ARYNews.tv | Urdu – Har Lamha Bakhabar

Tag: bani gala

  • پارلیمنٹ کا مشترکہ اجلاس، عمران خان نے شرکت کا فیصلہ کرلیا

    پارلیمنٹ کا مشترکہ اجلاس، عمران خان نے شرکت کا فیصلہ کرلیا

    اسلام آباد : پاکستان تحریک انصاف پارلیمنٹ کے مشترکہ اجلاس میں شرکت کریگی، پی ٹی آئی کا پارلیمنٹ میں واپسی کا فیصلہ ہوگیا۔

    تفصیلات کے مطابق اسلام آباد میں پاکستان تحریک انصاف کی کور کمیٹی کا اجلاس چیئرمین عمران خان کی زیر صدارت منعقد ہوا جس میں  میں فیصلہ کیا گیا کہ پی ٹی آئی یمن صورتحال کے حوالے سے پارلیمنٹ کے مشترکہ اجلاس میں شرکت کریگی۔

    بنی گالہ اسلام آباد میں منعقدہ اجلاس میں فیصلہ کیا گیا کہ چیئرمین پی ٹی آئی عمران خان بھی پارلیمنٹ کے مشترکہ اجلاس میں شرکت کریں گے۔

    ذرائع کے مطابق تحریک انصاف کے تمام قومی اسمبلی اراکین کو اسلام آباد پہنچنے کی ہدایت جاری کر دی گئی ہے۔ واضح رہے کہ ابھی یہ فیصلہ نہیں کیا گیا کہ پی ٹی آئی مستقل طور پر اسمبلیوں کاحصہ بنے گی یا نہیں۔

  • چوہدری سرورکا پی ٹی آئی میں شامل ہونے کا فیصلہ

    چوہدری سرورکا پی ٹی آئی میں شامل ہونے کا فیصلہ

    اسلام آباد: پنجاب کے سابق گورنر چوہدری سرور نے پاکستان تحریک انصاف میں شامل ہونے کا فیصلہ کر لیا۔

    تفصیلات کے مطابق سابق گورنر پنجاب چوہدری سرور نے پی ٹی آئی میں شمولیت کا فیصلہ کرلیاہے، اس سلسلے میں انہوں نے بنی گالا میں عمران خان سے ملاقات کی۔

    ملاقات کے بعد چوہدری سرور عمران خان کے ہمراہ بنی گالہ سے ہوٹل کیلئے روانہ ہوئے، اس موقع پر کارکنان کا جوش قابل دید تھا اور وہ عمران خان کے حق میں نعرے بازی کرتے رہے۔

    میڈیا سے گفتگو کرتے ہوئے عمران خان نے کہا کہ چوہدری سرور کی پی ٹی آئی میں شمولیت کا فیصلہ خوش آئند ہے ۔

    انہوں نے ایک بار پھر ایم کیو ایم کے قائد الطاف حسین کو شدید تنقید کا نشانہ بناتے ہوئے کہا کہ میرا غصہ ابھی ٹھنڈا نہیں ہوا ہے،میں بہت جلد کراچی جاؤں گا، موت سے نہیں ڈرتا، اگلی پریس کانفرنس میں مزید حقائق سے پردہ اُٹھاؤں گا۔

  • سانحۂ شکارپورغفلت، کراچی کے تاجروں کو دھمکیاں سازش ہے: عمران خان

    سانحۂ شکارپورغفلت، کراچی کے تاجروں کو دھمکیاں سازش ہے: عمران خان

    اسلام آباد: عمران خان نے سانحہ شکارپورکو سندھ حکومت کی غفلت قراردیا، کہتے ہیں کہ تاجربرادری کو دھمکیاں دینا ملک کے خلاف سازش ہے۔

    بنی گالہ میں پریس کانفرنس کرتے ہوئے عمران خان نے سانحہ شکار پورکی مذمت کرتے ہوئے حکومت کو آڑے ہاتھوں لیا۔

    کراچی میں تاجر برادری کو دھمکیاں دیے جانے کی انہوں نے شدید مذمت کی اوراسے ملک کے خلاف سازش قراردیا۔

    چیئر مین تحریک انصاف عمران خان کا کہنا ہے کہ ملک میں انصاف کے نظام کو مذاق بنا دیا گیا،امن و امان کی صورت حال بتدریج خراب ہو رہی ہے، کراچی میں امن پولیس کی غیر جانبداری اوراحتساب پر منحصرہے ۔

    عمران خان نے کہا کہ سینیٹ انتخابات میں کسی ایم پی اے نے ووٹ بیچا تو اس کے کے خلاف کارروائی کریں گے۔

    ان کا کہنا تھا کہ پولیس کے غیرسیاسی ہونے تک امن قائم نہیں ہوسکتا ،تحریک انصاف پیرکو ایک اورپٹیشن الیکشن کمیشن میں دائر کرے گی۔

  • عابدشیرعلی نےبجلی کا بل جمع کرانے کا کریڈٹ ریحام کودیدیا

    عابدشیرعلی نےبجلی کا بل جمع کرانے کا کریڈٹ ریحام کودیدیا

    اسلام آباد : وزیرمملکت برائے پانی وبجلی عابدشیرعلی نے پاکستان تحریک انصاف کے سربراہ عمران خان کی جانب سے ان کی رہائش گاہ  بنی گالہ کا بجلی کا بل جمع کرانے کا کریڈٹ ریحام خان کودیدیا۔

    عمران خان کی شادی کسی کو فائدہ ہواہویا نہ ہوا ہومگر وفاقی وزیربجلی و پانی کو فائدہ ہوا کیونکہ شادی کے بعد خان صاحب نے اپنے گھر کا لاکھوں روپے کابل جمع کروادیا۔

    کہتے ہیں شادی زندگی بدل دیتی ہے۔پر کبھی کبھی انسان کو بھی بدل دیتی ہے۔یہ  بات وفاقی وزیر بجلی و پانی عابد شیر علی نے اسلام آباد میں میڈیا سے گفتگو کرتے ہوئے کہی ۔

    اس موقع پرانہوں نے عمران خان کو شادی کی مبارکباد بھی دی اور لگے ہاتھوں بجلی کا بل جمع کروانے پر ان کاشکریہ بھی ادا کردیا۔

    شادی ہوتے ہی کپتان نے سول نافرمانی کی تحریک ختم کردی جس پر کہاجارہاہے کہ ریحام خان نے وہ کام کردکھایا جو حکومت اوراتحادی جماعتیں نہیں کرسکیں۔

  • عمران خان نے سادگی کی نئی روایت قائم کردی

    عمران خان نے سادگی کی نئی روایت قائم کردی

    اسلام آباد : تبدیلی کانعرہ لگانے والے کپتان عمرانن خان  نے ولیمہ مدرسے میں کرکےکچھ نیاکردکھایا۔عمران خان اور ان کی اہلیہ  ریحام خان نے کھانابھی مدرسے کےبچوں کے ساتھ کھایا۔ شادی کی تقریب کی طرح کپتان کا ولیمہ بھی سادگی سے ہوا۔

    عمران خان نئی نویلی دلہنیا کو لے کربنی گالہ سے باہرنکلے تو کارکنوں نے گھیر لیا۔کسی متوالے نے تصویر بنائی تو کوئی دیکھتا ہی رہ گیا۔ نئے جوڑے کا قافلہ نکاح خواں مفتی سعید کے مدرسے پہنچا جہاں ان کے استقبا ل کے لئے لوگوں کی بڑی تعداد موجود تھی۔

     عمران خان  مدرسے کے بچوں سے گھل مل گئے اور ان کے ساتھ ہی ولیمہ منایا،خود بھی کھایا اور بچوں کوبھی کھلایا۔ اس دوران خان صاحب کی دلہن مفتی سعید کے گھرچلی گئیں اور ان کے اہل خانہ سے ملاقات کی ،ریحام خان نے بھی بچوں کے ساتھ بیٹھ کر کھاناکھایا۔اور یوں ولیمے کی سادہ لیکن پروقار تقریب اپنے اختتام کوپہنچی۔

  • عمران خان نے مذاکرات اور مظاہرے مؤخر کرنے کا اعلان کردیا

    عمران خان نے مذاکرات اور مظاہرے مؤخر کرنے کا اعلان کردیا

    اسلام آباد: تحریک انصاف کے سربراہ عمران خٓان نے کہا ہے کہ پشاور اسکول سانحہ کی جتنی بھی  مذمت کیا جائے کم ہے، وہ بنی گالا میں پشاور روانگی سے قبل میڈیا گفتگو کررہے تھے۔

    انہوں نے اس موقع پر اعلان کیا کہ حکومتی نمائندوں سے جوڈیشل کمیشن سے متعلق مذاکرات کو باہمی مشاورت سے ملتوی کر دیا گیا ہے، اور 18 دسمبر کو ہونے والا ملک گیر  احتجاج بھی ملتوی کردیا گیا  ہے۔

    عمران خان کا کہنا تھا کہ لواحقین کے دکھ میں برابر کے شریک ہیں، یہ اتنا بڑاظلم ہے کہ کوئی بھی اتنا نہیں گر سکتا کہ بچوں کو اپنے ناپاک عزائم کیلئے استعمال کرے۔

  • مسائل بڑھے تو حکمرانوں کو مشکل ہوجائے گی،عمران خان

    مسائل بڑھے تو حکمرانوں کو مشکل ہوجائے گی،عمران خان

    اسلام آباد: پاکستان تحریک انصاف کے چیئرمین عمران خان کاکہنا ہےکہ وہ بالکل نہیں چاہتے کہ شہروں کو بند کیا جائے، بنی گالا میں پریس کانفرنس سے خطاب کرتے ہوئے انہوں نے کہا کہ مسئلے بڑھیں گے تو حکومت کیلئے حکومت چلانا مشکل ہو جائیگا،عمران خان نے کہا کہ فیصل آباد میں فائرنگ کرنے والا ملزم گرفتار ہے، خدشہ ہےاسے مار دیاجائےگا۔

    حکومت سے مشروط مذاکرات نہیں کریں گے، سیالکوٹ میں ایم کیوایم  کے کارکن باؤانوار کے قتل کی پرزورمذمت کرتے ہیں،  عمران خان نے ایک سوال کے جواب میں کہا کہ ہم پرلاشوں کی سیاست کا الزام لگانے والے جمہوریت سے نابلد ہیں اور وہ بد عنوان لوگ ہیں،دھرنوں اور مظاہروں میں ہمارے کارکنان پر فائرنگ کی گئی۔

    عمران خان نے کہا کہ تمام سیاسی جماعتیں دھاندلی کا رونا رو رہی ہیں لیکن اس کے سد باب کیلئے کوئی آواز نہیں اٹھا رہا، انہوں نے اے این پی کے رہنماؤں کو مخاطب کرتے ہوئے کہا کہ خیبر پختونخوا میں ہمارا مینڈیٹ بے شک تسلیم نہ کریں، جب چاہیں کوئی بھی حلقہ کھلوا کر ووٹوں کی گنتی کرالیں ہم ہر طرح سے تیار ہیں۔،

  • امریکی سفیرکی بنی گالہ میں عمران خان سے ملاقات

    امریکی سفیرکی بنی گالہ میں عمران خان سے ملاقات

    اسلام آباد: پاکستان میں تعینات امریکی سفیر رچرڈ اولسن نے تحریک انصاف کے چیئرمین عمران خان سے ملاقات کی۔امریکی سفیر رچرڈ اولسن نے تحریک انصاف کے چیئرمین عمران خان سے بنی گالہ میں ملاقات کی۔ جس میں سیاسی صورتحال اور باہمی دلچسپی کے امور پر تبادلہ خیال کیا۔

    امریکی سفیر کی معاونت پولیٹیکل کونسلر نے کی جبکہ شاہ محمود قریشی بھی ملاقات میں موجود تھے۔ عمران خان نے امریکی سفیر کو اپنے موقف سے آگا ہ کیا کہ وہ اپنے حق کے حصول کیلئے احتجاج کررہے ہیں۔

    ان کا کہنا تھا کہ موجودہ حکومت دھاندلی کی پیداوار ہے ۔جس کو وہ تسلیم نہیں کرتے۔۔اس موقع پر امریکی سفیر کا کہنا تھا کہ امریکا پاکستان میں آئین اور قانون کی بالادستی چاہتا ہے اورپرامن احتجاج ہرپارٹی کا جمہوری حق ہے۔

  • پولیس حراست سے ملزمان کو چھڑانے کا الزام ،عمران خان کیخلاف مقدمہ درج

    پولیس حراست سے ملزمان کو چھڑانے کا الزام ،عمران خان کیخلاف مقدمہ درج

    اسلام آباد: پاکستان تحریک انصاف کے سربراہ عمران خان کے خلاف پولیس حراست سے ملزمان کو چھڑانے کے الزام میں مقدمہ درج کرلیا گیا۔

    تفصیلات کے مطابق چیئرمین تحریک انصاف عمران خان کے خلاف گزشتہ روز پی ٹی آئی کارکنان کو پولیس کی حراست سے چھڑوانے کے الزام میں تھانہ بنی گالہ میں مقدمہ درج کر لیا گیا ہے ۔

    مذکورہ مقدمے کے خلاف پی ٹی آئی کارکنان نے حکومت اور پنجاب پولیس کو شدید تنقید کا نشانہ بنایا اوراپنے کپتان پرمقدمہ درج ہونے کے بعد کارکنا ن میں غصے کی لہر دوڑ گئی ہے ۔

    اپنے مطالبات پر ڈٹے رہنے والے کارکنان وزیراعظم کا استعفیٰ لئے بغیر گھر جانے کو تیار نہیں ہیں ۔پی ٹی آئی کے کارکنان کا کہنا ہے نیا پاکستان بنا نے کیلئے ہر ظلم وستم کا ڈٹ کے سامنا کریں گے۔

  • پولیس کی بھاری نفری نےعمران خان کے گھر کاگھیراؤ کرلیا

    پولیس کی بھاری نفری نےعمران خان کے گھر کاگھیراؤ کرلیا

    اسلام اباد:رات گئےعمران خان نے پولیس کی تحویل سے کارکنوں کو چھڑایا تھا جس پر پولیس کی بھاری نفری نےعمران خان کے گھرکا گھیراؤ کرلیا ہے، پولیس کا کہنا ہے کہ چھڑائے گئے افرادکو ہمارے حوالے کیا جائے