Tag: BISP

اسلام آباد: بینظیر انکم سپورٹ پروگرام میں 14 کروڑ روپے غلط تقسیم ہونے کا انکشاف ہوا ہے۔

تفصیلات کے مطابق ڈپٹی چیئرمین سیدال خان کی زیر صدارت سینیٹ کا اجلاس منعقد ہوا، جس میں وزیر قانون اعظم نذیر تارڑ نے بتایا کہ بینظیر انکم سپورٹ پروگرام میں 8 ہزار 747 بے ضابطگیاں رجسٹرڈ ہوئی ہیں۔

وزیر قانون کے مطابق بی آئی ایس پی میں بے ضابطگیوں میں پیسے ضائع نہیں ہوئے بلکہ اس کی ریکوری کر لی گئی ہے، انھوں نے بتایا کہ بینظیر انکم سپورٹ پروگرام میں 14 کروڑ روپے غلط تقسیم ہوئے لیکن واپس لے لیے گئے۔

اعظم نذیر تارڑ نے کہا بینظیر انکم سپورٹ پروگرام میں مالی غبن پر ایکشن لیا گیا ہے، پچھلے 5 سال میں بی آئی ایس پی میں 14 کروڑ سے زائد کا غبن ہوا، اور تقریباً 7 کروڑ سے زائد رقم واپس کروا لی گئی۔

نادرا سے ملنے والی حساس معلومات کا غلط استعمال ، چونکا دینے والا انکشاف سامنے آگیا

ان کا اجلاس میں کہنا تھا کہ 12 یا 14 سو ارب روپے تقسیم کیے جانے کے دوران 14 کروڑ روپے کا غبن اتنا بڑا مسئلہ نہیں ہے، اس میں کاہلی یا سستی بھی ہوئی ہے، اتنی بڑی رقم کے مقابلے میں 14 کروڑ کی رقم کا تناسب انتہائی کم ہے۔

اسلام آباد: حکومت نے بینظیر انکم سپورٹ پروگرام کا دائرہ کار بڑھانے کا فیصلہ کیا ہے، اس ضمن میں بی آئی ایس پی ہولڈرز کی تعداد ایک کروڑ تک لے جانے کا ہدف مقرر کیا گیا ہے۔

ذرائع بی آئی ایس پی کے مطابق بی آئی ایس پی کارڈ ہولڈرز کی موجودہ تعداد 92 لاکھ کے قریب ہے، اب مزید 8 لاکھ افراد کو بینظیر انکم سپورٹ پروگرام میں شامل کیا جائے گا۔

ذرائع کا کہنا ہے کہ اس سلسلے میں چاروں صوبوں کے مخصوص اضلاع میں ڈائنامک سروے جاری ہے، دور دراز علاقوں میں دفاتر قائم کیے جا رہے ہیں، اس ڈائنامک سروے میں بلوچستان کے لوگوں کو خصوصی رعایت مل رہی ہے۔

ڈائنامک سروے کے ذریعے مزید لوگ بی آئی ایس پی میں شامل کیے جائیں گے، سروے میں مستحق خواتین اور ان کے بچوں کی رجسٹریشن جاری ہے، سندھ، بلوچستان کے دور دراز ایریاز میں موبائل رجسٹریشن وہیکلز بھجوائی گئی ہیں۔

پشاور: ایف آئی اے سائبر کرائم نے بینظیر انکم سپورٹ پروگرام کا افسر ظاہر کرنے والے نوسرباز کو گرفتار کرلیا۔

تفصیلات کے مطابق ایف آئی اے سائبر کرائم سرکل نے کارروائی کرتے ہوئے فراڈ میں ملوث نوسرباز کو گرفتار کرلیا، ملزم جبار علی شاہ خود کو بینظیر انکم سپورٹ پروگرام کا افسر ظاہر کرکے لوگوں کو لوٹتا تھا۔

ایف آئی اے حکام نے بتایا کہ ملزم نے متاثرین کو جعلی اسکیم کے تحت گھر، 60 لاکھ روپے، 10 تولے سونے کا جھانسہ دیا تھا، ملزم متاثرین سے اصل شناختی کارڈ لے کر جعلی دستاویزات تیار کرتا تھا۔

ایف آئی اے نے بتایا کہ ملزم نے شہریوں کو ایک کروڑ روپے سے زائد کا نقصان پہنچایا ہے، ملزم دھوکہ دہی کے بعد متاثرین کی غیر اخلاقی ویڈیوز ریکارڈ کر کے بلیک میل بھی کرتا تھا۔