Tag: BJP

  • لکھنؤ میں کشمیریوں پر تشدد، بھارتی صحافی نے انتہا پسندوں کو غدار قرار دے دیا

    لکھنؤ میں کشمیریوں پر تشدد، بھارتی صحافی نے انتہا پسندوں کو غدار قرار دے دیا

    نئی دہلی: بھارتی خاتون صحافی برکھا دت نے مسلمانوں اور کشمیریوں پر ظالم کرنے والے انتہاء پسندوں کو غدار قرار دے دیا۔

    تفصیلات کے مطابق ایک روز قبل سماجی رابطے کی ویب سائٹ پر ویڈیو سامنے آئی تھی جس میں دیکھا جاسکتا تھا کہ ہندو انتہاء پسند تنظیم کے کارندوں نے لکھنؤ میں مسلمانوں پر تشدد کیا۔

    فٹ پاتھ پر بیٹھے خشک میوہ جات فروخت کرنے والے مسلمانوں نے انتہاء پسند رہنماؤں کو یقین دلایا کہ وہ صرف کاروبار کی غرض سے یہاں بیٹھے ہیں مگر انہوں نے ایک نہ سنی اور بہیمانہ تشدد کا نشانہ بنایا۔

    بھارت سے تعلق رکھنے والی معروف خاتون صحافی برکھا دت نے ویڈیو دیکھ کر ردعمل دیتے ہوئے کہا کہ ’بھارت میں مسلمانوں پر مسلسل ظلم ہورہا ہے، کشمیری یا مسلمان کو دیکھتے ہی انتہاء پسند اُسے تشدد کا نشانہ بنانا شروع کردیتے ہیں‘۔

    ویڈیو دیکھیں: بھارت، ہندو انتہا پسندوں کا غریب کشمیری نوجوانوں پر تشدد

    انہوں نے بھارتی انتہاپسندوں کو غدار قرار دیا اور لکھنو میں دو کشمیری مسلمانوں پر تشدد کی مذمت کی۔ برکھا دت کا کہنا تھا کہ  اگر ایسی حرکت قوم پرستی لگتی ہے تو آپ غدار ہیں، جب آپ تشدد کو ہوا دیں گے تو کسی سے اچھے جواب کی امید نہ رکھیں۔

    یاد رہے کہ گزشتہ روز مقبوضہ کشمیر کے سابق وزیراعلیٰ عمر عبداللہ نے افسوسناک ویڈیو شیئر کرتے ہوئے بھارتی حکومت کا مکرہ چہرہ بے نقاب کیا تھا۔

    ویڈیو میں دیکھا جاسکتا ہے کہ لکھنؤ میں میوہ فروخت کرنے والے دو کشمیریوں پر ہندوانتہا پسندوں نے حملے کیا اور انہیں بری طرح تشدد کا نشانہ بنایا، اس دوران سڑک پر موجود افراد خاموش تماشائی بنے رہے جبکہ ایک نوجوان نے واقعے کی ویڈیو بنا کر سوشل میڈیا پر شیئر کی۔

    یہ بھی پڑھیں: بھارتی صحافی اور عالمی میڈیا نے بھارتی سرجیکل اسٹرائیک کے دعوے کو مضحکہ خیز قرار دے دیا

    انتہاپسندوں نے محنت کش کشمیریوں پر لاٹھیاں برسائیں اور بری طرح گھسیٹا اور سرعام تشدد کا نشانہ بناتے ہوئے کہا کہ یہ کشمیری ہیں اس لیے ان کے ساتھ ایسا برتاؤ ہورہا ہے۔

  • مودی کے لیے مشکلات، سلمان خان کی کانگریس میں شمولیت کا امکان

    مودی کے لیے مشکلات، سلمان خان کی کانگریس میں شمولیت کا امکان

    ممبئی: بھارت کی اپوزیشن جماعت کے رہنما نے اشارہ دیا ہے کہ بالی ووڈ کے اداکار سلمان خان لوک سبھا کے الیکشن سے قبل اُن کی جماعت میں شمولیت اختیار کرلیں گے۔

    بھارتی میڈیا رپورٹس کے مطابق الیکشن سے قبل سلمان خان کی اپوزیشن کی سب سے بڑی جماعت کانگریس میں متوقع ہے اور اگر ایسا ہوگیا تو راہول گاندھی کو  بھارت کا  وزیراعظم بننے سے کوئی روک نہیں سکتا۔

