Tag: bla commander

  • سیکیورٹی فورسز کا آپریشن، کالعدم جماعت کے کمانڈر سمیت 6 دہشت گرد ہلاک

    سیکیورٹی فورسز کا آپریشن، کالعدم جماعت کے کمانڈر سمیت 6 دہشت گرد ہلاک

    راولپنڈی: سکیورٹی فورسز نے بلوچستان میں دہشت گردوں کے بڑی کارروائی کرتے ہوئے بی ایل اے کے کمانڈر سمیت چھ دہشتگردوں کو ہلاک کر دیا ہے۔

    پاک فوج کے شعبہ تعلقات عامہ (آئی ایس پی آر) کے مطابق دہشتگردوں کی موجودگی کی اطلاع پر سیکیورٹی نے بلوچستان کے علاقے ہرنائی میں آپریشن کیا، آپریشن کے دوران دہشتگردوں نے فرارہونے کی کوشش کے دوران اندھا دھند فائرنگ کی۔

    آئی ایس پی آر کے مطابق سکیورٹی فورسز اور دہشتگردوں کے درمیان فائرنگ کے شدید تبادلے میں بی ایل اے کمانڈر طارق عرف ناصر سمیت چھ دہشتگرد مارے گئے۔ آپریشن کے دوران ہتھیار اورگولیاں قبضے میں لے لی گئیں۔

    آئی ایس پی آر کے مطابق سیکیورٹی فورسز کے دہشتگردوں کے خاتمے کے لیے آپریشنز جاری رہیں گے، دہشتگردوں کو ملکی امن استحکام کو برباد کرنے نہیں دیں گے، بلوچستان کے عوام کی سماجی اوراقتصادی ترقی کوسبوثاژ کرنے نہیں دیاجائےگا۔

    یہ بھی پڑھیں: سی ٹی ڈی کی مستونگ میں کارروائی ، 9 دہشت گرد ہلاک

    واضح رہے کہ آج کے روز بلوچستان میں سیکیورٹی فورسز کی یہ دوسری بڑی کارروائی ہے، اس سے قبل کاؤنٹر ٹیررازم ڈپارٹمنٹ (سی ٹی ڈی) نے مستونگ میں کارروائی کے دوران 9 دہشت گردوں کو ہلاک کیا تھا۔

    ترجمان سی ٹی ڈی کا کہنا ہے کہ کارروائی میں لیویز فورس ، پولیس ، ایف سی اور سی ٹی ڈی اہلکاروں نے حصہ لیا جبکہ کالعدم تنظیم کے زیراستعمال کیمپ سے اسلحہ وگولہ بارود بھی برآمد ہوا، برآمد اسلحے میں نو کلاشنکوف ، 20 کلو دھماکہ خیز مواد ، راکٹ اور گولے شامل تھے۔

  • سکیورٹی فورسزکی کارروائی، بی ایل اے کمانڈراسلم عرف اچھوسمیت چھ ہلاک

    سکیورٹی فورسزکی کارروائی، بی ایل اے کمانڈراسلم عرف اچھوسمیت چھ ہلاک

    کوئٹہ : سبی میں سکیورٹی فورسز نے کارروائی کرکے کالعدم بی ایل اے کے کمانڈر اسلم عرف اچھو کو ہلاک کردیا، مقابلے میں اسلم عرف اچھو کے 6سے زائد ساتھی بھی مارے گئے۔

    ترجمان بلوچستان حکومت کے مطابق سکیورٹی فورسز نے سبی کے علاقے میں سرچ آپریشن کیا. آپریشن کے دوران دہشت گردوں کی جانب سےسکیورٹی فورسز پر فائرنگ کی گئی جس سے 2سکیورٹی اہلکار شہید ہو گئے جبکہ جوابی فائرنگ کے نتیجے میں 6 دہشت گرد مارے گئے۔

    سکیورٹی ذرائع کا کہنا ہے کہ ہلاک ہونے والے دہشت گردوں میں کالعدم تنظیم کا اہم کمانڈراسلم اچھو بھی شامل ہے جبکہ آپریسن کے دوران بھاری مقدارمیں دھماکہ خیزمواد اوراسلحہ بھی برآمد کیا گیا ہے۔

    اسلم عرف اچھو پی ایم ڈی سی کے مزدوروں کے قتل میں بھی ملوث تھا، بلوچستان کی حکومت کےترجمان انوار الحق کاکڑ نے ایک پریس کانفرنس میں بتایا کہ اسلم اچھو صوبے میں تخریب کاری کی متعدد وارداتوں میں ملوث تھا۔

    انہوں نے بتایا کہ اس کے سر کی قیمت 60لاکھ روپےمقرر تھی۔ وہ بی ایل اے میں حر بیار مری کا نائب تھا۔اس کے خلاف دو درجن سے زائد مقدمات درج ہیں۔

    اسلم عرف اچھو ،میرک بلوچ کےنام سےصحافیوں کوکارروائیوں سے آگاہ کرتاتھا، اسلم عرف اچھو کےسر کی قیمت 60لاکھ روپے مقرر تھی۔

    ذرائع کے مطابق اسلم عرف اچھو کاحیربیارمری سےبراہ راست رابطہ تھا، اس کوحیربیار کا جانشین بھی کہاجاتا تھا۔