ARYNews.tv | Urdu – Har Lamha Bakhabar

Tag: bilawal bhutto

  • سکھ یاتریوں کے لیے کرتارپور راہداری کھولنا خوش آئند ہے، بلاول بھٹو

    سکھ یاتریوں کے لیے کرتارپور راہداری کھولنا خوش آئند ہے، بلاول بھٹو

    کراچی: پاکستان پیپلز پارٹی کے چیئرمین بلاول بھٹو زرداری نے کرتارپور بارڈر کھولنے پر ردِ عمل ظاہر کرتے ہوئے کہا ہے کہ سکھ یاتریوں کے لیے یہ راہداری کھولنا خوش آئند ہے۔

    تفصیلات کے مطابق پی پی چیئرمین نے کرتارپور بارڈر کھولے جانے کو خوش آئند قرار دیا، انھوں نے گوردوارہ دربار صاحب کی یاترا پر آنے والے سکھ یاتریوں کو خوش آمدید بھی کہا۔

    [bs-quote quote=”25 سال پہلے بے نظیر بھٹو نے بغیر ویزہ آنے کی اجازت کی تجویز دی تھی۔” style=”style-7″ align=”left” color=”#dd3333″ author_name=”بلاول بھٹو”][/bs-quote]

    بلاول بھٹو زرداری نے کہا کہ آج کا یہ فیصلہ شہید محترمہ بے نظیر بھٹو کے خواب کی تعبیر ہے، 25 سال پہلے بے نظیر بھٹو نے بغیر ویزہ آنے کی اجازت کی تجویز دی تھی۔

    چیئرمین پیپلز پارٹی نے کہا کہ بے نظیر بھٹو کی تجویز کے بعد سے سکھ یاتری بھارتی حکومت پر دباؤ ڈالتے رہے ہیں، پی پی نے ہمیشہ دونوں ممالک کی عوام میں براہ راست روابط کی حمایت کی ہے۔

    دریں اثنا بھارتی کابینہ نے بھی کرتارپور بارڈر کھولنے پر پاکستان کی تجویز کی توثیق کر دی ہے، وفاقی وزیرِ اطلاعات فواد چوہدری کا کہنا تھا کہ کرتارپور بارڈر کھلنا دونوں ممالک کی امن پسند لابی کی فتح ہے۔

    یہ بھی پڑھیں:  وزیراعظم عمران خان28نومبرکوکرتارپورسرحدکھولنےکاافتتاح کریں گے

    وزیرِ خارجہ شاہ محمود قریشی نے کہا ہے کہ وزیرِ اعظم عمران خان 28 نومبر کو کرتارپور سرحد کھولنے کا افتتاح کریں گے، اس پُر مسرّت موقع پر پاکستان میں مقیم سکھ برادری کو بھی کرتارپور بارڈر کھولنے کی تقریب میں مدعو کیا گیا ہے۔

    خیال رہے کہ سکھوں کے روحانی پیشوا بابا گرو نانک کے 549 ویں جنم دن کی 3 روزہ تقریبات میں شرکت کے لیے 3800 سکھ یاتریوں کو لے کر تین خصوصی ٹرینیں پاکستان آئی ہیں۔

  • فہمیدہ ریاض ترقی پسندی کی علمبردار، حقوق نسواں کی محافظ تھیں،بلاول بھٹو

    فہمیدہ ریاض ترقی پسندی کی علمبردار، حقوق نسواں کی محافظ تھیں،بلاول بھٹو

    گلگت : چیئرمین پیپلزپارٹی بلاول بھٹو نے کہا پیپلز پارٹی کی قیادت کا فہمیدہ ریاض سے محبت واحترام کارشتہ رہا، وہ ترقی پسندی کی علمبردار، حقوق نسواں کی محافظ تھیں، ان کی ادبی خدمات قوم کے لیے بیش بہاخزانہ ہے۔

