ARYNews.tv | Urdu – Har Lamha Bakhabar

Tag: bijli

  • کراچی میں کچھ دیر کی بارش سے 4 افراد ہلاک،سڑکوں پر پانی جمع، ٹریفک جام

    کراچی میں کچھ دیر کی بارش سے 4 افراد ہلاک،سڑکوں پر پانی جمع، ٹریفک جام

    کراچی: شہر قائد میں بارش کا پہلا قطرہ گرتے ہی متعدد علاقوں میں بجلی غائب ہوگئی جبکہ بارش کے باعث رونما ہونے والے حادثات نے 4 افراد کی جان لے لی۔

    تفصیلات کے مطابق کراچی میں ہونے والی بارشوں نے دو بچوں کی جان لے لی، کرنٹ لگنے  اور دیوار گرنے سے دو بچے جان کی بازی ہار گئے۔انڈا موڑ کے قریب 2 افراد کرنٹ لگنے سے جاں بحق ہوگئے، موسمیات،نیو کراچی،ناظم آباد سمیت کئی علاقے بجلی سے محروم ہوگئے، بارش سے کئی حادثات نے بھی جنم لیا۔ ریسکیو ذرائع کے مطابق اورنگی ٹاؤن چار نمبر کے علاقے میں بارش کے بعد گھر کی دیوار گرنے سے ایک چار سالہ بچی شمع جاں بحق ہوگئی۔

    بارش کے بعد سڑکوں پر موٹر سائیکلیں پھسلنے سے کئی افراد کے زخمی ہونے کی اطلاعات ہیں جبکہ نیو کراچی سیکٹر اے ون میں بارش کے دوران بجلی کے کھمبے سے کرنٹ لگنے سے ایک تین سالہ بچہ احمد جان کی بازی ہار گیا، دونوں بچوں کی لاشوں کو ضابطے کی کارروائی کے عباسی شہید اسپتال منتقل کردیا گیا۔

    بارش کا پانی زیادہ ہونے کی وجہ سے نرسری پر ٹریفک کے بہاؤ میں مشکلات کا سامنا رہا جبکہ گلبہار،میٹرک بورڈآفس،کےڈی اے چورنگی حیدری،سخی حسن، ناگن چورنگی اور یوپی موڑ پر گرین برس پراجیکٹ کے لیے سڑک کے درمیان کھودے گئے حصوں میں پانی جمع ہوگیا جس سے ٹریفک کی روانی سست پڑ گئی، گرج چمک کے ساتھ موسلا دھار بارش ہوئی جس سے سڑکوں پر پانی جمع ہوگیا اور کئی سڑکیں تالاب کا منظر پیش کرنے لگیں۔

    0-irfanali-1437674563

    دوسری جانب کراچی میں افطاری کے بعد بارش کا آغاز ہوتے ہی کراچی کے 500 سے زائد فیڈر ٹرپ کرگئے، جس کی وجہ سے کراچی شہر کا آدھے سے زائد حصہ بجلی کی فراہمی سے محروم ہوگیا۔

    نامزد میئر کراچی وسیم اختر نے مختلف علاقوں کا دورہ کیا، ایم کیوایم رہنما وسیم اختر نے سندھ حکومت کو نااہل قرار دیتے ہوئے آرمی چیف جنرل راحیل شریف سے کراچی کے مسائل حل کرنے کی اپیل کردی۔

    محکمہ موسمیات کے مطابق شہرمیں32 ملی میٹربارش ریکارڈ کی گئی، ملیر،قائدآباداوراطراف میں28ملی میٹربارش ریکارڈکی گئی۔

    محکمہ موسمیات کا کہنا ہے کہ آئندہ 24 گھنٹے کے دوران کراچی میں مزید بارش کا امکان ہے جب کہ وقفے وقفے سے ہلکی بارش کا سلسلہ جاری رہے گا جس سے گرمی اور حبس کا زور ٹوٹ جائے گا۔

