کراچی: پاکستان تحریک انصاف کراچی کے صدر بلال غفار کو عہدے سے ہٹا دیا گیا۔
ذرائع کے مطابق پی ٹی آئی چیئرمین عمران خان نے تحریک انصاف کراچی کے صدر بلال غفار کو عہدے سے ہٹا کر آفتاب صدیقی کو پارٹی کا نیا صدر نامزد کر دیا ہے۔
پارٹی ذرائع کا کہنا ہے کہ دوسرے مرحلے میں سندھ کے صدر کو بھی تبدیل کر دیا جائے گا۔
پی ٹی آئی کراچی کی تنظیم میں رد و بدل کی منظوری عمران خان نے دی ہے، پارٹی چیئرمین نے کراچی سے جیتنے والے 9 ایم این ایز کو ضمنی انتخاب میں دوبارہ ٹکٹ دینے کی بھی منظوری دے دی۔
پی ٹی آئی کراچی کی صدارت بلال غفار سے لیے جانے کا امکان
ذرائع کے مطابق یہ فیصلے پی ٹی آئی سندھ کے رہنماؤں کی عمران خان سے ملاقات میں کیے گئے ہیں۔
واضح رہے کہ اے آر وائی نیوز نے گزشتہ روز خبر دی تھی کہ زمان پارک میں پی ٹی آئی کراچی کی قیادت اور سابق ایم این ایز کے بلائے گئے اجلاس میں بلال غفار کو عہدے سے ہٹائے جانے کا فیصلہ کیا جا سکتا ہے۔
