ARYNews.tv | Urdu – Har Lamha Bakhabar

Tag: bilawal

  • بلاول نے ایم کیو ایم کو صدارتی ووٹ دینے کے لیے کیسے راضی کیا؟ ملاقات کا اندرونی احوال

    بلاول نے ایم کیو ایم کو صدارتی ووٹ دینے کے لیے کیسے راضی کیا؟ ملاقات کا اندرونی احوال

    کراچی: پیپلز پارٹی کے چیئرمین بلاول بھٹو زرداری اور ایم کیو ایم پاکستان کے وفد کے درمیان ہونے والی ملاقات کا احوال سامنے آگیا۔

    ذرائع کے مطابق پاکستان پیپلز پارٹی (پی پی پی) کے چیئرمین بلاول بھٹو زرداری نے متحدہ قومی موومنٹ پاکستان کے ساتھ ملاقات میں سندھ میں اختیارات کو مزید نچلی سطح پر لے جانے کی یقین دہائی کرائی ہے۔

    ذرائع کے مطابق ایم کیو ایم نے بلاول بھٹو کو اختیارات کو مزید نچلی سطح پر منتقلی کیلئے قائل کرلیا، سندھ کی حکمراں جماعت کے سربراہ بلاول نے کہا کہ پارٹی میں اختیارات کی مزید نچلی سطح پر منتقلی کا معاملہ سامنے رکھوں گا۔

    ایم کیوایم کا آصف زرداری کو ووٹ دینے کا اعلان

    ذرائع نے بتایا کہ ملاقات میں ڈاکٹر خالد مقبول صدیقی اور ڈاکٹر فاروق ستار نے صوبے میں بلدیاتی نمائندوں کو مزید اختیارات دینے کی بات کی ہے، فاروق ستار نے بلاول سے کہا کہ بینظیر بھٹو کا خواب تھا کہ نچلی سطح تک اختیارات منتقل کریں۔

    ذرائع نے بتایا کہ بلاول بھٹو نے ایم کیوایم رہنماؤں سے کے فور سمیت بڑے منصوبوں سے متعلق کاوشوں کا ذکر کیا ہے۔

    واضح رہے کہ گزشتہ رات چیئرمین پیپلزپارٹی بلاول بھٹو ایم کیو ایم کے کنویئر خالدمقبول صدیقی سے ملاقات کے لیے اسلام آباد میں ان کی رہائش گاہ پہنچے اور ایم کیوایم سے آصف زرداری کیلئے ووٹ کی درخواست کی۔

    ملاقات کے بعد میڈیا سے گفتگو میں خالد مقبول صدیقی نے صدر مملکت کے لیے آصف زرداری کی حمایت کرتے ہوئے انہیں ووٹ دینے کا اعلان کیا، انہوں نے کہا کہ پاکستان کی تعمیر و ترقی ہمارا اولین ہدف ہے جس کیلئے مل کر کام کریں گے۔

  • انتخابات 90 روز میں ممکن نہیں، فاروق ایچ نائیک کی بات پر بلاول کا اظہار ناراضی

    انتخابات 90 روز میں ممکن نہیں، فاروق ایچ نائیک کی بات پر بلاول کا اظہار ناراضی

    اسلام آباد: انتخابات 90 روز میں ممکن نہیں ہیں، فاروق ایچ نائیک کی اس بات پر بلاول بھٹو زرداری نے انھیں شریف الدین پیرزاد کا طعنہ دے دیا۔

    تفصیلات کے مطابق پاکستان پیپلز پارٹی کی سینٹرل ایگزیکٹو کمیٹی کے اجلاس کا احوال سامنے آ گیا ہے، ذرائع کا کہنا ہے کہ فاروق ایچ نائیک نے اجلاس میں کہا کہ موجودہ حالات میں انتخابات 90 روز میں ممکن نہیں ہیں، انھوں نے اس سلسلے میں قانونی پیچیدگیوں سے آگاہ کیا۔