    محکمہ موسمیات کے مطابق سندھ اور بلوچستان میں بارشوں کا سلسلہ دو روز تک جاری رہے گا جبکہ رواں ہفتے آسلام آباد اوربالائی پنجاب اور خیبرپختونخوا کے بیشترعلاقوں بارشیں متوقع ہیں۔

  • کراچی میں بارش، 500 فیڈر بند، آدھا شہر بجلی سے محروم

    کراچی میں بارش، 500 فیڈر بند، آدھا شہر بجلی سے محروم

    کراچی: شہر قائد میں پہلی بارش کے پانی کا پہلا قطرہ گرتے ہی شہر بھر میں بجلی فراہم کرنے والے500 سے زائد فیڈر بند ہوگئے جس کے سبب آدھاشہر اندھیرے میں ڈوب گیا۔

    تفصیلات کے مطابق کراچی میں افطاری کے بعد بارش کا آغاز ہوتے ہی کراچی کے 500 سے زائد فیڈر ٹرپ کرگئے، جس کی وجہ سے کراچی شہر کا آدھے سے زائد حصہ بجلی کی فراہمی سے محروم ہوگیا۔

    دوسری جانب کے الیکٹرک کے ترجمان کا کہنا ہے کہ کراچی کے چاروں ریجنز میں کے الیکٹرک کا عملہ اسٹینڈ بائی رہے گا، جہاں بجلی بند ہوگی اسے بحال کرنے کی فوری کی کوشش کی جائے گی۔

    کراچی کو پانی فراہم کرنے والے مرکزی دھابے جی پمپنگ اسٹیشن پر بجلی کا بریک ڈاؤن بھی ہوا ہے جس سے پپری اور گھارو پمپنگ اسٹیشن پر بھی بجلی کی سپلائی معطل ہوگئی ہے جس کے باعث دونوں اسٹیشنوں سے شہر کو پانی کی سپلائی بند ہوگئی ہے۔

    الینڈ روڈ، نرسری، گذری، اور لالہ زار گرڈ اسٹیشن میں فنی خرابی کے باعث بیشتر علاقے اندھیرے میہں ڈوبے رہے۔

    کراچی کے دیگر علاقوں میں کلفٹن، نرسری، کورنگی، ڈیفنس، قیوم آباد، جیکبب لائن سلطان آباد ایف بی ایریا، ڈی ایچ اے فیز فائیو طارق روڈ ، اورنگی ٹاؤن، سمیت کئی علاقے بجلی سے محروم ہوگئے، علاوہ ازیں‌ ریڈ زون کا علاقہ بھی اندھیرے میں ڈوبا ہوا ہے۔

    کے الیٹرک نے عوامی مفاد میں پیغام دیتےہوئے کہا ہےکہ شہری بجلی کے کھمبوں سے دور رہیں، تار کے نیچے کھڑے نہ ہوں، گیلے ہاتھ الیکٹرک کی کسی بھی شے کو ہاتھ نہ لگائیں۔

  • کراچی میں بارش،موسم خوشگوار، بیشترعلاقوں میں بجلی غائب

    کراچی میں بارش،موسم خوشگوار، بیشترعلاقوں میں بجلی غائب

    کراچی : شہر قائد کے مختلف علاقوں میں رات گئے اچانک ہونے والی بارش نے سردی کی شدت بڑھا دی، جس سے موسم خوشگوار ہوگیا۔

    تفصیلات کے مطابق کراچی میں بارش سے موسم خوشگوار ہوگیا اور شہریوں کے چہرے کھل اٹھے، تاہم بارش کے باعث شہر کے مختلف خصوصاً نشیبی علاقوں میں پانی جمع ہوگیا۔

    بارش کے شروع ہوتے ہی ہمیشہ کی طرح شہر کے بیشتر علاقے بجلی سے محروم ہوگئے،دیگر علاقوں میں شہریوں کو شدید مشکلات کا سامنا بھی کرنا پڑا۔

