ARYNews.tv | Urdu – Har Lamha Bakhabar

Tag: begin

  • اسرائیلی فوجی ایک بار پھرنہتے فلسطینیوں کے گھرمنہدم کرنے لگے

    اسرائیلی فوجی ایک بار پھرنہتے فلسطینیوں کے گھرمنہدم کرنے لگے

    بیت المقدس : مقبوضہ بیت المقدس کی وادی الحمص کے سربراہ نے بتایا ہے کہ اسرائیلی عدالت نے متاثرہ خاندانوں کو 18 جولائی تک مکانات مسمار کرنے کی مہلت دی ہے۔

    تفصیلات کے مطابق مقبوضہ فلسطین کے دارالحکومت یروشلم میں اسرائیلی بلدیہ کے عملے نے پولیس کی بھاری نفری کی موجودگی میں مقبوضہ بیت المقدس کے جنوب میں صور باھر قصبے کے ساتھ واقع وادی الحمص پر دھاوا بولا اور گھروں کو مسمار کرنے کی دھمکی کے ساتھ گھروں کی پیمائش کی۔

    غیرملکی خبررساں ادارے کا کہنا تھا کہ وادی الحمص کمیٹی کے سربراہ حمادہ حمادہ نے کہا کہ مکانات مسماری کی منصوبہ بندی میں 237 رہائشی اپارٹمنٹس شامل ہیں جہاں 500 لوگ آباد ہیں۔

    غیر ملکی خبر رساں ادارے کے مطابق حمادہ نے کہا کہ یروشلم کی بلدیہ نے رہائشیوں سے اپنے مکانات خود مسماری کرنے کا کہا نہیں تو انہیں مسمار کر دیا جائے گا اور زبردستی جرمانہ بھی وصول کیا جائے گا۔

    انہوں نے مزید کہا کہ اسرائیلی عدالت نے خاندانوں کو 18 جولائی تک کی مہلت دی ہے کہ وہ اپنے مکانات مسمار کر دیں۔ مطلوبہ مکانات کو دیوار علیحدگی کے ساتتھ واقع ہونے اور سکیورٹی کے لیے خطرہ ہونے کا بہانہ بنا کر مسمار کای ھا رہا ہے۔

    اسرائیلی قانون کے مطابق فلسطینیوں کے گھر دیوار سے 250 میٹر دور ہوں۔وادی الحمص میں 6000 فلسطینی آباد ہیں، مسماری کے بعد 500 لوگوں کو زیردستی وہان سے نکال دیا جائے گا۔

  • معروف بھارتی ڈوسا کنگ قتل کے جرم میں قید

    معروف بھارتی ڈوسا کنگ قتل کے جرم میں قید

    نئی دہلی : بھارت میں ڈوسا کنگ کے نام سے مشہور کاروباری شخصیت راج گوپال نے اپنے ایک ملازم کی بیوی سے شادی کرنے کےلئے ملازم کا قتل کرا دیا۔

    بھارتی میڈیا رپورٹس کے مطابق سروانا بھون نامی بین الاقوامی ریستورانٹس کے مالک 71 سالہ راج گوپال اپنے ایک ملازم کی بیوی سے شادی کرنا چاہتے تھے، انہیں ایسا کرنے کےلئے ایک نجومی نے کہا تھاکہ راج گوپال کے اعصاب پر ان کے ملازم کی بیوی سوار ہو گئی تھی، شادی کا راستہ آسان بنانے کےلئے راج نے 2001 میں ملازم کو قتل کرادیا۔

    مقامی خبر رساں ادارے کا کہنا تھا کہ متاثرہ خاتون نے اپنے شوہر کے لاپتہ ہونے پر پولیس سے رابطہ کیا اور راج گوپال کےخلاف رپورٹ بھی درج کروائی تھی، پولیس کے مطابق ان کے شوہر کی لاش ایک جنگل سے ملی اور پولیس نے اس بات کی تصدیق بھی کی کہ انہیں گلا گھونٹ کر قتل کیا گیا تھا۔

    بھارتی میڈیا کا کہنا ہے کہ ڈوسا کنگ راج گوپال 2003ءمیں بھی اسی سلسلے کے ایک اسکینڈل میں ملوث تھے جس میں انہوں نے اسی عورت (ملازم کی بیوی) کو رشوت دینے کی کوشش کی تھی جس پر خاتون کی فیملی کو ڈرانے دھمکانے کی کوشش اور اس کے بھائی پر تشدد بھی شامل تھا۔