    ذرائع کے مطابق فاروق ایچ نائیک کی بریفنگ پر بلاول بھٹو زرداری نے ناراضی کا اظہار کیا، اور کہا کہ آپ شریف الدین پیرزادہ کا کردار ادا نہ کریں۔ پی پی چیئرمین نے کہا ’’ہم ق لیگ نہیں ہیں جو ہر بات مان لیں، پیپلز پارٹی کا اپنا نظریہ ہے اسی پر چلیں گے۔‘‘

  • شاہنواز بھٹو نے آئین اور جمہوریت کیلئے جدوجہد کی، آصف زرداری

    شاہنواز بھٹو نے آئین اور جمہوریت کیلئے جدوجہد کی، آصف زرداری

    کراچی : سابق صدر آصف علی زرداری نے شہید شاہنواز خان بھٹو کو خراج عقیدت پیش کرتے ہوئے کہا ہے کہ دنیا کی سیاسی تاریخ میں بھٹو خاندان کی قربانیوں جیسی کوئی مثال نہیں ملتی۔

    شہید شاہنواز بھٹو کے یوم شہادت کی مناسبت سے اپنے پیغام میں آصف زرداری نے ان کی سیاسی خدمات کو سراہتے ہوئے کہا کہ انہوں نے ملک میں آئین اور جمہوریت کیلئے جدوجہد کی۔

    انہوں نے کہا کہ شاہنواز خان بھٹو جمہوریت پسند رہنما تھے، شاہنوازخان بھٹو کا قتل بھٹو خاندان اور عقیدت مندوں کیلئے بہت بڑا صدمہ تھا، وہ زندگی بھر آئین اور جمہوریت کی بحالی کیلئے جدوجہد کرتے رہے۔

    آصف زرداری نے کہا کہ گڑھی خدا بخش کا قبرستان جمہوریت کیلئے جانیں قربان کرنے والوں سے آباد ہوا، جمہوریت کا تابناک سورج شہیدوں کے خون کی لالی لے کر طلوع ہوتا ہے۔

    انہوں نے کہا کہ 18ویں ترمیم جمہوریت کیلئے جانیں قربان کرنے والوں کی جدوجہد کی تکمیل ہے،
    ہماری جدوجہد ابھی جاری ہے، بینظیر بھٹو کا پاکستان بنائیں گے، جمہوری، خوشحال، خودمختار ،باوقار پاکستان جمہوریت پسندوں کی منزل ہے۔

     بلاول بھٹو کا خراج عقیدت 

    دریں اثناء پی پی پی چیئرمین بلاول بھٹو زرداری نے بھی شہید شاہنواز بھٹو کے یومِ شہادت پر پیغام میں شہید شاہنواز بھٹو کو ان کے یومِ شہادت پر خراج عقیدت پیش کیا ہے۔

    انہوں نے کہا کہ قائدِ عوام کی شہادت کے بعد وہ عوام کے حقوق کی جدوجہد میں شامل ہوگئے اور جواں مردی سے مشکل حالات کا مقابلہ کیا، ملک و قوم کی خدمت اور سربلندی کے لیے جدوجہد کرنا شہید شاہنواز بھٹو کی تربیت میں شامل تھا۔

    بلاول بھٹو نے مزید کہا کہ جمہوریت کی بحالی کے لیے شہید شاہنواز بھٹو کی جدوجہد اور قربانی کے تذکرے کے بغیر پاکستان کی سیاسی تاریخ نامکمل رہے گی۔

  • دوسری پارٹیوں سے سیٹ ایڈ جسٹمنٹ کریں گے، خورشید شاہ

    دوسری پارٹیوں سے سیٹ ایڈ جسٹمنٹ کریں گے، خورشید شاہ

    سکھر: پیپلزپارٹی کے رہنما سید خورشید شاہ نے کہا ہے کہ پیپلز پارٹی اپنے نشان تیر سے الیکشن میں حصہ لے گی، کوشش ہوگی کہ دوسری پارٹیوں سے سیٹ ایڈ جسٹمنٹ کریں۔

    سکھر میں میڈیا سے گفتگو کرتے ہوئے انہوں نے کہا کہ ہر پارٹی کی کوشش ہوتی ہے اپنی پارٹی کے سربراہ کو لیڈرآف ہاؤس بناسکے لہٰذا ہماری بھی کوشش ہے کہ بلاول بھٹو وزیر اعظم بنیں۔