    تفصیلات کے مطابق چیئرمین پیپلزپارٹی بلاول بھٹو نے فہمیدہ ریاض کے انتقال پر اظہارافسوس کرتے ہوئے کہا فہمیدہ ریاض ترقی پسندی کی علمبردار، حقوق نسواں کی محافظ تھیں، آمریت میں حق گوئی پرجلاوطنی کی صعوبتیں اورمقدمات کاسامنا کیا۔

    ،بلاول بھٹو کا کہنا تھا کہ فہمیدہ ریاض کی ادبی خدمات قوم کےلیےبیش بہاخزانہ ہے، پیپلز پارٹی کی قیادت کاان سےمحبت واحترام کارشتہ رہا، ان کی خدمات کےاعتراف میں ستارہ امتیازبھی دیاگیا۔

    یاد رہے گذشتہ روز پاکستان کی ممتاز شاعرہ اور فکشن نگار فہمیدہ ریاض لاہور میں جہانِ فانی سے کوچ کر گئیں تھیں، ان کی عمر 73 سال تھی اور کافی عرصے سے شدید علیل تھیں۔

    مزید پڑھیں : نامور شاعرہ اور ادیبہ فہمیدہ ریاض انتقال کر گئیں

    فہمیدہ ریاض28 جولائی 1945 کو میرٹھ میں پیدا ہوئیں، ان کا تعلق بھارتی ریاست اُتر پردیش کے ایک ادبی خاندان سے تھا، ان کے والد ریاض الدین احمد ایک ماہرِ تعلیم تھے، تقسیم کے بعد ان کا خاندان حیدر آباد سندھ میں قیام پذیر ہوا تھا۔

    فہمیدہ ریاض شاعری میں اپنی تانیثی (فیمنسٹ) آواز کے لیے معروف تھیں، وہ اپنے غیر روایتی خیالات کے باعث اردو ادبی منظر نامے میں تیزی سے مقبول ہو گئی تھیں۔

    وہ خواتین کے حقوق کے لیے بھرپور جدوجہد کے حوالے سے بھی مشہور تھیں، جمہوریت کی خاطر انھیں جنرل ضیا الحق کے دور میں ملک بھی چھوڑنا پڑا تھا، ضیا الحق کے انتقال کے بعد وہ بھارت سے واپس پاکستان آئیں۔

  • بلاول بھٹو 5 روزہ دورے پر گلگت بلتستان پہنچ گئے

    بلاول بھٹو 5 روزہ دورے پر گلگت بلتستان پہنچ گئے

    گلگت: چیئرمین پاکستان پیپلز پارٹی بلاول بھٹو پانچ روزہ دورے پر گلگت بلتستان پہنچ گئے، کل سہ پہر پولو گراؤنڈ گلگت میں جلسے سے خطاب کریں گے۔

    تفصیلات کے مطابق پی پی چیئرمین گلگت بلتستان کے پانچ روزہ دورے پر گلگت پہنچ گئے ہیں، جہاں وہ مختلف علاقوں کے تنظیمی عہدے داروں سے ملاقاتیں اور جلسے سے خطاب کریں گے۔

    [bs-quote quote=”پیپلز پارٹی نے گلگت بلتستان کو حقوق دیے جو ان سے چھین لیے گئے ہیں۔” style=”style-7″ align=”left” color=”#dd3333″ author_name=”ترجمان پیپلز پارٹی”][/bs-quote]

    پیپلز پارٹی کے رہنما بلاول بھٹو گلگت بلتستان میں جن علاقوں کے تنظیمی عہدے داروں سے ملاقاتیں کریں گے ان میں استور، گھانچی، اسکردو شامل ہیں۔

    بلاول ہاؤس کے ترجمان مصطفیٰ نواز نے کہا ہے کہ پیپلز پارٹی نے گلگت بلتستان کو حقوق دیے جو ان سے چھین لیے گئے ہیں، ہم آج بھی گلگت بلتستان کے عوام کے ساتھ کھڑے ہیں۔

