اسلام آباد : چیف جسٹس لاہور ہائیکورٹ نے نوازشریف، مریم نواز اور حمزہ شہباز سمیت دیگر ملزمان کے نیب مقدمات کی سماعت کرنے والے بینچ کو تبدیل کردیا۔
تفصیلات کے مطابق نوازشریف، مریم نواز اور حمزہ شہباز سمیت دیگر کے نیب کیسز کی سماعت کرنے والا بینچ تبدیل کردیا گیا۔
چیف جسٹس لاہور ہائیکورٹ مامون رشید کی منظوری کے بعد ججز کاروسٹر جاری کردیا گیا، ذرائع کے مطابق لاہور ہائیکورٹ کے ججز کا نیا روسٹر9 جنوری سے 8فروری تک نافذ العمل رہے گا۔
نئے روسٹر کے تحت نیب کیسز کی سماعت کیلئے دو الگ الگ بینچزتشکیل دے دیئے گئے، جسٹس مظاہر علی اکبر نقوی کی سربراہی میں 2رکنی بنچ نیب کیسزکی سماعت کرے گا جبکہ جسٹس طارق عباسی کی سربراہی میں بھی 2رکنی بینچ نیب کیسز کی سماعت کرے گا۔