ARYNews.tv | Urdu – Har Lamha Bakhabar

Tag: bilawal

  • بلاول بدعنوانی، ناقص کارکردگی چھپانے کے لئے الزامات لگا رہے ہیں: فردوس عاشق اعوان

    بلاول بدعنوانی، ناقص کارکردگی چھپانے کے لئے الزامات لگا رہے ہیں: فردوس عاشق اعوان

    لاہور: معاون خصوصی برائے اطلاعات فردوس عاشق اعوان نے کہا ہے کہ بلاول بدعنوانی، ناقص کارکردگی چھپانے کے لئے الزامات لگا رہے ہیں.

    ان خیالات کا اظہار انھوں نے پیپلز پارٹی کے چیئرمین کے بیان پر ردعمل دیتے ہوئے کیا. فردوس عاشق کا کہنا تھا کہ لوٹ مارکاباب بند ہوچکا ہے.

    معاون خصوصی برائے اطلاعات فردوس عاشق اعوان نے کہا کہ وزیراعظم کی قیادت میں ملک مثبت سمت میں آگے بڑھ رہا ہے.

    ان کا کہنا تھا کہ حکومت عوامی فلاح وبہبود کے لئے کوشاں ہے، معیشت کو استحکام کی سمت گامزن دیکھ کر اپوزیشن بوکھلاہٹ کا شکار ہے.

    فردوس عاشق نے کہا کہ ہم سابق حکومت کے معیشت کو دیے زخموں پرمرہم رکھ رہے ہیں، معیشت کو گرداب سے نکالنے، ترقی کی راہ پرگامزن کرنے کے لئے پرعزم ہیں.

    مزید پڑھیں: ایچ آئی وی سے متاثرہ افراد کو تنہا نہیں چھوڑیں گے: بلاول بھٹو

    معاون خصوصی برائے اطلاعات نے کہا کہ سابق حکمرانوں کی لوٹ مارکی وجہ سے معیشت کا بیڑاغرق ہوا.

    خیال رہے کہ رتوڈیرو میں پریس کانفرنس کرتے ہوئے پاکستان پیپلز پارٹی کے چیئرمین بلاول بھٹو زرداری نے وفاقی وزرا اور حکومت کے رویہ شدید تنقید کا نشانہ بنایا تھا.

  • بلاول اپنے والد آصف زرداری کے ہاتھوں استعمال ہو رہے ہیں: عثمان ڈار

    بلاول اپنے والد آصف زرداری کے ہاتھوں استعمال ہو رہے ہیں: عثمان ڈار

    اسلام آباد: پی ٹی آئی رہنما عثمان ڈار نے کہا ہے کہ بلاول بھٹو زرداری اپنے والد آصف زرداری کے ہاتھوں استعمال ہو رہے ہیں.

    ان خیالات کا اظہار انھوں نے بلاول بھٹو کی پریس کانفرنس پر رد عمل دیتے ہوئے کیا. انھوں نے کہا کہ راؤانوار کو بہادر بچہ کون کہتا رہا ہے، سب جانتے ہیں، بلاول آصف زرداری کے ہاتھوں استعمال ہو رہے ہیں.

    انھوں نے مزید کہا کہ بلاول کی گفتگوسے واضح ہوگیا کہ فوج مخالف بیانیہ صرف پی ٹی ایم کا نہیں، بلاول نے پاک فوج جیسے ادارے کو متنازع بنانے کی کوشش کی.

    عثمان ڈار نے کہا کہ یہی حرکت بلاول کے والد نے کی تھی، پھرخودساختہ جلا وطنی کاٹی، بلاول والد سے پوچھیں اینٹ سے اینٹ بجانےکا بیان دے کرکہاں چھپے تھے.

