ڈھاکہ : گھریلو ملازمہ تشدد کیس میں بنگلہ دیشی عدالت نے فاسٹ بولر شہادت حسین کو جیل بھیج دیا۔
شہادت حسین اور ان کی اہلیہ گھریلو ملازمہ پر تشدد کے الزام میں ایک سال سے روپوش تھے، گزشتہ دنوں پولیس نے انکی اہلیہ کو گرفتار کیا، جس کے بعد شہادت حیسن بھی پولیس کے ہاتھے چڑھ گئے۔
شہادت کو پیر کی صبح عدالت میں پیش کیا گیا، جہاں مجسٹریٹ نے ان کی ضمانت مسترد کرتے ہوئے جیل بھیج دیا۔
عدالت نے پولیس کو بارہ اکتوبر تک حتمی چلان پیش کرنے کا حکم دے دیا، بنگلہ دیش کرکٹ بورڈ نے ملازمہ تشدد کیس کا فیصلہ آنے تک پہلے ہی شہادت حسین کو معطل کیا ہوا ہے۔
شہادت حسین نے آخری بار رواں سال مئی میں پاکستان کے خلاف ٹیسٹ سیریز میں حصہ لیا تھا، جس کے بعد سے وہ ٹیم سے باہر ہیں.
