ARYNews.tv | Urdu – Har Lamha Bakhabar

Tag: Bernie Sanders

  • اسرائیل کو امریکی ہتھیاروں کی فروخت، برنی سینڈرز کا اہم اعلان

    اسرائیل کو امریکی ہتھیاروں کی فروخت، برنی سینڈرز کا اہم اعلان

    واشنگٹن: امریکی سینیٹر برنی سینڈرز نے اسرائیل کو امریکی ہتھیاروں کی فروخت روکنے کے لیے ووٹ دینے کا اعلان کر دیا۔

    غیر ملکی میڈیا رپورٹس کے مطابق برنی سینڈرز نے کہا ہے کہ وہ اگلے ہفتے سینیٹ کے فلور پر اسرائیل کو بعض جارحانہ ہتھیاروں کی فروخت کو روکنے کے لیے متعدد قراردادیں لانے کی تیاری کر رہے ہیں۔

    برنی سینڈرز نے X پر ایک بیان میں کہا ’’اس میں اب کوئی شک نہیں رہا کہ نیتن یاہو کی انتہا پسند حکومت امریکی اور بین الاقوامی قوانین کی صریح خلاف ورزی کر رہی ہے، اور وہ غزہ میں فلسطینی عوام کے خلاف وحشیانہ جنگ چھیڑ رہی ہے۔‘‘

    انھوں نے کہا یہ جنگ تقریباً مکمل طور پر امریکی ہتھیاروں اور امریکی ٹیکس دہندگان کے 18 بلین ڈالرز سے لڑی جا رہی ہے۔ اسرائیل نے امریکا کے فراہم کردہ 2,000 پاؤنڈ بم رہائشی علاقوں پر گرائے۔

    ٹرمپ کی کابینہ میں نامزد امیدواروں نے اسرائیل کے حق میں کیا بیانات دیے؟

    امریکی سینیٹر نے مزید لکھا کہ حماس کے مٹھی بھر جنگجوؤں کو نکالنے کے لیے اسرائیل نے سیکڑوں فلسطینی شہریوں کو ہلاک کیا ہے، اور شہریوں اور جنگجوؤں میں فرق کرنے کی بہت کم کوشش کی ہے، یہ حرکتیں غیر اخلاقی اور غیر قانونی ہیں۔

    دوسری طرف نو منتخب صدر ڈونلڈ ٹرمپ اپنی کابینہ میں ایسے امیدواروں کو شامل کر رہے ہیں جو واضح طور پر اسرائیل نواز ہیں، جس سے ان کے دور میں متوقع اسرائیلی پالیسی کی نشان دہی ہوتی ہے۔

  • امریکی سینیٹر برنی سینڈرز نے اسرائیل کے لیے امریکی فوجی امداد بند کرنے کا مطالبہ کر دیا

    امریکی سینیٹر برنی سینڈرز نے اسرائیل کے لیے امریکی فوجی امداد بند کرنے کا مطالبہ کر دیا

    واشنگٹن: امریکی سینیٹر برنی سینڈرز نے اسرائیل کے لیے امریکی فوجی امداد بند کرنے کا مطالبہ کر دیا۔

    غیر ملکی میڈیا رپورٹس کے مطابق برنی سینڈرز نے کانگریس سے پرزور مطالبہ کیا ہے کہ وہ اسرائیل کے لیے 10.1 بلین ڈالر کی غیر مشروط فوجی امداد کو مسترد کر دے۔

    انھوں نے بیان میں کہا کہ جس امداد پر غور کیا جا رہا ہے کہ وہ اسرائیل کو فلسطینی عوام کے خلاف اپنی ’’وحشیانہ جنگ‘‘ جاری رکھنے میں مدد کرے گا۔ سینڈرز نے واضح کیا کہ فلسطینی عوام کے خلاف نیتن یاہو کی غیر قانونی، غیر اخلاقی، سفاکانہ اور انتہائی غیر متناسب جنگ کے لیے مزید امریکی فنڈنگ نہیں ہونی چاہیے۔