    مزید پڑھیں: پارلیمنٹ میں لائے بغیر آئی ایم ایف ڈیل نہیں مانیں گے، بلاول بھٹو

    پی ٹی آئی رہنما نے کہا کہ احتساب سے بچنے کے لئے قومی اداروں کو متنازع بنانا ملک کی خدمت نہیں، بلاول کی جانب سے اداروں کو متنازع بنانے کابیان شرم ناک ہے.

    انھوں نے مزید کہا کہ بلاول بظاہر قومی مفادپرذاتی فائدے کو ترجیح دینے کا فیصلہ کرچکے ہیں، افسوس ہوتا ہے، 30،30 سال تک حکومتیں کرنے والی جماعتیں چند ماہ کے اقتدارسے خوفزدہ ہیں.

    پی ٹی آئی رہنما عثمان ڈار نے مزید کہا فوجی عدالتوں کا قیام فوج کی نہیں قوم کی ضرورت تھی.

  • خان صاحب ’’سمجھتی‘‘ ہے کیوں کہا؟ بلاول نے وجہ بتا دی

    خان صاحب ’’سمجھتی‘‘ ہے کیوں کہا؟ بلاول نے وجہ بتا دی

    اسلام آباد: بلاول بھٹو زرداری نے کہا ہے کہ اردوپرعبورنہ ہونے کے باعث خان صاحب "سمجھتی‘‘ ہے کہہ گیا تھا۔

    تفصیلات کے مطابق پیپلز پارٹی کے چیئرمین بلاول بھٹو نے  رہنماؤں سے غیررسمی بات چیت کرتے ہوئے کہا کہ خان صاحب ’’سمجھتی‘‘ ہے کاجملہ جان بوجھ کر نہیں کہا۔

    انھوں نے کہا کہ اردو پرعبور  نہ ہونے کے باعث یہ جملہ استعمال کیا، زبان پر گرفت نہ ہونے کے باعث درست تلفظ میں مسئلہ آتا ہے، مخالفین کےخلاف نامناسب الفاظ استعمال کرنے کا قائل نہیں۔

    بلین ٹری سونامی میں کرپشن بے نقاب کرنے کی ہدایت

    قبل ازیں بلاول بھٹوکو  پارٹی رہنماؤں نے بلین ٹری منصوبے  پربریفنگ دی، فرحت اللہ بابر،ہمایوں خان، روبینہ خالد، فیصل کریم کنڈی اور دیگر نے بریفنگ دی۔

    بریفنگ میں موقف اختیار کیا گیا کہ بلین ٹری سونامی میں بڑے پیمانے پر کرپشن ہوئی، ساتھ ہی بی آر ٹی منصوبہ، مالم جبہ اور طلبا کے جعلی داخلوں پر بھی پارٹی چیئرمین کو بریف کیا گیا۔

    بلاول بھٹو زرداری نے ہدایت کہ پی ٹی آئی کی کرپشن کو ہر جگہ بے نقاب کیا جائے، پی ٹی آئی کے دعوے ایک ایک کر کےجھوٹے ہوتے جا رہے ہیں۔

    انھوں نے سوال اٹھایا کہ کرپشن پرتفتیشی ادارے ایکشن کیوں نہیں لیتے؟

  • پیپلزپارٹی کا گھوٹکی میں جلسہ : بلاول بھٹو زرداری خطاب کریں گے

    پیپلزپارٹی کا گھوٹکی میں جلسہ : بلاول بھٹو زرداری خطاب کریں گے

    گھوٹکی : پاکستان پیلزپارٹی آج گھوٹکی میں سیاسی قوت کا مظاہرہ کرےگی ،جلسے کی تمام ترتیاریاں مکمل کرلی گئیں ہے، پی پی چیئرمین بلاول بھٹو خطاب کریں گے۔

    تفصیلات کے مطابق پاکستان پیپلزپارٹی نےخان گڑھ میں پنڈال سجالیا، جلسے کے تمام انتظامات مکمل کرلئے گئے ہیں اور اسٹیج بھی تیار کرلیاگیا، 40 ایکڑ پر محیط پنڈال میں 50ہزار سے زائدکرسیاں لگالی گئیں جبکہ جلسہ گاہ کوپارٹی پرچموں اورتصاویری بینرسےسجادیاگیا ہے۔