    میڈیاذرائع کے مطابق ملازم کے قتل اور اس کی بیوی کو ڈرانے اور دھمکانے والے راج گوپال کو 2004ءمیں مقامی عدالت نے دس سال قید کی سزا سنائی مگر بعد میں چنئی ہائی کورٹ نے ان کی سزا کو عمر قید میں بدل دیا تھا۔

    خبر رساں ذرائع سے معلوم ہوا کہ 2009ءمیں مجرم قرار پائے جانے کے بعدراج گوپال عمر قید سے بچنے کی کوششیں کر رہے تھے، گزشتہ روز جب ان کی آخری اپیل مسترد ہوگئی تو انہوں نے خود کو چنئی کی عدالت کے حوالے کر دیا جبکہ قتل کے جرم میں عمر قید سے بچنے کی آخری اپیل بھی ناکام ہو گئی۔

    واضح رہے کہ سروانا بھون کے بھارت میں 39 اور نیویارک، لندن اور سڈنی سمیت دیگر ممالک و شہروں میں 43 ریستورانٹس ہیں، رپورٹ کے مطابق سنہ 2017 میں سروانا بھون کی آمدنی 29 ارب سے زائد تھی۔

    بھارتی خبر رساں ادارے کا کہنا تھا کہ اپنے ریستورانٹس میں جنوبی بھارت کی معروف ڈش ڈوسا متعارف کرنے کے حوالے سے راج گوپال کو ڈوسا کنگ کے نام سے بھی جانا جاتا ہے۔

  • بے نامی جائیدادیں ضبط ہونا شروع

    بے نامی جائیدادیں ضبط ہونا شروع

    اسلام آباد : حکام نے ایمنسٹی اسکیم سے فائدہ نہ اٹھانے والے افراد کی بے نامی جائیدادیں ضبط کرنا شروع کردیا، ایف بی آر نے راولپنڈی میں 7 ہزار کینال اراضی ضبط کرلی۔

    تفصیلات کے مطابق حکومت نے خفیہ جائیدادیں رکھنے والوں کے لیے ایمنسٹی اسکیم متعارف کرائی تھی جس کی معیاد 30 جون تک تھی جس میں آج رات تک توسیع کی گئی تھی، ایف بی آر بے نامی جائیدادیں ضبط کرنا شروع کردی۔

    ذرائع کا کہنا ہے کہ فیڈریل بیورو آف ریونیو کی جانب سے راولپنڈی میں بے نامی جائیدادوں کے خلاف کارروائی کا آغاز کرتے ہوئے 7 ہزار کینال اراضی ضبط کرلی ہے، سینیٹرچوہدری تنویرکی6ہزاربےنامی اراضی کاپتہ لگایاگیا، بےنامی جائیدادچوہدری تنویرنےاپنےملازمین کےنام بنارکھی تھی۔

    ذرائع کا کہنا ہے کہ چوہدری تنویر نے جن ملازمین کے نام جائیدادیں کررکھی تھی ان میں عبدالعزیز، اظہر علی، موہن معروف، شاہ جہاں بیگم اور راجہ شکور شامل ہیں، ایف بی آرکی جانب سےملازمین کونوٹس بھی جاری کردئیے، سینیٹرچوہدری تنویرکاتعلق مسلم لیگ نواز سےہے۔

    ذرائع کا کہنا ہے کہ فیڈریل بیورو آف ریونیو کو کراچی میں بھی ایف بی آرکو8بےنامی جائیدادضبط کرنےکی اجازت مل گئی، بےنامی جائیدادوں میں کراچی سول لائنزمیں پلاٹ نمبر18/2شامل ہے۔

    یاد رہے کہ حکومت نے خفیہ جائیدادیں رکھنے والوں کے لیے ایمنسٹی اسکیم متعارف کرائی جس کی معیاد 30 جون تک تھی جس میں بعدازاں توسیع کردی گئی تھی جس کی مدت آج رات ختم ہوجائے گی، اس ضمن میں وزیراعظم پاکستان نے دو بار قوم کے نام خصوصی پیغام جاری کیا اور عوام کو قائل کرنے کی کوشش کی کہ وہ اپنی پراپرٹیز کو قانونی بنائیں اور ملک کی مدد کریں۔

    چیئرمین ایف بی آر شبر زیدی کا کہنا تھا کہ یہ ایمنسٹی اسکیم نہیں بلکہ اثاثے ظاہر کرنے کا قانون ہے، بے نامی ایکٹ 2017 کو لوگ نظر انداز کررہے ہیں، 2018 میں جو ایمنسٹی اسکیم متعارف کرائی گئی اُس میں بے نامی ایکٹ کو نافذ نہیں کیا گیا تھا۔

