بارباڈوس : پاک ویسٹ انڈیز ٹیسٹ کے دوسرے روز پاکستانی بولرز چھاگئے۔ چار وکٹوں پر صرف چھبیس رنز بن سکے، ویسٹ انڈیز کی پوری ٹیم پہلی اننگز میں مجموعی طور پر تین سو بارہ رنز بنا کر پویلین لوٹ گئی۔ پاکستان کی بیٹنگ جاری ہے۔
تفصیلات کے مطابق پاکستان اور ویسٹ انڈیز کے درمیان کھیلے جارہے بارباڈوس ٹیسٹ کے دوسرے روز پاکستانی بولرز چھاگئے، صرف چھبیس رنز کے اضافے کے بعد ویسٹ انڈیز کی چاروں وکٹیں گرادیں۔
محمد عباس نےچار اور محمد عامر نے تین وکٹیں حاصل کیں۔ ویسٹ انڈیزنے پہلے بیٹنگ کا آغاز کیا تو اوپننگ جوڑی زیادہ دیر تک کریز پر اپنے قدم نہ جما سکی۔
گذشتہ روز دن کے اختتام تک ویسٹ انڈیز نے چھ وکٹوں کے نقصان پر 286 رنز بنائے تھے۔ راسٹن چیز اپنی سنچری مکمل کر چکے تھے اور دوسرے اینڈ پر ٹیم کے کپتان جیسن ہولڈر ان کا ساتھ دے رہے تھے جنھوں نے اپنی نصف سنچری بھی مکمل کر لی تھی۔
تازہ ترین اطلاعات کے مطابق اس وقت پاکستان کے اوپنر اظہر علی54 اور احمد شہزادرنز40رنز کے ساتھ کریز پر موجود ہیں اور پاکستان کا مجموعی اسکور 106رنز ہے۔