    پارٹی چیئرمین بلاول بھٹو سمیت پیپلزپارٹی کےمرکزی وصوبائی رہنما جلسے سے خطاب کریں گے، اس موقع پر سیکیورٹی کے انتہائی سخت انتظامات کیے گئے ہیں، جلسہ گاہ کے داخلی راستوں پرواک تھروگیٹ نصب کردیئے گئے۔

    بلاول بھٹو گھوٹکی کے لئے اچھے پیکیج کا اعلان کریں گے۔

    مزید پڑھیں : ون یونٹ بنانے کی کوشش کی، تو لات مار کر حکومت گرا دوں گا: بلاول بھٹو زرداری

    یاد رہے گذشتہ ہفتے گڑھی بخدا بخش میں پیپلزپارٹی کے جلسے سے خطاب کرتے ہوئے بلاول بھٹو کا کہنا تھا وزیراعظم عمران خان بھٹو شہید کا آئین ختم کرنا چاہتے ہیں، وزیراعظم کہتے ہیں، 18 ویں ترمیم سے وفاق دیوالیہ ہوگیا، 18 ویں ترمیم ختم کرنے، ون یونٹ بنانے کی کوشش کی تو ایک لات مارکر حکومت گرادوں گا،

    بلاول بھٹو کا کہنا تھا اس حکومت سے معیشت چل سکتی ہے نہ ہی ملک چل سکتا ہے۔ کوئی حکومت کو سمجھائے کہ حکومت چندے سے نہیں چلتی، وکریاں تو دور، عوام سے روزگارچھیناجارہا ہے۔

    دوسری جانب سابق صدر آصف زرداری نے کہا تھا کہ 18ویں ترمیم ختم کرنے کے لیے مجھ پر کیسز بنائے جارہے ہیں، ان کی نیت پر شک ہے یہ 18ویں ترمیم ختم کرنا چاہتے ہیں، چاہے میں جیل میں ہوں یا باہر ہوں اس سے فرق نہیں پڑتا ہے، عوام میرے ساتھ ہیں، بہت جلد مہم چلائیں گے۔

  • بلاول بھٹو نےتھر کی بڑی ترقی کا کریڈٹ شہید محترمہ بینظیر بھٹو کو دے دیا

    بلاول بھٹو نےتھر کی بڑی ترقی کا کریڈٹ شہید محترمہ بینظیر بھٹو کو دے دیا

    تھرپارکر: پیپلز پارٹی کے چیئرمین بلاول بھٹو نےتھر کی بڑی ترقی کا کریڈٹ شہید محترمہ بینظیر بھٹو کو دے دیا اور وزیر اعلیٰ سندھ کو تھر میں ترقی پر مبارک باد دی جبکہ آصفہ بھٹو کا کہنا ہے آج شہیدبینظیربھٹوکاخواب حقیقت بن گیا۔

    تفصیلات کے مطابق چیئرمین پی پی بلاول بھٹو نےتھر کی بڑی ترقی کا کریڈٹ شہید محترمہ بینظیر بھٹو کو دیتے ہوئے کہا ان کا دیکھا خواب آج شرمندہ تعبیر ہوا ہے۔

    بلاول بھٹو نے وزیر اعلیٰ سندھ مراد علی شاہ کو تھر میں ترقی پرمبارک باد دی۔

    پی پی چیئرمین نے سماجی رابطے کی ویب سائٹ ٹوئٹر پر کہا 10 اپریل 1986 میں بے نظیربھٹو پاکستان واپس آئیں، وقت کے آمر کو چیلنج کیا، بے نظیربھٹو کا تاریخی استقبال کیاگیا، کسی بھی سیاسی لیڈر کا یہ سب سے شانداراستقبال تھا، لاہورکی گلیوں اورسڑکوں پر30لاکھ عوام جمع ہوئے، یقیناً بےنظیربھٹوجیساکوئی نہیں۔

