ARYNews.tv | Urdu – Har Lamha Bakhabar

Tag: biopic

  • مائیکل جیکسن کی زندگی پر فلم بنانے کا اعلان

    مائیکل جیکسن کی زندگی پر فلم بنانے کا اعلان

    کنگ آف پاپ کہلائے جانے والے شہرہ آفاق آنجہانی گلوکار مائیکل جیکسن کی زندگی پر فلم بننے جارہی ہے جس کی پروڈکشن رواں برس شروع کردی جائے گی۔

    آنجہانی گلوکار مائیکل جیکسن کی زندگی کو فلمانے والے لائنس گیٹ اسٹوڈیو کا کہنا ہے کہ بائیوپک میں مائیکل جیکسن کا کردار ان کے 26 سالہ بھتیجے جعفر جیکسن نبھائیں گے۔

    لائنس گیٹ نے اپنے ایک بیان میں کہا ہے کہ فلم مائیکل میں اس پیچیدہ آدمی کو فلمایا جائے گا جو پاپ کا بادشاہ بن گیا۔ فلم میں ان کی زندگی کے تمام پہلو اور ان کی سب سے قابل ذکر پرفارمنس شامل ہوں گی جنہوں نے اسے موسیقی کی دنیا کا آئکن بنا دیا۔

    ہالی ووڈ کے اینٹون فوکا فلم کی ہدایتکاری کے فرائض نبھائیں گے جبکہ گراہم کنگ فلم کو پروڈیوس کریں گے۔

     

    View this post on Instagram

     

    A post shared by Antoine Fuqua (@antoinefuqua)

    فلم کے پروڈیوسر اور ڈائریکٹر کے مطابق مائیکل جیکسن کے کردار کو نبھانے کے لیے جعفر جیکسن کا انتخاب اس لیے کیا گیا کہ ان میں اپنے چچا کے کردار کو زندہ کرنے کی فطری صلاحیت تھی۔

    انہوں نے کہا کہ یہ واضح تھا کہ یہ کردار بہتر انداز میں ادا کرنے والے وہ واحد شخص ہیں، فلم کے ڈائریکٹر نے مزید کہا کہ وہ انتظار نہیں کر سکتے کہ دنیا جعفر جیکسن کو مائیکل جیکسن کے طور پر بڑی اسکرین پر دیکھے۔

    خیال رہے کہ جعفر جیکسن مائیکل کے بڑے بھائی جرمین جیکسن کے بیٹے ہیں، جو ایک گلوکار اور پروڈیوسر بھی ہیں۔

    یاد رہے کہ مائیکل جیکسن نے اپنے خاندان کے پاپ گروپ جیکسن 5 کے ساتھ بطور چائلڈ اسٹار کیریئر کا آغاز کیا تھا جس کے بعد جوانی میں انہوں نے ایک کے بعد ایک ہٹ سولو البم دے کر موسیقی کی دنیا میں پاپ گلوکاری اور پاپ ڈانس کو جنم دیا، اسی لیے انہیں کنگ آف پاپ کہا جاتا ہے۔

    مائیکل جیکسن کی زندگی پر فلم: گلوکار کا کردار کون نبھائے گا؟

  • مدھو بالا کی زندگی پر بایو پک میرا دیرینہ خواب ہے، چھوٹی بہن

    مدھو بالا کی زندگی پر بایو پک میرا دیرینہ خواب ہے، چھوٹی بہن

    برصغیر کی فلمی تاریخ کی خوبصورت اداکارہ مدھو بالا کی بہن مدھر بھوشن نے کہا ہے کہ مدھوبالا کی حالات زندگی پر بنائی جانے والی فلم (بایوپک) میرا دیرینہ خواب ہے۔

    میڈیا سے گفتگو کرتے ہوئے مدھو بالا کی بہن مدھر بھوشن نے کہا کہ اداکارہ کی بایو پک مدھوبالا وینچرز پرائیویٹ لمیٹڈ کے اشتراک سے ایک بہترین اسٹوڈیو اور پروڈکشن ہاؤس کے ذریعے تیار کی جارہی ہے۔،

    ماضی کی معروف اور حسین ترین اداکارہ مدھوبالا نامور تاریخی فلم مغل اعظم میں انارکلی کے کردار کے لیے مشہور ہیں۔ ان کا فلمی کیریئر تقریباً دو دہائیوں پر محیط تھا اور انہیں ملک کے آزادی کے بعد کے دور میں سب سے زیادہ معاوضہ لینے والی فلمی شخصیات میں سے ایک قرار دیا گیا تھا۔

