Tag: bani gala

  • احتساب شروع ہوگیا، شریف برادران جلد جیل میں‌ ہوں گے، عمران خان

    احتساب شروع ہوگیا، شریف برادران جلد جیل میں‌ ہوں گے، عمران خان

    اسلام آباد: پاکستان تحریک انصاف کے چیئرمین عمران خان نے کہا ہے کہ پرویز خٹک واپس جانے والے نہیں تھے لیکن انہیں خون خرابے کے ڈر سے واپس بھیجا، مجھے نواز شریف کی وکٹ اڑتی ہوئی نظر آرہی ہے، دونوں بھائی جلد جیل میں ہوں گے،خورشید شاہ اور زراری بھی نواز شریف سے ملے ہوئے ہیں۔

    یہ بات انہوں نے اسلام آباد میں پریڈ گرائونڈ جلسے سے خطاب کرتے ہوئے کہی۔

     عمران خان نے کہا کہ دوران شیلنگ جو اسٹینڈ پرویز خٹک نے لیا اور جس طرح جمے رہے اس پر انہیں خراج تحسین پیش کرتا ہوں، خٹک واپس جانے والے نہیں تھے لیکن میرے کہنے پر واپس گئے، مجھے ڈر تھا کہ کہ نوجوانوں کا خون ہوجائے گا اور اگر ردعمل دکھاتے تو دوسری طرف بھی پاکستانی ہی مارے جاتے، مجھے غصہ دو شریف گیدڑوں پر آیا کہ وہ محض اپنی گردن بچانے کے لیے دو صوبوں کو لڑا رہے تھے اور ملک میں انتشار پیدا کررہے تھے۔

    انہوں نے کہا کہ فضل الرحمان میرا شکریہ ادا کریں میری وجہ سے آج نواز شریف آپ کو پوچھتے ہیں ورنہ آپ کو پوچھتا کون تھا، اسفند یار ولی کیا کررہے ہیں؟ کہتے ہیں کہ نواز شریف کو کوئی نہیں ہٹا سکتا۔

    انہوں  نے قومی اسمبلی میں قائد حزب اختلاف خورشید شاہ پر بھی تنقید کی اور کہا کہ اپوزیشن اور حکومت مل جائیں تو جمہوریت ہی ختم ہوجاتی ہے،ڈبل شاہ کہتے ہیں کہ مسئلہ پارلیمنٹ میں حل ہوگا اور پھر کہا عدلیہ کے پاس جائو، اندر سے یہ لوگ نواز شریف سے ملے ہوئے ہیں، آصف زرداری اور ڈبل شاہ کو ڈر ہے کہ نواز شریف کے احتساب کے بعد ان کی باری آئے گی۔

    imran-khan-post-1

    عمران خان نے کہا کہ میرے ساتھ لاکھوں لوگ موجود ہیں کیا یہ سولو فلائٹ ہے؟ یہ لوگ کہتے ہیں کہ ہم ہتھیار لے کر اسلام آباد آرہے ہیں ہمیں بتایا جائے ہمارے پاس کونسا ہتھیار تھا؟ مجھے تو ایک ہی ہتھیار نظر آیا اور وہ شیخ رشید کا سگار تھا۔

    چیئرمین پی ٹی آئی نے کہا کہ ایک بھائی مظلوم اور دوسرا ڈرامہ شریف بن جاتا ہے، نواز شریف ڈرامہ بازی ختم کریں، دونوں بھائی جلد جیل میں ہوں گے کیوں کہ سپریم کورٹ کے ججز نے کہا کہ پاناما لیکس کے مقدمے کا فیصلہ جلد کریں گے۔

    ان کا کہنا تھا کہ زرداری اور نواز آپس میں ملے ہوئے ہیں، میثاق جمہوریت کے نام پرمک مکا کیا گیا اور ادارے تباہ کیے گئے، دونوں نے مل کر نیب کا چیئرمین ایسے شخص کو بنایا جس نے انہیں نہیں پکڑا، سندھ میں کرپشن ہے، نیب کیوں نہیں پکڑتا؟ ایف بی آر کام کررہا ہوتا تو یہ لوگ پکڑے جاتے،مجھے خوشی اس وقت ہوئی کہ جب سپریم کورٹ کے ججز نے کہا کہ پاکستان کے ادارے کام نہیں کررہے۔

    عمران خان نے عوام کو مخاطب کیا کہ جس طرح آپ آج نکلے تو آپ نے ثابت کیا کہ ہم عظیم قوم ہیں، یہاں پانچ سے 10 ہزار لوگ ہیں جو پورے ملک کا خون چوس رہے ہیں، اگر ان بڑے ڈاکوؤں کو پکڑ لیا گیا تو ملک بہت جلد ترقی کرے گا، نوکریاں ملیں گی، خوشحالی آئے گی۔

    imran-khan-post-2

    ان کا کہنا تھا کہ مجھے نواز شریف کی وکٹ اڑتی ہوئی نظر آرہی ہے، ہم آزاد لوگ ہیں، تحریک انصاف وہ جماعت نہیں جو ظلم برداشت کرلے۔

    پی ٹی آئی کے چیئرمین نے کہا کہ رانا ثنا للہ شکل سے ہی مجرم لگتا ہے، اسی کی شکل دیکھو، عابد شیر علی کا باپ کہتا ہے کہ رانا ثنا للہ نے 17 قتل کیے ہیں، ایک ن لیگ کا ایم پی اے اپنی جان بچاتا پھرتا ہے کہ رانا ثنا مجھے قتل کردےگا، ان لوگوں کا کام ہی لوگوں کو مروانا، ڈرانا اور دھمکانا ہے۔

    عمران خان نے مزید کہا کہ کل سے سپریم کورٹ میں نواز شریف کا احتساب شروع ہوجائے گا، ججز نے یقین دہانی کرادی ہے۔

    اپنے خطاب میں عمران خان نے گلی گلی میں شور ہے نواز شریف چور ہے کے نعرے بھی لگوائے اور جلسے کے اختتام پر قومی ترانہ پیش کیا گیا۔

     کہا تھا مرجائوں تو لاش بنی گالہ لے جانا، پرویز خٹک

    وزیراعلیٰ خیبر پختون خوا پرویز خٹک نے کہا کہ میں نے پہلے ہی کہا تھا کہ کس میں ہمت ہے ہمارا راستہ روکے، کہا تھا کہ مرجائوں تو لاش بنی گالا لے جانا، ہمیں بہت کچھ کرنا ہے، ہم کشتیاں جلا کر آئے ہیں، ہمیں ہر صورت اسلام آباد جانا تھا، کاش عمران خان ہمیں دو چار دن اور موقع دیتے، عدالت اپنی سماعت مزید دو تین دن تاخیر سے کرتی تو میں پورے پاکستان کو دکھا دیتا کہ ہم کیا کرسکتے تھے۔

    پرویز خٹک نے کہا کہ پاکستان بنانے کے لیے قربانیاں ہم نے دیں یہ جاتی امرا والے مودی کے دوست کہاں سے آگئے؟ایف سی کی تنخواہیں بڑھا کر پٹھان اہل کاروں کو ہم پر حملہ کرنے کے لیے مقرر کردیا، ایف سی کو اپنے پٹھان بھائیوں پر حملہ کرتے ہوئے ہتھیار پھینک دینے چاہیے تھے، شہباز شریف نے مجھ سے کہا کہ اگر آپ کو اکیلا آنا ہے توآئیں تو میں نے جواب دیا کہ میرے ساتھ بہت سے لوگ ہوں گے، شہباز شریف میں اس دن کا انتظار کروں گا جب آپ پر گولا باری ہوگی اور میں پوچھوں گا کہ کیا حال ہے آپ کا؟

    وزیراعلیٰ کے پی کے نے کہا کہ جو ظلم کرتا ہے اس کا معاملہ اللہ پر چھوڑ دیں، شریف برادران پنجاب کے مغل بادشاہ ہیں جلد ان کا حشر نشر ہو جائے گا، گورنر راج کی اطلاعات پر کہا تھا کہ میں نے بہت کرسیاں آتی جانی دیکھی ہیں، کرسیوں سے نہ ڈرائیں میں ایسی کرسی کو لات مارتا  ہوں۔

    پرویز خٹک نے کہا کہ چوہدری نثار کا تو کوئی دوست ہی نہیں لیکن پنجاب کا ہر تھانے دار میرا دوست ہے، میرا وہیں بڑا ہوا اور میں نے شادی بھی وہیں کی اس لیے مجھ پر پنجابیوں سے نفرت کا الزام غلط ہے پنجابی میرے بھائی ہیں، اسلام آباد کو عمران خان نے نہیں بلکہ خود حکومت نے لاک کیا اور ہم نے اس لاک کو اَن لاک کردیا۔

    وزیراعلیٰ کے پی کے نے کہا کہ جب عمران خان ملک کے وزیراعظم ہوں گے تو دنیا بھر میں پاکستانی پاسپورٹ نمبر ون بن جائے گا۔

    کنسرٹ کرنے والے لڑ بھی سکتے ہیں، شاہ محمود قریشی

    قبل ازیں خطاب کرتے ہوئے شاہ محمود قریشی نے کہا کہ ہم پر جمہوریت کو دفن کرنے کا الزام عائد کیا گیا لیکن ہم جمہوریت کو نہیں کرپٹ نظام کو دفن کرنے کے لیے آرہے تھے، قوم  نے دیکھا کہ ہم کنسرٹ کرنے والے نہیں بلکہ لڑ بھی سکتے ہیں۔ انہوں نے مزید کہا کہ قوم جاگ رہی ہے اور ہماری منزل قریب آرہی ہے۔

    پرویز خٹک کو سلام پیش کرتا ہوں، جہانگیر ترین

    پی ٹی آئی کے رہنما جہانگیر ترین نے کہا کہ پرویز خٹک کو سلام پیش کرتا ہوں، پنجاب کے ایم پی ایز اور ورکرز کو بھی سلام پیش کرتا ہوں، کارکنوں نے ریاستی دہشت گردی کا ڈٹ کر مقابلہ کیا۔

    عمران خان کے خطاب سے قبل کی صورتحال

    پاکستان تحریک انصاف کے زیر اہتمام اسلام آباد کے پریڈ گراؤنڈ میں یوم تشکر کے سلسلے میں جلسہ گاہ میں عوام کی بڑی تعداد پہنچی، پی ٹی آئی کے چیئرمین عمران خان بھی اپنی رہائش گاہ بنی گالہ سے جلسہ گاہ روانہ ہوئے۔

    گراؤنڈ میں 10 ہزار کرسیاں لگائی گئیں، تحریک انصاف کی قیادت کے لیے اسّی فٹ لمبا اور دس فٹ اونچا اسٹیج بنایا گیا۔ اسلام آباد پریڈ گراؤنڈ میں کپتان کے کھلاڑیوں کی آمد کا سلسلہ جاری رہا۔

    تحریک انصاف کے کارکنوں نے بھنگڑے ڈالے، کھلاڑیوں نے گو نواز گو کے نعرے لگائے، اسٹیج پرڈی جے ولی سنزکے  پارٹی ترانے گونجتے رہے۔

    چیئرمین عمران خان بڑی تعداد میں اپنے کارکنان کے ہمراہ پریڈ گراؤنڈ جلسے میں شرکت کے لیے بنی گالہ سے جلسہ گاہ پنچے ، اس موقع پر شاہ محمود قریشی اور علی امین گنڈا پوربھی موجود تھے۔ عمران خان جس گاڑی میں سوار تھے اسے پی ٹی آئی کے مرکزی رہنما جہانگیر خان نے ڈرائیور کیا۔

    عمران خان جب جلسہ گاہ میں داخل ہوئے تو کھلاڑیوں نے ان کا والہانہ استقبال کیا، چیئر مین پی ٹی آئی نے کارکنان کے نعروں کا ہاتھ ہلا کر جواب دیا۔

    عوامی مسلم لیگ کے سربراہ شیخ رشید احمد کے علاوہ پی ٹی آئی کے مرکزی رہنما بھی پنڈال میں تھے۔

    سیکیورٹی کے سخت انتظامات: واک تھرو گیٹس نصب

    پریڈ گراؤنڈ میں تحریک انصاف کے یوم تشکر کے موقع پر پنڈال کی سیکیورٹی کے سخت ترین انتظامات کیے گئے۔

    جلسے کی سیکیورٹی کے لیے خار دار تاریں لگائی گئیں۔ پولیس کے 9 ہزار اہلکار، اسپیشل برانچ کے سو اور ٹریفک پولیس کے تقریباً 500 جوانوں نے  ڈیوٹی انجام دی، دو واک تھرو گیٹ نصب کیے گئے، جلسہ گاہ میں آمد کے لیے چار داخلی راستے بنائے گئے۔

    ترجمان وزارت داخلہ کی جانب سے جاری بیان کے مطابق 10 ہزار پولیس اہلکار جلسے کی سکیورٹی کے لیے تعینات کیے گئے جبکہ اسلام آباد پولیس اور ایف سی کے دستے بھی جلوس کے راستوں پر جگہ جگہ تعینات کیے گئے، وزیر داخلہ چوہدری نثار کے حکم پر اہم عمارات کی بیرونی سیکیورٹی رینجرز نے سنبھالی۔

    جلسے میں بد نظمی، کارکان کی اسٹیج پر چڑھنے کی کوشش

    جلسہ شروع ہونے سے قبل بد نظمی بھی دیکھنے میں آئی، ہجوم میں عمران اسماعیل کی جیب کٹ گئی اور ان کا موبائل فون چوری ہوگیا۔ بدنظمی اس وقت ہوئی جب کارکنان اسٹیج پر چڑھنے کے لیے ایک دوسرے کو دھمکی  دیتے رہے اس دوران انتظامیہ انہیں روکتی رہ گئی۔

    جلسے کے دوران خواتین کارکنان میں جھگڑا

    پاکستان تحریک انصاف کے زیر اہتمام پریڈ گراؤنڈ میں منعقدہ یوم تشکر کے جلسے میں رہنماؤں کی تقاریر کے دوران پی ٹی آئی کی خواتین کارکنان آپس میں جھگڑ پڑیں۔

    اس دوران ایک خاتون ان کے درمیان صلح کی کوشش کرتی نظر آئیں۔ مشتعل خواتین میں ہلکی پھلکی ہاتھا پائی بھی ہوئی۔ بعد ازاں ایک مرد کارکن نے بیچ میں آکر معاملہ رفع دفع کروایا۔

    خاتون سحرش کا کہنا تھا میرا تحریک انصاف یا ن لیگ سمیت کسی پارٹی سے کوئی تعلق نہیں‌ میں‌ محض پاکستان کی خاطر جلسہ دیکھنے یہاں‌ آئی ہوں‌ جب کہ پی ٹی آئی کی خواتین نے الزام عائد کیا کہ اس خاتون کا تعلق ن لیگ سے ہے

  • اسلام آباد دھرنا عوام کے لیے نادر موقع ہے، حمزہ عباسی

    اسلام آباد دھرنا عوام کے لیے نادر موقع ہے، حمزہ عباسی

    اسلام آباد: معروف اداکار حمزہ علی عباسی نے کہا ہے کہ عوام 2 نومبر کے جلسے میں سیاسی وابستگیوں سے بالا تر ہوکر شرکت کریں اور کرپٹ مافیا کی اجارہ داری ختم کریں۔

    ان خیالات کا اظہار انہوں نے سماجی رابطے کی ویب سائٹ فیس بک پر اپنے ایک پیغام میں کیا۔ حمزہ علی عباسی نے بنی گالہ پہنچنے کا اعلان کرتے ہوئے کہا کہ یہاں پہنچنے کے لیے 2 گھنٹے جنگلوں میں پیدل چلنا پڑا۔

    انہوں نے کہا کہ ’’میں پاکستانی ہوں اور مجھے پاکستان کے اچھے مستقبل کی فکر ہے۔ انہوں نے عوام سے اپیل کی کہ 2 نومبر کو اسلام آباد پہنچیں اور کرپشن کے خلاف کھڑے ہوں‘‘۔

    حمزہ علی عباسی کا کہنا تھا کہ اسلام آباد دھرنا پاکستانی قوم کے پاس دھرنا نادر موقع ہے ، ہمیں کرپٹ مافیا کے خلاف اٹھ کھڑے ہونا چاہیے اور  پہلے نوازشریف پھر عمران خان اور بعد میں تمام افراد کا احتساب ہونا چاہیے۔

    انہوں نے عوام سے دھرنے میں شرکت کی اپیل کرتے ہوئے کہا کہ  2 نومبر کو اسلام آباد پہنچیں اور اداروں کو جگائیں۔

    پڑھیں:  کیرئیر کی پروا نہیں، دھرنے میں ضرور شریک ہوں‌ گا، حمزہ عباسی

     یاد رہے گزشتہ روز حمزہ علی عباسی نے تحریک انصاف کے دھرنے میں شرکت کرنے کے حوالے سے اعلان کیا تھا کہ ’’میں ہرصورت دھرنے میں شرکت کروں گا اس کے لیے چاہیے مجھے اپنے کریئر تک کی قربانی کیوں نہ دینی پڑے۔
    دریں اثنا دھرنے میں اے آر وائی نیوز کی اینکر پرسن ماریہ میمن سے بات کرتے ہوئے انہوں نے کہا کہ عمران خان وہ واحد لیڈر ہیں جو صحیح کو صحیح اور غلط کو غلط کہتے ہیں۔

    پی ٹی آئی کے رہنما فیصل جاوید نے کہا ہے کہ ہمارے کارکنوں کو گرفتار نہیں بلکہ اغوا کیا گیا۔

     

    پی ٹی آئی کے رہنما اسد عمر نے کہا ہے کہ متنازع خبر کے معاملے پر وزیراطلاعات پرویز رشید کی برطرفی ناکافی ہے،حکومت کا یہ پہلا قدم درست تاہم اسے ابھی بہت کچھ کرنا ہے۔

  • بنی گالہ: گلوکار سلمان احمد پولیس کی حراست سے فرار

    بنی گالہ: گلوکار سلمان احمد پولیس کی حراست سے فرار

    اسلام آباد : تحریک انصاف کے چیئرمین عمران خان کی رہائش گاہ بنی گالہ کے باہر معروف گلوکار سلمان احمد کو پولیس اہلکاروں نے اپنی حراست میں لے لیا، اور ان کو گھسیٹتے ہوئے وین میں ڈال دیا۔

    تفصیلات کے مطابق دو نومبر کو احتجاج کے حوالے سے جمع ہونے والے پی ٹی آئی کے کارکنان عمران خان کی رہائش گاہ بنی گالہ کے باہر موجود ہیں اور پولیس کی بھاری نفری بھی اسی مقام پر موجود ہے۔

    اس دوران معروف گلوکار سلمان احمد اپنی گاڑی میں وہاں عمران خان سے ملاقات کیلیے پہنچے تو اہلکاروں نے انہیں گاڑی سے باہر نکلنے کو کہا وہ جیسے ہی اپنی گاڑی سے باہر نکلے تو تین سے چار پولیس اہلکاروں نے انہیں دبوچ لیا اور گھسیٹتے ہوئے پولیس وین میں ڈال دیا۔

    بعد ازاں اے آر وائی سے خصوصی گفتگو کرتے ہوئے سلمان احمد نے بتایا کہ مجھے لے جانے کی کوئی وجہ نہیں بتائی گئی میں نے کہا میں عالمی سطح پر پہچانا جانا جانے والا فنکار ہوں میں نے دل دل پاکستان گا یا ہے۔

    پولیس وین کا دروازہ اہلکاروں نے صحیح طرح سے بند نہیں کیا تھا، مجھے جیسے ہی موقع ملا میں وین سے نکل کر فرار ہونے مین کامیاب ہوگیا۔

    انہوں نے بتایا کہ جب مجھے گرفتار کیا جارہا تھا تو میں نے پولیس اہلکاروں کو بتایا کہ میں انسداد پولیو مہم کا پاکستان میں ایمبیسیڈرہوں اوراس حوالے سے عمران خان سے ملاقات کیلیے جارہا ہوں لیکن انہوں نے میری ایک نہ سنی اور۔مجھے گرفتار کرلیا  لیکن میں موقع ملتے ہی فرارہوگیا۔

    سلمان احمد کا کہنا تھا کہ دو نومبر کوعوام کا سیلا ب آئے گا، سپریم کورٹ کے چیف جسٹس سے درخواست کروں گا کہ یہ دہشت گردی ہے اس کا نوٹس لیا جائے۔

  • رائیونڈ مارچ اور جلسہ 100 فیصد ہوگا، عمران خان

    رائیونڈ مارچ اور جلسہ 100 فیصد ہوگا، عمران خان

    اسلام آباد : چیئرمین تحریک انصاف عمران خان نے کہا ہے کہ کرپشن کے خلاف رائیونڈ مارچ اور جلسہ ضرور ہوگا تاہم اگر ہمیں  طاقت کے ذریعے روکنے کی کوشش کی گئی تو اس کی ذمہ دار مسلم لیگ ن خود ہوگی۔

    Imran Khan says date for Raiwind March could be… by arynews

    ان خیالات کا اظہار انہوں نے اسلام آباد میں اپنی رہائش گاہ بنی گالہ کے باہر میڈیا سے گفتگو کرتے ہوئے کیا۔ عمران خان کا کہنا تھا کہ پاکستان کا سب سے بڑا مسئلہ کرپش ہے اور یہ ملک کو دیمک کی طرح چاٹ رہی ہے جس کی ہم گزشتہ 30 سالوں سے نشاندہی کررہے ہیں۔

    پڑھیں:  عمران خان کا 24ستمبر کو رائے ونڈ کی طرف مارچ کا اعلان

     چیئرمین تحریک انصاف کا کہنا تھا کہ رائیونڈ مارچ اور جلسہ سو فیصد منعقد ہوگا اس کے لیے دیگر جماعتوں سے رابطے بھی شروع کردیئے گئے ہیں تاہم شرکت کرنے یا نہ کرنے کا فیصلہ اپوزیشن جماعتوں کا ہوگا جبکہ اگر اپوزیشن جماعتوں نے ساتھ نہیں دیا تو بھی پاکستان تحریک انصاف کرپشن کے خلاف اپنی جدوجہد جاری رکھے گی۔
    اُن کا کہنا تھا کہ ’’اگر دیگر جماعتیں چاہیں تو رائیونڈ مارچ کی تاریخ میں ردوبدل ہوسکتا ہے مگر یہ مارچ محرم سے قبل ہوگا‘‘۔

    مزید پڑھیں:  رائیونڈکسی کی جاگیر نہیں،لوگوں کو رائیونڈ لے کرجائیں گے، عمران خان

    سربراہ پی ٹی آئی نے کہا کہ ’’کرپشن کے خلاف ملک بھر سے عوام کو اکٹھا کر کے رائیونڈ جائیں گے اور وہاں پر اپنے اگلے لائحہ عمل کا اعلان کریں گے ۔حکومتی اراکین کی جانب سے آنے والی دھمکیوں کا مطلب ہے کہ وہ سب ہماری حکمت عملی سے گھبرائے ہوئے ہیں تاہم اب عوام ڈرنے والے نہیں ہیں کیونکہ اب سب کرپشن سے نجات حاصل کرنا چاہتے ہیں اور اگر حکومت نے ریلی یا جلسے کو روکنے کی کوشش کی تو پورا شہر بند کردیں گے جس کی ذمہ دار حکومت خود ہوگی‘‘۔

    خبر پڑھیں:  عمران خان کا ایاز صادق کو اسپیکر ماننے سے انکار

     عمران خان نے کہا کہ ’’جب کوئی راستہ نہیں ہوتا تو سڑکوں پر آنا پڑتا ہے ، ہم نے پاناما لیکس کا معاملہ ہر سطح پر اٹھایا مگر ایوان میں بھی اسپیکر نے جانبداری دکھاتے ہوئے اربوں روپے کی کرپشن کرنے والے افراد کو کوئی ریفرنس نہیں بھیجا۔
    انہوں نے کہا کہ ’’مجھے جو تقریر اسپیکر کے سامنے کرنی تھی وہی کل اسمبلی میں کی اب میں ایاز صادق کو اسپیکر اسمبلی تسلیم نہیں کرتا‘۔

    پی ٹی آئی کے سربراہ نے کہا کہ ’’جب آصف علی زرداری ملک کے صدر تھے تو ایوانِ صدر کا گھیراؤ کیا گیا تاہم اب مسلم لیگ ن رائیونڈ مارچ پر دھمکیاں دے رہی ہے مگر ہم گھبرائیں گے نہیں اور وہاں جلسہ ضرور کریں گے۔

    پنجاب پولیس پر تبصرہ کرتے ہوئے کپتان نے کہا کہ ’’پنجاب پولیس میں ایک عسکری ونگ ہے اگر مارچ کے دوران صوبائی حکومت نے پولیس کے ذریعے طاقت کا استعمال کیا صورتحال خراب ہوجائے گی‘‘۔

    حکومت کے رویے پر تبصرہ کرتے ہوئے عمران خان کا کہنا تھا کہ ’’جمہوری حکومت اور آمریت میں کوئی فرق نظر نہیں آتا، پرویز مشرف کے بعد سے آج تک کوئی ایسا ادارہ نہیں بنایا گیا جو خومختار اور آزاد ہو۔

     

  • تحریک انصاف کا 6 ستمبر کو کراچی میں ’’پاکستان زندہ باد‘‘ جلسے کا اعلان

    تحریک انصاف کا 6 ستمبر کو کراچی میں ’’پاکستان زندہ باد‘‘ جلسے کا اعلان

    اسلام آباد: عمران خان کی زیر صدارت بنی گالہ میں پاکستان تحریک انصاف کی اعلیٰ قیادت کے ہونے والے اہم اجلاس میں 6 ستمبر کو کراچی کے نشتر پارک میں ’’پاکستان زندہ باد‘‘ جلسہ کرنے کا فیصلہ کر لیا گیا۔

    تفصیلات کے مطابق پاکستان تحریک انصاف کے سربراہ عمران خان کی زیر صدارت پی ٹی آئی کی اعلیٰ قیادت کا بنی گالہ میں اجلاس منعقد کیا گیا جس میں پاکستان مارچ اور کراچی کی سیاسی صورتحال پر تفصیلی تبادلہ خیال کیاگیا۔

    پڑھیں:    تحریک انصاف اور عوامی تحریک کا مشترکہ جدوجہد کا فیصلہ

    اجلاس میں تحریک انصاف کی قیادت کی جانب سے 6 ستمبر کو کراچی کے نشتر پارک میں جلسے کے انعقاد کا فیصلہ کیا گیا، قیادت کی جانب سے مشترکہ طور پر اس جلسے کو ’’پاکستان زندہ باد‘‘ کے نام سے منسوب کرنے کا بھی فیصلہ کیا گیا۔

    مزید پڑھیں: تحریک انصاف کا نواز شریف کے خلاف ایک اور ریفرنس دائر

    اس موقع پر چیئرمین تحریک انصاف عمران خان نے عوام سے جلسے میں شرکت کرنے کی اپیل کرتے ہوئے کہا کہ ’’نشترپارک کے جلسے میں پاکستانی پرچم کے ہمراہ کراچی کے عوام کا منتظر رہوں گا، پاکستا ن کی آن اور شان کی خاطر تمام تعصبات سے بالا تر ہوکر نکلنا ہوگا‘‘۔

    یہ بھی پڑھیں:    قائد متحدہ کے خلاف کارروائی، وزارت داخلہ نے برطانیہ کو ریفرنس ارسال کردیا

    عمران خان کا مزید کہنا تھا کہ ’’قائد ایم کیو ایم کی پاکستان کے خلاف ہرزہ سرائی پر اہم اعلان کروں گا‘‘۔ اُنہوں نے امید کا اظہار کرتے ہوئے یہ بھی کہا کہ ’’کراچی کے عوام محب وطن ہیں اور امید ہے کہ 6 ستمبر کی شام عوام ہاتھوں میں پاکستان کا پرچم تھامے قومی یکجہتی کا پیغام دیں گے‘‘۔

  • افغان باشندوں کو ہراساں کرنا بند کیا جائے، عمران خان

    افغان باشندوں کو ہراساں کرنا بند کیا جائے، عمران خان

    اسلام آباد: چیئرمین تحریک انصاف عمران خان سے رستم شاہ مہمند کی سربراہی میں افغان وفد نے ملاقات کی اور موجودہ صورتحال پر تبادلہ خیال کیا۔

    سماجی رابطے کی ویب سائٹ ٹوئٹر پر عمران خان نے اپنے ٹوئٹ میں اس ملاقات کے حوالے سے کہا ہے کہ ’’آج رستم شاہ مہمند کی سربراہی میں آنے والے افغان وفد سے ملاقات کی گئی۔ جس میں موجودہ صورتحال کے تناظر میں تفصیلی تبادلہ خیال کیا گیا۔

    عمران خان کا کہنا تھا کہ ’’گزشتہ تین ماہ سے افغان مہاجرین کو ہراساں کرنے کا سلسلہ جاری ہے اس فوری طور پر بند ہونا چاہیے۔ ہمیں اس بات کا خیال رکھنا چاہیے کہ کوئی بھی مہاجر اپنی مرضی سے ہجرت نہیں کرتا‘‘۔

    اُن کا مزید کہنا ہے کہ ’’پاکستان 30 برس سے افغان مہاجرین کی مہمان نوازی کررہا ہے ، ہمیں یاد رکھنا چاہیے کہ عالمی قوانین کے تحت کوئی بھی ریاست زبردستی مہاجرین کو واپس نہیں بھیج سکتی‘‘۔