    بھارتی میڈیا سے گفتگو کرتے ہوئے مدھیہ پردیش کے وزیراعلیٰ کمال ناتھ نے اشارہ دیا جس سے یہ تاثر پیدا ہوگیا کہ جلد سلمان خان کانگریس میں شمولیت اختیار کرلیں گے۔

    کمال ناتھ کا کہنا تھا کہ سلمان خان آئندہ ماہ مدھیہ پردیش آئیں گے اور 18 روز تک رابطے میں رہیں گے۔ بھارتی تجزیہ نگاروں کا ماننا ہے کہ سلمان خان کانگریس کے ٹکٹ پر الیکشن یا اُن کی انتخابی مہم کا حصہ بنا سکتے ہیں‘۔

    مزید پڑھیں: بھارتی الیکشن، ووٹرز کی سوچ فلموں کے ذریعے تبدیل کرنے کی تیاری

    یاد رہے کہ بھارت میں اپریل مئی کے دوران لوک سبھا کے انتخابات ہوں گے جس میں فتح حاصل کرنے کے لیے سیاسی جماعتوں نے تیاریاں شروع کردیں جبکہ حکمراں جماعت اوچھے ہتھکنڈے اپنا رہی ہے۔

    مجموعی طور پر کانگریس نے مختلف علاقوں میں بھارتیہ جنتا پارٹی کو بہت ٹف ٹائم دیا ہوا ہے جبکہ سابق حکمراں جماعت نے سیاسی افق پر نیا چہرہ پریانکا گاندھی کی صورت میں بھی متعارف کرایا جنہوں نے بی جے پی کے گڑھ میں اپنا پہلا بھرپور سیاسی شو کیا تھا۔

    پاک بھارت کشیدگی کے حوالے سے کانگریس رہنما راہول گاندھی نے مودی کو آڑے ہاتھوں لیتے ہوئے الزام عائد کیا کہ حکومت جارحیت اور فوجیوں کو استعمال کر کے دوبارہ اقتدار حاصل کرنے کی خواہش مند ہیں۔

    سیاسی میدان میں انٹری یا کانگریس میں شمولیت کے حوالے سے سلمان خان کے مینیجر کا کہنا تھا کہ دبنگ خان سیاست میں حصہ لینے نہیں بلکہ مدھیہ پردیش میں سیاحت اور ثقافتی ورثے کو اجاگر کرنے کے حوالے سے منعقدہ پروگرام میں شرکت کرنے آرہے ہیں۔

    مزید پڑھیں: ’واہگہ بارڈر‘ پر پاکستانی جھنڈا کیوں لہرایا؟ سلمان خان کا پرچہ کٹ گیا

    اُن کا کہنا تھاکہ سیاحت اور مذہبی و قومی ثقافتی ورثے کو فروغ دینے کے لیے ریاستی حکومت نے 18 روزہ پروگرام ترتیب دیا جس میں سلمان خان بطور مہمان خصوصی شرکت کریں گے۔

    دوسری جانب کانگریس کے مقامی رہنما کا کہنا تھا کہ اُن کی جماعت اور قیادت اندور کی نشست سے سلمان خان کو ٹکٹ دینے کی خواہش مند ہے جس کے لیے بات چیت جاری ہے۔

    یاد رہے کہ 2013 میں ہونے والے عام انتخابات میں بی جےپی نے سلمان خان کو مدھیہ پردیش کی نشست سے الیکشن لڑنے کی پیش کش کی تھی جسے انہوں نے مسترد کردیا تھا۔

  • پاکستان کے خلاف زہر افشانی کرنے والے بی جے پی رہنما آپس ہی میں لڑ پڑے

    پاکستان کے خلاف زہر افشانی کرنے والے بی جے پی رہنما آپس ہی میں لڑ پڑے

    یوپی: پاکستان کے خلاف زہر افشانی کرنے والے بی جے پی رہنما آپس ہی میں لڑ پڑے، ویڈیو  وائرل ہوگئی۔

    تفصیلات کے مطابق پاکستانی قوم کو تقسیم کرنے کے لیے ساز شیں‌ کرنے والی انتہا پسند بھارتی جماعت بی جے پی کے سینئر رہنما اجلاس میں‌ گتھم گتھا ہوگئے.