  • ملک کے مختلف شہروں میں خصوصی انسداد پولیو مہم کا آغاز

    ملک کے مختلف شہروں میں خصوصی انسداد پولیو مہم کا آغاز

    کراچی : ملک کےمختلف حصوں میں آج سے خصوصی انسداد پولیو مہم کاآغازہوگیا، ملک بھر میں ایک کروڑ پچیس لاکھ بچوں کو قطرے پلائیں جائیں گے، پولیو کے حوالے سے خطرناک ترین ڈویژن قرار دیا گیا ہے۔

    تفصیلات کے مطابق ملک کے بیشترعلاقوں میں پولیو سے بچاؤمہم کاآغاز کردیا گیا ، مہم 21جون تک جاری رہےگی، فوکل پرسن بابربن عطا کا کہنا ہے ایک کروڑپچیس لاکھ بچوں کو قطرے پلانے کاہدف مقررکیاگیاہے۔

    مہم بنوں، کوئٹہ، لاہور، کراچی ، راولپنڈی سمیت دیگرشہروں میں چلےگی جبکہ پولیو کے حوالے سے خطرناک ترین ڈویژن قرار دیا گیا ہے۔

    کراچی کی ایک سو پانچ یونین کونسلوں میں انسداد پولیو مہم آج سے شروع ہورہی ہے، مہم میں پندرہ لاکھ سے زائد بچوں کو پولیو کے قطرے پلائے جائیں گے۔

    کمشنر کراچی نے والدین اور کمیونٹی کے رہنماؤں سےاپیل کی کہ وہ پولیو مہم میں تعاون کریں، 7ہزار سے زائد پولیو ورکرز فرائض انجام دیں گے۔

    بلوچستان میں بھی انسداد پولیومہم کے لیے پانچ ہزار سے زائد ٹیمیں تشکیل دی گئی ہیں، جو تیرہ اضلاع میں تین روزہ انسداد پولیومہم کےدوران تیرہ لاکھ سے زائد بچوں کوحفاظتی قطرے پلائیں گے۔

    مزید پڑھیں : ملک میں پولیووائرس کا ایک اور کیس سامنے آ گیا

     

    پنجاب میں سات اضلاع منتخب کئے گئے ہیں، پنجاب پولیو پروگرام سلمان غنی کے مطابق تینتالیس لاکھ بچوں کوقطرے پلانےکے لئے چھبیس ہزار پولیو ورکرزا حصہ لیں گے۔

    لاہور میں 17 لاکھ سے زائد بچوں ، راولپنڈی میں 7 لاکھ سے زائد بچوں ، ملتان میں9 لاکھ بچوں ، ڈی جی خان میں ساڑھے6لاکھ بچوں اور شیخوپورہ، میانوالی، بھکر میں 2 لاکھ 60 ہزار بچوں کوحفاظتی قطرے پلائے جائیں۔

    خیال رہے پنجاب میں د س، سندھ میں تین ، کےپی کےمیں ا ٹھارہ پولیو کیسز رپورٹ ہوچکے ہیں جبکہ بنوں ڈویژن میں پولیو کیسز کی تعدادتیرہ اورشمالی وزیرستان میں پانچ کیسز رپورٹ ہوئے ہیں۔

    واضح رہے اس وقت دنیا میں صرف 2 ممالک پاکستان اور افغانستان ایسے ملک ہیں جہاں اب تک پولیو کا مرض مکمل طور پر ختم نہیں ہوسکا ہے جبکہ عالمی ادارہ صحت نے پولیو کیسز رجسٹرڈ ہونے کے سبب پاکستان پر پہلے سے عائد سفری پابندیوں میں توسیع کردی ہے۔

  • بچوں کی فحش فلموں تک رسائی روکنے کے لیے اہم فیصلہ

    بچوں کی فحش فلموں تک رسائی روکنے کے لیے اہم فیصلہ

    لندن : برطانیہ میں انٹرنیٹ پرموجود فحش مواد تک رسائی کو صارفین کی عمر کے ساتھ مشروط کردیا گیا، برطانیہ دنیا کا پہلا ملک بن گیا جہاں صارفین کو پورن فلم دیکھنے سے قبل قانونی طور پر اپنی عمر کی تصدیق کروانی ہوگی۔

