Tag: beirut

بیروت: اسرائیل نے راتوں رات بیروت پر 30 سے ​​زائد حملے کیے ہیں، جو کہ اسرائیلی جارحیت کے آغاز کے بعد سے بھیانک ترین رات تھی۔

الجزیرہ کے مطابق اسرائیلی فوج نے دعویٰ کیا ہے کہ اس نے بیروت کے جنوبی مضافات میں 30 سے ​​زائد حملوں میں حزب اللہ کے ہتھیاروں کے ڈپو کو نشانہ بنایا۔

لبنان کی قومی خبر رساں ایجنسی (این این اے) نے رپورٹ کیا کہ بیروت پر اسرائیل کی جارحیت کے آغاز کے بعد سے اب تک یہ سب سے زیادہ بھاری اور تباہ کن رات تھی، بھیانک دھماکوں کی آوازیں رات بھر پورے شہر میں سنی جاتی رہیں، اور مضافاتی علاقہ داحیہ سیاہ دھوئیں سے ڈھکا ہوا ہے۔

اسرائیل نے جن جنوبی مضافاتی علاقوں پر بمباری تیز کی ہے، انھیں حزب اللہ کا گڑھ سمجھا جاتا ہے، پچھلے ہفتے یہاں اسرائیل نے ایک حملے میں حزب اللہ کے رہنما حسن نصر اللہ کو شہید کر دیا تھا اور جمعہ کو ان کے ممکنہ جانشین ہاشم صفی الدین کو نشانہ بنایا گیا۔

اسرائیلی حملوں کے بعد حسن نصراللہ کے ممکنہ جانشین ہاشم صفی الدین لاپتا ہوگئے

الجزیرہ کے مطابق اسرائیل کی فوج کی جانب سے بیروت کے جنوبی مضافاتی علاقوں پر یہ حملوں کی ایک نئی لہرہے، جس میں لبنان کے دارالحکومت کے ارد گرد شعلے آسمان تک پہنچ گئے اور بھیانک آوازیں گونجتی رہیں۔

اس دوران آسٹریلوی محکمہ خارجہ نے کہا ہے کہ بڑھتے اسرائیلی حملوں کے دوران 407 آسٹریلوی اور ان کے خاندان کے افراد حکومت کی مدد سے چلنے والی دو پروازوں سے راتوں رات بیروت سے نکل گئے ہیں۔

بیروت: لبنان کے دارالحکومت بیروت میں ہونے والی موسلادھار بارش سے رفیق حریری بین الاقوامی ایئر پورٹ ڈوب گیا۔

عرب نیوز کے مطابق بیروت میں منگل کی سہ پہر صرف 20 منٹ کی بارش نے رفیق حریری بین الاقوامی ایئر پورٹ پانی کا تالاب بن گیا۔

ایئر پورٹ کی سڑکیں اور پارکنگ ایریا جھیل میں تبدیل ہو گیا، ایئر پورٹ کی لابی میں بھی کئی فٹ پانی جمع ہو گیا، کیفے اور ڈیوٹی فری دکانوں میں بھی پانی داخل ہوا، ایئر پورٹ ملازمین وائپر کی مدد سے پانی باہر نکالتے رہے۔

مطار بيروت الدولي pic.twitter.com/4tYkGe6ypf

— مصدر مسؤول (@fouadkhreiss) December 12, 2023

ایئر پورٹ کے ویدر اسٹیشن نے 20 منٹ میں 47 ملی میٹر بارش ریکارڈ کی، بارش کا پانی اتنا تھا کہ گاڑی کے ٹائر ڈوب گئے تھے اور پانی لوگوں کے گھٹنوں تک آ گیا تھا۔