    صورت حال اتنی بگڑ گئی کہ رہنماؤں نے ایک دوسرے کے گریبان پکڑ لیے اور ایک دوسرے پر جوتے برساتے رہے.

    جھگڑے کا آغاز اس وقت ہوا، جب بی جے پی کے رکن قومی اسمبلی شرد ترپاٹی نے پارٹی کے مقامی رہنما راکیش بگھل کو جوتا دے مارا.

    موصولہ اطلاعات کے مطابق رکن قومی اسمبلی اس بات پر آگ بگولا ہوگئے تھے کہ افتتاحی پلیٹ سے ان کا نام حذف کر دیا گیا ہے۔

    جلد ہی واقعے کی ویڈیو وائرل ہوگئی اور سوشل میڈیا پر ٹریند بن گئی. ویڈیو کے باعث بی جے پی یوپی کی خاصی سبکی ہوئی، جماعت نے تحقیقات کا حکم دیا ہے.

    مزید پڑھیں: عالمی میڈیا نے بھارتی میڈیا کو جھوٹ بولنے میں نمبرون قرار دے دیاا.

    خیال رہے کہ پلوامہ حملے کے بعد سے بھارتی حکومت اور میڈیا پاکستان کے خلاف نفرت انگیز پروپیگنڈا کر رہا ہے، اس کے برعکس پاکستانی میڈیا نے معتدل رویہ اختیار کیا، جس کی تعریف ڈی جی آئی ایس پی آر نے بھی کی.

  • مودی کو پہلا دھچکا، خاتون رکن اسمبلی نے بی جے پی چھوڑ کر کانگریس میں‌ شمولیت اختیار کرلی

    مودی کو پہلا دھچکا، خاتون رکن اسمبلی نے بی جے پی چھوڑ کر کانگریس میں‌ شمولیت اختیار کرلی

    نئی دہلی: بھارتیہ جنتا پارٹی اور وزیراعظم مودی کو اپنی ہی پالیسیاں گلے پڑنے لگیں جس کی وجہ سے اُن کی جماعت کے منتخب اراکین پارٹی چھوڑ کر جارہے ہیں۔

    تفصیلات کے مطابق بھارت میں لوک سبھا کے انتخابات سے قبل وزیراعظم مودی نے دوبارہ اقتدار حاصل کرنے کے لیے  کشمیر میں مظالم کیے اور پلوامہ حملے کا ذمہ دار پاکستان کو قرار دے کر جارحانہ اقدامات بھی کیے۔

    بھارت کی اپوزیشن جماعتوں نے مودی کی جنگی پالیسیوں پر تنقید کرتے ہوئے مطالبہ کیا ہے کہ پاکستان کے خلاف کامیاب کارروائی کا دعویٰ جھوٹا قرار دیتے ہوئے ثبوت بھی مانگے۔

    مودی سرکار کی پالیسیاں اب اُن کی اپنی ہی جماعت بھارتیہ جنتا پارٹی کو نقصان پہنچانے لگیں اور کانگریس کی پوزیشن بظاہر مضبوط ہورہی ہے۔

    بھارتیہ جنتا پارٹی کے ٹکٹ پر رکن پارلیمنٹ منتخب ہونے والی خاتون ساوتری بائی نے اپنی پارٹی کی پالیسیوں سے اختلاف کرتے ہوئے نہ صرف بنیادی رکنیت سے استعفیٰ دیا بلکہ کانگریس جماعت میں شمولیت اختیار کرلی۔

    خاتون رکن پارلیمنٹ نے نئی دہلی میں راہول گاندھی اور سونیا گاندھی سے ملاقات کی اور اپوزیشن کی سب سے بڑی جماعت کانگریس میں شمولیت کا باقاعدہ اعلان کیا۔

    ساوتری بانو کا کہنا تھا کہ میں نے اپنی پارٹی سے متعدد بار تحفظات کا اظہار کیا اور انہیں بتایا کہ جنگی جارحیت کی وجہ سے ملک کو نقصان ہوگا مگر میری بات پر کان نہیں دھے گئے۔ ساوتری نے اپنی سابقہ جماعت پر الزام عائد کیا کہ وہ بھارت میں معاشرے کو تقسیم کررہی ہے جس کی وجہ سے لوگوں کے تحفظات بہت زیادہ بڑھ رہے ہیں۔