    خورشید شاہ کا کہنا تھا کہ پیپلزپارٹی نے 2008 میں جو اپنا منشور دیا اور اس پر مکمل عمل درآمد بھی کیا تھا، ذوالفقار علی بھٹو اور شہید بینظیر بھٹو کے بعد یہ پہلا موقع ہے کہ کسی پارٹی نے اپنا منشور پورا کیا ہو۔

    پی پی رہنما نے کہا کہ اس بار بھی الیکشن سے پہلے ہم اپنا منشور دے دیں گے، پیپلز پارٹی اپنے نشان تیر سے الیکشن میں حصہ لے گی، کوشش کریں گے دوسری پارٹیوں سے سیٹ ایڈ جسٹمنٹ کریں۔

    جب تک سیاستدان ایک جگہ اور ایک آواز نہیں ہونگے صورتحال کنٹرول نہیں ہوگی، ملکی معیشت خطرناک اژدھا بن چکی ہے، اس معیشت کو درست کرنا ہے یہ بڑا چیلنج ہے۔

    سیاستدانوں کو ایک دوسرے کو اعتماد میں لینا ہوگا، اعتماد ہوگا تو ہم اس خراب معیشت کو درست کرسکیں گے۔

  • بلاول بھٹو کا امریکا کا ایک اور دورہ، آج روانہ ہوں گے

    بلاول بھٹو کا امریکا کا ایک اور دورہ، آج روانہ ہوں گے

    اسلام آباد: وزیر خارجہ بلاول بھٹو آج امریکا کے دورے کے لیے روانہ ہوں گے، وزیر خارجہ ایک ہفتے تک امریکا میں قیام اور اہم ملاقاتیں کریں گے۔

    تفصیلات کے مطابق وزارت خارجہ کا کہنا ہے کہ وزیر خارجہ بلاول بھٹو آج امریکا کے دورے پر نیویارک روانہ ہوں گے، بلاول بھٹو اقوام متحدہ کے تحت خواتین کے حوالے سے کانفرنس میں شریک ہوں گے۔

    ذرائع وزارت خارجہ کا کہنا ہے کہ اقوام متحدہ میں کانفرنس خواتین کے عالمی دن کے موقع پر 8 مارچ کو ہوگی۔

    ذرائع کے مطابق وزیر خارجہ بلاول بھٹو ایک ہفتے تک امریکا میں قیام اور اہم ملاقاتیں کریں گے۔

  • وزیر خارجہ بلاول بھٹو کو وزیر دفاع کے بیان کا دفاع کرنا پڑگیا

    وزیر خارجہ بلاول بھٹو کو وزیر دفاع کے بیان کا دفاع کرنا پڑگیا

    میونخ : وزیرخارجہ بلاول بھٹو نے وزیردفاع کے بیان پر کہا کہ خواجہ آصف نے بیان سیاسی تناظر میں دیا ، حقیقت میں ایسا نہیں ہے۔

    تفصیلات کے مطابق وزیرخارجہ بلاول بھٹو کو وزیر دفاع خواجہ آصف کے بیان کا دفاع کرنا پڑگیا۔

    وزیر خارجہ بلاول بھٹو زرداری نے غیر ملکی میڈیا کو انٹرویو دیتے ہوئے کہا کہ پاکستان معاشی بدحالی کے بد ترین دور سے گزر رہا ہے، امید ہے کہ پاکستان جلد معاشی اور دیگر بحرانوں سے نکل آئے گا۔

    وزیردفاع کے بیان سے متعلق ایک سوال پر بلاول بھٹو نے کہا کہ میرے خیال میں میرے وزیر دفاع ایک سیاسی بیٹھک میں سیاسی تناظر میں بات کر رہے تھے وہ ان مشکل معاشی طوفان کا ذکر کر رہے تھے، جن سے ہم ابھی گزر رہے ہیں وہ تکنیکی حوالے سے بات نہیں کر رہے تھے۔

    وزیر خارجہ کا کہنا تھا کہ انھوں نے بیان سیاسی تناظر میں دیا، حقیقت میں ایسا نہیں ہے ، یہ انتہائی مشکل دور ہے ایسے میں آئی ایم ایف سے ہمارے مذاکرات جاری ہیں۔