    یہ بات قابل ذکر ہے کہ وہ بریونگ تھیٹس پرائیویٹ لمیٹڈ کے ساتھ مل کر کام کر رہے ہیں ی ہبایو پک شکتی مان ٹرائیلوجی تیار کر رہی ہے۔

    مدھور برج بھوشن نے میڈیا سے گفتگو میں مزید کہا کہ یہ میرا دیرینہ خواب رہا ہے کہ میں اپنی پیاری بہن کے لیے کچھ کروں، جس نے بہت مختصر لیکن قابل رشک زندگی گزاری۔

    انہوں نے کہا کہ میں نے اور میری تمام بہنوں نے مل کر اس خواب کو پورا کرنے کے لیے ہاتھ ملایا ہے۔ خدا کی رحمت اور میرے دیگر دوستوں اروند جی، پرشانت اور ونے کی محنت و لگن کے ساتھ مجھے یقین ہے کہ یہ بایوپک کامیابی کے ساتھ بنائی جائے گی۔

    اس پراجیکٹ کو خوبصورتی سے آگے بڑھانے کے لیے ہمیں سب کے تعاون کی اشد ضرورت ہے۔

    مدھوبالا کی بہن نے یہ بھی دعویٰ کیا ہے کہ صرف اس کے خاندان کو ہی یہ قانونی حق حاصل ہے کہ وہ اپنی اسٹار کی زندگی پر بائیوپک بنائیں اور بالی ووڈ پر زور دیتے ہیں کہ وہ اداکارہ پر مبنی کسی بھی بایوپک یا کسی دوسرے پروجیکٹ پر کام نہ کرے۔

    واضح رہے کہ مشرق کی ملکہ حسن (وینس آف دی ایسٹ) مدھو بالا36 سال کی جواں عمری میں ہی دنیا چھوڑ گئی تھیں تاہم بہت مختصر فلمی کیریئر کے دوران جو شہرت انہوں نے حاصل کی وہ کم ہی لوگوں کو ملتی ہے۔

    بہن مدھر بھوشن کا کہنا ہے کہ ہمارا خاندان مدھو بالا کی زندگی پر فلم بنا کر انہیں اپنی یادوں میں برقرار رکھنا چاہتا ہے۔

    یاد رہے کہ مدھر بھوشن نے بایو پک بنانے کا اعلان 2018 میں اس وقت کیا تھا جب مادام تسائو کے مومی عجائب گھر میں مدھو بالا کا مومی مجسمہ دنیا بھر کی دیگر اہم شخصیات کے ساتھ نصب کرنے کے بعد اس کا افتتاح ہوا تھا۔

  • میڈونا کی زندگی پر فلم: میڈونا ہی رائٹر، وہی ڈائریکٹر

    میڈونا کی زندگی پر فلم: میڈونا ہی رائٹر، وہی ڈائریکٹر

    معروف امریکی پاپ گلوکارہ میڈونا نے اپنی زندگی پر بننے والی فلم خود ہی لکھنے اور خود ہی اس کی ہدایات دینے کا اعلان کیا ہے۔

    بین الاقوامی میڈیا رپورٹ کے مطابق یونیورسل پکچرز نے میڈونا کی زندگی پر مبنی فلم بنانے کا اعلان کیا ہے، تاحال فلم کو کوئی نام نہیں دیا گیا۔

    اس حوالے سے میڈونا کا کہنا ہے کہ وہ اپنی زندگی پر مبنی فلم خود ہی لکھیں گی اور خود ہی اس کی ہدایت بھی دیں گی۔

    میڈونا کا کہنا تھا کہ وہ زندگی میں بطور ایک گلوکارہ، موسیقار اور رقاصہ اس دنیا میں آگے بڑھنے کے سفر کو خود لوگوں تک پہنچانا چاہتی ہیں، بہت ساری ان سنی اور متاثر کن کہانیاں موجود ہیں لیکن میری کہانی کو مجھ سے بہتر انداز میں کون بیان کرسکتا ہے۔