  • پاکستان کے خلاف فضائی کارروائی میں‌ ناکامی، مودی نے اعتراف کرلیا

    پاکستان کے خلاف فضائی کارروائی میں‌ ناکامی، مودی نے اعتراف کرلیا

    نئی دہلی: بھارتی وزیراعظم نریندر مودی نے پاکستان کے خلاف کی جانے والی فضائی کارروائی میں ناکامی کا اعتراف کرتے ہوئے پاکستان کو  برتر قرار دے دیا۔

    ایک روز قبل بھارتیہ جنتا پارٹی کے جلسے سے خطاب کے دوران مودی نے پاکستان کے ساتھ ہونے والی فضائی جھڑپ میں پاکستان کی برتری کا بلواسطہ اعتراف کیا۔

    بھارتی میڈیا کے مطابق مودی نے خطاب کے دوران کا کہ ’اگر بھارت کے پاس رافیل طیارے موجود ہوتے تو صورتحال بہت مختلف ہوتی‘۔

    مزید پڑھیں: ابھی نندن کی رہائی، عمران خان کا فیصلہ بہادری قرار، بھارتی وزیراعلیٰ کا خراج تحسین

    دوسری جانب کانگریس جماعت کے لیڈر راہول گاندھی نے بھارتی وزیر اعظم پر سخت تنقید کرتے ہوئے کہا کہ ’مودی کیا آپ کو شرم نہیں آتی؟‘۔

    راہول گاندھی کا کہنا تھا کہ ’پیارے وزیراعظم آپ نے ملک کے 30 ہزار کروڑ روپے چوری کر کے اپنے دوست انیل امبانی کو دیے، رافیل طیاروں کی خریداری میں تاخیر کا کوئی اور نہیں بلکہ آپ ہی ذمہ دار ہیں‘۔

    اُن کا کہنا تھا کہ ’مودی کی وجہ سے ہی ونگ کمانڈر ابھی نندن کی طرح دیگر پائلٹ پرانے جنگی طیارے چلا کر اپنی زندگیاں خطرے میں ڈال رہے ہیں کیونکہ دفاعی بجٹ کی رقم میں ہیر پھیر کی گئی‘۔

    یہ بھی پڑھیں: پاکستان کے خلاف فضائی کارروائی، بھارتی وزیر نے حکومت کا جھوٹ بے نقاب کردیا

    یاد رہے کہ بھارتی فضائیہ نے 25 اور 26 فروری کی درمیانی شب پاکستانی فضائی حدود کی خلاف ورزی کی تھی تاہم پاک فضائیہ کی جانب سے بھرپور اقدامات کے بعد بھارتی طیارے واپس چلے گئے تھے۔

    اگلے رہی روز بی ایس ایف کے طیاروں نے پاکستانی حدود میں داخل ہونے کی کوشش کی تو پاک فضائیہ کے شاہینوں نے دو طیاروں کو تباہ کردیا تھا جس کے نتیجے میں ایک پائلٹ ہلاک اور دوسرا زندہ گرفتار ہوا تھا۔

    وزیر اعظم عمران خان نے خطے میں امن قائم کرنے کے لیے ابھی نندن کو رہا کرنے کا اعلان کیا جس کے بعد اُسے دو روز قبل واہگہ بارڈر کے مقام پر بھارتی حکام کے حوالے کیاگیا۔

    اسے بھی پڑھیں: برطانوی صحافیوں نے بھی پاکستانی طیارہ گرانے کا بھارتی دعویٰ جھوٹا ثابت کر دیا

    پاکستان کی جانب سے بھارتی پائلٹ کی رہائی کے اقدام کو دنیا بھر میں سراہا گیا اور اقوام متحدہ نے بھی اس اقدام کی تائید کی جبکہ سوشل میڈیا صارفین نے عمران خان کو نوبل پرائز دینے کے لیے بھی مہم شروع کی۔

  • ابھی نندن کی رہائی، عمران خان کا فیصلہ بہادری قرار، بھارتی وزیراعلیٰ کا خراج تحسین

    ابھی نندن کی رہائی، عمران خان کا فیصلہ بہادری قرار، بھارتی وزیراعلیٰ کا خراج تحسین

    نئی دہلی: بھارتی ریاست مدھیا پردیش کے سابق وزیر اعلیٰ ڈگ وجے سنگھ نے ابھی نندن کی رہائی پر عمران خان کو خراج تحسین پیش کردیا۔