    تفصیلات کے مطابق برطانوی حکومت کی جانب سے بچوں کی فحش فلموں تک رسائی روکنے کےلیے نیا قانون منظور کیا گیا ہے، ماضی میں برطانوی وزیر داخلہ ساجد جاوید بچوں کی جنسی بے راہ روی کے حوالے سخت قوانین بنانے کا عندیہ دے چکے تھے۔

    اس حوالے سے بتایا گیا کہ نیا قانون 15 جولائی سے نافذ ہوگا جس کے تحت کمرشل بنیادوں پر فحش مواد پیش کرنے والی کمپنیاں اس امر کو یقینی بنائیں گی کہ صارف کی عمر 18 برس سے زائد ہو۔

    چائلڈ پروٹیکشن گروپ نے حکومت کے مذکورہ اقدام کی تعریف کی تاہم ڈیجیٹل رائٹس گروپ نے خبردار کیا کہ قانون کے اطلاق سے صارفین کا ڈیٹا چوری اور اس کی پروائیوسی متاثر ہو سکتی ہے۔

    خبررساں ادارے کے مطابق مختلف سائٹس صارف کی عمر کی تصدیق کے لیے پاسپورٹ، کریڈٹ کارڈ سمیت اسپیشل واچر طلب کرسکیں گے۔

    وزارت ڈیجیٹل کے وزیر مارگوٹ جیمس نے کہا کہ ’کوئی قانونی قدغن نہ ہونے کی وجہ سے تمام عمر کے بچوں کو پورنوگرافی مواد تک آسانی سے رسائی حاصل تھی۔

    انہوں نے بتایا کہ فحاش مواد فراہم کرنے والی ویب سائٹس نے عمر کی تصدیق کے قانون پر عمل نہیں کیا تو برطانوی صارفین کے لیے ان کی سائٹس غیر فعال کردی جائیں گی۔

    واضح رہے کہ طبی ماہرین متفق ہیں کہ پورنوگرافی مواد دیکھنے سے ذہین بری طرح متاثر ہوتا ہے اور اس کے منفی اثرات جنسی خواہشات کی تکمیل کے لیے انسان کو مجرمانہ حد تک فعل کرنے پر مجبور کردیتے ہیں۔

    خیال رہے کہ بھارت میں 12 جون کو واقعہ پیش آیا تھا جس میں فحاش ویڈیوز کے عادی 14 سالہ لڑکے نے اپنی بڑی بہن کے ساتھ ریپ کردیا تھا۔

    غیر ملکی خبر رساں ادارے کا کہنا تھا کہ بھارتی عدالت نے گاؤں کموتھے کے رہائشی 14 سالہ لڑکے کو اپنی 16 سالہ بہن کے ساتھ ریپ اور اسے حاملہ کرنے کے الزام میں بچوں کی جیل منتقل کردیا تھا۔

    ٹائمز آف انڈیا کی رپورٹ کے مطابق پولیس آفیسر سب انسپکٹر پارشورام بھاتوسے کا کہنا تھا کہ ’ملزم اپنے موبائل پر فحاش ویڈیوز دیکھنے کا عادی تھا اور اس نے جنسی تسکین حاصل کرنے کے لیے اپنی بڑی بہن کو نشانہ بنایا۔

  • کراچی سمیت سندھ کے 26 اضلاع میں انسداد پولیو مہم کا آغاز

    کراچی سمیت سندھ کے 26 اضلاع میں انسداد پولیو مہم کا آغاز

    کراچی : کراچی سمیت سندھ کے 26 اضلاع میں انسداد پولیو مہم کا آغاز ہوگیا، مہم میں 23 لاکھ سے زائد بچوں کی ویکسی نیشن کی جائےگی، کراچی میں رواں سال کا پہلا پولیو کیس گزشتہ دنوں لیاری میں سامنے آیا تھا۔

    تفصیلات کے مطابق ملک بھر میں انسداد پولیو مہم کا آغاز ہوگیا، کراچی سمیت سندھ کے 26 اضلاع میں انسداد پولیو مہم یکم اپریل تک جاری رہےگی۔

    مہم میں 5سال سے کم عمر کے 61 لاکھ بچوں کو حفاظتی قطرے پلائے جائیں گے ، کراچی میں 23 لاکھ سے زائد بچوں کی ویکسی نیشن کی جائےگی۔

    کراچی میں رواں سال کا پہلا پولیو کیس گزشتہ دنوں لیاری میں سامنے آیا تھا، 2014میں سندھ میں پولیو کیسسز کی تعداد 30 تھی جبکہ 2018میں سندھ سے صرف ایک پولیو کیس سامنے آیا تھا۔