    کراچی کے علاقے ملیر ،ابوالحسن اصفہانی روڈ ،سپر ہائی وے ،ناظم آباد ،نارتھ ناظم آباد ،گلشن اقبال ،ایئرپورٹ ،صفورا اور ایف بی ایریا سمیت مختلف علاقوں میں تیز بارش کافی دیر جاری رہی۔

    تاہم محکمہ موسمیات کا کہناہے کہ کراچی کے مختلف علاقوں میں کل صبح تک ہلکی بوندی باری جاری رہنے کا امکان ہے۔

  • کراچی میں بریک ڈاؤن، شہر کے کئی علاقےتاحال بجلی سے محروم

    کراچی میں بریک ڈاؤن، شہر کے کئی علاقےتاحال بجلی سے محروم

    کراچی : شہر قائد میں کل رات ہونے والے بجلی کے بڑےبریک ڈاؤن کے بعد شہر کے کئی علاقےتاحال بجلی سے محروم ہیں ۔ گزشتہ رات نوبجے معطل ہونے والی بجلی تاحال پوری طرح بحال نہ ہوسکی۔

    ترجمان کےالیکٹرک دوسوبیس کے وی اےلائن بحال کرنےکا کہہ کربجلی کی طرح غائب رہے ۔ بجلی نہ ہونے کے سبب شہری رات بھر جاگتے رہے۔

    سحری اندھیرے میں کی۔۔کئی علاقوں میں افطار بھی اندھیرے میں ہو ا۔ بجلی کی ابتر صورتحال پروزیراعظم نے نوٹس تو لیا لیکن صرف عیدالفطرپرملک بھرمیں لوڈشیڈنگ نہ کرنے کی ہدایت کی۔

    واضح رہے کہ گزشتہ روز رسات ساڑھے آٹھ بجے کراچی شہر کی بجلی اچانک غائب ہوگئی، اور رات بھر شہر اندھیرے میں ڈوبا رہا۔

    شہریوں نے سحری اندھیرے میں کی، مساجد میں پانی ختم ہوگیا جبکہ پمپنگ اسٹیشنز بند ہونے کے باعث پانی کا بحران بھی شدت اختیارکرگیا ۔

     ناظم آباد، لائنز ایریا، صدر، طارق روڈ، سبزی منڈی، اولڈ سٹی ایریا، کلفٹن، لالہ زار کالونی، ملیر، گلشن اقبال، گلستان جوہر، لیاری، کھارادر، گارڈن اور فیڈرل بی ایریا سمیت کئی علاقوں کی بجلی غائب ہونے سے شہریوں کوافطار اور نماز تراویح میں شدید پریشانی کا سامنا کرنا پڑا۔

  • بجلی بحران پر قابو پانے کیلئے آصف زرداری کا وزیراعظم کو خط

    بجلی بحران پر قابو پانے کیلئے آصف زرداری کا وزیراعظم کو خط

    کراچی : سابق صدر آصف علی زرداری نے وزیراعظم نواز شریف سے بجلی بحران پر قابو پانے کے لئے اقدامات کرنے کا مطالبہ کردیا۔

    تفصیلات کے مطابق صوبہ سندھ میں جاری بجلی کے بدترین بحران اور طویل لوڈ شیڈنگ پر  سابق صدر اور پیپلزپارٹی کے شریک چیئرمین آصف علی زرداری نے وزیراعظم نواز شریف کو لکھے گئے خط میں سندھ میں بجلی کے بحران پر قابو پانے کیلئے ہنگامی اقدامات کا مطالبہ کیا ہے۔

    انہوں نے کہا کہ وزارت پانی و بجلی سندھ کے مسائل حل کرنے کیلئے کام نہیں کررہی۔

    سابق صدر زرداری کا خط میں کہنا ہے کہ سندھ گرم ترین موسم میں بجلی کے بدترین بحران کا شکار ہے اور اس سخت گرمی میں سندھ کے لوگوں کو بیس گھنٹے کی لوڈشیڈنگ کا سامناکرنا پڑرہا ہے۔