    بھارتی میڈیا سے گفتگو کرتے ہوئے ڈگ وجے سنگھ نے حکومتی پالیسیوں اور جنگی جنون پر شدید تنقید کرتے ہوئے کہا کہ بھارتی پائلٹ کو رہا کرنا عمران خان کا دلیرانہ فیصلہ ہے۔ انہوں نے وزیراعظم عمران خان کو خطے میں امن کے لیے اقدامات کرنے پر خراج تحسین بھی پیش کیا۔

    دوسری جانب بھارتی وزیر سرندرا جیت سنگھ نے بالا کوٹ میں ہونے والی فضائیہ کارروائی کو ناکام قرار دیتے ہوئے حکومت کے جھوٹ کو بے نقاب کردیا۔

    مزید پڑھیں: عمران خان کا پرستار ہوگیا ہوں، سابق بھارتی چیف جسٹس مرکنڈے کاٹجو

    اُن کا کہنا تھا کہ بھارتی فضائیہ کی کارروائی میں پاکستان کا کوئی نقصان نہیں ہوا، 300 افراد کی ہلاکتوں کا دعویٰ محض جھوٹ اور پروپیگنڈا ہے کیونکہ حکومت نے اس کی تصاویر اور کوئی ثبوت فراہم نہیں کیے۔

    بھارت کی اپوزیشن جماعتیں پاکستان کے خلاف دراندازی اور جنگی جنون پر مودی کو مسلسل تنقید کا نشانہ بنا ر ہی ہیں اور انہوں نے پُرزور مطالبہ کیا ہے کہ حکومت نے جس کامیابی کا دعویٰ کیا وہ تصاویر پیش کرے ورنہ قوم کو بے وقوف بنانے کا سلسلہ فوری بند کیا جائے۔

    قبل ازیں بھارت کے سابق چیف جسٹس مرکنڈے کاٹجو نے بھی عمران خان کے سیاسی فیصلوں کو مثبت قرار دیتے ہوئے کہا تھا کہ پائلٹ کی رہائی کے بعد میں وزیراعظم پاکستان کا معترف ہوگیا ہوں۔

    یہ بھی پڑھیں: مودی کی انتہاء پسندی اور حکمرانی کی لالچ، اروند کیجری وال نے بھارتی وزیر اعظم کا چہرہ بے نقاب کردیا

    یہ ویڈیو بھی دیکھیں: پاکستان پر حملہ ڈرامہ تھا، پلوامہ حملہ میں مارے جانے والے فوجی کی والدہ کا بیان

    اس سے پہلے اسمبلی اجلاس میں خطاب کے دوران وزیراعلیٰ نئی دہلی نے جنگی جنون میں مبتلا بھارتی وزیر اعظم نریندر مودی کو بے نقاب کرتے ہوئے حکومت کی خارجہ پالیسی کو کڑی تنقید کا نشانہ بنایا تھا۔

    اروند کیجری وال نے نریندر مودی کو مخاطب کرتے ہوئے کہا تھا کہ ’لوک سبھا کی 300 نشستوں کے لیے کتنے جوان اور فوجی مروائے جائیں گے؟‘۔ وزیراعلیٰ کا کہنا تھا کہ مودی کو الیکشن جیتنے کے لیے کتنی لاشوں کی ضرورت ہے؟ ابھی بی جے پی کی حکومت اور کتنے گھر برباد کرے گی۔؟

    پلوامہ حملے میں ہلاک ہونے والے بھارتی فوجی اہلکار کی والدہ نے بھی بالاکوٹ فضائی کارروائی کو جھوٹ اور ڈرامہ قرار دیا تھا اور انہوں نے حکومت سے ثبوت مانگے تھے۔

  • انتخابات کے لئے لاشیں گرانا ضروی ہے: بھارتی رہنماؤں کی مبینہ آڈیو کال نے کھلبلی مچا دی

    انتخابات کے لئے لاشیں گرانا ضروی ہے: بھارتی رہنماؤں کی مبینہ آڈیو کال نے کھلبلی مچا دی

    نئی دہلی : پلوامہ حملہ انتخابات کےلیے نریندر مودی کا پائلٹ پروجیکٹ تھا، بی جے پی نے پیسے دے کر بھارتی فوجیوں کا سودا کیا۔

