کراچی: بلاول بھٹو نے کہا ہے کہ زینب واقعے سے پاکستان کی جگ ہنسائی ہوئی، بچوں کا تحفظ ایک قومی مسئلہ ہے، یہ ذاتی یا صوبائی معاملہ نہیں۔
ان خیالات کا اظہار چیئرمین پیپلزپارٹی نے معروف گلوکار اور سماجی کارکن شہزاد رائے کے ساتھ پریس کانفرنس کرتے ہوئے کیا۔
ان کا کہنا تھا کہ آج اس واقعے پر بات کرنا ضروری ہے، سندھ حکومت بچوں کے تحفظ کے لیے اقدامات کررہی ہے، اسی ضمن میں چائلڈ پروٹیکشن ایکٹ پاس کیا، قصورجیسے واقعات کی مستقل بنیادوں پرروک تھام ضروری ہے۔اس معاملے میں تمام سیاسی جماعتیں کے ایک صفحے پر ہونی چاہییں۔
یہ بھی پڑھیں: سیاسی یتیموں نے قوم کو کچھ نہیں دیا: بلاول بھٹو
انھوں نے اعلان کیا کہ اگلے تعلیمی سال سے سندھ میں تیسری جماعت سے تمام کلاسوں میں بچوں کو اپنے بچاﺅ اور نشوونماسے متعلق معلومات کو نصاب کا حصہ بنایا جائے گا۔
معاشرہ تب تبدیل ہوگا، جب قانون پرعمل ہو: شہزاد رائے
اس موقع شہزاد رائے کا کہنا تھا کہ قصور کے افسوس ناک واقعے کی جتنی مذمت کی جائے کم ہے، سوسائٹی اس وقت تبدیل ہوتی ہے، جب قانون پر عمل ہو،بچوں میں اپنے بچاﺅ کی تعلیم ہر صوبے کے نصاب میں شامل ہونی چاہیے۔
انھوں نے کہا کہ سندھ حکومت نے کئی سال پہلے زندگی ٹرسٹ کے ساتھ پروگرام شروع کیا تھا،پروگرام کی کامیابی کے لیے ہرممکن تعاون فراہم کیا، جس کے لیے ہم سندھ حکومت کے شکر گزار ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پرشیئر کریں۔