    مزید پڑھیں : ساڑھے 3 سال کی بچی میں پولیو وائرس کی تصدیق

    دوسری جانب پنجاب کے 12 حساس اضلاع میں 3 روزہ انسدادپولیو مہم کا آج سے آغاز ہوگا، مہم میں 5سال سے کم عمر بچوں کو حفاظتی قطرے پلائے جائیں گے۔

    صوبہ خیبرپختونخواہ کے پچیس اضلاع میں بھی تین روزہ انسداد پولیو مہم شروع ہوگئی، انسداد پولیو مہم کے دوران 5 سال تک کے 56 لاکھ بچوں کو پولیو سے بچاؤ کے قطرے پلائے جائیں گے۔

    صوبائی محکمہ صحت کے مطابق انسداد پولیو مہم کے لیے 27 ہزار سے زائد ٹیمیں تشکیل دی گئی ہیں، جو ہربچے کو گھر گھر جا کر پولیو کے قطرے پلائیں گی۔

    مزید پڑھیں : خیبرپختونخواہ میں انسداد پولیو مہم کا آغاز

    پولیو ٹیمیں بس اڈوں، ریلوے اسٹیشنوں، افغان مہاجرین کے کیمپوں اور دیگرعوامی مقامات پرپولیو کے حفاظتی قطرے پلانے کے لیے دستیاب ہوں گی۔

    اسی طرح طورخم میں بھی پاک افغان سرحد پرانسداد پولیو مہم شروع ہوگئی تاکہ پاکستان اور افغانستان کے درمیان پھیلنے والے پولیو وائرس کا خاتمہ کیا جاسکے۔

    حکومت کی جانب سے انسداد پولیو مہم کے دوران ورکرز کی سیکیورٹی کے لیے سخت حفاظتی اقدامات کیے گئے ہیں۔

    یاد رہے وزیر اعظم کے فوکل پرسن برائے انسداد پولیو مہم بابر بن عطا کے مطابق کراچی، فیصل آباد، لاہور، راولپنڈی، سکھر، قلعہ عبد اللہ، کوئٹہ، ڈیرہ اسمعٰیل خان، پشاور اورجنوبی وزیرستان کے سیوریج میں پولیو وائرس کی موجودگی پائی گئی۔

    گزشتہ ماہ کراچی کے پانی میں پولیو وائرس کی موجودگی کے سبب محکمہ صحت سندھ نے 2 ہزار ویکسین سینٹر قائم کرنے کا بھی فیصلہ کیا تھا۔

  • کراچی میں پاک بحریہ کی چھٹی کثیرملکی امن مشقوں 2019 کا آغاز

    کراچی میں پاک بحریہ کی چھٹی کثیرملکی امن مشقوں 2019 کا آغاز

    کراچی : پاک بحریہ کی چھٹی کثیرملکی امن مشقوں کا آغاز ہوگیا، پاکستان سمیت چھیالیس ممالک کی بحری افواج عسکری اثاثوں سمیت مشقوں میں شریک ہیں ، کمانڈرپاکستان فلیٹ کا کہنا ہے کہ ہمیں گوادر پورٹ اورسی پیک سمندری راستوں کی حفاظت کرنا ہے۔

    تفصیلات کے مطابق پاک بحریہ کی کثیرالملکی امن مشقوں 2019 کا آغاز ہوگیا ، مشقوں میں پاکستان سمیت چھیالیس ممالک کی بحری افواج عسکری اثاثوں سمیت شریک ہیں۔

    پُروقارتقریب کےآغازمیں پرچم کشائی کی گئی اور چھیالیس ممالک کےجھنڈے لہرائے گئے، کمانڈر پاکستان فلیٹ وائس ایڈمرل امجد خان نیازی مہمان خصوصی ہیں۔

    ترجمان پاک بحریہ کے مطابق دوہزارسات سے پاک بحریہ مشقوں کی میزبانی کررہی ہے، امن مشقوں میں آرمی، پاک فضائیہ بھی شریک ہیں، آٹھ تا دس فروری ہاربر فیز اور گیارہ ،بارہ فروری کو سی فیز ہوگا۔

    ترجمان کا کہنا ہے کہ امن مشق علاقائی بحری امن واستحکا م کی ضامن ہیں اور یہ مشق میری ٹائم تحفظ کے فروغ کے لئےاہم ہیں۔