    تفصیلات کے مطابق سابق بھارتی فوجی افسر کے بیٹے اور شدت پسند بھارتیہ جنتا پارٹی کے سابق رکن اوی ڈانڈیہ نے مودی سرکار کے پلواما حملے کا پول کھول دیا۔

    اوی ڈانڈیہ نے بی جے پی رہنما اور امیت شاہ کی مبینہ آڈیو کال سماجی رابطے کی ویب سائٹس پر شیئر کردی، آڈیو میں راج ناتھ سنگھ کی گفتگو واضح طور پر سنی جاسکتی ہے جس میں کہہ رہے ہیں الیکشن کےلیے لاشیں گرانا ضروری ہے۔

    [bs-quote quote=”اڑی حملہ بھی مودی سرکار کے کہنے پر ہوا ہے، بھارتی سیاست دانوں کی مبینہ آڈیو میں انکشاف” style=”style-8″ align=”left”][/bs-quote]

    راج ناتھ سنگھ اور امیت شاہ کی مبینہ آڈیو گفتگو میں سنسنی خیز انکشافات ہوئے ہیں، انتخابات میں کامیابی کےلیے لاشیں چاہئیں، چناؤ کو جنگ قرار دے کر پلواما میں بھارتی فوجیوں کو مارنے کےلیے بی جے پی نے جان بوجھ کر دھماکا کروایا ہے۔

    مبینہ آڈیو کال میں راج ناتھ سنگھ اور امیت شاہ کو ’اڑی حملہ بھی مودی سرکار کے کہنے پر ہوا ہے‘ کہتے ہوئے سنا جاسکتا ہے۔

    عرصہ درازسےجنوبی کشمیر ہمارےکنٹرول میں نہیں، سابق بھارتی را چیف کے تہلکہ خیز انشافات

    یاد رہے کہ اس سے قبل بھارتی خفیہ ایجنسی ’را‘ کے سابق سربراہ ایس اے دُلت نے ایک انٹر ویو میں تہلکہ خیز انشافات کرتے ہوئے کہا عرصہ درازسے جنوبی کشمیر ہمارےکنٹرول میں نہیں جوکچھ ہورہاہےوہ ہمارے قابومیں نہیں اور زمینی حقائق ہماری گرفت میں نہیں، اس کا اعتراف بہت سینئرآرمی افسراوراپنےوقت کے آرمی کمانڈرجنرل ہڈانے بھی کیاتھا۔

    سابق بھارتی را چیف نے پلوامہ حملے کو انٹیلی جنس کی ناکامی قرار دیتے ہوئے کہا اس قدر بڑی شورش اورحریت پسندی کو فوج کنٹرول نہیں کرسکتی، پاکستان سےبات کئےبغیر کوئی چارہ نہیں۔

    پلوامہ حملہ: پیشگی اطلاع کے باوجود مودی حکومت نے فوجی مروائے، بھارتی سماجی کارکن

    واضح رہے 19 فروری کو مقبوضہ کشمیر کے ضلع پلوامہ میں کار بم حملے میں42 بھارتی فوجی ہلاک اور متعدد زخمی ہوئے تھے، حملے کے فوری بعد بھارت نے پاکستان پر الزام تراشی کا سلسلہ شروع کردیا تھا۔

    بھارتی فوجیوں نے پلواما حملے کا بدلہ لینے کےلیے  کنٹرول لائن کی خلاف ورزی کرتے ہوئے دراندازی کی تھی تاہم پاک فضائیہ نے بروقت کارروائی کی اور بھارتی طیاروں کو بھاگنے پر مجبور کردیا۔ بھارتی طیارے جاتے ہوئے اپنا پے لوڈ جنگل میں گرا کر چلے گئے۔

  • ’جس جنگ میں بادشاہ کی جان کو خطرہ نہ ہو اُسے جنگ نہیں سیاست کہتے ہیں‘

    ’جس جنگ میں بادشاہ کی جان کو خطرہ نہ ہو اُسے جنگ نہیں سیاست کہتے ہیں‘

    نئی دہلی: بھارتی سیاست دان اور سابق کرکٹر نوجوت سنگھ سدھو نے کہا ہے کہ بھارت کی ناکام حکومتیں اقتدار حاصل کرنے کے لیے جنگوں کا سہارا لیتی ہیں۔