    انھوں نے کہا کہ اسرائیل غزہ جنگ ہمارے لیے کوئی پیچیدہ مسئلہ نہیں ہے، ہم تسلیم کرتے ہیں کہ حماس نے اس جنگ کا آغاز کیا، لیکن یہ بھی تسلیم کرنا چاہیے کہ اسرائیل کا فوجی ردعمل انتہائی غیر متناسب، غیر اخلاقی اور بین الاقوامی قانون کی خلاف ورزی پر مبنی ہے۔ انھوں نے کہا ہم امریکیوں کے لیے سب سے اہم بات یہ ہے کہ فلسطینی عوام کے خلاف اسرائیل کی جنگ امریکی بموں، توپ خانے کے گولوں، اور دیگر قسم کے ہتھیاروں کے ساتھ لڑی جا رہی ہے، جس کے نتائج تباہ کن رہے ہیں۔

    اسرائیل غزہ سے فلسطینیوں کو کس ملک بھیجنا چاہتا ہے، دل دہلا دینے والا انکشاف

    امریکی سینیٹر نے کہا کانگریس اسرائیل کے لیے ایک ضمنی فنڈنگ بل منظور کرنے کے لیے کام کر رہی ہے، بس بہت ہو گیا، کانگریس کو اس فنڈنگ کو مسترد کرنا چاہیے، امریکا کے ٹیکس دہندگان کو غزہ میں معصوم مردوں، عورتوں اور بچوں کی زندگیوں کو تباہ کرنے میں مزید شریک نہیں ہونا چاہیے۔

    واضح رہے کہ جمعہ کے روز بائیڈن انتظامیہ نے ایک بار پھر کانگریس کو نظر انداز کرتے ہوئے اسرائیل کو ہتھیاروں کی ہنگامی فروخت کا عندیہ دیا۔ امریکی وزیر خارجہ اینٹونی بلنکن نے کانگریس کو بتایا کہ انھوں نے ایک ماہ سے بھی کم عرصے میں دوسرا ہنگامی فیصلہ کیا ہے، جس میں اسرائیل کو 147.5 ملین ڈالر کے جنگی سامان کی فروخت شامل ہے۔

  • برنی سینڈرز سے مشابہت رکھنے والی گڑیا لاکھوں روپے میں فروخت

    برنی سینڈرز سے مشابہت رکھنے والی گڑیا لاکھوں روپے میں فروخت

    امریکی صدر جو بائیڈن اور نائب صدر کمالا ہیرس کی حلف برادری کی تقریب کے دوران سینیٹر برنی سینڈرز کی تصویر بے حد وائرل ہوئی تھی جس میں وہ گرم جیکٹ اور اونی دستانے پہنے تقریب کی گہما گہمی سے لاتعلق دور بیٹھے تھے۔

    ان کی اس تصویر پر ہزاروں میمز (مزاحیہ تصاویر اور جملے) بنائے گئے، ایسے میں کروشیا سے تیار ان کی ہمشکل گڑیا نے بھی دنیا بھر کی توجہ اپنی جانب کھینچ لی۔

    امریکا کی ریاست ٹیکسس سے تعلق رکھنے والی ٹوبی کنگ کروشیا کی مصنوعات تیار کرتی ہیں اور انہوں نے برنی سینڈرز کی اس وائرل تصویر کو دیکھتے ہوئے ایک گڑیا تیار کی۔

    یہ گڑیا 20 ہزار 300 ڈالرز (36 لاکھ سے زائد پاکستانی روپے) میں فروخت ہوئی ہے۔

    ٹوبی کنگ نے بتایا کہ ان کے پاس پہلے سے برنی پیٹرون اور ایک برنی ڈول موجود تھی، تو میں نے بہت تیزی سے اس میں کچھ تبدیلیاں کیں۔