    چیئرمین بلاول بھٹو زرداری نے تھر میں 330 میگا واٹ بجلی گھر کا افتتاح کیا، جس کے بعد تھرکول فیلڈ بلاک 2 کا دورہ کیا اوراوپن پٹ مائن کا معائنہ کیا، چیئرمین پیپلز پارٹی کوکوئلہ کے معیار کی کان کنی سے متعلق بریفنگ دی گئی۔

    چیئرمین نے اپنےموبائل سےکان کنی کی تصاویر بنائیں جبکہ مزدوروں سے ملاقات اورکامیابی پر مبارکباد دی۔

    ایک اور ٹوئٹ میں انھوں نے کہا میں نے ابھی تھرکول پاورپلانٹ کا افتتاح کیا ہے، یہ پاکستان میں انسان کابنایا سب سے اونچا اسٹرکچرہے۔

    دوسری جانب آصفہ بھٹو نے اپنے ٹوئٹر پیغام میں کہا آج شہیدبینظیربھٹوکاخواب حقیقت بن گیا، تھرکول پاورپلانٹ نےنیشنل گرڈکو660میگاواٹ بجلی شروع کردی۔

    خیال رہے کہ تھر سے حاصل شدہ کوئلے سے بجلی بنانے کا کام اپریل 2016 میں شروع کیا گیا تھا، گزشتہ ماہ 19 تاریخ سے تھرکول سے بجلی کی پیداوار شروع ہوگئی اور 330 میگا واٹ بجلی نیشنل گرڈ کو فراہم کردی گئی۔

    مزید پڑھیں : بلاول بھٹو نے پہلے تھر کول پاور پلانٹ کا افتتاح کردیا

    تھر میں مدفون کوئلے کی مقدار 175 ارب ٹن ہے اور ان ذخائر میں موجود توانائی پاکستان کے گیس کے مجموعی ذخائر سے 68 گنا زیادہ ہے، اس کی مالیت اندازاً پچیس کھرب ڈالر سے زیادہ ہے۔

    اس وقت پاکستان میں بجلی کی طلب 25 ہزار میگا واٹ ہے تاہم ٹرانسمیشن اور ڈسٹری بیوشن سسٹم کی خامیوں کی وجہ سے ایک وقت میں 21 ہزار میگا واٹ سے زیادہ بجلی کی ترسیل ممکن نہیں۔

    ایک اندازے کے مطابق تھر میں موجود کوئلے کی مدد سے اگلے 200 سال تک ماہانہ ایک لاکھ میگا واٹ بجلی بنائی جا سکتی ہے۔ تاحال سندھ حکومت تھر کول کی رائلٹی تھر پر خرچ کرنے کی پالیسی وضع نہ کرسکی۔

  • بلاول ہمیں گائیڈ کریں، ان کی بات کو اہمیت دیں گے، شاہ محمود

    بلاول ہمیں گائیڈ کریں، ان کی بات کو اہمیت دیں گے، شاہ محمود

    ملتان : وزیر خارجہ شاہ محمود قریشی بلاول بھٹو زرداری سے متعلق کہا کہ بلاول اپنی تشویش مجھے بھیجیں، آخر وہ چاہتے کیا ہیں؟ بلاول ہمیں گائیڈ کریں، ہم ان کی بات کو اہمیت دیں گے۔

    تفصیلات کے مطابق وزیر خارجہ شاہ محمود قریشی نے ملتان میں میڈیا نمائندگان سے گفتگو کرتے ہوئے کہا کہ بلاول بھٹو نے ایک بیان دیا کہ میں نے ان کے والد اور شہباز شریف سے بات کی۔

    شاہ محمود قریشی کا کہنا تھا کہ میں نے ان کو خط لکھا کہ یہ خط وزیر خارجہ کی حیثیت سے لکھ رہا ہوں، وزیر اعظم کی اجازت سے لکھ رہا ہوں نیب پر مل بیٹھیں، بیانات سے ملکی مسائل حل نہیں ہوں گے۔