    بھارت کے مذموم مقاصدسےآگاہ ہیں اورنمٹنےکی صلاحیت رکھتےہیں، کمانڈرپاکستان فلیٹ

    کمانڈرپاکستان فلیٹ وائس ایڈمرل امجدخان نیازی کا کہنا ہے کہ قومی سلامتی اوراقتصادی سرگرمیوں کے لئے سمندری حدود کا تحفظ ناگزیر ہے، بحری تجارتی راستوں کو درپیش خطرات سے نمٹنا ہوگا۔

    کمانڈر پاکستان فلیٹ نے مزید کہا کہ ہمیں گوادر پورٹ اورسی پیک سمندری راستوں کی حفاظت کرناہے، چین سے مزید 8جدید ترین آبدوزیں حاصل کی جارہی ہیں اور ترکی سے بھی جدید جنگی بحری جہازحاصل کیے جارہے ہیں۔

    ان کا مزید کہنا تھا کہ بھارت کے مذموم مقاصد سے آگاہ ہیں اور نمٹنےکی صلاحیت رکھتے ہیں۔

    جدیددورکےچیلنجزکاتقاضاہےکہ مل کرمقابلہ کیاجائے، سربراہ پاک بحریہ کا پیغام

    مشقوں کےموقع پرسربراہ پاک بحریہ نے اپنے پیغام میں کہا دنیا بھرسےآنیوالے مہمانوں کاشکریہ ادا کرتے ہیں، جدید دور کے چیلنجز کا تقاضا ہے کہ مل کر مقابلہ کیاجائے۔

    یاد رہے گذشتہ روز  پاک بحریہ نے کثیرالملکی بحری مشق امن 19 کا خصوصی نغمہ ’ہم متحد‘ ریلیز کیا تھا ، بحری مشق امن 19 کا یہ خصوصی نغمہ اردو اور انگریزی زبانوں میں گایا گیا ۔

    مزید پڑھیں :  پاک بحریہ نے بحری مشق امن 19 کا خصوصی نغمہ ’ہم متحد‘ ریلیز کر دیا

    ترجمان پاک بحریہ کا کہنا تھا کہ اس خصوصی نغمے کے بول پاک بحریہ کی قیام امن کی کاوشوں کو اجاگر کرتے ہیں جبکہ غیر ملکی بحری افواج کے شرکا کے لیے پاکستان کے خوب صورت مقامات کی عکاسی بھی نغمے کا حصہ ہے۔

    نغمے میں دیگر بحری افواج کی قیام امن کے لیے پاک بحریہ کی کاوشوں کا ساتھ دینے پر خراج تحسین بھی پیش کیا گیا ہے۔

  • بحرین اور ریاض کے مابین’تجارتی پُل‘پر اگلے 6 ماہ میں کام شروع ہوگا

    بحرین اور ریاض کے مابین’تجارتی پُل‘پر اگلے 6 ماہ میں کام شروع ہوگا

    ریاض/منامہ : بحرین میں تعینات سعودی سفیر نے کہا ہے کہ اگلے 6 ماہ میں بحرین اور سعودیہ کے مابین تجاری پل منصوبے کے لیے ٹینڈر کا آغاز کیا جائے گا۔

    تفصیلات کے مطابق سعودی عرب اور بحرین کے مابین 4 ارب ڈالر کی لاگت سے تعمیر کیے جانے والے تجاری پل منصوبے پر اگلے میں 6 ماہ کام شروع کردیا جائے گا جس پر تین الگ الگ ٹریک ہوں گے۔

    عرب میڈیا کا کہنا ہے کہ ایک ٹریک گاڑیوں کے لیے، دوسرا ٹریک مال بردار گاڑیوں کے لیے جبکہ تیسرا ٹریک مسافر ٹرینوں کے لیے مختص ہوگا۔

    بحرین میں تعینات سعودی سفیر ڈاکٹر عبداللہ آل شیخ نے کہا تھا کہ تجاری رابطہ پل منصوبے کے لیے اگلے 6 ماہ ٹینڈر کھولے جائیں گے منصوبے کے حوالے سے فزیبلیٹی رپورٹ تیار کرلی گئی ہے، امید ہے کہ سنہ 2021 تک منصوبہ مکمل ہوجائے گا جس سے دوسری عرب ریاستوں بھی معاشی فوائد حاصل ہوں گے۔

    سعودی سفیر کا کہنا تھا کہ تجارتی پل کے منصوبے پر بی او ٹی سسٹم کے ذریعے عمل کیا جائے گا جبکہ نگراں کمپنی منصوبے کی تکمیل اور کچھ عرصے کے لیے انتظامات کے اخراجات ادا کرے گی۔