    اُن کا مزید کہنا تھا کہ خیبرپختونخوا میں پیدا ہونے والی صورتحال کے حوالے سے وزیر اعلیٰ پرویز خٹک کو ہدایات کی ہیں کہ وہ افغان مہاجرین سے ملاقات کر کے پیش آنے والے مسائل کو جلد از جلد حل کریں‘‘۔


    یاد رہے وزیر داخلہ بلوچستان نے افغان انٹیلی جنس کے اہلکاروں کی گرفتاری کے بعد پریس کانفرنس کرتے ہوئے اعلان کیا تھا کہ ’’اب پاکستان میں موجود افغان مہاجرین کو ہر صورت اپنے وطن واپس جانا ہوگا کیونکہ مہاجرین کے کیمپس ایجنٹس موجود ہیں جو پاکستان کے امن و امان خراب کرنے کی کارروائیوں میں مصروف ہیں‘‘۔

    پڑھیں :  بلوچستان سے افغان انٹیلی جنس کے 6 اہلکار گرفتار

    اس بیان کے بعد قومی اسمبلی کے ممبر اور پشتونخوا عوامی ملی پارٹی کے سربراہ محمود خان اچکزئی نے اپنے ایک بیان میں کہا تھا کہ ’’خیبرپختونخوا افغانیوں کا صوبہ ہے ملک بھر کے افغان مہاجرین یہاں آجائیں انہیں کوئی کچھ نہیں کہے گا‘‘۔

    مزید پڑھیں : رجسٹرڈ افغان مہاجرین کے قیام میں چھ ماہ توسیع کی منظوری

    انہوں نے مطالبہ بھی کیا تھا کہ افغانیوں کے ساتھ اس رویے کو ختم کیا جائے اور قانونی طور پر مقیم افغانیوں کو تسلیم کیا جائے جبکہ سربراہ جمعیت علماء اسلام (ف) کے سربراہ مولانا فضل الرحمان نے افغانیوں کے حق میں بیان دیتے ہوئے کہا تھا کہ ’’افغانیوں کو واپس بھیجنا ناممکن ہے کیونکہ اُن کی دو نسلیں اس ملک میں جوان ہوگئیں ہیں اور سارے افغانی دہشت گردی میں ملوث نہیں ہیں‘‘۔

  • وزیراعظم کو پاکستان لانے کے لیے بڑے شاپنگ مال بنائے جائیں،عمران خان

    وزیراعظم کو پاکستان لانے کے لیے بڑے شاپنگ مال بنائے جائیں،عمران خان

    پشاور: عمران خان کا کہنا ہے کہ خیبرپ ختونخوا حکومت مدارس کو قومی دھارے میں لانے کے لیے کوشاں ہے،وزیر اعظم کوملک میں رکھناہےتو لندن جیسے بڑےشاپنگ مال بنائے جائیں۔

    پشاور میں میڈیا سے گفتگو میں تحریک انصاف کے چیئرمین عمران خان نے وزیراعظم کو ملک میں رکھنے کا فارمولہ بتادیا، عمران خان نے وزیراعظم کے بیرون ملک دوروں پرطنزیہ اندازا ختیار کیا۔ انہوں نے کہا کہ وزیر اعظم کوملک میں رکھناہےتو لندن جیسے بڑےشاپنگ مال بنائے جائیں۔

    چیئرمین تحریک انصاف نے دارالعلوم حقانیہ مدرستے کو امداد دینے کے حکومتی اقدام کادفاع کیا،انہوں نے کہا کہ الزامات لگانے والوں کو سمجھنا چاہیئے، مدارس کو قومی دھارے میں لانے کیلئے کوشش کی جارہی ہے۔

    وزیر اطلاعات پرویز رشید سے متعلق پوچھ گئے سوال پرکپتان کا کہنا تھا کہ درباری نہیں کسی عقل مند شخص کےبارے میں پوچھا کریں۔

    کراچی میں امن کے حوالے سے عمران خان نے کہا کہ کراچی پولیس میں جب تک اصلاحات نہیں ہوں گی شہر میں امن قائم نہیں ہوگا، سندھ پولیس کو غیر قانونی بھرتیوں تباہ کردیا۔

    ذرائع کے مطابق آج وزیراعظم نواز شریف نے اوپن ہارٹ سرجری کے بعد لندن کے مہنگے ترین شاپنگ مال سے خریداری کی ہے۔

  • کرپشن کے خلاف سڑکوں پر ہم نہیں نکلیں گے تو کون نکلے گا، عمران خان

    کرپشن کے خلاف سڑکوں پر ہم نہیں نکلیں گے تو کون نکلے گا، عمران خان

    لاہور: عمران خان کا کہنا ہے کہ حکومت کو معلوم ہےکہ صحیح ٹی اوآرز بنے تو نوازشریف پکڑے جائیں گے، کرپشن کیخلاف ہم سڑکوں پر نہیں نکلیں گے تو کون نکلےگا۔

