ARYNews.tv | Urdu – Har Lamha Bakhabar

Tag: bars

  • اسحاق ڈار کاگھرپناہ گاہ میں تبدیل کرنے کیخلاف حکم امتناع جاری

    اسحاق ڈار کاگھرپناہ گاہ میں تبدیل کرنے کیخلاف حکم امتناع جاری

    لاہور : لاہورہائی کورٹ نے سابق وزیر خزانہ اسحاق ڈار کاگھرپناہ گاہ میں تبدیل کرنے کیخلاف حکم امتناع جاری کرتے ہوئے پنجاب حکومت سے دس روزمیں جواب طلب کرلیا ہے۔

    تفصیلات کے مطابق لاہورہائی کورٹ میں سابق وزیر خزانہ اسحاق ڈارکاگھرپناہ گاہ میں تبدیل کرنےکیخلاف درخواست پر سماعت ہوئی ، جسٹس شاہد بلال حسن نے اسحاق ڈار کی اہلیہ تبسّم ڈارکی درخواست پرسماعت کی۔

    سماعت میں عدالت نے اسحاق ڈارکاگھرپناہ گاہ میں تبدیل کرنے کیخلاف حکم امتناع جاری کردیا اور پنجاب حکومت سے دس روزمیں جواب طلب کرلیا۔

    مزید پڑھیں : حکومت نے مفرور اسحاق ڈار کے گھر کو پناہ گاہ میں تبدیل کردیا

    یاد رہے حکومت نے سابق وزیر خزانہ اسحاق ڈار کے لاہور میں واقع گھر کو پناہ گاہ میں تبدیل کر دیا تھا ، اسسٹنٹ کمشنر ماڈل ٹاؤن کا کہنا تھا کہ اسحاق ڈار کے گھر میں 50 لوگوں کی رہائش کا انتظام کیا گیا ہے، اس پناہ گاہ میں 35مرد اور 15 خواتین رہائش اختیار کر سکیں گے۔

    بعد ازاں مسلم لیگ ن کے ڈپٹی جنرل سیکریٹری عطا تارڑ کا کہنا تھا کہ اسحاق ڈار کے گھر کو حکم امتناع ہونے کی صورت میں تبدیل نہیں کیا جاسکتا، حکومت کی جانب سے اوچھے ہتھکنڈے اپنائے جارہے ہیں، اسحاق ڈار کے گھر کو پناہ گاہ میں تبدیل کرنے کو چیلنج کریں گے۔

    انتظامیہ  کا کہنا تھا کہ  اسحاق ڈارکی رہائش گاہ کومسافروں کےلئےکھول دیاگیا ہے ، مسافروں کےشناختی کارڈپرانٹری کی جائےگی، پناہ گاہ میں اےسی اورہیٹر کی سہولت بھی ہے۔

    انتظامیہ کے مطابق ایک مسافرمسلسل 3دن تک رہائش اختیارکرسکےگا، مسافروں کوناشتہ اوررات کاکھانافراہم کیاجائےگا۔

  • اسرائیل کا رشیدہ طلیب اور الہان عمر کو داخلے کی اجازت سے انکار

    اسرائیل کا رشیدہ طلیب اور الہان عمر کو داخلے کی اجازت سے انکار

    واشنگٹن/یروشلم : اسرائیل نے صیہونی حکومت کو تنقید کا نشانہ بنانے والی امریکی کانگریس کی دو خواتین رکن رشیدہ طلیب اور الہان عمر کو دورہ اسرائیل سے روک دیا۔

    تفصیلات کے مطابق ظالم صیہونی ریاست اسرائیل کی حکومت نے امریکی صدر ڈونلڈ ٹرمپ کے دباؤ پر امریکی کانگریس کی مسلمان رکن خواتین کو اسرائیل کے دورے کی اجازت دینے سے انکار کردیا ہے، الہان عمر اور رشیدہ طلیب نے اگلے ہفتے مقبوضہ مغربی کنارے اور مشرقی یروشلم کا دورہ کرنا تھا۔

    دونوں مسلمان خواتین رکن اسرائیلی حکومت کے خلاف ’بائیکاٹ تحریک‘ کی حمایت کرتی ہیں اوراسرائیلی قانون مہم کے حامیوں کے دورے پر پابندی عائد کرنے کی اجازت دیتا ہے۔

    واضح رہے کہ صدر ٹرمپ نے ٹویٹ میں کہا تھا کہ ’ان دو خواتین کو دورے کی اجازت دینا اسرائیل کی کمزوری ہوگی‘۔

