Tag: BJP workers

  • ووٹرز میں پیسے باٹتے بی جے پی کارکنان کی ویڈیو وائرل

    ووٹرز میں پیسے باٹتے بی جے پی کارکنان کی ویڈیو وائرل

    نئی دہلی: بھارتی ریاست بہار میں ہونے والے ریاستی الیکشن میں ووٹرز کو خریدنے کی ویڈیو سوشل میڈیا پر وائرل ہوگئی ہے۔

    بین الاقوامی میڈیا رپورٹ کے مطابق ویڈیو اپوزیشن جماعت کانگریس کی جانب سے وائرل کی گئی ہے، جس پر ریاست کے چیف الیکشن کمشنر نے نوٹس لیتے ہوئے واقعے کی تحقیقات کا حکم دیا ہے۔

    وائرل کی گئی ویڈیو بھارتی ریاست بہار کے حلقے کرجن اسمبلی کی ہے، ویڈیو میں دیکھا جاسکتا ہے کہ بی جے پی کا ایک رکن ووٹ کاسٹ کرنے والے افراد کو پیسے دیتے ہوئے کہتا ہے کہ ایک نمبر پر مہر لگانا۔

    کانگریس نے الزام عائد کیا ہے کہ اس سیٹ کو جیتنے کے لئے بی جے پی لیڈرز و کارکنوں نے انٹولا اور گوسیندرا گاؤں میں بھی ووٹرز میں پیسے تقسیم کئے

  • بی جے پی کارکنوں کا بھارتی صحافی پرحملہ

    بی جے پی کارکنوں کا بھارتی صحافی پرحملہ

     نیویارک : بھارتی وزیرِاعظم نریندرمودی کے دورۂ امریکا کی کوریج کے لئے نیویارک میں موجود بھارتی صحافی اورٹی وی اینکر راجدیپ سر ڈٰیسائی کو بی جے پی کے انتہا پسندوں نے گھیرکر تھپڑ مارے اور دھکے دئیے۔

    بھارتی میڈیا کے مطابق راجدیپ سرڈیسائی سے بدتمیزی کا واقعہ نریندرمودی کی میڈیسن اسکوائر گارڈن کی تقریر سے قبل پیش آیا، انتہا پسندوں نے راجدیپ کو دھکے دئیے اورتھپڑ مارے، دیگر لوگوں نے بھارتی صحافی کو بی جے پی کے کارکنوں کے گھیرے سے نکال کرروانہ کیا۔

    واقعے کے بارے میں سماجی رابطے کی ویب سائٹ پرراجدیپ سرڈیسائی کا کہنا تھا کہ میڈیسن گارڈن اسکوائرمیں چند احمق بھی موجود تھے، جو بدتمیزی اور تشدد سے اپنی بات منوانے پریقین رکھتے ہیں۔

    صحافی سے بدتمیزی کے بعد سوشل میڈیا پربی جے پی کو تنقید کا نشانہ بنایا جا رہا ہے۔