    ترجمان مصطفیٰ نواز کھوکھر نے کہا کہ بلاول بھٹو گلگت بلتستان کو حقوق دلانے کی جدوجہد میں عوام کے ساتھ ہیں۔

    یہ بھی پڑھیں:  ظلم کا نشانہ بننے کے باوجود کبھی انتقام کی سیاست نہیں کی: بلاول بھٹو

    دریں اثنا گلگت میں بھی ایک شخص نے بلاول بھٹو کا بوسا لے لیا، بوسا لینے والے پر سیکورٹی اہل کار پل پڑے، مار مار کے اس کی درگت بنا ڈالی۔

    خیال رہے گزشتہ روز برداشت اور رواداری کے عالمی دن کے موقع پر بلاول بھٹو نے کہا تھا کہ ظم اور نا انصافیوں کا نشانہ بننے کے با وجود انھوں نے کبھی انتقام کی سیاست نہیں۔

    ان کا کہنا تھا کہ دنیا میں بھوک اور جہالت کے خلاف ایک دوسرے کے ساتھ تعاون اور اتحاد کی ضرورت ہے، اس کے لیے رواداری کو فروغ دینا ضروری ہے، لیکن اس کے برعکس عالمی و مقامی سطح پر تنازعات اور اختلافات سر اٹھا رہے ہیں۔

  • ظلم کا نشانہ بننے کے باوجود کبھی انتقام کی سیاست نہیں کی: بلاول بھٹو

    ظلم کا نشانہ بننے کے باوجود کبھی انتقام کی سیاست نہیں کی: بلاول بھٹو

    کراچی: پیپلزپارٹی کے چیئرمین بلاول بھٹو زرداری نے کہا ہے کہ ہم نے ظلم و ناانصافیوں کا نشانہ بننے کے باوجود انتقام کی سیاست نہیں کی۔

    ان خیالات کا اظہار انھوں نے برداشت ورواداری کےعالمی دن پراپنے پیغام میں کہا۔ ان کا کہنا تھا کہ آج دنیا میں رواداری کو فروغ دینے کی اشد ضرورت ہے۔

    [bs-quote quote=”آج اتحاد کے نظریے کو خطرناک چیلنجز درپیش ہیں، بھوک وجہالت کےخاتمےکے لئےتعاون واتحاد ناپید ہوتا جا رہا ہے” style=”style-7″ align=”left” author_name=”بلاول بھٹو”][/bs-quote]

    بلاول بھٹو کا کہنا تھا کہ دائیں بازوکی سیاست نے معاشرتی ساخت کی چولیں ہلا دیں ہیں، آج اتحاد کے نظریے کو خطرناک چیلنجز درپیش ہیں، بھوک وجہالت کےخاتمےکے لئےتعاون واتحاد ناپید ہوتا جا رہا ہے۔

    چیئرمین پیپلزپارٹی بلاول بھٹو نے کہا کہ عالمی ومقامی سطح پرتنازعات واختلافات سر اٹھا رہے ہیں، رواداری درحقیقت دنیامیں امن کے لئے جدوجہد ہے، پیپلز پارٹی رواداری و برداشت کی امین ہے۔

    بلاول بھٹو زرداری کا کہنا تھا کہ ظلم و ناانصافیوں کا نشانہ بننے کے باوجود انتقام کی سیاست نہیں کی، ہم نےہمیشہ رواداری کا پرچم بلند، مفاہمت کے دروازے کھلے رکھے اور آگے یہ سلسلہ بھی جاری رہے گا۔

    واضح رہے کہ برداشت کا بین الاقوامی دن دنیا بھر میں ہر سال 16 نومبر کو منایا جاتا ہے، اس کا آغاز  یونیسکو کی جانب سے 1995 میں ہوا تھا۔