    صدر ٹرمپ نے ٹویٹ میں دونوں قانون سازوں کو دورے سے روکنے پر زور دیتے ہوئے کہا کہ دونوں خواتین ’اسرائیل اور یہودیوں سے نفرت کرتی ہیں‘ اور ان کے خیالات کو تبدیل کرنا ممکن نہیں ہے۔

    صدر ٹرمپ نے کہا کہ یہ دونوں خواتین منی سوٹا اور مشی گن کے لیے باعث ندامت ہیں اور وہاں کے لوگوں کے لیے انہیں دوبارہ منتخب کرنا بہت مشکل ہو گا۔

    غیر ملکی خبر رساں ادارے کا کہناتھا کہ الہان عمر اور رشیدہ طلیب دونوں کو اسرائیلی ناقد ہونے کےباعث تنقید کا بنایا گیا تھا لیکن مذکورہ اراکین کانگریس یہودی مخالف ہونے کے الزامات کی تردید کرتی رہی ہیں۔

    الہان عمر اور راشدہ طلیب 18 سے 22 اگست تک یروشلم کا دورہ کرنے کا ارادہ رکھتی ہیں، جہاں مسلمانوں کا قبلہ اول اور یہودیوں کے اہم مذہبی مقامات موجود ہیں۔

    وال سٹریٹ جرنل کی ایک رپورٹ میں بتایا گیا ہے کہ یہ دونوں خواتین اسرائیل پہنچنے کے بعد یروشلم، بیت لحم ، الخلیل اور رام اللہ جانے کا ارادہ رکھتی تھیں۔ فلسطینیوں سے متعلق اسرائیلی حکومت کی پالیسی پر ان کی تنقید سے کئی حلقوں میں سوالات اٹھائے جا رہے تھے۔

    اجلاس کے بعد اسرائیل کے سرکاری اہل کاروں نے میڈیا کو بتایا کہ اس بات کا واضح امکان موجود ہے کہ اسرائیل امریکی کانگریس کی ان دونوں ارکان کو یروشلم کا دورہ کرنے کی اجازت نہ دے۔

    الہان عمر اور راشدہ طلیب ڈیموکریٹک پارٹی کی طرف سے امریکی ایوان نمائندگان میں منتخب ہونے والی دو پہلی مسلمان خواتین ہیں۔

  • خیبرپختونخوا میں مرد آفیسرز کی خواتین اساتذہ کو کال کرنے پر پابندی

    خیبرپختونخوا میں مرد آفیسرز کی خواتین اساتذہ کو کال کرنے پر پابندی

    پشاور : محکمہ تعلیم خیبرپختونخوا نے مرد آفیسرز کی خواتین اساتذہ کو کال کرنے پر پابندی عائد کردی اور کہا جو مرد خلاف ورزی کرے گا اس کے خلاف کارروائی کی جائے گی۔

    تفصیلات کے مطابق محکمہ تعلیم خیبرپختونخوا نےمرد آفیسرزکی خواتین اساتذہ کو کال کرنے پر پابندی کا فیصلہ کرلیا اور باقاعدہ نوٹیفکشن جاری کردیا ہے۔

    اعلامیے میں کہا گیا ہے کہ خواتین اساتذہ سےکسی بھی مرد کلرک، آفیسر، آفیشلز کی جانب سےرابطہ کرنے پرپابندی عائد کردی گئی ہے ، اب مرد آفیسرز خواتین کو کال نہیں کرسکتے ۔

    نوٹیفیکشن کے مطابق محکمہ تعلیم کے کسی آفیسر کوخواتین اساتذہ سےرابطہ کرناہوتوخواتین آفیسرزکے ذریعے ہی رابطہ ہوگا، جو مرد خلاف ورزی کرے گا اس کے خلاف کارروائی کی جائے گی۔

    مزید پڑھیں : خیبر پختونخواہ میں گرلزاسکولز کے پروگرامز میں مردوں کی شرکت پرپابندی

    یاد رہے اکتوبر 2018 میں خیبر پختونخواہ میں لڑکیوں کے اسکولوں کی تقریبات میں مردحضرات کی شرکت اور تقریبات کی میڈیا کوریج پر بھی پابندی عائد کی گئی تھی۔

    مشیر تعلیم ضیاء اللہ بنگش نے بتایا وزیراعلیٰ خیبرپختونخوا محمود خان کی ہدایت پر یہ پابندی لگائی ، اعلامیہ میں کہا گیا تھاکہ گرلزاسکولزکی تقریبات میں خواتین ہی مہمان خصوصی ہوں گی، تقریبات میں مرد حضرات کو بطور مہمان خصوصی نہ بلایاجائے۔

    مشیر تعلیم کا کہنا تھا کہ پابندی کا فیصلہ والدین کی شکایات اور صوبے کی روایات کو مدنظر رکھتے ہوئے کیا گیا ہے۔