  • سپریم کورٹ عمران خان کی تالا بندی کرائے، عابد شیرعلی

    سپریم کورٹ عمران خان کی تالا بندی کرائے، عابد شیرعلی

    لاہور: وزیر مملکت پانی وبجلی عابد شیر علی کا تحریک انصاف کے سربراہ عمران خان پر تنقید کرتے ہوئے کہنا تھا کہ دھرنوں میں جو گرمی تھی اس نے عمران خان کے دماغ کا فیوز اڑا دیا ہے۔

    انہوں نے کہا کہ کپتان کی پارٹی بال ٹیمپرنگ کررہی ہے، عابد شیرعلی نے وولٹیج سے بھر پور باونسر مارتے ہوئے کپتان کو علاج کرانے کا مشورہ بھی دے ڈالا ۔

     عابد شیر نے کپتان کو بتایا صوبے میں فلائی اوور کس طرح بنائے جاتے ہیں اس کی شہباز شریف سے ٹریننگ لیں، وزیر مملکت نے سپریم کورٹ کے چیف جسٹس نے استدعا کی کہ وہ عمران خان کی تالا بندی کرائیں۔

    عابد شیر علی کو گرمی سے بچانے کے لیے پولیس اہلکار ان کے سر پر چھتری تانے کھڑا رہا۔

  • نادہندہ صوبے کو بجلی نہیں ملے گی، خواجہ آصف

    اسلام آباد : وفاقی حکومت نے خبردارکیا ہے کہ جوصوبہ واجبات کی ادائیگی نہیں کرے گا اسے بجلی نہیں ملے گی۔ سندھ سب سے بڑا نادہندہ ہے۔

    بلوچستان پربھی بھاری بل واجب الادا ہوگیا۔ گرمی کی شدت کےساتھ ہی لوڈشیدنگ کاجن منہ کھول کرکھڑا ہوگیا۔ وفاقی حکومت نےصوبوں کوخبردارکردیا۔

    ادائیگی نہیں کی توبجلی  بھی نہیں ملے گی،  وزیرپانی و بجلی خواجہ آصف نے قومی اسمبلی میں کہا کہ بجلی کے سب سےزیادہ بقایات جات سندھ پرنکلتےہیں۔

    سندھ حکومت اورتقسیم کارادارے ساڑھےچھیاسٹھ ارب سےزیادہ کےنادہندہ ہیں۔ صوبائی حکومت نے 9 ارب روپے ادائیگی پر رضا مندی ظاہر کی ،لیکن ابھی تک پیسےنہیں دیے۔ بلوچستان کوسوارب روپےادا کرنا ہیں۔

    جوصوبہ ادائیگیاں نہیں کرے گا اسے بجلی بھی نہیں ملے گی قومی اسمبلی میں ترقیاتی فنڈزپربھی لے دے ہوتی رہی ۔۔۔ حکومتی اراکین کو پانچ کروڑاورہمیں دوکروڑکیوں مل رہےہیں ۔

    اپوزیشن ارکان بھڑک اٹھے۔ اپوزیشن لیڈرنےدہرےمعیار پرسخت نکتہ چینی کی انہوں نے الزام لگایا کہ خواتین ارکان کوترقیاتی فنڈزدیےہی نہیں جارہے،اپوزیشن نےاس معاملےپرواک آؤٹ کردیا۔

  • بجلی سستی کرکےعوام کو ریلیف دیناچاہتے ہیں،خواجہ آصف

    بجلی سستی کرکےعوام کو ریلیف دیناچاہتے ہیں،خواجہ آصف

    اسلام آباد : وزیرپانی و بجلی خواجہ آصف کا کہنا ہےکہ بجلی کی قیمتوں میں صارفین کوزیادہ سےزیادہ ریلیف فراہم کررہے ہیں۔

