Tag: bilawal

راولپنڈی : چیئرمین پیپلزپارٹی نےنیب تحقیقات کوسیاسی انتقام قرار دیتے ہوئے کہا مجھےگرفتارکیاگیاتومیری آوازآصفہ بھٹو زرداری ہوں گی، پی ٹی آئی ایم ایف کا بجٹ نہیں مانتے اسے پھاڑ کر اڑادیں گے۔

تفصیلات کے مطابق چیئرمین بلاول بھٹو نیب کی جانب سےباربارہراساں کرنےکاسلسلہ جاری ہے ، آج اسی تسلسل میں مجھے نیب میں پیشی کیلئے بلایاگیا، سیاسی انتقام کیخلاف اپنی آواز بلند کررہےہیں، چیف جسٹس پاکستان کہہ چکے کہ بلاول بےگناہ ہے۔

بلاول بھٹو  کا کہنا تھا کہ  نیب میں پچھلی پیشی مئی 2019میں ہوئی ، مئی سے جنوری تک نیب کو میرے سوالوں کے جوابات پر کوئی اعتراض نہیں تھا، اتنا ماہ گزرنے کے باوجود اچانک نیب کو پتہ نہیں کیاہوگیا، مہنگائی،عوام مخالف پالیسیز کیخلاف احتجاج کے  اعلان کے فوراً بعد نوٹس آگیا، مارچ سےمہنگائی،پی ٹی آئی ایم ایف ڈیل کیخلاف جدوجہدکاآغازکااعلان کیا ہے۔

پی پی چیئرمین نے کہا  پرائیوٹ ٹرانزکشنز پر نیب کو تحقیقات کا کوئی حق نہیں، جب میں عوامی عہدہ نہیں رکھتا تھا اس پر مجھے سے سوال پوچھا جارہاہے، اس وقت جب پبلک ہولڈرآفیسرنہیں تھاتومجھےکیوں بلایاگیا، یہ چاہتے ہیں جمہوری قوتوں اور سیاستدانوں کو بدنام کیاجائے۔

ان کا کہنا تھا کہ  دباؤ کےباوجودہم اپنی جدوجہدسےپیچھےنہیں ہٹیں گے، پی ٹی آئی ایم ایف کا بجٹ نہیں مانتے اسے پھاڑ کر اڑادیں گے،  حکومت نےغریب عوام، تاجروں،کسانوں کا معاشی قتل کیا ہے، یہ ظلم،معاشی قتل مزید برداشت نہیں کرسکتے۔

بلاول بھٹو نےکہا کہ  عوام پی ٹی آئی ایم ایف بجٹ کونہیں مانتےہیں، پھرآپ کہتےہیں کہ سکون قبرمیں ہی ملےگا، جوبھی ظلم کرلیں پیپلزپارٹی کاکوئی کارکن پیچھےنہیں ہٹےگا، اپوزیشن لیڈرکاعہدہ اتناہی اہم ہےجتنالیڈرآف دی ہاؤس کاہے، امید کرتاہوں اپوزیشن لیڈر  جلد ملک آکر اپنا کردارادا کریں گے۔

چیئرمین پی پی کا کہنا تھا کہ  پیپلزپارٹی کےکارکنان جانتے ہیں جدوجہد کیسے ہوتی ہے، مجھےگرفتارکیاجاتاہےتوکارکن جانتےہیں جدوجہد کیسے ہوتی ہے ، میں گرفتار ہوا تو آصفہ بھٹو میری آواز بنیں گی اور مہنگائی کیخلاف مارچ میں ہماری جدوجہدجاری رہے گی۔

کراچی : چیئرمین پیپلز پارٹی بلاول بھٹو ملک بھر میں جلسوں سے خطاب کریں گے اور جلد میرپور کا بھی دورہ کریں گے، جلسوں کے شیڈول کا اعلان جلد جاری کیا جائے گا۔

تفصیلات کے مطابق پیپلز پارٹی نے ملک بھر میں جلسے اور ریلیاں نکالنے کا فیصلہ کرلیا ہے ، چیئرمین پیپلزپارٹی بلاول بھٹو جلسوں سے خطاب کریں گے۔

