تازہ ہوا میں وقت گزارنا اور فطرت کے ساتھ تعلق انسان کے جسمانی و دماغی طور پر صحت مند رہنے کے نہایت ضروری ہے اور حال ہی میں کی گئی ایک اور تحقیق نے اس کی تصدیق کی ہے۔
ایک تحقیق کے مطابق رات کو سوتے وقت بیڈ روم کی کھڑکی کھول کر سونے سے رات کو بہترین نیند آتی ہے اور اس سے سوچنے سمجھنے کی صلاحیت بھی بڑھتی ہے۔
40 افراد پر کی گئی تحقیق کے مطابق تازہ ہوا کے لیے کمرے میں ہوا کے گزرنے کا مناسب انتظام کرنے سے یہ افراد رات کو بھرپور نیند سے محظوظ ہوئے۔
ماہرین کے مطابق وہ لوگ جو کہ تازہ ہوا کا انتظام کر کے سوتے ہیں وہ نہ صرف اچھی طرح سوتے ہیں بلکہ اگلے روز ان کی ذہنی صلاحیت بہت اچھے نتائج دیتی ہے۔
ریسرچ میں شامل افراد پہلے ہفتے کے دوران نارمل انداز میں سوئے، جبکہ دوسرے ہفتے ان سے کہا گیا کہ اگر وہ کمرے کی کھڑکی اور دروازہ بند کر کے سوتے ہیں تو اب انہیں کھول کر سوئیں، جبکہ وہ افراد جو دروازہ کھڑکی کھول کر سوتے تھے انہیں اس کے برعکس کرنے کو کہا گیا۔
تحقیق سے یہ بات سامنے آئی کہ جو کھڑکی اور دروازہ کھول کر سوئے انہیں نہ صرف اچھی نیند آئی بلکہ ان کی ذہنی صلاحیت میں بھی اضافہ ہوا۔
پورے کمرے میں خوبصورت اور ہلکے پردوں کا استعمال کیجئے۔ یہ آپ کے بیڈروم کو بہت خوبصورت بنادے گا۔
دیواروں کی آرائش کے لیے بازار میں جابجا خوبصورت اشیا نہایت مناسب قیمت میں دستیاب ہیں جن کا استعمال آپ کے کمرے کو منفرد بنا دے گا۔
کسی ایک دیوار کو گہرے رنگ سے پینٹ کریں۔ اس پر کوئی وال آرٹ یا پینٹنگ بھی بنائی جاسکتی ہے۔ یہ کونا آپ کی تصاویر کے لیے بہترین ثابت ہوگا۔
دروازے کی سجاوٹ کمرے میں آنے والوں پر خوشگوار تاثر چھوڑے گی۔
چھت پر خوبصورت نقش و نگار یا اپنی پسند کے کارٹون یا فلم کریکٹر بھی سجائے جاسکتے ہیں۔
کمرے کے ایک کونے میں ڈھیر سارے تازہ پھول رکھیں۔ اس سے آپ کو کمرے میں داخل ہوتے ہی تازگی کا احساس ہوگا۔ کمرے میں منی پلانٹس، چھوٹے گملے اور پودے بھی رکھے جاسکتے ہیں۔ علاوہ ازیں کمرے کی کھڑکی سے اس طرح پودے رکھے جاسکتے ہیں جو کھڑکی کے ذریعے اندر تک آئیں۔
کمرے میں کسی قدرتی منظر جیسے سمندر یا سورج کا کوئی میورل یا وال پیپر آپ کے بیڈروم کو منفرد بنادے گا۔