    انھوں نے مزید کہا کہ پاکستان ایک بار پھر ابھرتی معیشت بن کر اپنےچیلنجوں سے نمٹنے کی صلاحیت رکھتا ہے۔

    افغانستان کے حوالے سے بلاول بھٹو کا کہنا تھا کہ افغانستان سے امریکی انخلا کے بعد دہشت گردی کی لہرمیں اضافہ ہوا ، گزشتہ حکومت نے دہشت گردوں سےغیر مشروط مذاکرات کیے، افغانستان میں دہشتگردی سے نمٹنے تک شدید خطرےمیں رہیں گے۔

  • بلاول بلدیاتی الیکشن کے خواہاں، زرداری کشمکش کے شکار

    کراچی: ذرائع نے انکشاف کیا ہے کہ سندھ میں بلدیاتی انتخابات کے حوالے سے آصف علی زرداری ایم کیو ایم اتحاد کے باعث کشمکش کے شکار ہو گئے ہیں، جب کہ ان کے صاحب زادے بلاول بلدیاتی الیکشن کے خواہاں ہیں۔

    تفصیلات کے مطابق سندھ میں دوسرے مرحلے کے بلدیاتی الیکشن کے سلسلے میں آج کا دن اہمیت اختیار کر گیا ہے، ایم کیو ایم دھڑوں کی جانب سے کراچی میں حلقہ بندیوں پر الیکشن کمیشن کے خلاف احتجاج کے ساتھ پیپلز پارٹی نے قانونی سطح پر مشاورت شروع کر دی ہے۔

    ذرائع کے مطابق اس بات پر غور کیا جا رہا ہے کہ الیکشن کے انعقاد کے حکم پر عدلیہ میں کیا جواب دیا جائے؟ اور اس کے ساتھ ساتھ ایم کیو ایم کو بھی کیسے راضی رکھا جائے؟

    اس سلسلے میں مشترکہ دوستوں نے رابطے تیز کر دیے ہیں، اور بیچ کا راستہ نکالنے کے مشورے دیے جا رہے ہیں، سندھ حکومت کو بھی پارٹی قیادت کے حتمی جواب کا انتظار ہے۔

    ذرائع پیپلز پارٹی کا کہنا ہے کہ عدالت میں جواب پارٹی قیادت کی ہدایت پر جمع کرایا جائے گا۔

    ذرائع نے بتایا کہ بلاول بھٹو زرداری بلدیاتی الیکشن چاہتے ہیں، جب کہ سابق صدر آصف زرداری ایم کیو ایم اتحاد کے باعث کشمکش کا شکار ہیں۔

    وزیر اعلیٰ سندھ مراد علی شاہ اور صوبائی کابینہ کے اہم وزرا اس سلسلے میں مشاورت کر رہے ہیں کہ الیکشن میں جانا ہے یا کوئی اور راستہ اپنانا ہے، اس سلسلے میں آج ہی کوئی فیصلہ طے کر دیا جائے گا۔

  • وزیر خارجہ کی کمبوڈیا کے وزیر اعظم سے ملاقات

    وزیر خارجہ کی کمبوڈیا کے وزیر اعظم سے ملاقات

    وزیر خارجہ بلاول بھٹو زرداری کی کمبوڈیا کے وزیر اعظم سے ملاقات ہوئی، دونوں رہنماؤں نے تعلقات مزید مضبوط بنانے کے عزم کا اعادہ کیا۔

    تفصیلات کے مطابق ایسوسی ایشن آف ساؤتھ ایسٹ ایشین نیشنز (آسیان) کے اجلاس کے دوران وزیر خارجہ بلاول زرداری کی کمبوڈیا کے وزیر اعظم ہن سین سے ملاقات ہوئی۔

    بلاول نے 29 ویں اے آر ایف وزارتی اجلاس میں وزیر اعظم ہن سین سے ملاقات کی۔

    وزیر خارجہ نے کمبوڈین وزیر اعظم کو آسیان اور اے آر ایف کی کمبوڈیا کی قیادت پر مبارکباد دی، انہوں نے آسیان کے ساتھ اپنے تعلقات کو مزید مضبوط بنانے کی خواہش کا اظہار بھی کیا۔