    عرب میڈیا کے مطابق منصوبہ مکمل ہونے کے بعد نگرٓاں کمپنی پہلے اپنے اخراجات پورے کرے گی اور منافع حاصل لے گی پھر تجارتی پل کو بحرین اور سعودی عرب کے حوالے کیا جائے گا۔

    حال ہی میں بحرین کے وزیر مواصلات وٹیلی کمیونیکشن کمال بن احمد محمد نے اپنے سعودی ہم منصب نبیل بن محمد العامودی سے منامہ میں ملاقات کی تھی۔ اس ملاقات میں بھی دونوں ملکوں کے درمیان تجارتی اور سیاسی رابطہ پل کے منصوبے پر تبادلہ خیال کیا گیا تھا۔

  • سعودی اتحادی افواج کی حوثی باغیوں کے خلاف کارروائی

    سعودی اتحادی افواج کی حوثی باغیوں کے خلاف کارروائی

    صعناء :  سعودی اتحادی افواج نے یمنی باغیوں کے خلاف زمینی کارروائیوں کو وسیع کرتے ہوئے فضائی اور سمندری حدود سے بھی حوثی باغیوں کے ٹھکانوں پر حملے شروع کردیئے ہیں۔

    تفصیلات کے مطابق ایرانی حمایت یافتہ حوثی جنگجؤوں کو اتحادی افواج کی جانب سے انخلا کے لیے دی گئی مہلت ختم ہونے پر سعودی اتحادی افواج نے یمن کی انتہائی اہم بندر گاہ الحدیدہ پر حملہ کردیا ہے۔

    غیر ملکی خبر رساں ادارے کا کہنا ہے کہ یمن میں انسانی بنیادوں پر سامان اور امدادی اشیاء کی فراہمی کا اہم مرکز الحدیدہ بندر گاہ ہے۔

    یمنی خبر رساں اداروں کے مطابق سعودی اتحادی افواج نے زمینی کارروائیوں کا دائرہ بڑھاتے ہوئے فوجی آپریشن میں فضائی اور سمندری افواج کی مدد بھی حاصل کرلی ہے، جس کے بعد فضا اور سمندر سے بھی حوثیوں کے ٹھکانوں کو نشانہ بنایا جارہا ہے۔

    غیر ملکی خبر رساں اداروں کے مطابق الحدیدہ شہر کے باسیوں کا کہنا ہے کہ سعودی اتحادی افواج کی کارروائیوں کے باعث شہر کے مضافات میں زور دار دھماکوں کی آوازیں سنی گئی ہیں۔

    یمن میں امدادی سرگرمیاں انجام دینے والی ایجنسیوں نے شہر پر حملے کی صورت میں ڈھائی لاکھ افراد کی زندگی ضائع ہونے کا خدشہ ظاہر کیا ہے، امدادی ٹیموں نے کہا ہے کہ سعودی افواج کی شہر پر کارروائی بڑی تباہی کا باعث بن سکتی ہے۔

    غیر ملکی خبر رساں اداروں کے مطابق یمن جنگ میں 70 لاکھ سے زائد شہری امدادی اشیا اور خوراک پر منحصر ہیں۔

    حوثی باغیوں کے خلاف عسکری آپریشن کا آغاز کرنے سے پہلے یمنی حکومت کی جانب سے جاری بیان میں کہا گیا تھا کہ الحدیدہ سے حوثی ملیشیا کو بے دخل کرنے کے لیے استعمال کیے گئے تمام سیاسی وسائل اور مہلتیں ختم ہوچکی ہیں۔

    یمن کے صدر منصور الہادی کی جانب سے بیان میں کہا گیا تھا کہ الحدیدہ کی آزادی یمن میں حوثیوں کی شکست کا آغاز ہوگا اور بحرہ باب المندب میں جہاز رانی دوبارہ محفوظ ہوجائے گی۔

    منصور الہادی کا کہنا تھا کہ ’حوثیوں کی شکست کے ساتھ ہی ایران کے ہاتھ بھی کٹ جائیں گے، جن سے ایران نے یمن کے باغیوں کو اسلحہ و گولہ بارود فراہم کرکے پُر امن یمن کو خون میں نہلا دیا اور بچوں تک کے ہاتھوں میں اسلحہ دے کے ملک کو ہتھیاروں میں غرق کردیا‘۔