  • کراچی میں گرین لائن بس منصوبہ جلد مکمل کیا جائے، بلاول بھٹو کی ہدایت

    کراچی میں گرین لائن بس منصوبہ جلد مکمل کیا جائے، بلاول بھٹو کی ہدایت

    کراچی : سندھ حکومت نے شہر قائد میں گرین لائن بس منصوبہ وفاق کے بجائے اپنے وسائل سے چلانے کا فیصلہ کیا ہے، بلاول  بھٹو زرداری نے منصوبے کو جلد مکمل کرنے کی ہدایت کردی۔

    تفصیلات کے مطابق کراچی میں چیئرمین پیپلز پارٹی بلاول بھٹو زرداری سے صوبائی وزیر ٹرانسپورٹ اویس قادر شاہ نے ملاقات کی،صوبائی وزیر نے پی پی چیئرمین کو سندھ بھر میں ٹرانسپورٹ نظام کو بہتر بنانے سے متعلق منصوبوں پر بریفنگ دی۔

    بریفنگ میں بتایا گیا کہ وفاق کی جانب سے کراچی میں شروع کیے گئے گرین لائن بس منصوبہ کو سندھ حکومت اپنے وسائل سے چلائے گی، وفاق کے تاخیری حربوں سے پروجیکٹ کی تکمیل تاخیر کا شکار ہوئی ہے۔

    اویس شاہ کا مزید کہنا تھا کہ یہ پراجیکٹ پیپلزپارٹی کی جانب سے کراچی کے عوام کیلئے بہترین تحفہ ہوگا، اب تک گرین لائن منصوبے پر80فیصد کام مکمل ہوچکا ہے، اس موقع پر بلاول بھٹو کی جانب سے صوبائی وزیر کو گرین بس پروجیکٹ جلد مکمل کرنے کی ہدایت کی گئی۔

    گرین لائن منصوبہ رواں مالی سال گرومندر تک مکمل ہوجائے گا‘

    واضح رہے کہ سرجانی ٹاؤن سے جامع کلاتھ تک جانے والا گرین لائن منصوبہ رواں مالی سال گرومندر تک مکمل ہوجائے گا، رواں سال ماہ فروری میں گرین لائن بس منصوبے کے نگراں صالح فاروقی کا کہنا تھا کہ تاخیر ہوئی لیکن اب اسے بہتر انداز میں مکمل کیا جارہا ہے۔

    ان کا کہنا تھا کہ یہ منصوبہ ابتدائی طور پر صرف گرومندر تک تھا‘ تبدیلیوں کی وجہ سے منصوبے کی تکمیل میں تاخیر ہوئی تاہم اب یہ بہتر انداز میں تکمیل کی جانب گامزن ہے۔

  • عمران خان قدم بڑھائیں، ہم آپ کے ساتھ ہیں: بلاول بھٹو

    عمران خان قدم بڑھائیں، ہم آپ کے ساتھ ہیں: بلاول بھٹو

    اسلام آباد: قومی اسمبلی میں آج بھی ایک دھواں دار سیشن کا انعقاد ہوا ، اجلاس میں پیپلز پارٹی کے چیئرمین بلاول بھٹو کا کہنا تھا کہ ہم چاہتے ہیں کہ عمران خان بطور وزیراعظم اپنا کردار ادا کریں۔

    تفصیلات کے مطابق ملک کی مجموعی صورتحال پر آج دوسرےروز بھی قومی اسمبلی کا اجلاس جاری ہے، اجلاس میں بلاول بھٹو کا کہنا تھا کہ ہم جمہوریت ، قانون اور انصاف کی حکمرانی کے ساتھ ہیں۔

    ان کا کہنا تھا کہ موجودہ صورتحال میں مشترکہ حکمتِ عملی کی ضرورت ہے ، چیلنجز کا مقابلہ مل کر ہی کیا جاسکتا ہے، عمران خان قدم بڑھائیں ، ہم آپ کے ساتھ ہیں۔