    شہباز شریف نہیں آنا چاہتے تو ملکی مستقبل محفوظ بنانے کےلیے میں آنے کو تیار ہوں، میں پھر دعوت دیتا ہوں آئیں ملکر بیٹھیں تجاویز دیں۔

    [bs-quote quote=”ہم میں اپنی اقلیتوں کا دفاع کرنے کا حوصلہ ہے، ہندو کمیونٹی سے اگر زیادتی ہوئی ہے تو انکا دفاع کریں گے۔” style=”style-8″ align=”left” author_name=”شاہ محمود قریشی” author_job=”وزیر خارجہ”][/bs-quote]

    شاہ محمود قریشی کا کہنا تھا کہ پیپلز پارٹی نے مسلم لیگ نواز سے الائنس کا فیصلہ کرلیا تو یہ انکا سیاسی حق ہے۔

    ان کا کہنا تھا کہ اعتزاز احسن نظریاتی کارکن ہیں ان کی بات بھی سن لیں، اعتزاز احسن کہتے ہیں کہ ن لیگ کی قربت سے پیپلز پارٹی کو نقصان پہنچا۔

    اندرون سندھ میں ہندو لڑکیوں کے اغواء کے معاملے پر شاہ محمود قریشی نے کہا کہ ہم میں اپنی اقلیتوں کا دفاع کرنے کا حوصلہ ہے، کسی اقلیت کے ساتھ زیادتی ہوگی ہم اسکا ساتھ دیں گے، ہندو کمیونٹی سے اگر زیادتی ہوئی ہے تو ہم دفاع کریں گے۔

    مزید پڑھیں : بھارت سفارت کاری سے پاکستان کو تنہا کرنا چاہتا ہے، شاہ محمود قریشی

    واضح رہے کہ  وزیر خارجہ شاہ محمود قریشی نے کہا تھاکہ پاکستان نے پہلے بھی امن کو ترجیح دی تھی آگے بھی دے گا، جارحیت کی گئی تو پہلے بھی دفاع کیا آگے بھی کریں گے۔

    بھارت کا مؤقف ہے کہ آئیے مل کر غربت کا خاتمہ کریں، 26 جولائی کو عمران خان کا بھی یہی پیغام تھا آؤ مل بیٹھ کر مسئلے حل کریں۔

    شاہ محمود قریشی کا کہنا تھا کہ لگتا ہے بھارت میں الیکشن تک اتار چڑھاؤ دکھائی دے گا، جارحیت کی گئی تو پہلے بھی دفاع کیا آگے بھی کریں گے، بھارت بہت سے معاملات کو سیکیورٹی کونسل میں لے جانا چاہتا ہے۔

  • ’بلاول کا بکواس نظریہ تبدیل نہیں ہوسکتا‘ ، فیصل جاوید کا ردعمل

    ’بلاول کا بکواس نظریہ تبدیل نہیں ہوسکتا‘ ، فیصل جاوید کا ردعمل

    اوٹاوا: تحریک انصاف کے رہنما اور سینیٹر فیصل جاوید نے کہا ہے کہ بلاول کا بکواس نظریہ تبدیل نہیں ہوسکتا کیونکہ وہ کرپشن کرو اور پیسہ باہر منتقل کرو پر یقین رکھتے ہیں۔

    تفصیلات کے مطابق بلاول بھٹوکےٹوئٹ پرسینٹرفیصل جاوید نے سخت ردعمل دیتے ہوئے کہا ہے کہ تمہارا نظریہ تبدیل نہیں ہوسکتا کیونکہ یہ بکواس ہے، تمھارا نظریہ کرپشن کرو پیسہ باہر منتقل کر کے اثاثے بنانا ہے۔