    وزیر برائے پانی و بجلی خواجہ آصف نے میڈیا سے بات کرتے ہوئے کہا نیپرا کی جانب سے بجلی کی قیمت میں تیس فیصد کمی کی منظوری دی گئی جو کہ بڑی بات ہے۔

    خواجہ آصف کا کہنا تھا کہ بارشوں کی وجہ سےپانی کی زرعی ضرورتوں میں کمی آئی اورہائیڈل پیداوار میں کمی کا سامنا رہا۔

    خواجہ آصف نے بتایا کہ گزشتہ سال کے مقابلے میں بجلی کی پیداوار میں ڈیڑھ ہزار میگاواٹ اضافہ ہوا ہے۔

    انھوں نے مزید کہا کہ تمام صوبوں میں بجلی کے منصوبے شروع کئے جارہے ہیں، جبکہ پاور پلانٹس کو بلاتعطل فرنس آئل فراہم کیا جارہا ہے۔

  • بجلی کی قیمت میں 1.04روپے فی یونٹ کمی کی درخواست

    بجلی کی قیمت میں 1.04روپے فی یونٹ کمی کی درخواست

    کراچی : کےالیکٹریک نے بجلی کی قیمت میں ایک روپےچار پیسےفی یو نٹ کمی کی درخواست کردی۔

    نپیرا زرائع کے مطابق کے الیکٹرک نے بجلی کی نرخوں میں کمی کی درخواست دسمبرکی فیول ایڈجسٹمنٹ کی مد میں کی گئی ہے۔

     کے الیکٹرک کے مطابق ایندھن کی قیمت میں کمی کے یہ درخواست کی گئے ہے۔ اس کمی سے کراچی کے صارفین کو ایک ارب نوکروڑ روپے سے زائد کا ریلیف ملے گا۔

    دسمبر میں کے الیکٹریک نے ایک ارب چھ کروڑسولہ لاکھ یونٹس فروخت کئے۔کے الیکٹرک کی درخواست پر سماعت چھ مارچ کو کراچی میں ہوگی۔

  • حکومت سابق حکمرانوں کی لوٹ مار کاقرض چکا رہی ہے،خرم دستگیر

    حکومت سابق حکمرانوں کی لوٹ مار کاقرض چکا رہی ہے،خرم دستگیر

    اسلام آباد : وفاقی وزیرتجارت انجینئر خرم دستگیر خان نے کہا ہے کہ ملک کی مستقبل کی ضروریات کو مدنظر رکھتے ہوئے پچیس ہزار میگا واٹ بجلی سسٹم میں لانے پر کام ہو رہا ہے۔

    اسلام آباد میں ایک تقریب سے خطاب کرتے ہوئے وفاقی وزیرتجارت نے کہا کہ ملک میں 40برس بعد پہلا ڈیم داسو بنا یا جارہا ہے۔

    نیلم جہلم اورکراچی میں کوئلے سے بجلی بنانے کے منصوبوں کی تکمیل کے بعد ملک میں بجلی کا بحران بہت کم ہو جائے گا، جبکہ رواں سال مارچ میں ایل این جی کی درآمد سے ملک میں گیس کی قلت پربھی قابو پالیا جائے گا۔

    ان کا موقف تھا کہ مسلم لیگ ن کی حکومت سابق حکمرانوں کی نااہلی ،لوٹ مار اوربدنیتی کاقرض چکا رہی ہے ،وفاقی وزیر نے کہا کہ خواہشات کی تکمیل کے لئے ہمت اور سچی نیت پہلی شرط ہے۔

    ملک کی تقدیر الزام تراشی ،شکایت اور گلہ کرنے سے نہیں بلکہ مستقل محنت سے بدلے گی ،عوام نواز شریف کی قیادت میں بہت جلد ایک روشن پاکستان اپنی آنکھوں کے سامنے دیکھیں گے۔