    پیپلز پارٹی کے چیئرمین کا یہ بھی کہنا تھا کہ پاکستان جل رہاہےاوروزیراعظم ایوان سےغائب ہیں۔پی ٹی آئی کی جانب سےدھرنےکے خلاف اقدامات پرتنقیدکاوقت نہیں اور نہ ہی یہ وقت سوالات اٹھانےیاان کےجوابات لینےکا ہے ، ہمیں ماضی کےدھرنوں پربحث کےبجائےحال کاسوچناہوگا۔ وزیر اعظم اور وزیرداخلہ کو چاہیے کہ موجودہ ملکی صورتحال پر پارلیمنٹ میں بریفنگ دیں۔

    انہوں نے کہا کہ ملک میں امن و امان کی صورتحال اس وقت ٹھیک نہیں، ملک میں امن وامان برقراررکھناہم سب کی ذمہ داری ہے۔ہماری مشترکہ ذمہ داری ہےعوام کومثبت پیغام جاناچاہیے۔

    یاد رہے کہ گزشتہ روز پیپلز پارٹی کے شریک چیئر مین آصف علی زرداری نے قومی اسمبلی کے اجلاس سے گفتگو کرتے ہوئے کہا تھا کہ ملکی مسائل بہت گھمبیر ہوتے جا رہے ہیں، مل کر آگے بڑھنا ہوگا، افغانستان ایک ایشو ہے ان کے ساتھ کام کرنا بھی ایک ایشو ہے۔

    سابق صدر پاکستان آصف زرداری نے موجودہ حکومت کو تعاون کو پیش کش کرتے ہوئے یہ بھی کہا تھا کہ آئیں پاکستان کے ساتھ بیٹھیں۔ آپ کو اچھا مشورہ دیں گے، میاں صاحب کے ساتھ بھی چلنے کو تیار تھے، آپ کے ساتھ بھی چلیں گے۔

  • تھر میں قحط کی صورتحال کا مستقل حل نکالنا ہوگا: بلاول بھٹو

    تھر میں قحط کی صورتحال کا مستقل حل نکالنا ہوگا: بلاول بھٹو

    کراچی: پیپلزپارٹی کے چیئرمین بلاول بھٹو زرداری نے کہا ہے کہ ہمیں‌ تھر میں قحط کی صورت حال کا مستقل حل نکالنا ہوگا.

    ان خیالات انھوں نے پارٹی کے ایم پی اےارباب لطف اللہ سے ملاقات کے موقع پر کیا. ملاقات کے دوران تھر میں قحط کے حالات پرپارٹی چیئرمین کو بریفنگ دی۔ 

    انھوں نے کہا کہ سندھ حکومت تھر میں امدادی کارروائیاں جاری ہیں، مقامی منتخب نمائندگان تجاویز  دیں، حکومت مسائل حل کرے گی.

    انھوں نے کہا کہ حکومت سندھ تھرکو ترقی کی راہ پرگامزن کرنا چاہتی ہے، تھر قدرتی وسائل سے مالا مال ہے، کول جیسے ذخائر  بھی یہاں ہیں، حکومت انتقامی کارروائیوں پرنہیں،عوامی خدمت پریقین رکھتی ہے.

    مزید پڑھیں: سندھ حکومت کا تھر میں غذائی قلت دور کرنے کا پروگرام شروع کرنے کا فیصلہ

    ملاقات میں ارباب لطف اللہ نےایک سیاسی رہنماکی انتقامی کارروائیوں کی بھی شکایت کی، بلاول بھٹو نے معاملے کا نوٹس لے کر وزیراعلیٰ سندھ سے رپورٹ طلب کرلی.

    چیئرمین پیپلزپارٹی بلاول بھٹو کا جلد تھرکے دورے کا اعلان کریں گے.

