لاہور : وفاقی وزیر ریلوے شیخ رشید احمد نے بلاول بھٹو کو مشورہ دیتے ہوئے کہا والداور پھوپھی کے خلاف تحریک چلائیں، اس طرح سیاست میں ان کی جگہ بڑی ہوگی، ملک میں کچھ بھی ہو سکتا ہے، آصف زرداری اور نواز شریف اقتدار میں واپس نہیں آ سکتے، ان لوگوں کو ڈھیل مل سکتی ہے، ڈیل نہیں۔
تفصیلات کے مطابق لاہور ریلوے ہیڈکوارٹرز میں پریس کانفرنس سے خطاب کرتے ہوئے وزیر ریلوے شیخ رشید احمد نے کہا راولپنڈی میں ماں بچہ اسپتال کیلئے پیسےمل گئے، لاہورمیں کمانڈاینڈکنٹرول نظام کاجائزہ لےرہےہیں، ریلوے انکوائری کونجی موبائل نیٹ ورک سےمنسلک کررہےہیں، اس سہولت سے مسافر گھر بیٹھے ٹکٹ بک کرسکیں گے۔
وزیر ریلوے کا کہنا تھا 30 جون کو راولپنڈی سے سرسید ایکسپریس کا افتتاح کریں گے، سرسیدایکسپریس راولپنڈی سےفیصل آبادہوتی ہوئی کراچی جائے گی ، 24 گھنٹے دفترکھلنے سے40 کروڑ کا منافع زیادہ ہوگا۔
30 جون کو راولپنڈی سے سرسید ایکسپریس کا افتتاح کریں گے
شیخ رشید نے کہا 24 اگست کو لاہورکے سامنےاپنےآپ کوپیش کروں گا، کتناخسارہ کم کیا،کن نقصانات کاخاتمہ کیا،تمام چیزیں قوم کوبتاؤں گا۔
ان کا کہنا تھا راولپنڈی سےفیصل آبادکیلئےنان اسٹاپ ٹرین چلےگی، ہم اپنی کوچزاورفریٹ ٹرینیں خودبنانےجارہےہیں، ، 20 دن کا ڈیزل ہمارے پاس موجود ہوتاہے، ساری دنیامیں فریٹ ٹرینوں سے فائدہ ہوتاہے۔
کسی ملک میں سابق وزیراعظم اورسابق صدرجیل میں نہیں رہے
وزیر ریلوے نے کہا جن لوگوں کے پیٹ میں درد ہے بتاؤں گا ریلوےکیسےچلی ، یہ کیس عمران خان نےزرداری کےخلاف نہیں بنایا، کسی ملک میں سابق وزیراعظم اورسابق صدرجیل میں نہیں رہے، ان لوگوں کوہماراخون چوسنےکیلئےپیداکیاگیا۔
شیخ رشید کا کہنا تھا آصف زرداری ، شہبازشریف اورحمزہ شہباز کےخلاف بہت سنگین کیس اور سنجیدہ گواہ ہے ، آصف زرداری ویسےہی بلاول کوبھینٹ چڑھانےکےدرپےہیں، دیکھتےہیں عدالتیں کیافیصلہ کرتی ہے ، کہاتھاجون سے پہلے ہی جھاڑو پھرےگی، کریڈٹ بھی دے دیاکریں،اب پھر کہتا ہوں15 دن میں مزیدجھاڑوپھرےگی۔
کہاتھاجون سے پہلے ہی جھاڑو پھرےگی، پھر کہتا ہوں15 دن میں مزیدجھاڑوپھرےگی
انھوں نے کہا کہ ڈھیل مل سکتی ہےلیکن ان کوڈیل نہیں مل سکتی، شہبازشریف اورفریال تالپورکوڈھیل ملی ہوئی تھی، میں نےتوکہاتھاگندےانڈوں کوبحری جہازمیں ڈالواورڈبودو۔
وزیر ریلوے کا کہنا تھا شہبازشریف نےہی نوازشریف نکلوایاتھا، اب بھی شہبازشریف نےپوری کوشش کی لیکن صورتحال مختلف ہے، ن لیگ قیادت کی کرپشن کی فائلیں اب احتساب عدالتوں میں ہیں، جس شخص نےگاجریں کھائی ہیں اس کاحساب تودیناہوگا۔
شیخ رشید نے کاہ بچہ نہیں ہو سارے کام کیے ہوئے ہیں،نیب میں نہیں جاناچاہتا، کھری باتیں کرتاہوں،غریب کا ترجمان اوران کی آوازہوں، غریب کیلئے آخری سانس تک لڑتارہوں گا، یہ الگ بات ہےمیری ایک سیٹ ہے۔
جس شخص نےگاجریں کھائی ہیں اس کاحساب تودیناہوگا
انھوں نے مزید کہا آصف زرداری بہت بڑاچھاتی کیساتھ تاش لگاکرکھیلنےوالاسیاستدان ہے ، بلاول بھٹوکو سیاسی مشورہ دیتاہوں، سب سے پہلے اپنے والد اور پھوپھی کیخلاف تحریک چلانی چاہیے، ایسےکریں گےتوسیاست میں ان کی جگہ بڑی ہوگی۔
ریلوے میں خسارہ کم نہیں کرسکا تواستعفیٰ دےدوں گا
وزیر ریلوے کا کہنا تھا کوئی صدارتی نظام نہیں آرہا،صدارتی نظام ذہن سےنکال لیں،نواز شریف اورآصف زرداری کی حکومت کبھی نہیں آسکتی، جوکیس بن رہےہیں اس میں سلطانی گواہ بن رہےہیں۔
شیخ رشید نے واضح کیا ریلوے میں خسارہ کم نہیں کرسکا تواستعفیٰ دےدوں گا۔