    تحریک انصاف کے رہنما بابراعوان نےبلاول بھٹوکا بیان غیر ذمہ دارانہ قرار دیتے ہوئے کہا کہ بڑا نقصان بڑے لوگوں کوملک سےباہرجانے کی اجازت دینے سےہوا مگر قومی جرائم میں ملوث افراد کوکسی بھی موقع پرڈھیل نہیں دی جائے گی۔

    اُن کا کہنا تھا کہ وزیراعظم کی طرف سے سب کو واضح کرنا چاہتا ہوں کہ کرپشن کے معاملے پر کسی صورت کوئی سمجھوتہ نہیں ہوگا۔

    قبل ازیں بلاول بھٹو زرداری نے سماجی رابطے کی ویب سائٹ پر ٹویٹ کے ذریعے حکومت کو تنقید کا نشانہ بنایا تھا۔ اُن کا کہنا تھا کہ مجھے نہیں معلوم یہ بیانیہ کس بلا کا نام ہوتا ہے، کیا زندگی کسی فاشسٹ کا لکھاہوا اسکرین پلےہے؟۔

    مزید پڑھیں: بلاول اور مریم ابو بچاؤ مہم چلارہے ہیں، فوادچوہدری

    بلاول کا کہنا تھا کہ جو اسکرین پلے پر عمل نہیں کرتا وہ غدار قرار پاتا ہے، ایسا بیانیہ میری طرف سے بھاڑ میں جائے کیونکہ میرا اپنا ایک نظریہ ہے اور وہ میں کسی کے بیانیے کے لیے تبدیل نہیں کرسکتا۔

    دوسری جانب یہ بھی اطلاعات سامنے آئیں ہیں کہ پاکستان پیپلزپارٹی نے نیشنل ایکشن پلان پر دفترخارجہ میں حکومتی  بریفنگ کےبائیکاٹ کا فیصلہ کیا ہے۔ خورشیدشاہ نے پارلیمنٹ میں ہی بریفنگ دینے پر اصرار کیا۔

  • بلاول اور مریم ابو بچاؤ مہم چلارہے ہیں، فوادچوہدری

    بلاول اور مریم ابو بچاؤ مہم چلارہے ہیں، فوادچوہدری

    اسلام آباد : وزیراطلاعات فواد چوہدری نے کہا بلاول اورمریم ابوبچاؤ مہم چلارہےہیں، ابوکونیب نےبلالیاہےتو آپ ہم سےناراض ہوگئے، وہ کچھ بھی کرتے رہے احتساب کاعمل چلتا رہے گا۔

    تفصیلات کے مطابق وزیراطلاعات فواد چوہدری کا اپنے بیان میں کہنا ہے کہ بلاول اور مریم ابو بچاؤ مہم چلارہے ہیں، ابو کو نیب نے بلالیا ہے تو آپ ہم سےناراض ہوگئے ، کل کی کارروائی میں پولیس ا ورانتظامیہ نے بہت تحمل سے کام لیا، یہ کچھ بھی کرتے رہے احتساب کا عمل چلتا رہےگا۔

    بلاول کے بیان کے حوالے سے فواد چوہدری کا کہنا تھا بلاول بھٹوکاکل کابیان بھارتی میڈیاکی ہیڈلائن ہے، کسی طور پر بھارتی طیارے کو اجازت نہیں دی جاسکتی کہ کوئی کارروائی کریں۔

    مزید پڑھیں : دونوں طرف بچےابو بچاؤتحریک پر ہیں

    اس سے قبل ایک تقریب سے خطاب میں  وزیراطلاعات فواد چوہدری نے کہا تھا دونوں طرف بچےابو بچاؤتحریک پر ہیں، ان کا کوئی سیاسی مستقبل نہیں،اولاد پیسوں پر سیاست کرنا چارہی ہے، میں ان تجزیہ کاروں پر حیران ہوں جو کہتے ہیں یہ لوگ لیڈرز ہیں، ایک کے والد 300ارب لیکر جیل میں ہیں۔

