Tag: bilawal bhutto

کراچی : پیپلز پارٹی کے چیئرمین بلاول بھٹو نے عمران خان اور شہبازشریف کو کراچی سے الیکشن لڑنے کی دعوت دیتے ہوئے کہا کہ کراچی کے عوام جب انھیں عبرتناک شکست دیں گے تو پتہ چلے گا۔

تفصیلات کے مطابق پیپلز پارٹی کے چیئرمین بلاول بھٹو نے میڈیا سے گفتگو کرتے ہوئے کہا کہ صرف پیپلزپارٹی خوشحال پاکستان بنا سکتی ہے ،پیپلز پارٹی کی ممبر شپ اسٹال کو دورہ کررہا ہوں ، کراچی میں پیپلز پارٹی الیکشن مہم جاری ہے۔

بلاول بھٹو کا کہنا تھا کہ پیپلز پارٹی واحد جماعت ہے جو عوام کے مسائل کی بات کرتی ہے ، ن لیگ کا حق ہے جسے چاہے پارٹی سربراہ بنائے،  عوام غربت اور دہشت گردی کا خاتمہ چاہتے ہیں، ہم عوام کے ساتھ اور ان کے مسائل کا حل چاہتے ہیں۔

شہباز شریف پر تنقید کرتے ہوئے چیئرمین پی پی نے کہا کہ شہبازشریف پنجاب کاقاتل اعلیٰ ہے، ن لیگ کاحق ہےجسےچاہےپارٹی سربراہ بنائےلیکن شہبازشریف متازع ہیں، شہباز شریف کو آشیانہ ،ملتان میٹروسمیت کئی کیسز کا جواب دینا ہے۔

بلاول نے عمران خان اور شہبازشریف کو کراچی سے الیکشن لڑنے کی دعوت دیتا ہوں، کراچی کے عوام جب انھیں عبرتناک شکست دیں تو پتہ چلے گا، پیپلز پارٹی کسی اور کے ساتھ نہیں عوام کے ساتھ ہے۔

مزید پڑھیں : سوائے پیپلزپارٹی کے آج تمام جماعتیں‌ انتشار کا شکار ہیں: بلاول بھٹو

گذشتہ روز بھی پاکستان پیپلز پارٹی کے چیئرمین بلاول بھٹو زرداری کا کہنا تھا کہ اس وقت تمام سیاسی پارٹیاں انتشار کا شکار ہیں، لیکن پیپلز پارٹی وہ واحد جماعت ہے، جس میں کوئی انتشار نہیں۔

انکا کہنا تھا کہ سینیٹ انتخابات کے بعد ہمارا ہدف عام انتخابات ہیں، جس کے لیے بھرپور تیاریاں کی جائیں، تمام کارکن اپنے اپنے حلقوں میں جاکر عوام سے ڈور ٹو ڈور رابطہ کریں۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

واشنگٹن: چیئرمین پاکستان پیپلزپارٹی بلاول بھٹو زرداری نے کہا ہے کہ امداد فراہم کرنا یا معطل کرنا یہ امریکہ کا اپنا فیصلہ ہے۔

تفصیلات کے مطابق پیپلزپارٹی کے سربراہ بلاول بھٹو زرداری نے امریکی ٹی وی کو انٹرویو کے دوران کہا کہ ڈونلڈ ٹرمپ کا پاکستان مخالف ٹویٹ شاید کچھ امریکیوں کی خواہش ہو۔

بلاول بھٹو زرداری نے کہا کہ امریکی صدر کے ٹویٹ سے پاکستانیوں کو دکھ پہنچا جبکہ ڈونلڈ ٹرمپ کا ٹویٹ میرے لیے زیادہ تکلیف دہ تھا۔

پیپلزپارٹی کے سربراہ نے کہا کہ کئی پاکستانی اپنے پیاروں کو دہشت گردی کی جنگ میں کھوچکے ہیں، امریکی صدرڈونلڈ ٹرمپ کے ٹویٹ نے پاکستان میں غلط پیغام پہنچایا۔

انہوں نے کہا کہ امداد فراہم کرنا یا معطل کرنا یہ امریکہ کا اپنا فیصلہ ہے جبکہ کولیشن سپورٹ فنڈ امداد نہیں امریکی افواج کے اخراجات ہیں۔

بلاول بھٹو زرداری نے کہا کہ پاکستان میں دہشت گردی میں 75 فیصد کمی آئی ہے، امریکیوں سے زیادہ پاکستانیوں نے دہشت گردی کے خلاف قربانیاں دیں۔

انہوں نے کہا کہ افغانستان کا45 فیصد حصہ طالبان کے قبضے میں ہے، امریکی اتحادی افواج افغانستان میں طالبان کو شکست نہیں دے سکی۔

پیپلزپارٹی کے سربراہ نے کہا کہ پاکستان تواکیلا دہشت گردی کا مقابلہ کررہا ہے جبکہ دہشت گرد امریکیوں سے زیادہ پاکستانیوں کونشانہ بنا رہے ہیں۔

بلاول بھٹو زرداری نے کہا کہ امریکہ نے افغان جنگ میں طالبان کی حمایت ومعاونت کی، آج دہشت گردوں کی پشت پناہی کا الزام پاکستان پرنہیں لگایا جاسکتا۔

ہم نے امداد دی، پاکستان نے دھوکا دیا، اب ایسا نہیں ہوگا: امریکی صدر

یاد رہے کہ رواں برس یکم جنوری کو امریکی صدر ڈونلڈ ٹرمپ نے کہا تھا کہ پاکستان امریکہ کو ہمیشہ دھوکہ دیتا آیا ہے، پاکستان نے امداد کے بدلے امریکہ کو بے وقوف بنانے کے بجائے کچھ نہیں کیا۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