Tag: Bengaluru Woman

بھارت کی ریاست کرناٹک کے دارالحکومت بنگلورو میں خاتون کو قتل کر کے لاش کے 30 ٹکڑے فریج میں رکھنے والے ملزم نے اپنی زندگی کا خاتمہ کرلیا۔

بین الاقوامی خبر رساں ادارے کی رپورٹ کے مطابق 29 سالہ مہالکشمی بنگلورو میں شوہر سے علیحدگی اختیار کرکے تنہا زندگی بسر کررہی تھی، جس کی لاش 21 ستمبر کو بنگلورو کے فلیٹ میں فریج سے برآمد کی گئی تھی، جسے 30 ٹکڑوں میں تقسیم کیا گیا تھا۔

پولیس کے مطابق مقتولہ کے قتل کے مرکزی ملزم کی شناخت مکتیراجن پرتاپ رائے کے نام سے ہوئی تھی، اس نے اوڈیشہ (سابقہ اڑیسہ) میں خودکشی کر لی۔

ڈپٹی کمشنر آف پولیس (ڈی سی پی) بنگلورو سینٹرل، شیکھر ایچ ٹیکانا کے مطابق مرکزی ملزم مکتیراجن پرتاپ رائے، نے پولیس کے تعاقب کے دوران انتہائی قدم اٹھالیا۔

صحافیوں سے بات کرتے ہوئے کرناٹک کے وزیر داخلہ جی پرمیشور کا کہنا تھا کہ پولیس کے پاس ملزم کے اوڈیشہ میں ہونے کی معلومات تھیں، اور اس کی گرفتاری کے لیے متعدد ٹیمیں کام کررہی تھیں۔

انہوں نے مزید کہا کہ پولیس نے رائے کو مرکزی ملزم کے طور پر شناخت کیا اور اس کے فرار ہونے کے بعد اوڈیشہ کے مختلف مقامات پر اس کی نقل و حرکت کا سراغ لگایا جا رہا تھا۔

پی ٹی ٹیچر کی چھٹی جماعت کی مسلم طالبہ سے زیادتی، ملزم گرفتار

اُن کا مزید کہنا تھا کہ کیس سے متعلق کئی افراد سے پوچھ گچھ کی جارہی ہے، لیکن دستیاب شواہد کی بنیاد پر رائے کو مرکزی ملزم کے طور پر نامزد کیا گیا تھا۔

بنگلورو: بھارت کے شہر بنگلورو میں خاتون کے لرزہ خیز قتل کے بعد لاش ٹکڑے فریج میں چھپانے والے ملزم کی شناخت ہوگئی۔

بین الاقوامی خبر رساں ادارے کی رپورٹ کے مطابق پولیس کا اس حوالے سے کہنا ہے کہ ملزم کی شناخت کرلی گئی ہے اور اسے گرفتار کرنے کی کوششیں کی جا رہی ہیں۔

رپورٹس کے مطابق بنگلورو سٹی پولیس کمشنر بی دیانند نے بتایا کہ تمام زاویوں سے تحقیقات کررہے ہیں اور اصل ملزم کو شناخت کرلیا گیا ہے۔ ملزم باہر کا آدمی ہے، ہم فی الحال معلومات نہیں دے سکتے۔ کیونکہ اس سے ملزم کو روپوش ہونے میں مدد مل سکتی ہے۔

یاد رہے کہ بنگلورو کے ایک مکان سے ہفتے کے روز ایک خاتون کی نعش کے 30 ٹکڑے ملے تھے، مہا لکشمی سنگل بیڈ روم مکان میں تنہا رہتی تھی۔

خاتون کا تعلق نیپال ہے لیکن اس کا خاندان 30 سال قبل کرناٹک منتقل ہوگیا تھا اور خاتون شوہر سے علیحدہ ہو کر بنگلورو میں زندگی گزار رہی تھی، جبکہ اس کا سابق شوہر کسی دوسرے شہر میں کام کرتا ہے۔

پی ٹی ٹیچر کی چھٹی جماعت کی مسلم طالبہ سے زیادتی، ملزم گرفتار

پولیس کو جب فریج سے نعش کے ٹکڑے ملے وہ مسخ شدہ حالت میں تھی اور اس میں کیڑے پڑ گئے تھے، پولیس کو شبہ ہے کہ نعش کے ٹکڑے ملنے سے دو ہفتے قبل اس کو قتل کیا گیا تھا۔