    یمنی صدر منصور ہادی کی حمایت میں متحدہ عرب امارات نے حوثی باغیوں کو وارننگ دی تھی کہ الحدیدہ کو خالی کردیں ورنہ زبردست حملے کے لیے تیار ہوجائیں۔

    متحدہ عرب امارات کے نائب وزیر خارجہ انور قرقاش نے برطانوی خبر رساں ادارے کو بتایا کہ ’ہم چاہتے تھے کہ الحدیدہ بندر گاہ کی ذمہ داری اقوام متحدہ کے ہاتھ میں ہو۔

    خیال رہے کہ یمن جنگ میں گذشتہ تین برسوں کے دوران 10 ہزار سے زائد بے گناہ شہری لقمہ اجل بن چکے ہیں، جس کے بعد اقوام متحدہ نے یمن کی موجودہ صورتحال کو ’بدترین انسانی تباہی‘ کہا تھا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • عظیم صوفی بزرگ حضرت شاہ عبداللطیف بھٹائیؒ کے 274 ویں عرس کا آغاز

    عظیم صوفی بزرگ حضرت شاہ عبداللطیف بھٹائیؒ کے 274 ویں عرس کا آغاز

    حیدرآباد : عظیم صوفی بزرگ حضرت شاہ عبداللطیف بھٹائی رحمۃ اللہ علیہ کے 274 ویں عرس کا آغاز ہوگیا۔

    تفصیلات کے مطابق صوفی بزرگ شاعر شاہ عبدالطیف بھٹائی کے 274ویں عرس کی تین روزہ تقریبات کا آغاز ہوگیا، عرس کاافتتاح قائم مقام گورنراسپیکرسندھ اسمبلی آغاسراج ۔درانی نے چادرچڑھا کرکیا، آغاسراج درانی نے فاتحہ خوانی کی اور شاہ بھٹائی کا کلام سنا۔

    عظیم صوفی بزرگ حضرت شاہ عبداللطیف بھٹائی رحمۃ اللہ علیہ کے 274 ویں عرس کے مو قع پرسیکیورٹی کے سخت انتظامات کئے گئے ہیں، درگاہ کو پھولوں ، خوبصورت جھنڈیوں اور لائٹوں سے آراستہ کیا گیا ہے۔

    روحانی رہبر کی حاضری دینے کے لیے عقیدت مندوں کی آمد کا سلسلہ جاری ہے۔

    ضلعی انتظامیہ اور مٹیاری پولیس کی طرف سے سیکیورٹی کے انتہائی سخت اقدامات کئے گئے ہیں، شاہ لطیف کے عقیدت مندوں کے لیے مفت طبی کیمپ، پانی کی سبیلیں اور لنگر کا بھی انتظام کیا گیا ہے۔

    حضرت شاہ عبداللطیف بھٹائی ؒکی تین روزہ عرس تقریبات کا باقاعدہ افتتاح صوبائی وزیر ثقافت سید سردار علی شاہ، صوبائی وزیر ضیاء الحسن لنجار اور وزیر اعلیٰ سندھ کے معاون خصوصی برائے محکمہ اوقاف سید غلام شاہ جیلانی مزار پر چادر چڑھا کر اور فاتحہ خوانی کر کے کریں گے۔

    ایس ایس پی مٹیاری سید امداد علی شاہ کی ہدایات پر عرس کے دوران پولیس کی طرف سے سیکیورٹی کے لیے جامع حکمت عملی مرتب کی گئی ہے، تقریباً دو ہزار پولیس اہلکار، دس موبائلوں پر مشتمل 100 رینجرز اہلکاروں کے ساتھ سیکیورٹی کے فرائض انجام دیں گے۔

    عرس مبارک کی تین روزہ تقریبات کے لیے پولیس اہلکاروں کے ساتھ رینجرز اہلکاروں کو بھی مقرر کیا گیا ہے، انٹیلی جنس نیٹ ورک کو ہائی الرٹ کرکے سادہ کپڑوں میں بھی اہلکار مقرر کئے گئے، درگاہ سمیت مختلف مقامات پر کلوز سرکٹ کیمرے نصب کئے گئے ہیں، جبکہ ڈرون کیمرے کے ذریعے میلے کی فضائی نگرانی بھی کی جائے گی۔

    مختلف مقامات پر واک تھرو گیٹس بھی لگائے گئے ہیں،پولیس کے علاوہ کسی کو بھی ڈرون کیمرا استعمال کرنے کی اجازت نہیں ہوگی۔ عرس مبارک کے تینوں دن ملاکھڑا اور محفل موسیقی بھی منعقد کی جائے گی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