    واضح رہے کہ تھر میں بچوں‌ کی ہلاکت کے معاملے پر حکومت سندھ کو شدید تنقید کا سامنا ہے، مخالفین ایسے واقعات کو پی پی پی سرکار کی غفلت قرار دیتے ہیں، البتہ پارٹی کا موقف ہے کہ یہ صرف پروپیگنڈا ہے، حکومت تھر کی ترقی کے لیے سنجیدہ اقدامات کر رہی ہے.

  • سانحہ کارساز ملکی تاریخ میں سب سے بڑا دہشت گردی کا واقعہ تھا: بلاول بھٹو

    سانحہ کارساز ملکی تاریخ میں سب سے بڑا دہشت گردی کا واقعہ تھا: بلاول بھٹو

    کراچی: پاکستان پیپلز پارٹی کے چیئرمین بلاول بھٹو کا کہنا ہے کہ سانحہ کارساز ملکی تاریخ میں سب سے بڑا دہشت گردی کا واقعہ تھا۔ پیپلز پارٹی نے جمہوریت اور امن کے لیے قربانی دی اور دیتی رہے گی۔

    تفصیلات کے مطابق سانحہ کارساز کی گیارہویں برسی کے موقع پر پاکستان پیپلز پارٹی کے چیئرمین بلاول بھٹو نے یادگار شہدا کا دورہ کیا۔

    اس موقع پر گفتگو کرتے ہوئے انہوں نے کہا کہ سانحہ کارساز ملکی تاریخ میں سب سے بڑا دہشت گردی کا واقعہ تھا۔ پیپلز پارٹی نے جمہوریت اور امن کے لیے قربانی دی اور دیتی رہے گی۔

    انہوں نے کہا کہ حقوق کے لیے ہماری جدوجہد جاری رہے گی۔ پاکستان میں دہشت گردی کے بہت واقعات ہوئے، بدقسمتی سے آج تک کسی واقعے کے شہدا کو انصاف نہیں ملا۔ ’تمام شہدا کو سلام پیش کرتا ہوں‘۔

    بلاول نے کہا کہ 18 اکتوبر کے بعد دہشت گردی کی متعدد وارداتیں ہوئیں، دہشت گردی کے تمام واقعات کی تحقیقات ہونی چاہئیں۔ الیکشن کے دوران دہشت گردی واقعات کی بھی تحقیقات نہیں کی گئی۔

    انہوں نے کہا کہ ملک میں جمہوریت کو مضبوط کرنے کے لیے ہمارا سفر جاری رہے گا، راولپنڈی میں شہید بی بی پر حملے کا کرائم سین دھو دیا گیا۔ راولپنڈی میں جو بھی ثبوت مل سکتے تھے خراب کیے گئے۔

    بلاول کا کہنا تھا کہ غریب عوام عمران خان سے مایوس ہو رہے ہیں، جس طرح اپوزیشن لیڈر کو گرفتار کیا گیا اس سے شک پیدا ہوتا ہے۔ شہباز شریف کا دفاع نہیں کرتا لیکن انتقامی سیاست ہم نے دفن کردی تھی۔

    انہوں نے کہا کہ اس میں شک نہیں ن لیگ حکومت نے ملکی تاریخ کا بڑا قرض لیا تھا۔

  • بھوک وافلاس امن اورعالمی ہم آہنگی کےلیے خطرہ ہیں ‘بلاول بھٹو

    بھوک وافلاس امن اورعالمی ہم آہنگی کےلیے خطرہ ہیں ‘بلاول بھٹو

    اسلام آباد : چیئرمین بلاول بھٹو زرداری کا کہنا ہے کہ پیپلزپارٹی نے غربت کے خاتمے کے لیے انقلابی اقدامات کیے۔