پی پی رہنما نیر بخاری نے کہا ہے کہ جلسوں اور ریلیوں کوحتمی شکل دی جا رہی ہے، بلاول بھٹو کے جلسوں کے شیڈول کا اعلان جلد جاری کیا جائے گا۔

ذرائع کے مطابق چیئرمین پیپلزپارٹی بلاول بھٹو جلدمیرپورکابھی دورہ کریں گے، جہاں وہ زلزلہ متاثرہ علاقوں کا دورہ اور زخمیوں کی عیادت کریں گے۔

مزید پڑھیں : کراچی کی طرف آنکھیں دکھائیں گےتوآنکھیں نکال لیں گے، بلاول بھٹو

گذشتہ روز چیئرمین پیپلزپارٹی بلاول بھٹو نے میڈیا سے گفتگو میں کہا تھا کہ کٹھ پتلی حکومت کو گھر بھیجنے کیلئےعوام ہر قدم اٹھانے کوتیار ہیں، کراچی کی طرف آنکھیں دکھائیں گےتوآنکھیں نکال لیں گے۔

چیئرمین پیپلزپارٹی کا کہنا تھا کہ عدالت نے ذوالفقارعلی بھٹو کاجوڈیشل قتل قراردیاتھا، پیپلزپارٹی کی جمہوری جدوجہد جاری رہے گی، ہم اصولوں اور اپنے نظریے  پر سمجھوتہ نہیں کریں گے۔

انھوں نے کہا تھا کہ پیپلزپارٹی جمہوریت اور انسانیت سے پیچھے نہیں ہٹ سکتی، ہم ڈیل نہیں کریں گے ہم لڑنا جانتے ہیں، ایک صوبے کے منتخب وزیراعلیٰ کو گرفتار کرنا ہے تو کرلیں، وزیراعلیٰ سندھ کو گرفتار کیا جاتا ہے تو پیپلزپارٹی بھی جواب دے گی۔

اسکردو: پاکستان پیپلز پارٹی کے چیئرمین بلاول بھٹو زرداری نے کہا ہے کہ مودی ہندوتوا کا نظریہ رکھتا ہے، اسے ویزا تک نہیں ملتا تھا، ہم شروع سے خبردار کرتے آ رہے ہیں کہ وہ نہ منموہن ہیں نہ واجپائی۔

تفصیلات کے مطابق بلاول بھٹو نے آج پیپلز پارٹی بلتستان ڈویژن ضلع اسکردو کے عہدے داران سے ملاقات کی، انھوں نے گلگت بلتستان خواتین ونگ کے عہدے داروں اور علاقے کے علما و مشائخ سے بھی ملاقات کی۔

پی پی چیئرمین نے کارکنوں سے خطاب میں کہا کہ پیپلز پارٹی کی وجہ سے ملک میں اسلامی جمہوری نظام ہے، اسلام آباد تک لانگ مارچ کرنا پڑا تو پورا گلگت بلتستان میرے ساتھ ہوگا۔

انھوں نے کہا کہ میں بلتستان کے لوگوں کو سننے آیا ہوں، میں ان سے ملکی مسائل کے حل پر رائے لینا چاہتا ہوں، آج پیپلز پارٹی کی وجہ سے پاکستان ایٹمی طاقت ہے۔

یہ بھی پڑھیں:  اپوزیشن کی آل پارٹیز کانفرنس کی اندرونی کہانی سامنے آگئی

بلاول بھٹو کا کہنا تھا کہ شہید ذوالفقار علی بھٹو مسلم امہ کو ایک پیج پر لائے، پاکستان پیپلز پارٹی کشمیریوں کی حقیقی آواز ہے، شہید بھٹو کے کشمیر کے ساتھ وعدوں کو پورا کریں گے۔

پی پی چیئرمین نے کہا بھارت اخلاقی میدان میں بری طرح جنگ ہار چکا ہے۔

مزید بر آں، چیئرمین بلاول بھٹو زرداری کل استور کے لیے روانہ ہوں گے جہاں وہ ورکرز کنونشن میں شرکت کریں گے، جب کہ 22 اگست کو اسکردو اور 24 اگست کو گھانچے میں جلسہ عام سے خطاب کریں گے۔

واضح رہے کہ بلاول بھٹو زرداری آج گلگت بلتستان کے دورے کی وجہ سے آل پارٹیز کانفرنس میں شرکت نہیں کر سکے تھے۔