    ٹوبی نے اس 9 انچ کی گڑیا کی تصاویر پہلے اپنے انسٹاگرام اکاؤنٹ پر شیئر کی تھیں، جسے ہزاروں افراد نے لائیک کیا، اس کے بعد گڑیا کو ای بے میں نیلامی کے لیے پیش کردیا گیا اور وہاں اسے 20 ہزار 300 ڈالرز میں فروخت کردیا گیا۔

    یہ رقم بے گھر اور غریب افراد کو کھانا فراہم کرنے والے ایک ادارے کو عطیہ کی جائے گی۔

    برنی سینڈرز نے خود بھی اس وائرل تصویر کے ذریعے اس ادارے کے لیے عطیات جمع کیے تھے، جس کے لیے تصویر میں موجود قمیض جیسی قمیضوں کو فروخت کیا گیا اور 18 لاکھ ڈالرز جمع کیے۔

  • امریکا میں پہلی مرتبہ ایک مسلمان صدارتی امیدوار برنی سینڈرز کی انتخابی مہم چلائے گا

    امریکا میں پہلی مرتبہ ایک مسلمان صدارتی امیدوار برنی سینڈرز کی انتخابی مہم چلائے گا

    واشنگٹن : امریکا کے صدارتی امیدوار سینیٹر برنی سینڈرز نے اپنی انتخابی مہم چلانے کے لیے پہلی مرتبہ مسلمان شہری کو مینیجر منتخب کرلیا۔

    تفصیلات کے مطابق امریکی سینیٹر برنی سینڈرز نے سنہ 2020 میں ہونے والے صدارتی انتخابات میں انتخابی مہم چلانے کےلیے فیص شاکر نامی ایک مسلمان کا انتخاب کرلیا جو کسی بھی امریکی صدارتی امید وار کی انتخابی مہم چلانے والے پہلے مسلمان شخص ہیں۔

    غیر ملکی خبر رساں ادارے کا کہنا ہے کہ سینیٹر برنی کے مینیجر منتخب ہونے والے نئے مینیجر فیض شاکر امریکن سول لبرٹیز یونین (اے سی ایل یو) کے سیاسی ڈائریکٹر ہیں جن کا تعلق پاکستانی تارکین خاندان سے ہے۔

    غیر ملکی خبر رساں ادارے کا کہنا ہے کہ فیض شاکر ایک باعزت امریکی شہری اور ترقی پسند شخصیت ہیں، جو مشیر سابق ڈیموکریٹ رہنما برائے سینیٹ ہیری ریڈ کے ساتھ بطور مشیر بھی کام کرچکے ہیں۔

    غیر ملکی میڈیا کا کہنا ہے کہ فیض شاکر کانگریس کی موجودہ اسپیکر نینسی پیلوسی کے ساتھ بھی کام کرچکے ہیں۔

    امریکی میڈیا کے مطابق فیض شاکر سنہ 2017 میں امریکن سول لبرٹیز یونین میں شامل ہوئے تھے اور ٹرمپ انتظامیہ کے خلاف ہونے والی قانونی کارروائیوں میں اہم کردار ادا کرچکے ہیں۔

    سینیٹ کے سابق ڈیموکریٹ رہنما ہیری ریڈ کے ڈپٹی چیف آف اسٹاف کا کہنا تھا کہ ’فیض شاکر ایک ناقابل یقین شخصیت حامل ہیں اور سسٹم میں بہتر انداز میں کام کرنے کا طریقہ بھی جانتے ہیں‘۔

    ایڈم جینٹلسن کا کہنا تھا کہ سابق ڈیموکریٹ رہنما فیض پر اتنا بھروسہ تھا کہ وہ کوئی بھی رد عمل فیض سے مشورہ لیے بغیر نہیں دیتے تھے اور نہ کسی دوسرے کے مشورے پر اتنی سنجیدگی سے عمل کرتے تھے۔

