔

  • بنگلہ دیش نے بھارت کے ساتھ دفاعی معاہدہ منسوخ کردیا

    بنگلہ دیش نے بھارت کے ساتھ دفاعی معاہدہ منسوخ کردیا

    ڈھاکہ: سفارتی کشیدگی کے باعث بنگلہ دیش نے بھارتی کمپنی کے ساتھ کروڑوں روپے کا ایک معاہدہ منسوخ کر دیا ہے۔

    غیر ملکی میڈیا رپورٹ کے مطابق دونوں ملکوں کے درمیان سفارتی کشیدگی کے دوران بنگلہ دیش نے بھارتی کمپنی کے ساتھ کروڑوں روپے کا ایک معاہدہ منسوخ کر دیا ہے جبکہ چند روز قبل ہی بھارت نے بنگلہ دیش کی بعض مصنوعات کی درآمدات پر پابندی عائد کر دی تھی۔

    بھارتی شہر کولکتہ میں قائم سمندری جہاز تعمیر کرنے والی کمپنی کا کہنا ہے کہ بنگلہ دیش نے شپ تعمیر کرنے کے 21 ملین ڈالر کے بڑے دفاعی معاہدے کو منسوخ کر دیا۔

    منسوخ شدہ معاہدے میں بنگلہ دیش کے لیے ایک جدید سمندری ٹگ (چھوٹے جہاز) کی تعمیر شامل تھی، جو کھلے سمندروں میں لمبی دوری تک تجارتی بحری جہازوں کو کھینچنے اور بچاؤ کے کاموں کے لیے ایک خصوصی سمندی کشتی ہے۔

    رپورٹ کے مطابق یہ کمپنی بھارتی وزارت دفاع کے تحت کام کرتی ہے، چند روز پہلے بھارت نے بنگلہ دیش کی بعض مصنوعات کی درآمدات پر پابندی عائد کر دی تھی۔

    جبکہ حال ہی میں بھارت نے بنگلہ دیشی کارگو کی تیسرے ممالک کو برآمدات کے لیے ٹرانس شپمنٹ کی سہولیات کو منسوخ کر دیا تھا اور ڈھاکہ کی اس کارروائی کو بھارت کے حالیہ فیصلے پر جوابی کارروائی کہا جا رہا ہے۔

    https://urdu.arynews.tv/ex-bangladesh-general-urges-retaliation-bangladesh-should-attack-india/

  • بنگلادیش نے ٹی 20 سیریز کیلئے پاکستان آنے کی تصدیق کردی

    بنگلادیش نے ٹی 20 سیریز کیلئے پاکستان آنے کی تصدیق کردی

    بنگلادیشی کرکٹ ٹیم 3 ٹی20 انٹرنیشنل میچز کھیلنے کیلئے پاکستان کا دورہ کرے گی، اس حوالے سے بنگلادیش کرکٹ بورڈ نے تصدیق کردی۔

    پی سی بی کے اعلامیے میں تصدیق کی گئی ہے کہ دونوں بورڈز کے سربراہان کے درمیان دبئی میں مذاکرات کامیاب ہوگئے ہیں، جس کے بعد بنگلادیشی ٹیم دورہ پاکستان کیلئے رضامند ہوگئی ہے۔

    مہمان ٹیم کے مختصر دورے کے دوران 3 ٹی 20 انٹرنیشنل میچز کا انعقاد کیا جائے گا۔ جو 27، 29 اور 31 مئی کو لاہور میں کھیلے جانے کی توقع ہے۔

    اس حوالے سے چئیرمین پی سی بی محسن نقوی اور بنگلادیش کرکٹ بورڈ کے چیئرمین ناز ملعابدین اور صدر فاروق احمد کے درمیان طویل ملاقات کے بعد فیصلہ ہوا۔

    دونوں ٹیموں کے درمیان تینوں ٹی20 میچز لاہور کے قذافی اسٹیڈیم میں کھیلے جائیں گے۔ اس حوالے سے تیاریاں مکمل ہیں۔

    اس سے قبل بنگلادیشی کرکٹ ٹیم اور پاکستان کے درمیان 5 ٹی 20 میچز کی سیریز شیڈولڈ تھی، سیریز کیلئے 25 مئی سے 3 جون تک شیڈول کا اعلان کیا گیا تھا۔

    دوسری جانب پاکستان کرکٹ بورڈ (پی سی بی) نے قومی ٹیم کیلئے کوچز کا اشتہار جاری کردیا ہے۔

    تفصیلات کے مطابق پاکستان کرکٹ بورڈ (پی سی بی) نے بالنگ، بیٹنگ، فیلڈنگ اور اسٹرنتھ اینڈ کنڈیشنگ کوچ کی تلاش شروع کردی ہے۔

    پی ایس ایل 10: اسلام آباد یونائیٹڈ نے کراچی کنگز کو شکست دے دی

    دورہ نیوزی لینڈ میں محمدیوسف، محمد مسرور اور ڈرائیکس سائمن کوچز تھے جبکہ قومی کرکٹ ٹیم کے سپورٹ اسٹاف میں بولنگ کوچ نہیں تھا۔

