لاہور : بیرسٹر علی ظفر کا کہنا ہے کہ ہم قانون کی بالادستی پر یقین رکھتے ہیں ، عمران خان کے خلاف مقدمات کاقانونی طور پر سامنا کریں گے۔

تفصیلات کے مطابق لاہور ہائی کورٹ میں بیرسٹر علی ظفر نے میڈیا سے گفتگو کرتے ہوئے کہا کہ عمران خان کے خلاف مقدمات کاقانونی طور پر سامنا کریں گے۔

بیرسٹر علی ظفر کا کہنا تھا کہ مقدمات خارج کرانے کے لیے عدالتوں سے رجوع کیا جائے گا ، ہم مقدمات کی عدالتوں میں جنگ لڑیں گے۔

انھوں نے کہا کہ ہم قانون کی بالادستی پر یقین رکھتے ہیں ، عمران خان کے خلاف جھوٹے مقدمات درج کیےگئے، جلد ان مقدمات کی عبوری ضمانتیں دائر کریں گے۔

گذشتہ روز عمران خان کے خلاف دہشت گردی دفعات کے تحت مقدمہ درج کیا گیا تھا، مقدمہ تھانہ مارگلہ میں درج کیا گیا۔

ایف آئی آر کے متن میں کہا گیا تھا کہ عمران خان نے ایڈیشنل سیشن جج کو ڈرایا دھمکایا آئی جی اسلام آباد اور ڈی آئی جی کو دھمکی دی عمران خان نےتقریرمیں کہاتمہارےاوپرکیس کرناہے مجسٹریٹ صاحبہ آپ تیار ہوجائیں آپ کے اوپر بھی ایکشن لیں گے آپ سب کو شرم آنی چاہیے۔

متن کے مطابق عمران خان کے ان الفاظ اورتقریر مقصد پولیس کے اعلی حکام اورعدلیہ کو دہشت زدہ کرنا تھا، عمران خان کے اس انداز اورڈیزائن میں کی گئی تقریر سے پولیس حکام،عدلیہ اورعوام میں خوف و ہراس پھیلا۔

اسلام آباد : بیرسٹرعلی ظفر نے کہا ہے کہ سیکیورٹی ضمانت کا کوئی قانون موجود نہیں ہے، نوازشریف سیکیورٹی ضمانت کو چیلنج کرسکتے ہیں ، مریم نواز کو باہر جانے کے لئے عدالت سے رجوع کرنا ہوگا۔

تفصیلات کے مطابق بیرسٹرعلی ظفر نے اے آر وائی نیوز کے پروگرام باخبر سویرا میں گفتگو کرتے ہوئے کہا ای سی ایل سے نام نکالنے کا فیصلہ کابینہ کاہوتا ہے، نوازشریف بیمارہیں تو سیکیورٹی جمع کرانی چاہیئے۔

بیرسٹرعلی ظفر کا کہنا تھا کہ سیکیورٹی ضمانت کا کوئی قانون موجود نہیں ہے، نوازشریف سیکیورٹی ضمانت کو چیلنج کرسکتے ہیں، دوسرا آپشن یہ ہے کہ نوازشریف عدالت چلے جائیں۔

انھوں نے کہا مریم نواز کو باہر جانے کے لئے عدالت سے رجوع کرنا ہوگا، لاہور اور اسلام آباد ہائی کورٹس نے باہر جانے پر کوئی شرط نہیں لگائی ، آٹھ ہفتے مکمل ہونے پر مزید وقت دینےکی ذمہ داری بھی کابینہ پر ہے۔

گذشتہ روز بیرسٹر علی ظفر کا کہنا تھا کہ عدالت ضمانت پر رہائی دے تو وہ شخص بیرون ملک جاسکتاہے، ہائی کورٹ نے واضح طور پر سزا معطل کر کے ضمانت دی ہے، کابینہ کو ہائی کورٹ یا سپریم کورٹ نے کوئی ہدایت نہیں دی ہے۔

مزید پڑھیں: کابینہ نے نواز شریف کا نام ای سی ایل سے نکالنے کی منظوری دے دی

انھوں نے مزید کہا کہ وفاقی کابینہ نے نوازشریف کی روانگی کے لئے نیب سے جواب مانگا ہے ، نواز شریف کو اسلام آباد ہائی کورٹ ضمانت دےچکی ہے ، عدالتی ریلیف کے بعد کابینہ کے مزید کسی ضمانت کا اختیار نہیں، میرےخیال میں شیورٹی سےمتعلق کوئی قانون موجودمیں نہیں، اس وقت معاملہ نوازشریف کا نام ای سی ایل سے نکالنے کاہے، پلی بارگین کا معاملہ ابھی زیربحث آنا ہی نہیں چاہیے۔

واضح رہے کہ وزیراعظم عمران خان کی زیر صدارت وفاقی کابینہ کے اجلاس میں سابق وزیراعظم نوازشریف کا نام ای سی ایل سے نکالنے کی مشروط کی منظوری دے دی گئی تھی، ذرائع کا کہنا تھا کہ نواز شریف کو باہر جانے کے لئے سیکیورٹی بانڈز دینا ہوں گے۔

بعد ازاں وزیراعظم کا کہنا تھا کہ نوازشریف نےصحت سےمتعلق ماضی میں بہت غلط بیانی کی، نوازشریف اب اصل میں بیمارہیں تولوگ ماننےکوتیارنہیں، یقینی بنایاجائےنوازشریف ٹرائل کاسامناکرنےواپس آئیں گے۔