    بھارتی میڈیا رپورٹ کے مطابق کانگریس کے رہنما اور پنجاب حکومت کے وزیر سدھو کا حکمراں جماعت پر تنقید کرتے ہوئے کہنا تھا کہ کھوکھلے اور سیاسی مقاصد کے لیے  کتنے بے قصور لوگوں اور جوانوں کو قربانی دینا ہوگی۔

    سدھو کا کہنا تھا کہ ’جس جنگ میں بادشاہ کی جان کو خطرہ نہ ہو اُسے جنگ نہیں سیاست کہتے ہیں، بھارت کی ناکام حکومتیں جنگ کا سہارا لے کر اقدار حاصل کرنا چاہتی ہیں‘۔

    مزید پڑھیں: نوجوت سنگھ سدھو کا بھارتی پائلٹ کی رہائی کے اعلان کا خیر مقدم

    نوجوت سنگھ سدھو کا کہنا تھا کہ پڑوسی ملک پاکستان پر دہشت گردی کا الزام لگانے سے بہتر ہے اُن سے بات چیت اور مذاکرات کیے جائیں، جنگ کی صورت میں دونوں ممالک کے عوام کا نقصان ہوگا جو کسی کے حق میں نہیں ہے۔

    اُن کا کہنا تھا کہ سرحد کے اندر اور باہر سے اگر بھارت کو دہشت گردی کا سامنا ہے تو اس کا الزام عائد کرنے کے بجائے ہمیں اپنے آپ کو ٹھیک کرنا ہوگا اور اپنے درمیان لوگوں کو دیکھنا ہوگا۔

    سدھو نے بھارتی حکومت کی جانب سے پاکستان پر الزام تراشی کے الزامات کو مسترد کرتے ہوئے کہا کہ ’چند عناصر کی وجہ سے پورے ملک یا قوم کو  دہشت گرد قرار نہیں دیا جاسکتا۔

    یہ بھی پڑھیں: وزیراعظم عمران خان نےبیج بویاتھاوہ آج تناور درخت بن گیا ہے، نوجوت سنگھ سدھو

    اسے بھی پڑھیں: مودی کی انتہاء پسندی اور حکمرانی کی لالچ، اروند کیجری وال نے بھارتی وزیر اعظم کا چہرہ بے نقاب کردیا

    یاد رہے کہ گزشتہ روز عمران خان کے مداح اور دوست نے وزیرِ اعظم پاکستان کی جانب سے بھارتی پائلٹ کی رہائی کا اعلان ہونے پر خوشی کا اظہار کرتے ہوئے کہا تھا کہ یہ اقدام ایک ارب لوگوں کی خوشی کا سبب بنے گا۔

    نوجوت سنگھ سدھو نے عمران خان کو سراہتے ہوئے کہا تھا کہ ’ہر بہترین عمل لوگوں کے دلوں میں خود ہی گھر کرلیتاہے، بھارتی پائلٹ کی واپسی پر اُن کے اہل خانہ کی خوشی محسوس کرسکتا ہوں۔

  • بی جے پی رہنما نے پاکستان پر حملے کو مودی کا انتخابی حربہ قرار دے دیا

    بی جے پی رہنما نے پاکستان پر حملے کو مودی کا انتخابی حربہ قرار دے دیا

    کرناٹک : بی جے پی رہنما بی ایس یہدی یراپہ نے پاکستان پر حملے کو انتخابی حربہ قرار دیتے ہوئے کہا حملےسے مودی کی اٹھائیس میں سے بائیس سیٹس پکی ہوگئیں، بی جے پی کرناٹک میں کلین سوئپ کرےگی۔

    تفصیلات کے مطابق بی جےپی کے ہی رہنما نے مودی سرکارکا بھانڈا پھوڑدیا، کرناٹک میں بی جے پی کے رہنما بی ایس یہدی یراپہ نے کہا پاکستان پر جعلی حملے کا ناٹک صرف انتخابی حربہ تھا ، حملے اور جنگ کے بعد بی جے پی کو کرناٹک میں بائیس سیٹس مل جائیں گی۔

    بی جے پی رہنما نے دعویٰ کیا کہ لوک سبھا اٹھائیس میں سے بائیس سیٹس پکی ہوگئیں ہیں ،پاکستان پرحملہ مودی کےحق میں ثابت ہواہے اور پورے ملک میں جاری مودی مخالف ہوا تھم جائےگی۔