    لاہور میں تقریب سے خطاب میں عمران خان نے حکومت کو آڑے ہاتھوں لیا، بولے صحیح ٹی آر اوز بنے تونواز شریف پکڑے جائیں گے، انہوں نے کہا کہ لندن ہائیکورٹ کی چاروں فلیٹ کے متعلق ججمنٹ موجود ہے اور وزیراعظم نے پارلیمنٹ کے فلورر پر جھوٹ بولا کے فلیٹس دو ہزار پانچ میں لئے گئے۔

    کپتان نے اپنے پارلیمنٹ میں نہ جانے کی وجہ بھی بتائی، عمران خان کا کہنا تھا کہ عوام کے پیسے سے دونوں بھائی اپنے اشتہار دیتے ہیں، کرپشن کیخلاف ہم سڑکوں پر نہیں نکلیں گے تو کون نکلے گا۔

    پانامہ ہنگامہ پرعید کے بعد وزیراعظم نوازشریف کی مشکلات میں اضافے کا امکان ہے، تحریک انصاف کے بعد پیپلزپارٹی نے بھی وزیراعظم نااہلی کے لئے سنجیدہ کوششیں شروع کردیں۔

  • وزیراعظم نواز شریف عیدالفطر پاکستان میں منائیں گے، عا بد شیرعلی

    وزیراعظم نواز شریف عیدالفطر پاکستان میں منائیں گے، عا بد شیرعلی

    فیصل آباد : پانی و بجلی کے وزیر مملکت عا بد شیرعلی کا کہنا ہے وزیراعظم نواز شریف عیدالفطر پاکستان میں منائیں گے، ٹریکٹر ٹریکٹر ہوتا ہے ، ٹرالی ٹرالی ہوتی ہے،خواجہ آصف نے شیریں مزاری کا نام نہیں لیا تھا۔

    فیصل آباد میں فیسکو ہیڈکوارٹرز میں پریس کانفرنس کرتے ہوئے عابد شیر علی کا کہنا تھا وزیراعظم نواز شریف تیزی سے صحت یاب ہو رہے ہیں اور وہ عید تک وطن واپس آ جائیں گے ۔

    انہوں نے کہا کہ وزیراعظم کا نام پا نا مہ لیکس میں شامل نہیں ہے لیکن اس کے باوجود وہ صفا ئی دینے کے لئے تیار ہیں، اسی طرح ٹی او آرز پر بھی ہماری نیت صاف ہے ۔

    انہوں نے کہا کہ خواجہ آصف نے شیریں مزاری کا نا م لئے بغیر ٹر یکٹر ٹرالی کہا اور پھر بھی معا فی ما نگی حالانکہ ٹریکٹر ٹریکٹر ہو تا ہے اور ٹرا لی ٹرالی ہو تی ہے ۔

    عابد شیرعلی کا کہنا تھا پاکستان نے ثا بت کیا ہے کہ پٹھان کوٹ حملوں میں اس کا کوئی ہاتھ نہیں اور پا کستان اپنے تمام ہمسایہ ممالک سے دوستی کا خواہاں ہے ۔

    وزیر مملکت کا کہنا تھا لوڈ شیڈنگ پر قابو پانے کی کوشش کی جا رہی ہے، ماہ رمضان کے آخری عشرے میں اعتکاف پر بیٹھنے والوں کے لئے خصوصی پیکج دیا جائے گا ۔

  • بنی گالہ میں عمران خان کی زیرصدارت پی ٹی آئی رہنماؤں کا اجلاس

    بنی گالہ میں عمران خان کی زیرصدارت پی ٹی آئی رہنماؤں کا اجلاس

    اسلام آباد : پانامہ لیکس کے معاملے پر پی ٹی آئی کی جانب سے عید کے بعد احتجاجی تحریک چلانے کا عندیہ دے دیا گیا۔

    تفصیلات کے مطابق چیئرمین تحریک انصاف عمران خان کی زیرصدارت پارٹی رہنماؤں کا اہم اجلاس بنی گالا میں منعقد ہوا۔

    اجلاس میں شاہ محمود قریشی، اسد عمراورنعیم الحق، اعجاز چودھری، شفقت محمود، علیم خان، جہانگیر ترین، عارف علوی ، شیریں مزاری، عامر کیانی سمیت اعلیٰ پارٹی قیادت نے شرکت کی۔

    اجلاس میں رمضان المبارک کے بعد حکومت مخالف تحریک چلانے پر مشاورت کی گئی اور اس سلسلے میں حکمت عملی کو ؑحتمی شکل دی گئی۔

    ذرائع کے مطابق اجلاس میں شاہ محمود قریشی نے ٹی او آرز کمیٹی کے حوالے سے شرکاء کو بریفنگ دی۔ اس موقع پر انہوں نے کہا کہ ٹی او آرز کمیٹی پر حکومتی رویہ سنجیدہ نہیں ہے۔

    ذرائع کا کہنا ہے کہ اجلاس میں پارٹی کی تنظیم نو کے معاملات پر بھی تبادلہ خیال ہوا۔ جس میں صوبائی پارٹی سسٹم سے متعلق بھی تبادلہ خیال کیا گیا۔

    بنی گالا میں ہونے اجلاس میں حکومت کیخلاف لائی جانے والی تحریک پر بھی غورکیا گیا۔