اسلام آباد : چیئرمین پیپلز پارٹی بلاول بھٹو نے کہا ہمیں وہ سب کچھ کرنا ہوگا، جس سے کشمیریوں کوسپورٹ ملے، کوشش ہونی چاہیے ہم مل کرمودی کو بے نقاب کریں، مودی کوکشمیریوں کےحقوق چھیننےنہیں دیں گے۔
تفصیلات کے مطابق چیئرمین پیپلز پارٹی بلاول بھٹو زرداری نے پریس کانفرنس کرتے ہوئے کہا ہمیں وہ سب کچھ کرنا ہوگا، جس سے کشمیریوں کوسپورٹ ملے، ہم سب کوملک کردنیاکوایک واضح اورٹھوس پیغام دیناچاہیے۔
چیئرمین پیپلز پارٹی کا کہنا تھا کہ مقبوضہ کشمیرسےمتعلق پاکستان کاواضح مؤقف ہے، تمام صورتحال کے باوجود مظفرآباد گیا، کشمیریوں سے ملاقات کی، وزیراعظم عمران خان کو آزاد کشمیر کا دورہ کرنا چاہیے تھا۔
مقبوضہ کشمیرسےمتعلق پاکستان کاواضح مؤقف ہے
بلاول بھٹو نے کہا کشمیری حکومت پاکستان کی طرف دیکھ رہے ہیں ، وزیراعظم عمران خان صرف ٹوئٹ پرٹوئٹ کر رہےہیں، عمران خان کو ثابت کرنا ہوگا اور جواب دینا ہوگا وہ کشمیریوں کے لئے کیا کر رہے ہیں۔
ان کا کہنا تھا کہ کوشش ہونی چاہیے ہم مل کرمودی کو بے نقاب کریں، مودی کشمیر پر پابندیاں لگا رہا ہے، تاریکی پر کشمیریوں پر حملہ کیا، ہم 3 نسلوں سے لڑائی لڑ رہے ہیں، کشمیریوں کو ان کا حق ملنا چاہیے۔
ہم 3 نسلوں سے لڑائی لڑ رہے ہیں، کشمیریوں کو ان کا حق ملنا چاہیے
پی پی چیئرمین نے کہا عید کے بعد عوامی رابطہ مہم میں انسانی حقوق کی بات کروں گا، کشمیریوں کو حق خودارادیت ملنا چاہیے، کشمیریوں کا پیغام ہے ہمیں اپنے مستقبل کا فیصلہ خود کرنے دیں۔
بلاول بھٹو کا کہنا تھا کہ حکومت ذمہ دارانہ فیصلے کرے، حکومت کشمیر کے مسئلےکو سنجیدگی سے لے، کشمیر کیلئے نہیں لڑے تو قوم آپ کو معاف نہیں کرے گی، اس وقت ہمیں کشمیر سے قومی یکجہتی کا اظہار کرنا ہے۔
انھوں نے مزید کہا کہ مودی نے کشمیریوں کےحقوق چھینےہیں، مودی کوکشمیریوں کےحقوق چھیننےنہیں دیں گے ، ہم چاہتے ہیں کشمیری عوام اپنے مستقبل کا فیصلہ خود کریں۔
ہم چاہتے ہیں کشمیری عوام اپنے مستقبل کا فیصلہ خود کریں
چیئرمین پیپلز پارٹی کا کہنا تھا کہ کشمیری عوام کے لئے انسانی حقوق کی تنظیموں کے وفود ، حریت رہنماؤں اور یورپین فیکٹ فائنڈنگ کمیشن کے نمائندے سے ملاقات کی اور کشمیریوں کے مسائل سے آگاہ کیا، پاکستان کا مؤقف پیش کیا، ہمیں چاہیے اپنی فارن پالیسی کو دوبارہ دیکھیں۔
کراچی میں بارش کے حوالے سے بلاول بھٹو نے کہا کراچی سے متعلق باقاعدہ پروپیگنڈا مہم چلائی گئی ، تاریخی بارشیں ہوئی، کراچی کی سطح نیچے ہیں پانی جمع ہوا اور بارش کےبعدتیزی سے پانی کی نکاسی کی گئی۔
کراچی سے متعلق باقاعدہ پروپیگنڈا مہم چلائی گئی
ان کا کہنا تھا کہ سندھ حکومت بارش کےدوران عوام کےدرمیان تھی، سندھ حکومت کوسلام پیش کرتاہوں دن رات کام کیا، تاریخی بارشوں کےباوجودعوامی نمائندوں نے بھرپور مدد کی۔