واضح رہے کہ یہ لبنان کا واحد کمرشل آپریشنل ایئرپورٹ ہے، لوگوں نے سوشل میڈیا پر بارش کے بعد درپیش صورت حال کی تصاویر اور ویڈیوز بھی شیئر کیں، جن میں لوگوں کو اپنا سامان سروں پر رکھے لے جاتے دیکھا گیا۔ حکام کا کہنا تھا کہ بہت زیادہ بارش کی وجہ سے نکاسئ آب سسٹم ناکام ہو گیا تھا۔

بیروت: لبنان کے دارالحکومت بیروت میں بندرگارہ پر امونیم نائٹریٹ کی موجودگی کے سلسلے میں نیا انکشاف سامنے آ گیا ہے۔

غیر ملکی میڈیا کے مطابق امونیم نائٹریٹ کو 2013 میں جارجیا سے موزمبیق جانے والے ایک بحری جہاز میں لایا گیا تھا، لبنانی فرم بروڈی اینڈ ایسوسی ایٹس نے بتایا کہ جہاز میں تکنیکی خرابی ہو گئی تھی جس پر بیروت کی بندرگاہ پر اسے عارضی طور پر روک لیا گیا تھا۔

رپورٹ کے مطابق ایک لبنانی کمپنی نے جہاز کے مالک کے خلاف شکایت کر دی تھی جس پر حکام نے جہاز کو ضبط کر لیا، بندرگاہ حکام نے جہاز سے امونیم نائٹریٹ کو نکال کر اسے ایک ایسے گودام میں رکھا جس کی دیوراوں میں دراڑیں پڑ گئی تھیں۔

بیروت دھماکا کیسے ہوا؟ سنسنی خیز انکشافات

یہ بھی بتایا گیا کہ گودام میں سے عجیب و غریب بو آنے کے بعد سیکورٹی فورسز نے 2019 میں تحقیقات شروع کیں اور اس نتیجے پر پہنچے کہ ذخیرہ کیے ہوئے کیمیائی مادے کو وہاں سے ہٹانے کی ضرورت ہے، تاہم اس پر عمل درآمد کبھی نہیں کیا گیا، گزشتہ ہفتے گودام کی مرمت کا کام شروع کیا گیا تھا جس پر خدشات ظاہر کیے گئے کہ اسی کی وجہ سے دھماکے ہوئے ہوں گے۔

ذمہ دار کون؟

جب بیروت کی بندرگاہ پر امونیم نائٹریٹ ذخیرہ کیا جا رہا تھا تو بندرگاہ اور کسٹمز کے حکام کو اس کا علم تھا، لیکن ایک طویل عرصے کے دوران بھی اسے وہاں سے ہٹانے کے لیے کوئی اقدامات نہیں کیے گئے۔ یہی وجہ ہے کہ لبنانی وزیر اعظم حسن دیاب نے اس صورت حال کو ناقابل قبول قرار دیا جس کی وجہ سے یہ سانحہ پیش آیا۔

خیال رہے کہ متنازعہ بیانات کے لیے مشہور امریکی صدر ڈونلڈ ٹرمپ نے دھماکوں کی شب ہی امریکی جنرلز کے حوالے سے کہہ دیا تھا کہ بیروت دھماکا کسی قسم کے بم کی وجہ سے ہوا ہوگا، تاہم امریکی فوج کے ترجمان نے کہا کہ ہمارے پاس اس سلسلے میں بتانے کے لیے کچھ نہیں۔

سانحے کے بعد

بیروت کو ڈزاسٹر زون قرار دے دیا گیا ہے، کرونا وائرس وبا کی وجہ سے معاشی بحران میں گرفتار لبنان کے صدر مشیل عون کے بیان کے مطابق 6.6 کروڑ ڈالر ایمرجنسی فنڈ قائم کیا جائے گا. فرانس، اردن، ایران سمیت کئی ممالک نے امداد کی پیش کش کی ہے۔

واضح رہے لبنان کے دارالحکومت بیروت میں گزشتہ ہفتے امونیم نائٹریٹ کی وجہ سے ہونے والے دھماکوں میں کم از کم 200 افراد ہلاک اور 7 ہزار زخمی ہوئے۔