    تفصیلات کے مطابق غربت کے خاتمے کے عالمی دن پربلاول بھٹو نے اپنے پیغام میں کہا کہ بھوک وافلاس امن اورعالمی ہم آہنگی کے لیے خطرہ ہیں۔

    بلاول بھٹو نے کہا کہ پیپلز پارٹی نے غربت کے خاتمے کے لیے انقلابی اقدامات کیے، پرامن، خوشحال اور ترقی پسند پاکستان کے لیے سرگرم ہیں۔

    چیئرمین پیپلزپارٹی بلاول بھٹو نے کہا کہ غربت کے خاتمے کے لیے بینظیر انکم سپورٹ پروگرام شروع کیا۔

    انہوں نے کہا کہ عوامی وفاقی حکومت نے 40 ارب سے پروگرام کا آغاز کیا، اب پروگرام بڑھ کر 125 ارب تک پہنچ چکا ہے۔

    بلاول بھٹو نے کہا کہ سندھ میں این جی اوزکے ساتھ غربت کے خاتمےکا پروگرام شروع کیا، 6 لاکھ سے زائد خاندان غربت کی سطح سے اوپر آئے۔

    غربت کے خاتمے کا عالمی دن

    واضح رہے کہ پاکستان سمیت دنیا بھر میں آج غربت کے خاتمے کا عالمی دن منایا جارہا ہے۔ اس دن کو منانے کا مقصد ترقی پذیر ممالک سے غربت کا خاتمہ اور غریبوں کا معیار زندگی بلند کرنا ہے۔

  • حکومت اقتصادی معاملات کو چندہ جمع کرکے چلانا چاہتی ہے، بلاول بھٹوزرداری

    حکومت اقتصادی معاملات کو چندہ جمع کرکے چلانا چاہتی ہے، بلاول بھٹوزرداری

    اسلام آباد : چیئرمین پیپلزپارٹی بلاول بھٹو زرداری نے کہا ہے کہ حکومت اقتصادی معاملات کو چندہ جمع کرکے چلانا چاہتی ہے، بھٹو کا سپوت ہوں ،انصاف کے حصول کا سفرجاری رکھوں گا۔

    ان خیالات کا اظہار انہوں نے عاصمہ جہانگیر کانفرنس سے خطاب کرتے ہوئے کیا، ضمنی الیکشن کے روز بلاول بھٹو نے حکومت کیخلاف محاذ کھول لیا۔

    بلاول بھٹو زرداری نے کہا کہ اس وقت جمہوریت کو شدید خطرات لاحق ہیں اور یہ خطرات صرف ریاستی قوتوں سے ہی نہیں بلکہ جمہوریت کا نام لینے والوں سے بھی ہی، آج پارلیمان کی بالادستی پر حملے ہو رہے ہیں، پیپلز پارٹی وفاق کو مضبوط بنانا چاہتی ہے۔

    انہوں نے کہا کہ انتخابات میں سیاسی جماعتوں کو یکساں مواقع فراہم نہیں کئے گئے،2018کے انتخابات کے نتیجے میں نااہل حکومت آگئی ہے، حکومت اقتصادی معاملات کو چندہ جمع کرکے چلانا چاہتی ہے، حکومت کی منصوبہ بندی تباہی کی جانب لے جائے گی۔

    چیئرمین پیپلزپارٹی نے کہا کہ جمہوریت پسندوں کو18ویں ترمیم کی حفاظت کیلئے اکٹھے ہونا چاہئے، عدلیہ کو انصاف کی فراہمی کے ذریعے حوصلہ بڑھانا ہوگا، بھٹو کا سپوت ہوں ،انصاف کے حصول کا سفرجاری رکھوں گا۔

    بلاول بھٹو کا مزید کہنا تھا کہ عاصمہ جہانگیر نے انسانی حقوق اور جمہوری روایات کا تحفظ کیا وہ عاصمہ جہانگیر انسانی حقوق اور جبری شادیوں کیخلاف مضبوط آوازتھیں۔