    امریکی وسط مدتی انتخاب میں تاریخ رقم، دو مسلمان خواتین نے کانگریس میں جگہ بنالی

    خیال رہے کہ گزشتہ برس امریکی تاریخ میں پہلی مرتبہ وسطی مدتی انتخابات میں دو مسلمان خواتین ایوان نمائندگان کا حصّہ بنی تھیں اور دونوں مسلمان خواتین کا تعلق ڈیموکریٹس جماعت سے ہے۔

    چھتیس سالہ الہان عمر نے ریاست منی سوٹا سے کامیابی حاصل کی تھی، انھوں نے 72 فیصد ووٹ حاصل کئے جبکہ ان کے مدمقابل ری پبلکن امیدوار صرف 22 فیصد ووٹ حاصل کیے تھے جبکہ فلسطینی نژاد رشیدہ طلائب نے ریاست مشی گن سے کامیابی حاصل کی تھی، ان کے مقابلے میں ری پبلکنز کا کوئی امیدوار سامنے نہیں آیا تھا۔

  • غزہ میں اسرائیلی فوج کے طاقت کے استعمال کی مذمت کرتے ہیں، امریکی سینیٹر

    غزہ میں اسرائیلی فوج کے طاقت کے استعمال کی مذمت کرتے ہیں، امریکی سینیٹر

    واشنگٹن: امریکی سینیٹر برنی سینڈرز نے کہا ہے کہ غزہ میں اسرائیلی فوج کے طاقت کے استعمال کی مذمت کرتے ہیں۔

    ان خیالات کا اظہار انہوں نے سماجی رابطے کی ویب سائٹ ٹویٹر پر اپنے پیغام کیا، برنی سینڈرز کا کہنا ہے کہ فلسطینیوں کی جانب سے تشدد کے بغیر اپنے بہتر مستقبل کے لیے پر امن مظاہرہ کرنا ان کا حق ہے۔

    انہوں نے کہا کہ پر امن فلسطینی مظاہرین پر اسرائیلی کی جانب سے فوج کا استعمال قابل مذمت ہے، امریکا کو فلسطین میں جاری اسرائیلی جارحیت پر اپنا مثبت کردار ادا کرنا چاہئے تاکہ دونوں ملکوں کے درمیان جاری کشیدگی کا خاتمہ ہوسکے۔

    غیر ملکی خبر رساں ادارے کو دئیے گئے ایک بیان میں برنی سینڈرز کا کہنا تھا کہ فلسطین میں جاری کشیدگی میں امریکا نے کوئی کردار ادا نہیں کیا ہے اور غزہ ان دنوں تباہی کے دہانے پر ہے۔

    سینڈرز کا کہنا ہے کہ ماضی میں فلسطین اور اسرائیلی کے درمیان جاری کشیدگی کو پر امن طور پر حل کرنے کی کوشش کی گئی، فلسطین کے لوگوں کے ساتھ طاقت کے استعمال سے گریز کرنا چاہئے۔

    انہون نے کہا کہ موجودہ امریکی حکومت کے اقتدار میں آنے کے بعد سے فلسطین اور اسرائیل کے درمیان تعلقات تیزی سے خراب ہوئے ہیں جبکہ ٹرمپ اور نیتن یاہو کے تعلقات میں بہتری آئی ہے۔

    واضح رہے کہ گزشتہ روز اسرائیلی فورسز کی فائرنگ سے شہید ہونے والے فلسطینیوں کو آہوں اور سسکیوں میں سپرد خاک کردیا گیا تھا جبکہ مظاہرین نے احتجاج جاری رکھنے کا اعلان کیا تھا۔

    دوسری جانب فلسطینی صدر محمود عباس نے اسرائیلی افواج کی فائرنگ سے شہید ہونے والے نوجوانوں کے غم میں یوم سوگ منانے کا اعلان کیا تھا اس موقع پر فلسطین کے علاقے غرب اور اردن میں مکمل ہڑتال کی گئی تھی۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