    بلاول زرداری نے دونوں ملکوں کے تعلقات کو سراہا اور باہمی تعاون مزید مضبوط بنانے کے عزم کا اعادہ کیا۔

    کمبوڈین وزیر اعظم نے بھی تکنیکی معاونت کے پروگرام سے پاکستان کی مسلسل حمایت کا اعادہ کیا اور مثبت جذبات اور مضبوط دو طرفہ تعلقات کی خواہش کا اظہار کیا۔

  • فیٹف میں پاکستان کے لیے مثبت اعلان، وزیر خارجہ کا خیر مقدم

    فیٹف میں پاکستان کے لیے مثبت اعلان، وزیر خارجہ کا خیر مقدم

    اسلام آباد: وزیر خارجہ بلاول زرداری کا کہنا ہے کہ پاکستان نے 21-2019 کا فیٹف ایکشن پلان بخوبی مکمل کیا، فیٹف ٹاسک فورس کو پاکستان آمد پر خوش آمدید کہتے ہیں۔

    تفصیلات کے مطابق وزیر خارجہ بلاول زرداری نے فنانشنل ایکشن ٹاسک فورس (فیٹف) میں پاکستان کے لیے مثبت اعلان کا خیر مقدم کرتے ہوئے کہا کہ فیٹف میں پاکستان کے اقدامات کو تسلیم کرنا خوش آئند ہے۔

    بلاول بھٹو کا کہنا تھا کہ پاکستان نے 21-2019 کا فیٹف ایکشن پلان بخوبی مکمل کیا، فیٹف ٹاسک فورس کو پاکستان آمد پر خوش آمدید کہتے ہیں۔

    انہوں نے کہا کہ فیٹف اقدام سے سرمایہ کاروں کا اعتماد مزید بڑھے گا، امید ہے ٹاسک فورس کی آمد کے بعد پاکستان گرے لسٹ سے نکل جائے گا۔

    وزیر خارجہ کا مزید کہنا تھا کہ فیٹف کے اہداف پورے کرنے پر تمام ٹیم تعریف کی مستحق ہیں۔

  • پیپلز پارٹی کا فیض آباد چوک بلاک کرنے کا اعلان

    پیپلز پارٹی کا فیض آباد چوک بلاک کرنے کا اعلان

    اسلام آباد: پیپلز پارٹی نے فیض آباد چوک بلاک کرنے کا اعلان کر دیا ہے، پولیس کی جانب سے رکاوٹوں‌ پر بلاول بھٹو کے قافلے نے ریور گارڈن پر اچانک دھرنا دے دیا تھا، تاہم کچھ دیر کے بعد قافلہ ڈی چوک کی طرف روانہ ہو گیا۔

    پی پی رہنما فیصل کریم کنڈی نے بتایا کہ ہمارے کارکنوں کو جگہ جگہ رکاوٹیں لگا کر روکا گیا ہے، جب تک پورا قافلہ آگے نہیں جائے گا فیض آباد بلاک رہے گا۔

    انھوں نے کہا ہم ہر چوک پر دھرنا دینے جا رہے ہیں، سب ساتھ چلیں، قافلے کو روکنا حکومت کی ناکامی ہے، ڈی چوک کے کارکنوں کو کہتے ہیں ہم پہنچیں گے آپ کہیں نہیں جانا، اسلام آباد پولیس کی سازش ہے کہ دھرنے کو ناکام بنایا جائے۔

    فیصل کریم کنڈی نے کہا ہمارے کارکنان کو روکنے کی کوشش کی جا رہی ہے، ہم اس وقت تک یہاں رہیں گے جب تک پولیس کارکنان کو چھوڑ نہ دیں، انتظامیہ سے کہہ رہا ہوں اتنا کریں جتنا بعد میں برداشت کر سکیں۔

    فیصل کنڈی نے کہا اب عمران جانے والا ہے، انتظامیہ فیصلہ کرے کل جواب بھی دینا ہے، ریڈی میٹ کپڑے خرید لیں، عید سے پہلے عید ہونے والی ہے۔