    یونیورسل پکچرز کے مطابق اس فلم میں میڈونا معاون مصنفہ ہوں گی جبکہ ان کے ساتھ دوسری مصنفہ ڈیابو کوڈی ہوں گی۔ فلم کو ایمی پاسکل پروڈیوس کریں گے جنہوں نے سنہ 1992 میں میڈونا کی فلم اے لیگ آف دیئر اون بھی پروڈیوس کی تھی۔

  • مہوش حیات نے ’بے نظیر بھٹو‘ بننے کی تصدیق کردی

    مہوش حیات نے ’بے نظیر بھٹو‘ بننے کی تصدیق کردی

    کراچی: مسلم دنیا اور پاکستان کی پہلی خاتون وزیراعظم بے نظیر بھٹو شہید کی زندگی پر بنائی جانے والی فلم میں پاکستانی اداکارہ مہوش حیات مرکزی کردار ادا کریں گی۔

    تفصیلات کے مطابق پاکستانی ڈراما اور فلم انڈسٹری کی اداکارہ مہوش حیات نے بے نظیر بھٹو کی سالگرہ کے موقع پر مداحوں کو خوش خبری سنائی کہ وہ بی بی شہید کی زندگی پر بنائی جانے والی فلم میں جلوہ گر ہوں گی۔

    مہوش حیات نے انسٹاگرام پر ایک تصویر شیئر کی جس میں وہ ایک جھولے میں بیٹھ کر بے نظیر کی کتاب ہاتھ میں لی ہوئی ہیں، انہوں نے ساتھ میں طویل اسٹیٹس بھی لکھا۔

    اداکارہ کا کہنا تھا کہ ’بے نظیر بھٹو کی سالگرہ کا دن ہے اور یہ بہترین وقت ہے کہ ہم اُن کی غیر معمولی کامیابیوں پر نظر ڈالیں کیونکہ انہوں نے ملک میں خواتین کے حقوق اور برابری کے لیے بہت جدوجہد کی‘۔

    مہوش حیات کا کہنا تھا کہ ‘میں کبھی سیاسی شخصیت نہیں رہی مگر بے نظیر کی کاوشوں سے بھی کوئی انکار نہیں، ایک وقت میں انہوں نے خواتین کے اندر یہ جذبہ بھی بیدار کیا کہ کچھ بھی ناممکن نہیں ہے’۔ اداکارہ کا کہنا تھا کہ ’بے نظیر نے ہمارے اندر ستاروں تک پہنچنے کی امید اور حوصلہ پیدا کیا’۔

    ان کا مزید کہنا تھا کہ ’بے نظیر بھٹو واقعی بہترین خاتون تھیں جن کی زندگی کے بارے میں مجھے مزید جاننے کا موقع ملا، میں جلد اُن کی زندگی پر بننے والی کہانی کو پیش کروں گی‘۔

    "We have broken glass ceilings, we have broken the stereotypes, and we have been and continue to be prepared to go the extra mile, to be judged by unrealistic standards, to be held more accountable.” Today would have been Mohtarma Benazir Bhutto’s 65th birthday. It is an ideal time to reflect on her undoubted achievements. I have never really been a political person but leaving that aside there is no denying the great strides she made for women’s empowerment and equality in our country – everything we are still fighting for even today. There was a time when she made women believe that almost anything was possible – she gave us hope and inspired us to reach for the stars. I am privileged to have been given the opportunity to research and learn more about her life and sitting here I can only reflect on so much more that could have been had she not lost her life so tragically. The sign of a true leader is the legacy they leave behind and the reverence with which the people remember her irrespective of party allegiances. She was a truly remarkable woman and I look forward to giving life to her story soon. ☑️ #MH #MehwishHayat #lostinreality

    A post shared by Mehwish Hayat (@mehwishhayatofficial) on

    پروجیکٹ پر کام کب شروع ہوگا اس حوالے سے کوئی تاریخ یا تفصیلات سامنے نہیں آئیں البتہ خبر سامنے آنے کے بعد بے نظیر بھٹو کی بڑی صاحبزادی بختاور بھٹو زرداری نے بغیر اجازت فلم پر اعتراض اٹھادیا۔

    واضح رہے کہ پاکستان پیپلزپارٹی کی سربراہ اور سابق وزیر اعظم بے نظیر بھٹو کو 27 دسمبر 2007 کو روالپنڈی کے لیاقت باغ میں جلسے کے بعد قتل کردیا گیا تھا، خود کش حملے اور فائرنگ کے نتیجے میں 20 دیگر کارکنان بھی جاں بحق ہوئے تھے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں