خیبر ایجنسی: پاک فوج کے سربراہ جنرل راحیل شریف نے رمضان المبارک کا پہلا روزہ خیبرایجنسی میں پاک افغان بارڈر کے قریب تعینات جوانوں کے ساتھ گزارا،اورشدت پسندوں کے خلاف جاری آپریشن کا جائزہ لیا۔
دورے کے موقع پرخطاب کرتے ہوئے جوانوں کے عزم و حوصلے اورقربانیوں کو سراہا، پاک فوج کے سربراہ جنرل راحیل شریف کا کہنا تھا کہ پاک افغان بارڈر کے قریب دہشت گردوں کے چند ٹھکانے رہ گئے ہیں۔
#COAS visited de-radicalization centre in Bara,where surrendered of Op Khyber being imparted education & vocational training-5
— AsimBajwaISPR (@AsimBajwaISPR) June 19, 2015
ان کا کہنا تھا کہ باقی ماندہ دہشت گردوں کے گرد گھیرا تنگ کردیا گیا ہے، انہیں دوبارہ منظم ہونے نہیں دیا جائے گا۔ جنرل راحیل شریف نے کہا کہ فورسز نے ایسے علاقوں میں آپریشن کیا جہاں دیسی اورغیر ملکی ساختہ بارودی سرنگوں کی بھرمارتھی، دہشت گرد شمالی وزیرستان کے بعد خیبرایجنسی کے دشوارعلاقوں میں چھپے ہوئے تھے مگراب انہیں کہیں چھپنے کی جگہ نہیں ملے گی۔ آرمی چیف جنرل راحیل شریف نے بعد ازاں باڑہ کا بھی دورہ کیا، جہاں آپریشن کے علاقوں کے متاثرین کو تعلیم اور فنی تربیت فراہم کی جارہی ہے۔
Complimented tribal brethren 4 full support to evict terrorist.Appreciated resolve never to allow terrorist return-4 pic.twitter.com/JDLKW1wwHQ — AsimBajwaISPR (@AsimBajwaISPR) June 19, 2015
انہوں نے قبائلی عمائدین سے بھی ملاقات کی اوران کے عزم اور حوصلے کو سراہا اوریقین دلایا کہ دہشت گردوں کو واپس ان علاقوں میں نہیں آنے دیا جائے گا۔
انہوں نے ایک بار پھر اس عزم کو دہرایا کہ قوم کے تعاون سے ملک بھرمیں دہشت گردی کا جڑسے خاتمہ یقینی بنایا جائے گا، اس موقع پرکورکمانڈر پشاورلیفٹنٹ جنرل ہدایت الرحمان بھی آرمی چیف کے ہمراہ تھے۔
>
Acknowledged entire nation’s support.Unflinching national resolve,clear direction will achieve terror free Pakistan pic.twitter.com/VQ6KL0tvDY
— AsimBajwaISPR (@AsimBajwaISPR) June 19, 2015