    پاکستان پرحملہ مودی کےحق میں ثابت ہوا

    بی ایس یہدی یراپہ کا کہنا تھا کہ پاکستان پر حملے سے بھارت کے نوجوانوں میں جوش اور جذبہ ابھرا ہے، یہ جذبہ مودی کی جیت کا باعث بنے گا، مودی کےحق میں فضادن بدن بہترہورہی ہے۔

    بی جے پی رہنما کا کہنا ہے کہ اس وقت کرناٹک میں مخلوط حکومت ہے، جس میں سے سولہ سیٹیں بی جےپی کےپاس ہیں، پاکستان پر حملے کے بعد بی جے پی کرناٹک میں کلین سوئپ کرےگی۔

    دوسری جانب بی جی پی رہنما بی ایس یہدی یراپہ کے بیان پر بھارتی میں تمام بڑی جماعتیں سیخ پا ہیں۔

    خیال رہے پاکستان اور بھارت کے درمیان حالات کشیدہ ہے ، پاکستان نے فضائی حدود کی خلاف ورزی پر 2 بھارتی طیارے مار گرائے تھے اور بھارتی پائلٹس کو بھی گرفتار کرلیا تھا۔

    اس سے قبل بھارتی طیاروں نے پاکستانی فضائی حدود کی خلاف ورزی کی تھی ، پاک فضائیہ کے بروقت ایکشن پر بھاگنے پر مجبور ہوگئے تھے اور جلد بازی میں اپنا پے رول گراگئے تھے تاہم کوئی جانی نقصان نہیں ہوا تھا۔

    بعد ازاں بھارتی میڈیا نے دعویٰ کیا تھا کہ بھارتی طیاروں نے جیش محمد کے ٹھکانوں کو نشانہ بنایا ، جس میں 200 دہشت گرد مارے گئے۔

  • کانگریس نریندر مودی پر برس پڑی، بی جے پی کو نکمی اور ناکارہ حکومت قرار دے دیا

    کانگریس نریندر مودی پر برس پڑی، بی جے پی کو نکمی اور ناکارہ حکومت قرار دے دیا

    دہلی: بھارت کی سب سے بڑی اپوزیشن جماعت کانگریس نے  پلوامہ حملے کے بعد بھارتی وزیر اعظم کو نشانے پر رکھ لیا.

    تفصیلات کے مطابق کانگریس کے ترجمان نے نریندر مودی پر شدید تنقید کرتے ہوئے الزام عائد کیا ہے کہ حملے کے بعد بھی وزیر اعظم اپنی تشہیری مہم میں مگن تھے۔

    [bs-quote quote=”نریندر مودی نے اس لیے سوگ کا اعلان نہیں کیا، کیوں‌کہ انھیں اپنی حکومت کے مختلف منصوبوں کا افتتاح منسوخ کرنا پڑتا” style=”style-8″ align=”left” author_name=”ترجمان کانگریس”][/bs-quote]

    کانگریس کے ترجمان رندیپ سورجیوالا نے خصوصی پریس کانفرنس میں کہا کہ مودی نے فوری مذمتی بیان بھی جاری نہیں‌ کیا، کیوں کہ اس وقت وہ ایک دستاویزی فلم کی شوٹنگ میں مصروف تھے.

    کانگریس کا یہ بھی کہنا تھا کہ نریندر مودی نے اس لیے سوگ کا اعلان نہیں کیا، کیوں‌کہ انھیں اپنی حکومت کے مختلف منصوبوں کا افتتاح منسوخ کرنا پڑتا۔

    مزید پڑھیں: پاکستان مخالف پالیسی کے بجائے مودی سرکار کارکردگی پر الیکشن لڑے: فواد چوہدری

    کانگریس کے ترجمان نے مودی سرکار پر کڑی تنقید کرتے ہوئے کہا دنیا میں کوئی ایسی نکمی اور ناکارہ حکومت بھی ہے، جس کے وزیر اعظم فوجیوں پر حملے کے بعد فلم کی شوٹنگ کرتے رہیں؟ کیا یہی ہے بی جے پی کی قوم پرستی؟ کیا یہی ہے مودی حکومت کی اصلیت؟

    انھوں نے واقعے کے فوری بعد نریندر مودی کے جنوبی کوریا کے دورے پر بھی کڑی تنقید کی.