    گذشتہ روز وزیراطلاعات فواد چوہدری  نے نیب دفتر کےباہرکارکنوں کی ہنگامہ آرائی پر  پیپلزپارٹی کی قیادت سے معافی مانگنے کا مطالبہ کرتے ہوئے کہا تھا   اگر حد عبورکریں گے تو ریاست اپنی ذمے داری پوری کرےگی۔

    وزیراطلاعات کا مزید کہنا تھا کہ جن لوگوں پر مقدمات ہیں انہیں ان کا سامنا کرنا ہوگا، ممکن نہیں کہ آپ تحقیقات کے عمل کو متاثر کر سکیں۔

  • آصف زرداری اور بلاول بھٹو کی پیشی پر نیب اعلامیہ جاری

    آصف زرداری اور بلاول بھٹو کی پیشی پر نیب اعلامیہ جاری

    اسلام آباد : پیپلزپارٹی کے شریک چیئرمین آصف زرداری اور چیئرمین بلاول بھٹو کی پیشی سے متعلق نیب اعلامیہ میں کہا گیا مشترکہ تحقیقاتی ٹیم نے سوالات پوچھے جبکہ کمبائنڈ انویسٹی گیشن ٹیم نے تحریری سوالنامہ بھی دیا، جوابات کی روشنی میں آئندہ بلانے یا نہ بلانے کا فیصلہ ہوگا۔

    تفصیلات کے مطابق نیب کی جانب سے پیپلزپارٹی کے شریک چیئرمین آصف زرداری اور چیئرمین بلاول بھٹو کی پیشی پر اعلامیہ جاری کردیا ہے، اعلامیہ میں کہا گیا آصف زرداری اور بلاول بھٹو آج نیب راولپنڈی میں پیش ہوئے، نیب کی مشترکہ تحقیقاتی ٹیم نے 2 گھنٹے سوالات کیے، فی الحال 3 مقدمات میں سوالات کیے گئے۔

    نیب اعلامیہ میں کہا گیا ڈی جی نیب کی سربراہی میں مشترکہ تحقیقاتی ٹیم نےسوالات پوچھے ، کمبائنڈ انویسٹی گیشن ٹیم نے تحریری سوالنامہ بھی دیا، جوابات کی روشنی میں آئندہ بلانے یا نہ بلانے کا فیصلہ ہوگا، انکوائری براہ راست چیئرمین نیب کی نگرانی میں ہورہی ہے۔

    یاد رہے جعلی بینک اکاؤنٹس کیس میں آصف زرداری اور بلاول بھٹو سے نیب نے ابتدائی تفتیش مکمل کر لی ہے ، دونوں باپ بیٹا تحقیقات کے لئے اسلام آباد میں نیب کے دفتر میں پیش ہوئے۔ یہ بلاول بھٹو کی کسی بھی تفتیشی ادارے کے روبرو اپنی زندگی کی پہلی پیشی تھی۔

    مزید پڑھیں : پارک لین کمپنی کیس : آصف زرداری اور بلاول بھٹو نے بیان ریکارڈ کرادیا

    تفتیشی حکام نے دونوں سے الگ الگ کمرے میں پوچھ گچھ کی اور تحریری سوالنامہ بھی دیا۔

    نیب ذرائع کے مطابق آصف زرداری اور بلاول بھٹو کو پارک لین کمپنی کیس میں طلب کیا گیا ہے، پارک لین کیس میں اربوں روپےکی ترسیلات جعلی بینک اکاؤنٹس سے کی گئیں، آصف زرداری پرپارک لین کمپنی میں 1989 میں فرنٹ مین کے ذریعے خریداری کاالزام ہے۔