  • ویسٹ ایشیاء بیس بال کپ، پاکستان نے پہلے میچ میں بنگلادیش کو ہرادیا

    ویسٹ ایشیاء بیس بال کپ، پاکستان نے پہلے میچ میں بنگلادیش کو ہرادیا

    ویسٹ ایشیاء بیس بال کپ میں دفاعی چیمپئن پاکستان نے بہترین کھیل کا مظاہرہ کرتے ہوئے پہلے میچ میں بنگلہ دیش کو ہرادیا۔

    پاکستان نے پہلے میچ میں بنگلادیش کو 10-6 سے شکست دی، جس کے بعد گرین شرٹس کے سیمی فائنل تک رسائی کے امکانات روشن ہوگئے ہیں۔

    بنگلادیش کے خلاف میچ میں پاکستان کی طرف سے عبدالرزاق، عاشر عباس، محمد ریحان اور سعید اختر نے بہترین کھیل پیش کیا، پاکستان ایونٹ میں اپنا دوسرا میچ کل میزبان ایران کے خلاف کھیلے گا۔

    ویسٹ ایشیاء بیس بال کپ میں بنگلادیش کی گروپ میچز میں مسلسل 2 شکستوں کے بعد پاکستان کے سیمی فائنل تک رسائی کے امکانات بڑھ گئے ہیں۔

    دوسری جانب انٹرنیشنل کرکٹ کونسل ورلڈ ٹیسٹ چیمپئن شپ کے فائنل کے لیے جنوبی افریقہ اور آسٹریلیا نے اپنی اسکواڈ کا اعلان کردیا جبکہ اب فائنل جیتنے والی ٹیم کے لیے ریکارڈ انعامی رقم کا اعلان کیا گیا ہے۔

    رپورٹ کے مطابق یہ رقم چیمپئن شپ کے پچھلے دو ایڈیشنز میں دی گئی انعامی رقم سے دگنی ہے۔

    آئی سی سی کے مطابق ورلڈ ٹیسٹ چیمپئن شپ کے فائنل چیمپئنز کو 3.6 ملین ڈالر کی انعامی رقم سے نوازا جائے گا، جو 2021 اور 2023 کے ایڈیشنز میں دیے گئے 1.6 ملین ڈالر سے دگنی ہے۔

    اس کے علاوہ آئی سی سی نے رنر اپ ٹیم کے لیے 2.16 ملین ڈالر کی انعامی رقم کا اعلان کیا ہے، آئی سی سی کے چیئرمین نے ٹوئٹر پر اس سے متعلق پوسٹ بھی کی ہے۔

    انہوں نے پوسٹ میں لکھا یہ اعلان کرتے ہوئے بہت خوشی ہو رہی ہے کہ جنوبی افریقہ اور آسٹریلیا کے درمیان فائنل کی فاتح ٹیم کو بھاری انعامی رقم دی جائے گی، فاتح ٹیم کو 3.6 ملین ڈالرز ملیں گے جب کہ رنرز اپ کو 2.16 ملین امریکی ڈالرز ملیں گے۔

    واضح رہے کہ اٹرنیشنل کرکٹ کونسل (آئی سی سی) ورلڈ ٹیسٹ چیمپئن شپ کا فائنل جنوبی افریقہ اور آسٹریلیا کے درمیان 11 جون سے لارڈز میں کھیلا جائے گا، آسٹریلیا کی ٹیم کی قیادت پیٹ کمنز کریں گے جبکہ جنوبی افریقا کی ٹیم کی قیادت ٹیمبا باوما کریں گے۔

    جنوبی افریقا کی اسکواڈ

    ٹیمبا باوما (کپتان)، ٹونی ڈی زورزی، ایڈن مارکرم، ویان مولڈر، مارکو جانسن، کاگیسو ربادا، کیشو مہاراج، لونگی نگیڈی، کوربن بوش، کائل ویرین، ڈیوڈ بیڈنگھم، ٹرسٹن اسٹبس، ریان رکیلٹن، سینوران متھوسامی۔

    مچل جانسن کا آئی پی ایل مخالف بیان بھارتی میڈیا کو ہضم نہ ہوا

    آسٹریلوی اسکواڈ

    پیٹ کمنز آسٹریلوی ٹیم کی قیادت کریں گے، اسٹیو اسمتھ اور جوش ہیزل ووڈ بھی اسکواڈ میں شامل ہیں۔

    ٹریوس ہیڈ، جوش انگلس، الیکس کیری، کیمرون گرین، عثمان خواجہ، سیم کونسٹاس، میٹ کوہنیمن اور مارنوس لبوشین بھی اسکواڈ میں شامل ہیں۔اس کے علاوہ نیتھن لیون، اسکاٹ بولینڈ، مچل اسٹارک اور بیو ویبسٹر بھی اسکواڈ کا حصہ ہیں۔