    ذرائع کا کہنا ہے 2009 میں آصف زرداری اور بلاول بھٹو کمپنی کے شیئر ہولڈر بنے، دونوں 25 ،25 فیصد کےشیئر ہولڈر ہیں، آصف زرداری بطور کمپنی ڈائریکٹر اکاؤنٹس استعمال کرنے کا اختیار رکھتے تھے جبکہ 2008 میں کمپنی کے دستاویز پر آصف زرداری کے بطور ڈائریکٹر دستخط موجود ہیں، پارک لین کمپنی نے قرضوں کی مد بھی بینکوں سے اربوں روپے لیے۔

    ذرائع کے مطابق تفتیش کے دوران آڈیوو یڈیو ریکارڈنگ بھی کی گئی، بلاول بھٹو نے سوالوں کا جواب دینے کے بعد کہا امیدکرتاہوں آئندہ مجھےنیب نہیں بلائےگا، اس دوران آصفہ بھٹو سمیت مرکزی قیادت کو نیب آفس کے ہال میں بٹھایا گیا تھا۔

  • کرپشن اولمپکس کی قسط نمبر 2 آج صبح 11 بجے شروع ہوگی، فوادچوہدری

    کرپشن اولمپکس کی قسط نمبر 2 آج صبح 11 بجے شروع ہوگی، فوادچوہدری

    اسلام آباد : وزیراطلاعات فواد چوہدری کا کہنا ہے کرپشن اولمپکس کی قسط نمبر 2آج صبح 11بجےشروع ہوگی، چوری ، سینہ زوری واضح کرنی ہوتونوازشریف ، زرداری کارویہ دیکھ لیں۔

    تفصیلات کے مطابق وزیراطلاعات فواد چوہدری نے سماجی رابطے کی وہب سائٹ ٹوئٹر پر بلاول بھٹو اور آصف زرداری کی نیب میں پیشی پر اپنے بیان میں کہا کرپشن اولمپکس کی قسط نمبر2آج صبح 11بجےشروع ہوگی، پورے5 تانگوں میں پوری پارٹی استقبال کےلیےپہنچے گی ، چوری ، سینہ زوری واضح کرنی ہوتونوازشریف ، زرداری کارویہ دیکھ لیں۔

    یاد رہے چیئرمین پیپلزپارٹی بلاول بھٹو آج والد آصف علی زرداری کے ساتھ نیب میں پیش ہوں گے،اس موقع پر نیب کی درخواست پرسیکیورٹی کےسخت انتظامات کیےگئے ہیں۔

    ذرائع کا کہنا ہے ڈی جی نیب راولپنڈی عرفان منگی کی سربراہی میں جے آئی ٹی آصف زرداری اور بلاول بھٹوکے بیانات ریکارڈ کرے گی ،جے آئی ٹی ارکان کی جانب سے زبانی سوالات کے ساتھ ساتھ سوالنامےبھی تیار کئے گئے ہیں، جن کے تحریری جوابات طلب کئے جائیں گے۔

    مزید پڑھیں : آصف زرداری اور بلاول بھٹو کی آج نیب میں پیشی، نیب کا سوالنامہ تیار

    نیب ذرائع کے مطابق آصف زرداری اور بلاول بھٹو کو پارک لین کمپنی کیس میں طلب کیا گیا ہے، پارک لین کیس میں اربوں روپےکی ترسیلات جعلی بینک اکاؤنٹس سے کی گئیں، آصف زرداری پرپارک لین کمپنی میں 1989 میں فرنٹ مین کے ذریعے خریداری کاالزام ہے۔

    ذرائع کا کہنا ہے 2009 میں آصف زرداری اور بلاول بھٹو کمپنی کے شیئرہولڈر بنے،دونوں 25،25فیصد کےشیئر ہولڈر ہیں، آصف زرداری بطور کمپنی ڈائریکٹر اکاؤنٹس استعمال کرنےکااختیار رکھتے تھے جبکہ 2008 میں کمپنی کے دستاویز پر آصف زرداری کےبطور ڈائریکٹر دستخط موجود ہیں، پارک لین کمپنی نے قرضوں کی مد بھی بینکوں سے اربوں روپے لیے۔